Əgər yaxın zamanda Avropaya səyahət planlayırsınızsa və hara gedəcəyinizə qərar verə bilmirsinizsə, sizə bir sirr verək – Avstriya tam da axtardığınız ölkə ola bilər. Təmiz və səliqəli küçələri, nağılvari şəhərləri, tarixi abidələri, dağ havası ilə dolu alp mənzərələri və zəngin musiqi irsi ilə Avstriya sizi ilk gündən valeh edəcək. Bura həm mədəniyyət sevərlərin, həm təbiət aşiqi olanların, həm də sadəcə sakit və xoş istirahət axtaranların sevimli istiqamətidir.
Avstriya həm tarixinizi hiss edəcəyiniz, həm də təbiətin qoynunda rahatlanacağınız bir ölkədir. Vyana və Zalzburg kimi şəhərlərdə qədim Avropa memarlığının möhtəşəm nümunələri, klassik musiqi və sənət qalereyaları sizi gözləyir. Digər tərəfdən isə, Avstriya Alp dağları qışda xizək sürmək, yayda isə yürüş etmək üçün əla fürsətlər təqdim edir.
Avstriyaya Səfər Üçün Ən Yaxşı Mövsüm Hansıdır?
Əslində Avstriyaya ilboyu səyahət edə bilərsiniz, çünki hər fəsildə öz gözəlliyini təqdim edir. Amma məqsədinizə görə ideal vaxt dəyişə bilər:
Yay fəsli (İyun–Avqust): Dağlarda yürüş və təbiət gəzintiləri üçün ideal zamandır. Şəhərlərdə isə açıq havada festivallar və konsertlər keçirilir. Hava isti və günəşlidir, turistlər isə çox olur.
Qış fəsli (Dekabr–Fevral): Əgər xizək sürmək, qarlı dağlar və Yeni İl atmosferi axtarırsınızsa, Avstriyanın Alp bölgələri – xüsusilə Tyrol və Zell am See – sizi gözləyir.
Yaz və Payız (Aprel–May və Sentyabr–Oktyabr): Daha sakit və romantik vaxtlardır. Qiymətlər nisbətən ucuz, təbiət isə möhtəşəmdir – çiçəklər və payız yarpaqları ilə dolu mənzərələr sizi valeh edəcək.
Avstriyada Görmədən Qayıtmayın Deyəcəyimiz Yerlər
Avstriyada elə yerlər var ki, onları görmədən bu ölkədən dönmək sanki bir şeyləri yarımçıq buraxmaq kimidir. Budur, sizə tövsiyə etdiyimiz must-see məkanlar:
Vyana (Wien): Paytaxt şəhəri klassik musiqi, incəsənət və zərif memarlıqla doludur. Şönbrunn Sarayı, Belvedere və Vyana Operası buradadır.
Zalzburg (Salzburg): Mozartın doğulduğu şəhər! Dağların arasında yerləşən bu şəhər həm də “The Sound of Music” filminin çəkildiyi yerdir.
Hallstatt: Dünyanın ən çox şəkil çəkilən kəndlərindən biridir. Göl kənarında yerləşən bu sakit və romantik kənd UNESCO tərəfindən qorunur.
Innsbruck: Alp dağlarının qoynunda, xizək və dağ idmanları üçün ideal şəhərdir.
Grossglockner Alp Yolu: Avstriyanın ən yüksək dağ yolu ilə səyahət etmək həm adrenalin, həm də unudulmaz mənzərələr deməkdir.
Avstriya Vizası Üçün Müraciət Prosesi
Avstriyaya səfər etməyi planlaşdırırsınızsa, ilk atacağınız addım Avstriya səfirliyi viza görüşü üçün appointment almaq olacaq. Viza müraciətləri hal-hazırda Avstriya səfirliyi appointment sistemi vasitəsilə onlayn şəkildə həyata keçirilir və görüş vaxtları adətən bir neçə həftə əvvəldən dolur. Ona görə də planlarınızı vaxtında qurmaq vacibdir.
Avstriya Şengen vizası ilə daxil olunan ölkələr sırasındadır və buna görə də Shengen vizası almaq üçün tələb olunan sənədlər siyahısına ciddi şəkildə riayət olunmalıdır. Müraciət zamanı VFS Global vasitəsilə sənədlərinizi təqdim etməli olacaqsınız – bu prosesə tez-tez Avstriya viza VFS adı ilə rast gəlirsiniz.
Sənədlər siyahısına daxil olan vacib sənədlərdən biri də iş yerindən arayışdır. Bu sənəd sizin maddi və peşəkar sabitliyinizi göstərmək üçün əsas sübutdur. Əgər siz tələbəsinizsə və Avstriya təhsil vizası üçün müraciət edirsinizsə, əlavə olaraq qəbul məktubu və təhsil sponsorluğu ilə bağlı sənədlər də tələb oluna bilər. Sponsorlu müraciətlərdə Sponsorluq məktubu Asan Xidmət tərəfindən notarial təsdiqlə təqdim olunmalıdır.
Avstriya Viza Növləri
Şengen ölkələri siyahısında yer alan Avstriyaya səyahətinizi Avstriya Şengen vizası vasitəsilə edə bilərsiniz. Bu viza növünə müraciət səbəbləri turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan nüanslar ola bilər. Avstriyada müddəti 90 gündən çox olan uzunmüddətli təhsil (bakalavr, magistr, doktorantura və s. kimi) almaq və ya Avstriyada yerləşən bir qurumda daimi işləmək istəyən şəxslər isə həmin təhsil və iş qurumlarından rəsmi dəvət və ya qəbul məktubları olduğu təqdirdə Avstriya milli vizasına da müraciət edə bilərlər.
Avstriya Şengen Vizası
Digər Şengen ölkələrinə oxşar olaraq Avstriya Şengen vizasının da təkgirişli və çoxgirişli növləri mövcuddur. Hər bir halda siz uzunmüddətli, yəni üç ay, altı ay, bir il, iki il və ya beş il müddəti əhatə edən vizalara da müraciət edə bilərsiniz. Avstriya Şengen vizasını əldə etdikdən sonra istənilən Şengen ölkəsinə giriş edə bilmək mümkündür. Ancaq hər bir halda biz məsləhət görürük ki, Şengen ərazisinə ilk girişinizi viza aldığınız ölkədən, yəni Avstriyadan edəsiniz. Əks halda siz viza müraciətiniz zamanı qeyd etmədiyiniz təqdirdə Avstriya vizası ilə Şengen ərazisinə başqa bir ölkədən giriş etməyə çalışsanız, nadir hallarda da olsa, bu sizin üçün problemə çevrilə, həmin ölkənin sərhəd xidməti sizi geri qaytara və ölkəyə girişinizə icazə verməyə bilər. Bu təcrübə bəzi hallarda yaşanıb və bu səbəblə də biz sizə bu riskdən qaçınmağı tövsiyə edirik.
Əgər siz Avstriya Şengen vizasına müraciət edirsinizsə, səyahətiniz boyu gün sayı, yəni müddət olaraq ən çox Avstriyada qalacağınızı göstərməlisiniz. Bir çox turist Avstriya səyahətlərini planlayarkən öz tur planlarına Macarıstan, Çexiya, Almaniya və bir sıra digər Avropa ölkələrini də daxil edirlər. Bu kimi hallar sizin viza müraciətinizdə heç bir problem yaratmayacaq nüanslardır. Sadəcə ümumi səyahətiniz müddətində ən çox qalacağınız ölkəni Avstriya göstərməyiniz viza üçün məhz Avstriya səfirliyinə müraciət edə bilməyiniz üçün yetərli olacaqdır.
Avstriya Şengen Vizası Müraciəti üçün Sənədlər Toplusu
Avstriya Şengen vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Elektron hökumət portalından işlə bağlı arayış*
- Adınıza olan bank hesabından arayış* (Məbləğ barədə aşağıda detallı məlumat qeyd olunub)
- Adınıza olan bank hesabından ən azı son 3 ayın çıxarışı
- Əgər varsa, adınıza olan mülklərin çıxarışlarının* və maşınınızın texpasport kopyası
- Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
- 2 ədəd 3.5x4.5 ölçüdə, biometrik və ağ fonda şəkliniz
- Səyahətiniz üçün etdiyiniz aviabilet bronları
- Səyahətiniz üçün etdiyiniz otel rezervasiyaları
- Səfərinizi tam əhatə edəcək Şengen qaydalarına uyğun səyahət sığortası
- İngilis dilində doldurulmuş ərizə forması
- Görüş təyininin təsdiqi barədə sistemdən verilmiş sənədin çap versiyası
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.
Sənədləriniz qəbul olunduqdan sonra hər bir halda viza prosedurunuz əsnasında səfirlikdən sizə zəng gələ və bu zəngdə sizdən yeni sənədləri təqdim etməyiniz tələb oluna bilər. Bəzi hallarda Avstriya səfirliyinin viza proseduru əsnasında müraciətçilərdən bron göstərdikləri otellərin alınmasını və bunu təsdiqləyən sənədlərin səfirliyə təqdim olunmasını tələb etdiyi görülmüşdür.
Bank hesabınızdakı məbləğ sizin göstərdiyiniz səyahət tarixlərinizdən, yəni Şengendə qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 3.000-5.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə Şengen ərazisində qalacağınızı göstərdiyiniz hər gün üçün ortalama 70-80 avro gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.
Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti, Vergilər Nazirliyindən dövriyyəniz haqqında verilmiş arayış, şirkətinizin reyestrdən çıxarışı) səfirliyə təqdim edə bilərsiniz. Əgər siz işləmirsinizsə, təhsil alırsınızsa və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədin surətini də viza müraciəti zamanı təqdim etmək lazımdır.
Qeyd edək ki, VÖEN, Vergilər Nazirliyindən dövriyyə haqqında arayış, şirkətinizin reyestrdən çıxarışı və ya sponsorluq kağızı, icazə kağızı kimi sənədləri təqdim etdiyiniz halda da bu sənədlərin hər birini notarial qaydada ingilis dilinə tərcümə və təsdiq etdirməlisiniz.
Viza Proseduru
Avstriya Şengen vizasını almaq üçün Avstriyanın Azərbaycandakı Səfirliyinə müraciət olunur. Viza haqda qərar səfirliyin konsulluq şöbəsində konsul tərəfindən verilir.
Sənədləri təqdim etmək üçün görümütləq şəkildə öncədən səfirlikdə görüş təyin edilməlidir. Viza müraciəti səfər tarixindən ən tez 6 ay əvvəl, ən gec isə 15 gün əvvəl edilə bilər. Müraciətçilərin sənədləri təqdim edərkən şəxsi iştirakı mütləqdir. Bu, hər yaşda olan uşaqlar və səyahət qruplarına da aiddir.
Şengen viza proseduru müraciət tarixindən etibarən 7 iş günü çəkə bilər.
Qeyd edək ki, təcrübəmiz göstərir ki, təcili biznes səfərləri olduqda email vasitəsilə sistemdə göstərilən vaxtdan daha tez vaxta görüş təyini mümkündür. Əlavə olaraq, bu kimi təcili hallarda viza cavabı 7 iş günündən daha tez (hətta 3 iş günü) çıxa bilər. Lakin, bu məsələ üzrə qərar tamamilə konsuldan asılıdır.
Viza rüsumu 35 avro olmaqla milli valyutada, yəni manatla nağd şəkildə ödənilməlidir. Viza rüsumunun manat ekvivalenti səfirlik tərəfindən günün məzənnəsinə görə tənzimlənir.
Avstriya Şengen Vizası Alma Ehtimalı
Bütün ölkələrin səfirliyinə viza müraciəti edərkən olduğu kimi Avstriyada da sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin normal olması, aylıq gəlirinizin standart maaş aralığında olması (təcrübədə 400-600 AZN aralığında aylıq gəliri olan şəxslərə viza alınması halı dəfələrlə yaşanıb), bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) mövcudluğu və səyahət tarixçənizin olması sizin Avstriya Şengen vizası alma şansınızı artıran faktorlardır. Daha öncə ilk Şengen vizasını Avstriya səfirliyindən almış şəxslər təcrübəmizdə kifayət qədər mövcuddur. Ancaq hər bir halda daha öncə Şengen vizalarınızın olması sizin Avstriya səfirliyindən viza alma ehtimalınızı yüksəldən faktordur.
Avstriyaya Viza Dəstəyi
Xoş səyahətlər!
