2026-ci ilin Şengen Vizası Rüsumları: Ən Son Dəyişikliklər

Avropaya səyahət etməyi planlaşdıranların qarşısına ilk çıxan anlayışlardan biri “Şengen vizası” olur. Bu viza növü 26-dan çox Avropa ölkəsinə sərbəst giriş imkanı yaradır və turizm, iş, təhsil, eləcə də ailə ziyarəti üçün ən çox tələb olunan vizadır. 2025-ci ildə Şengen vizası almaq istəyənlər üçün prosedurlar, sənədlər və müraciət qaydalarında bəzi yeniliklər mövcuddur. Bu blogda sizə Şengen vizası haqqında bütün əsas məlumatları – hansı ölkələrə şamil olunduğunu, hansı sənədlərin tələb edildiyini, hansı mərkəzlərə müraciət etməli olduğunuzu və tez-tez verilən sualları izah edəcəyik.

Şengen Vizası Nədir?

Şengen vizası, Avropa ölkələrinin daxil olduğu Şengen zonasına səyahət etməyə imkan verən rəsmi səyahət icazəsidir. Bu viza ilə sərhəd nəzarəti olmadan bir ölkədən digərinə keçmək mümkündür. Bu viza ilə siz viza verən ölkəyə daxil olmaqla yanaşı, digər Şengen ölkələrinə də sərbəst şəkildə səyahət edə bilərsiniz. Şengen vizası əsasən qısa müddətli (C tipi) və uzun müddətli (D tipi) olmaqla iki əsas kateqoriyada verilir.

Şengen zonası nədir və hansı ölkələri əhatə edir?

Şengen sazişi 14 iyun 1985-ci ildə Lüksemburq yaxınlığında yerləşən Şengen şəhərində imzalanıb. Sazişin məqsədi Avropa ölkələri arasında sərhəd nəzarətini aradan qaldırmaq və azad hərəkəti təmin etməkdir. Saziş 1995-ci ildən etibarən tətbiq olunmağa başlanıb. Hal-hazırda 27 ölkə bu zonaya daxildir. Bu bölgədə sərbəst hərəkət hüququ mövcuddur.

2025-ci il üçün Şengen Ölkələri

Şengen vizasının növləri

Qısa müddətli turist vizası (C tipi)

Ən çox müraciət edilən viza növüdür. Səyahət, istirahət, ailə görüşü və ya qısa biznes səfərləri üçün verilir. 90 günə qədər qalmağa icazə verir. Viza birdəfəlik və ya çoxdəfəlik ola bilər.

İşgüzar səfər vizası

Əgər bir şirkət dəvəti ilə tədbir, görüş və ya konfransa qatılırsınızsa, bu viza alınmalıdır. Dəvət məktubu və işgüzar fəaliyyətlə bağlı sənədlər əsas şərtdir.

Tələbə vizası (qısa müddətli)

Qısa müddətli kurslar, seminarlarda iştirak üçün nəzərdə tutulur. Əgər uzunmüddətli təhsil almaq istəyirsinizsə, D tipi tələbə vizasına müraciət olunmalıdır.

Tranzit vizası

Hava limanlarında uçuş dəyişdirərkən lazım ola bilər. Əgər Şengen ölkəsində aeroportdan çıxmırsınızsa, çox zaman bu viza tələb olunmur. Amma bəzi ölkələrdə tranzit üçün belə viza şərtdir.

Uzun müddətli (D tipi) viza və onun fərqləri

Təhsil, ailə birləşməsi, iş icazəsi və ya uzunmüddətli yaşamaq məqsədilə verilir. D tipi viza ilə həmin ölkədə yaşamaq, işləmək və qeydiyyata düşmək mümkündür. Bu viza ilə digər Şengen ölkələrində yalnız qısa səfərlər etmək olar.

Şengen vizası üçün tələb olunan sənədlər

• Pasport: Viza başa çatdıqdan sonra ən azı 3 ay etibarlı olmalıdır. Son 10 il ərzində verilməlidir və ən azı 2 boş səhifəsi olmalıdır.
• Viza ərizə forması: Rəsmi viza forması doldurulmalı və imzalanmalıdır.
• Fotoşəkil: 3.5x4.5 sm ölçüdə, son 6 ayda çəkilmiş, fonu açıq rəngli, biometrik qaydalara uyğun.
• Səyahət sığortası: Şengen zonasında minimum 30.000 avro məbləğində tibbi sığorta təmin edilməlidir.
• Aviabilet və otel bronları: Gediş-dönüş uçuş bileti və yaşayış yeri ilə bağlı təsdiqedici sənədlər təqdim olunmalıdır.
• Maddi vəsait sübutları: Son 3 ayın bank çıxarışı, maaş arayışı və ya sponsorluq məktubu təqdim olunmalıdır.
• Dəvət məktubu: Əgər kimsə tərəfindən dəvət almısınızsa, bu məktub rəsmi formada olmalı və əlavə sənədlərlə (şəxsiyyət vəsiqəsi, yaşayış yerinin sənədi) təsdiqlənməlidir.
• Əlavə sənədlər:
  • Məşğulluq sənədi (iş yerindən arayış)
  • Tələbə bileti və ya universitetdən arayış
  • Sahibkarlıq sənədi (VÖEN, vergi hesabatı və s.)

Şengen vizası üçün hansı viza mərkəzlərinə müraciət edilir?

Hər mərkəzdən istifadə etməzdən əvvəl, viza rüsumu, ödənişlər, randevu alınması və rədd səbəblərini nəzərdən keçirmək vacibdir.

VFS Global

• Qəbul etdiyi ölkələr: Avstriya, Bolqarıstan, Xorvatiya, Çexiya, İslandiya, İtaliya, Latviya, Litva, Norveç.
• Randevu prosesi: Online sistem üzərindən həyata keçirilir. Viza müraciəti üçün randevu almaq vacibdir. Randevu zamanı sənədlərin yığılması və doğru təqdim edilməsi vacibdir.
• Ödəniş: 35 avro.
• Bakı ofisi: Xətai rayonu, Cavanşir küçəsi.
• Əlavə xidmətlər: Sənəd tərcüməsi, foto çəkilişi və sürətli xidmət imkanı.
• Cavab müddəti: 7-15 iş günü. Müraciət etdiyiniz ölkəyə görə cavab müddəti dəyişə bilər.

Visametric

• Xidmət göstərdiyi ölkələr: Almaniya.
• Proses: Elektron randevu → sənəd qəbulu → biometrik məlumatların alınması. Elektron randevu aldıqdan sonra sənədlərin təqdim edilməsi və biometrik məlumatların toplanması tələb olunur.
• Ödəniş 35 avro.
• Cavab müddəti: 10-15 iş günü. Xüsusi hallarda, bu müddət daha uzun ola bilər.Planlaşdırılmış səyahət tarixindən 180 gündən tez olmayaraq Şengen vizasına müraciət oluna bilər.

Capago

• Xidmət göstərdiyi ölkələr: Fransa, Belçika, Lüksemburq, Monako, Hollandiya, Portuqaliya, İspaniya, İsveç.
• Addımlar: Online qeydiyyat → sənədlərin təqdimatı → biometrik məlumatlar.
• Əlavə xidmətlər: Premium paket, sənəd tərcüməsi, foto çəkilişi, sürətli xidmət imkanı, təyinat dəyişiklikləri.
• Ödənişlər: 35 avro.
• Cavab müddəti: 7-15 iş günü müddətində davam edir. .

BLS

• Xidmət göstərdiyi ölkələr: Macarıstan, Slovakiya.
• Addımlar: Slovakiya və Macarıstan görüşləri BLS saytından təyin edib, sənədləri visametricə təhvil vermək lazımdr.
• Əlavə xidmətlər: Premium paket, sənəd tərcüməsi, foto çəkilişi, sürətli xidmət imkanı, təyinat dəyişiklikləri.
• Ödənişlər: 35 avro.
• Cavab müddəti: Ərizəçi planlaşdırılan səyahətdən 3 aydan tez və 15 iş gününden gec olmayaraq müraciət edə bilər. Viza müraciətlərinə baxılması 7-15 iş günü müddətində davam edir. Lakin konsul əlavə sənədlər tələb edərsə bu müddət uzana bilər. Viza müraciətlərinə baxılması müddəti bəzi ölkələrin vətəndaşları üçün daha uzun çəkə bilər.

Yunanıstan Vizası

• Müraciət yeri: Yunanıstan Səfirliyi
• Orta cavab müddəti: 7–14 gün. Əgər sənədlər tam təqdim edilsə və müvafiq addımlar izlənilsə, cavab müddəti daha qısa ola bilər.
• Ödəniş: 35 avro

İsveçrə Vizası

• Müraciət yeri: İsveçrə Səfirliyi
• Orta cavab müddəti: 10–15 iş günü. Müraciət olunan sənədlərin tamlığı və düzgünlüyü cavab müddətini qısalda bilər.
• Ödəniş: 35 avro

Polşa Vizası

• Müraciət yeri: Polşa Səfirliyi
• Orta cavab müddəti: 10-15 iş günü. Müraciət olunan sənədlərin tamlığı və düzgünlüyü, cavab müddətini qısalda bilər.
• Ödəniş: 35 avro

Ruminiya Vizası

• Müraciət yeri: Ruminiya Səfirliyi
• Orta cavab müddəti: 10-15 iş günü. Müraciət olunan sənədlərin tamlığı və düzgünlüyü, cavab müddətini qısalda bilər.
• Ödəniş: 35 avro

Şengen Vizası Üçün Müraciət Mərkəzləri və Məlumatları

Viza Dəstəyi

Biz Vizam.az şirkəti olaraq sizə Şengen vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə səfirlikdə sizin adınıza görüş təyin olunması, ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin rezervasiyası, otellərin bronu və ya istəyinizə uyğun şəkildə alınması, viza üçün səyahət tur planınızın qurulması, səfərinizi əhatə edəcək səyahət sığortasının edilməsi, konsultasiya, viza prosedurunuzun izlənilməsi daxil olacaq. Qeyd edək ki, səyahət sığortasının rüsumu bizim xidmət haqqıdan əlavə hesablanacaq. Bu sığortanı siz özünüz də etdirə bilərsiniz. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik.

Sifarişinizi yerləşdirmək üçün buraya klikləyə, əlavə məlumat almaq üçün 010/50/55-3000135 nömrələri ilə əlaqə saxlaya bilərsiniz.

Xoş səyahətlər!