KANADA BİZNES VİZASINI NECƏ ALA BİLƏRƏM ?

Yeniləndi: 29 aprel 2025 1522 baxış 6 dəq. oxu

Kanada milyonlarla insanın xəyallarını bəzəyən ölkələr siyahısında yer alır. Səyahət üçün ideal ölkə hesab olunan Kanadaya hər il 50 milyona yaxın turistik səbəblərlə üz tutur. Coğrafiyası, təbiəti və iqlimi, Toronto, Ottava, Monreal, Vankuver kimi böyük turistik şəhərləri, Niaqara şəlaləsi, sadalamaqla bitməyəcək sayda turizm obyektlərinə sahib bu soyuq ölkə hər bir şəxs üçün “isti səyahət hədəfinə” çevrilib. Kanada vizasını əldə etmək bir çoxları üçün çətin, hətta mümkünsüz görünə bilər. Ancaq düzgün prosedur apararaq, həmçinin düzgün seçimlər edib şansınızı artıracaq faktorları öyrənərək mümkünsüz görünəni mümkün edə bilərsiniz! Kanadaya həmçinin, tez-tez biznes məqsədli səfərlər də təşkil olunur. Əgər siz də bu məqsədlə Kanadaya işgüzar səfər reallaşdırmaq istəyirsinizsə, Kanada biznes (işgüzar səfər) vizasına müraciət edə bilərsiniz. Biznes vizaya müraciət zamanı sizə hansı sənədlərin lazım olacağı, dəvət məktubu və ümumi viza proseduru haqqında ətraflı məlumatı bu məqalədən oxuya bilərsiniz.

Kanada Viza Növləri

national flags

Turizm məqsədilə Kanadaya səyahət etmək istəyirsinizsə, Kanada turizm vizasına müraciət edirsiniz. Bu viza növünə müraciət səbəbləri turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan nüanslar ola bilər. Əgər siz Kanadada müddəti 6 aydan çox olan uzunmüddətli təhsil (bakalavr, magistr, doktorantura və s. kimi) almaq və ya burada yerləşən bir qurumda daimi işləmək istəyirsinizsə, həmin təhsil və iş qurumlarından rəsmi dəvət və ya qəbul məktublarınız olduğu təqdirdə Kanada milli vizasına (yaşayış icazəsinə) da müraciət edə bilərsiniz.

Qısamüddətli biznes (işgüzar) səfərinizi reallaşdırmaq üçün də siz Kanada vizasının “biznes viza” növünə müraciət edirsiniz. Qeyd edək ki, qısamüddətli biznes viza sizə Kanadada daimi işləmək hüququ vermir, bu viza sizin öz biznes səfərinizi reallaşdırmağınız üçün təqdim olunur.

Kanada Turizm Vizası

canadian visa

Kanada turizm vizası “Visitor Visa” başlığı ilə təqdim olunub.

Kanada vizası müraciətçilərə çoxgirişli və pasportunzun etibarlılıq müddətinin sonunadək verilir. Məsələn, yeni əldə etdiyiniz pasportunuzun 10 il etibarlılıq müddəti olursa, Kanada vizası da sizə onillik verilmiş sayılır. Siz bu vizanı əldə etdikdən sonra Kanadada ardıcıl olaraq ən çoxu 6 ay qala bilərsiniz. Viza çoxgirişli verildiyinə görə, maksimum 6 ay sonunda siz Kanadanı tərk edə və yenidən geri dönüb növbəti 6 ay müddətinə qala bilərsiniz.

Kanada Vizası Müraciəti üçün Sənədlər Toplusu

 declaration card

Kanada biznes vizasına müraciət edərkən siz aşağıdakı sənədləri təqdim etməlisiniz:

  1. Xarici pasportunuzun orijinalı və birinci səhifəsinin surəti
  2. Əgər varsa, əvvəlki vizalarınızın və giriş-çıxış möhürlərinizin surətləri
  3. Şəxsiyyət vəsiqənizin surəti
  4. İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
  5. Adınıza olan bank hesabından arayış* və çıxarış (Məbləğ barədə aşağıda detallı məlumat qeyd olunub)
  6. Əgər varsa, adınıza olan mülklərin çıxarışlarının* və maşınınızın texpasport kopyası
  7. Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
  8. 3.5x4.5 ölçüdə, ağ fonda şəkliniz
  9. Səyahətiniz üçün etdiyiniz aviabilet bronları
  10. Səyahətiniz üçün etdiyiniz otel rezervasiyaları
  11. İngilis dilində doldurulmuş ərizə formalarınız
  12. Viza rüsumunun ödənilməsini təsdiq edən sənədiniz
  13. Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu

Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.

Dəvət məktubunun orijinalı yoxdursa, siz skan versiyasını çap şəklində səfirliyə təqdim edə bilərsiniz. Mütləq şəkildə dəvət məktubunun üzərində sizi dəvət edən qurumun imza və möhürü olmalıdır. Həmçinin, dəvət məktubunun üzərində dəvət edilən şəxsin, yəni sizin mütləq şəkildə adınız, soyadınız, əlavə olaraq isə mümkündürsə, doğum tarixiniz, pasport nömrəniz, səyahət tarixləriniz qeyd olunmalıdır. Əgər qalacağınız yer sizi dəvət edən qurum tərəfindən təşkil olunursa, bu halda qalacağınız ünvan sizə göndərilən dəvət məktubunda qeyd olunduğu təqdirdə sənədlərinizin arasına otel bronu qoymaya bilərsiniz.

Bank hesabınızdakı məbləğ sizin göstərdiyiniz səyahət tarixlərinizdən, yəni Kanadada qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 5.000-7.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə ölkə ərazisində qalacağınızı göstərdiyiniz hər gün üçün ortalama 70-80 dollar gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.

Əgər xərcləriniz sizi dəvət edən qurum tərəfindən qarşılanırsa, bu nüans mütləq şəkildə dəvət məktubunda qeyd olunmalıdır. Bu halda siz bank hesabınızdan arayış təqdim etməyə bilərsiniz, ancaq hər bir halda məsləhətdir ki, öz adınıza hesabınızda olan kiçik də olsa, bir məbləğ göstərəsiniz.

Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti, Vergilər Nazirliyindən dövriyyəniz haqqında verilmiş arayış, şirkətinizin reyestrdən çıxarışı) səfirliyə təqdim edə bilərsiniz. Əgər siz işləmirsinizsə, təhsil alırsınıza və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədin surətini də viza müraciəti zamanı təqdim etmək lazımdır.

Qeyd edək ki, VÖEN, Vergilər Nazirliyindən dövriyyə haqqında arayış, şirkətinizin reyestrdən çıxarışı və ya sponsorluq kağızı, icazə kağızı kimi sənədləri təqdim etdiyiniz halda da bu sənədlərin hər birini notarial qaydada ingilis dilinə tərcümə və təsdiq etdirməlisiniz.

Viza Proseduru

canadian money

Kanada viza müraciətini iki cür etmək mümkündür: onlayn və kağız üzərində müraciət.

Onlayn müraciət

Onlayn müraciət zamanı müraciətçi onlayn portalda özü üçün bir hesab yaradır. Həmin hesaba daxil olaraq müraciət etmək istədiyi viza növünü seçir, lazımi sualları cavablandırır və bundan sonra tələb olunan sənədlərin (eyni zamanda ərizə formalarının) siyahısı göstərilən bir səhifə açılır. Bütün sənədlər sistemə yükləndikdən sonra isə müraciət təsdiqlənir, ödəniş etmək üçün səhifəyə yönləndirilir və onlayn şəkildə ödəniş edilir. Bundan sonra isə növbəti addımlar barədə bütün bildirişlər həmin hesaba göndərilir. Bildiriş gəldikdən sonra, müraciətçi həmin bildirişi çap edib pasportu ilə birlikdə ən yaxın viza mərkəzinə yaxınlaşıb barmaq izi verməlidir.

Barmaq izini verdikdən sonra artıq viza proseduru başlayır. Cavab bəlli olduqda isə yenidən hesaba bildiriş gəlir. Əgər cavab mənfidirsə, imtina səbəbini göstərilən bir bildiriş olur. Əgər cavab müsbətdirsə, pasporta viza etiketini yapışdırmaq üçün pasportun əsli tələb olunur. Müraciətçi həmin bildirişi çap edərək, pasportu ilə birlikdə viza müraciət mərkəzinə yaxınlaşır. Viza müraciət mərkəzi pasportu təhvil alır və viza etiketinin yapışdırılması üçün Ankaradakı Kanada səfirliyinə göndərir. Pasportun Kanada Səfirliyinə göndərilməsi, viza etiketinin yapışdırılması və Kanada Səfirliyindən geri viza müraciət mərkəzinə göndərilməsi proseduru təqribən 6-8 iş günü çəkir.

Kağız üzərində müraciət

Bu tip müraciət zamanı pasport da daxil olmaqla bütün tələb olunan sənədlərin əsli viza müraciət mərkəzinə təqdim olunur və onlar da öz növbəsində bu sənədləri Kanadanın Ankaradakı səfirliyinə göndərirlər. Ərizə formaları isə elektron şəkildə doldurulur, çap edilir və imzalanır. Onlar da sənədlərlə birlikdə viza müraciət mərkəzinə təqdim edilir. Sənədləri təqdim edərkən eyni zamanda barmaq izi də götürülür.

Viza rüsumu isə yenidən onlayn şəkildə edilir və ödəniş etdikdən sonra çek çap olunaraq sənədlərin arasına əlavə edilir.

Viza nəticəsi bəlli olduqdan sonra əgər viza verilibsə, pasport içərisində viza etiketi ilə birlikdə geri qaytarılır. Əgər vizaya imtina gəlibsə, pasport imtina kağızı ilə birlikdə geri qaytarılır.

Ümumilikdə isə Kanada turist viza müraciəti, adətən, 150-210 iş günü aralığında davam edir.

Viza xərclərinə 122 CAD (Kanada dolları) səfirliyin rüsumu, 85 CAD biometrik datanın götürülməsi üçün rüsum və 25 AZN viza müraciət mərkəzinin rüsumu daxildir. Siz 122 CAD + 85 CAD rüsumu onlayn olaraq, 25 AZN rüsumu isə viza mərkəzində nağd olaraq ödəyirsiniz.

Kanada Vizası Alma Ehtimalı

 embassy on montaigne avenue

Bütün ölkələrin səfirliyinə viza müraciəti edərkən olduğu kimi Kanadada da sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin normal və yaxşı olması, aylıq gəlirinizin standart maaş aralığından yüksək olması (təcrübədə 700-800 AZN aralığında aylıq gəliri olan şəxslərə viza alınması halı da dəfələrlə yaşanıb), bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) mövcudluğu və yaxşı səyahət tarixçənizin olması sizin Kanada vizası alma şansınızı artıran faktorlardır. Daha öncə səyahət tarixçəsi olmamış, yəni Şengen və ya digər viza sahibi olmayan şəxslər üçün Kanada vizasına müraciət riskli hesab olunur. Səyahət tarixçənizin yaxşı olması, daha öncə Şengen, ABŞ, Birləşmiş Krallıq kimi ölkələrin vizalarını almış olmağınız sizin Kanada vizasını əldə etməyinizə birbaşa, yüksək təsir göstərən amildir. Həmçinin, təcrübəmiz göstərir ki, Kanada vizasına müraciət edərkən sizin aktiv ABŞ vizanızın olması sizin üçün böyük üstünlük təşkil edir. Biznes vizaya müraciət zamanı isə təqdim edəcəyiniz rəsmi dəvət məktubu sizin viza alma şansınızı yetərincə yüksəldə bilər. Əgər dəvət məktubunuzda göstərilən səfər məqsəd və səbəbiniz sizin işlədiyiniz sahə ilə bağlıdırsa və ya siz daha öncə də oxşar biznes səfərlər həyata keçirmisinizsə, bu nüanslar sizin profilinizə kifayət qədər müsbət təsir göstərəcək.

Kanadaya Viza Dəstəyi

ottawa river and canadian parliament

Biz Vizam.az şirkəti olaraq sizə Kanada vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə viza mərkəzində sizin adınıza görüş təyin olunması, ərizə formalarınızın doldurulması, sənədlərinizin peşəkar qaydada hazırlanması və sistemə yüklənilməsi, səyahətinizi əhatə edəcək uçuş biletlərinizin rezervasiyası, otellərin bronu və ya istəyinizə uyğun şəkildə alınması, viza üçün səyahət tur planınızın qurulması, konsultasiya, viza prosedurunuzun izlənilməsi daxil olacaq. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum 16 AZN təşkil edəcək. Ümumi olaraq isə bizim şirkətimizdə Kanada səyahət vizasına dəstək xidmət haqqı bir nəfər üçün 210 AZN təşkil edir.

Sifarişinizi yerləşdirmək üçün buraya klikləyə, əlavə məlumat almaq üçün 010/50/55-3000135 nömrələri ilə əlaqə saxlaya bilərsiniz.

20 may 2025 tarixinədək Kanada vizası üçün dəstək xidmətimiz cəmi 95 AZN-dir.

Kanada sizə uzaq görsənsə də, əslində düzgün addımlarla sizə çox yaxındır! Xoş səyahətlər!

Yeniləndi: 22.01.2025

Oxşar yazılar:

Amerikada Yaxın Qohum Yanına Getmək Üçün Hansı Viza Uyğundur?

Amerikada Yaxın Qohum Yanına Getmək Üçün Hansı Viza Uyğundur?

Əgər siz Amerikada yaşayan yaxın qohumunuzun yanına getmək barədə düşünürsünüzsə, ilk öncə hansı məqsədlə və nə qədər müddətə səfər etmək istədiyinizi müəyyənləşdirməyiniz vacibdir. ABŞ-a səfərlər zamanı viza rejimi və prosedurlar səfərin məqsədindən istər müvəqqəti ziyarət, istərsə də daimi yaşamaq asılı olaraq dəyişir. Ona görə də düzgün viza növünü seçmək və ona uyğun sənədlərlə müraciət etmək […]

Vizam.az 30 may 2025
Gecikmiş və Ləğv Olunmuş Uçuşlar üçün Kompensasiya Şirkətləri

Gecikmiş və Ləğv Olunmuş Uçuşlar üçün Kompensasiya Şirkətləri

Neçə dəfə uçuş qaçırmısınız? Yoxsa uçuşunuz ləğv olunub və saatlarla hava limanında gözləməli olmusunuz? Bəlkə də indi bu yazını oxuyarkən elə həmin situasiyadasınız: təyyarəniz gecikir, nə vaxt qalxacağı bəlli deyil, personal isə konkret heç nə demir. Ən pisi isə odur ki, bu vəziyyətə görə nə edəcəyinizi bilmirsiniz. Əslində, çox az insan uçuş gecikmələrinin və ləğvlərinin […]

Vizam.az 30 may 2025
Work and Travel Proqramı üçün Viza Necə Ala Bilərəm?

Work and Travel Proqramı üçün Viza Necə Ala Bilərəm?

Work and Travel proqramı, əsasən universitet tələbələri üçün nəzərdə tutulmuş beynəlxalq bir mübadilə proqramıdır. Bu proqram vasitəsilə tələbələr yay tətili dövründə ABŞ-a səyahət edir, orada işləyir və eyni zamanda Amerika mədəniyyətini yaxından tanımaq imkanı qazanırlar. Sadə dillə desək, bu proqram sizə həm tətil edib dünyagörüşünüzü genişləndirmək, həm də işləyib qazanc əldə etmək fürsəti yaradır. Əsas […]

Vizam.az 29 may 2025
Belçika Şengen Vizası Necə Ala Bilərəm?

Belçika Şengen Vizası Necə Ala Bilərəm?

Belçika Avropanın mərkəzində yerləşən kiçik amma çox maraqlı ölkədir. Əgər siz həm tarixi, həm də müasir həyat tərzini bir yerdə görmək istəyirsinizsə, Belçika yaxşı seçimdir. Burada orta əsrlərdən qalma şəhərlər, gözəl arxitektura, incəsənət muzeyləri və əlbəttə, dünyanın ən məşhur şokoladları, pivələri ilə tanış ola bilərsiniz. Brüssel, Antverpen, Gent kimi şəhərlər səyahət üçün əla məkanlardır. Belçikada […]

Vizam.az 26 may 2025
İspaniyaya Səyahət Hazırlığı

İspaniyaya Səyahət Hazırlığı

Əgər ilk dəfə Avropaya gedirsinizsə, İspaniya çox uyğun seçimdir: insanlar mehribandır, turistlərə qarşı açıq münasibət göstərirlər və mədəni cəhətdən çox maraqlı bir ölkədir. Həm şəhərləri gəzmək, həm də istirahət etmək üçün əlverişlidir. Səyahətdən əvvəl gündəlik büdcənizi təyin edin, çünki bəzi şəhərlərdə qiymətlər yüksək ola bilər. Amma supermarketlər və yerli yemək yerlərində münasib qiymətlərlə qidalanmaq mümkündür. […]

Vizam.az 26 may 2025
Nomad Vizası ilə İspaniyada Yaşamaq

Nomad Vizası ilə İspaniyada Yaşamaq

Əgər siz də deyirsinizsə ki, həm Avropada yaşamaq istəyirəm, həm də uzaqdan işləmə fürsətimi itirmək istəmirəm – İspaniyanın digital nomad vizası (ya da “teletrabajo de carácter internacional”) bu istəklərinizi reallaşdıra bilər. Bu viza xüsusilə xarici ölkələr üçün işləyən və lokasiya baxımından müstəqil çalışan şəxslər üçün nəzərdə tutulub. Gəlin, bu viza ilə İspaniyada necə yaşamaq və […]

Vizam.az 23 may 2025
Tayland Vizası Necə Ala Bilərəm?

Tayland Vizası Necə Ala Bilərəm?

Deyirsiz həm ucuz olsun, həm dəniz olsun, həm yeni yerlər görüm, həm yeməkləri maraqlı olsun, amma çox da xərcim çıxmasın? Bax, o dediyinizin adı Tayland. Bir dəfə gedəndən sonra “niyə bu vaxta qədər getməmişdim?” deyəcəksiz. Tayland istirahət anlayışını bir az dəyişdirir. Yəni təkcə günəşin altında uzanmaqdan getmir söhbət. Burda həm şəhərin səsi var, həm dənizin […]

Vizam.az 23 may 2025
Şengen vizası nədir və necə almaq olar?

Şengen vizası nədir və necə almaq olar?

Madriddə günorta saatlarında bir parkda oturub isti nata yeyirsən, insanlar günəşlənir və həyat çox yavaş gedir. Romada köhnə bir küçədə pizza alırsan, ayaqüstü yeyirsən. Parisdə səhər tezdən bir kafedə oturursan, baget, yağ, bir də kafe au lait hamısı sadə şeylərdi, amma yerində başqa cür gəlir. Hansısı olursa-olsun, bunları reallaşdırmaq ücün ilk addım Şengen vizasını almaqdır. […]

Vizam.az 22 may 2025
Amerikada Dil Kursları üçün F1 Vizası

Amerikada Dil Kursları üçün F1 Vizası

ABŞ-da dil öyrənmək xəyalı quranlar üçün F1 tələbə vizası bu arzuya çatan yolda ilk addımdır. Bu viza sayəsində siz Birləşmiş ŞT-nin tanınmış dil məktəblərində qanuni şəkildə təhsil ala bilər, eyni zamanda mədəniyyətini yaxından tanıya bilərsiniz. Bu bloqda sizə F1 vizası almaq üçün nələr etməliyiniz, hansı sənədlərə ehtiyac olduğu, viza müsahibəsində sizi nələrin gözlədiyi haqqında dolğun […]

Vizam.az 20 may 2025
Londona Səyahət Hazırlığı

Londona Səyahət Hazırlığı

Londona ilk dəfə səyahət edənlər üçün planlaşdırma mərhələsi bir qədər qarışıq görünə bilər. Sənədlərin düzgün hazırlanması, yaşayış və nəqliyyat məsələlərinin əvvəlcədən planlaşdırılması, büdcə təxmini və yerli qaydalara bələd olmaq uğurlu və stresssiz bir səyahətin əsas şərtləridir. Bu blog yazısında, Londona getməzdən əvvəl bilməli olduğunuz bütün vacib detalları bir araya topladıq. Londona Səfər Üçün Hansı Sənədlər […]

Vizam.az 19 may 2025