Səyahət planlarınızda, Gürcüstan üzərindən uçuşlarınızda bu virusun təsirlərini nəzərə almalısınızmı?
Şəxsi analizim:
Virusun hazırki diapazonu çox genişdir. Virusa tutulanların, ölənlərin, sağalanların sayını online rejimdə bu mənbədən izləyə bilərsiniz: https://gisanddata.maps.arcgis.com/…/opsdashboa…/index.html…
Rahat demək olar ki, son dövrlərdə heçbir qlobal hadisə turizmə bu qədər ciddi zərbə vurmayıb. Danılmaz faktdır ki, dünyaya ən çox turist verən 1 nömrəli ölkə məhz Çindir. Digər tərəfdən dünyadan ən çox turist qəbul edən ölkələrin Top 5-liyində son bir neçə ildir ki, Çin və İtaliya yer alır.
Bu virusun statistikaları dünya ölkələrinin səhiyyə sisteminin gücünü göstərəcək bir vasitə kimi istifadə edilə bilər. Yuxarıda qeyd etdiyim mənbədə ölkələr üzrə faktlara baxın. Sinqapurda bugünə kimi 93 nəfər virusa yoluxub və onlardan 62-ini sağaltmağa nail olublar. 1 nəfər də hələki dünyasını dəyişməyib. Çinin özündə belə tutulanların 45% sağalıb və ya sağaldılıb. Amma digər tərəfdən hərgün tibbini təriflədiyimiz İranda 270 nəfər virusa yoluxan şəxsin artıq 26-ı dünyasını dəyişib. Düzdür, bu məsələdə xalqların cahilliklərini də nəzərə almalıyıq ki, bəlkə də ölənlərin əksəriyyəti heç vaxtında hospitallaşdırılmayıb və ya vəzaiyyəti barədə məlumatı gizlədib.
Gələk türk dünyasına. Azərbaycan, Türkiyə, Qazaxstan, Özbəkistan, Türkmənistan, Qırğızıstan. 6 ölkə. Hələki 1 dənə də olsun virus yoxdur. Adam lap Maaşallah demək istəyir amma buna inanmaq olarmı? Sadəlöhv olmayaq.
Siz səyahətlərinizdə bu virusu necə nəzərə almalısınız?
Hələ səyahət ölkənizi seçməmisinizsə, yuxarıdakı xəritəni nəzərə almanız, yaxşı olar. Avropada hələki virus qeydə alınmayan Çexiya, İslandiya (bura virusun çatma ehtimalı da minimaldır), Macarıstan, Portuqaliya, Polşa, Latviya, Ukrayna, Türkiyə kimi ölkələr var. Qlobalda isə Latın Amerikası, Cənubi Amerika, Afrika ölkələrinə səfərin əsl zamanıdır. CAR, Argentina, Meksika, Kuba, Peru və digər gözəlliklər hələki rəsmi olaraq virussuzdur.
Gürcüstandan uçuşum var, necə edəcəm?
Məndə olan məlumata əsasən Gürcüstanla olan sərhəd-keçid məntəqələrimiz hələki açıqdır. Bağlanma ehtimalı da o zaman yarana bilər ki, 2 tərəfdən birində rəsmi məlumatlara əsasən ciddi şəkildə virusun yayılma məlumatları bölüşülsün. İndiki vəziyyətdə əgər İranla olan quru sərhəddimiz qəti şəkildə bağlanılsa, bu halın minimum Novruz bayramına kimi olma ehtimalı çox aşağıdır. Novruzdan sonra isə yaya doğru böyük ehtimal virus zəifləyəcək.
Bu dəqiqə dövlətin verəcəyi ən qəti qərar İranla qurun sərhəddinin bağlanması olmalıdır. Bu qərar Novruz Turizminə nə qədər ziyan vursa da, gətirəcəyi fəsadların xərci bundan daha çox olacaq.
Virus vizaların alınmasına təsir edirmi? Vizam.az-dan olan müşahidələrimizə əsasən hələki yox amma ümumi turist sayı qismən aşağı düşür. Fikrimcə bu virus zəiflədikdən sonra qlobal səyahət nəhəngləri Şengen daxil viza prosessinglərini müəyyən qədər yüngülləşdirib, verilmə kvotalarını artıracaqlar. Turizmin bərpası üçün bu labüd olacaq.
Səyahətlərdə pasportun yanında maska və spirt artıq yeni Travel Trio-dur. Forsu qoyun bir kənara. Mümkün qədər də bu müddətdə isti ölkələrə səyahət edin.
Xoş Səfərlər!
