BUSINESS VISA TO THE REPUBLIC OF IRELAND - WHAT YOU DIDN'T KNOW ABOUT VISA

Vizam.az 08 December 2020 66 views 5 min. read

Avropada yerləşən İrlandiya adası hər il 10 milyona yaxın turistə ev sahibliyi edir. Turist axının diqqətini çəkən məqamlar sırasında bu adanın coğrafiyası, sakit və gözəl təbiəti, Atlantik okeanı sahilləri, paytaxt Dublin şəhərinin gözəlliyi və bir çox digər səbəbləri görə bilərsiniz. İrlandiyaya tez-tez dünyanın müxtəlif ölkələrindən biznes səfərlərin də təşkil olunduğu müşahidə olunur. Siz də bu məqsədlə İrlandiyaya səyahət edib həm işinizi görmək, həm də gəzib bu füsunkar ölkəni kəşf etmək istəyirsinizsə, İrlandiya biznes (işgüzar səfər) vizasına müraciət edə bilərsiniz. Biznes vizaya müraciət zamanı sizə hansı sənədlərin lazım olacağı, dəvət məktubu və ümumi viza proseduru haqqında ətraflı məlumatı bu məqalədən oxuya bilərsiniz.

İrlandiya Viza Növləri

irish flag

İrlandiyaya planladığınız səyahətinizi İrlandiya turizm vizası əldə edərək reallaşdıra bilərsiniz. Bu viza növünə müraciət səbəbləri turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan nüanslar ola bilər. Əgər siz İrlandiyada müddəti 90 gündən çox olan uzunmüddətli təhsil (bakalavr, magistr, doktorantura və s. kimi) almaq və ya burada yerləşən bir qurumda daimi işləmək istəyirsinizsə, həmin təhsil və iş qurumlarından rəsmi dəvət və ya qəbul məktublarınız olduğu təqdirdə İrlandiya milli vizasına da müraciət edə bilərsiniz.

Qısamüddətli biznes (işgüzar) səfərinizi reallaşdırmaq üçün də siz İrlandiya vizasının “biznes viza” növünə müraciət edirsiniz. Qeyd edək ki, qısamüddətli biznes viza sizə İrlandiya daimi işləmək hüququ vermir, bu viza sizin öz biznes səfərinizi reallaşdırmağınız üçün təqdim olunur.

İrlandiya Turizm Vizası

irish visa

İrlandiya Respublikası Avropa Birliyinə üzv olub, lakin Şengen ərazisinə daxil olmayan ölkələrdən biri kimi tanınır.

İrlandiya adası özü iki yerə bölünmüşdür. Adanın cənubu İrlandiya Respublikasıdır, şimalı isə Birləşmiş Krallığa aiddir. Hər hansı bir şəxs Şimalı İrlandiyaya səyahət etmək istədikdə İrlandiya vizasına yox, Birləşmiş Krallığın vizasına müraciət etməlidir. Şimali İrlandiya Antrim, Armagh, Derry, Down, Fermanagh və Tyrone vilayətlərindən ibarətdir. Əgər bir şəxs İrlandiya Respublikasına səyahət edib, oradan Şimalı İrlandiyaya keçib və yenidən İrlandiya Respublikasına qayıdacaqsa, bu o deməkdir ki, iki viza almalıdır: Birləşmiş Krallıq vizası və çoxgirişli İrlandiya vizası. Birləşmiş Krallıq vizası ilə də İrlandiya Respublikasına daxil olmaq olmaz.

İrlandiya vizasının təkgirişli və çoxgirişli növləri mövcuddur. Eyni zamanda siz yalnız ilk səfərinizi əhatə edəcək qısamüddətli vizaya və ya çoxgirişli və uzunmüddətli viza növlərinə də müraciət edə bilərsiniz. Bu, sizin səfərinizin məqsədindən və səfər intervalınızdan asılı olaraq dəyişir.

Qeyd edək ki, İrlandiya vizası əksər hallarda müraciətçinin viza müraciəti əsnasında ərizə formasında və digər sənədlərində göstərdiyi səyahət müddətinə tam uyğun şəkildə verilir.

İrlandiya Vizası Müraciəti üçün Sənədlər Toplusu

visa application form

İrlandiya biznes vizasına müraciət edərkən siz aşağıdakı sənədləri təqdim etməlisiniz:

  1. Xarici pasportunuzun orijinalı və birinci səhifəsinin surəti
  2. Əgər varsa, əvvəlki vizalarınızın və giriş-çıxış möhürlərinizin surətləri
  3. Şəxsiyyət vəsiqənizin surəti
  4. İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
  5. Adınıza olan bank hesabından arayış* və çıxarış. (Məbləğ barədə aşağıda detallı məlumat qeyd olunub)
  6. Əgər varsa, adınıza olan mülklərin çıxarışlarının* və maşınınızın texpasport kopyası
  7. Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
  8. 2 ədəd 3.5x4.5 ölçüdə, ağ fonda şəkliniz
  9. Səyahətiniz üçün etdiyiniz aviabilet bronları
  10. Səyahətiniz üçün etdiyiniz otel rezervasiyaları
  11. Səfərinizi tam əhatə edəcək və minimum 30.000 EUR dəyəri əhatə edən səyahət sığortası
  12. İngilis dilində doldurulmuş ərizə forması
  13. Görüş təyininin təsdiqi barədə sistemdən verilmiş sənədin çap versiyası
  14. Gedəcəyiniz iş qurumu, tədbir və ya görüşlə bağlı rəsmi dəvət məktubu
booking hotel

Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.

Dəvət məktubunun orijinalı yoxdursa, siz skan versiyasını çap şəklində səfirliyə təqdim edə bilərsiniz. Mütləq şəkildə dəvət məktubunun üzərində sizi dəvət edən qurumun imza və möhürü olmalıdır. Həmçinin, dəvət məktubunun üzərində dəvət edilən şəxsin, yəni sizin mütləq şəkildə adınız, soyadınız, əlavə olaraq isə mümkündürsə, doğum tarixiniz, pasport nömrəniz, səyahət tarixləriniz qeyd olunmalıdır. Əgər qalacağınız yer sizi dəvət edən qurum tərəfindən təşkil olunursa, bu halda qalacağınız ünvan sizə göndərilən dəvət məktubunda qeyd olunduğu təqdirdə sənədlərinizin arasına otel bronu qoymaya bilərsiniz.

Bank hesabınızdakı məbləğ sizin göstərdiyiniz səyahət tarixlərinizdən, yəni İrlandiyada qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 3.500-5.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə ölkə ərazisində qalacağınızı göstərdiyiniz hər gün üçün ortalama 60-70 avro gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.

Əgər xərcləriniz sizi dəvət edən qurum tərəfindən qarşılanırsa, bu nüans mütləq şəkildə dəvət məktubunda qeyd olunmalıdır. Bu halda siz bank hesabınızdan arayış təqdim etməyə bilərsiniz, ancaq hər bir halda məsləhətdir ki, öz adınıza hesabınızda olan kiçik də olsa, bir məbləğ göstərəsiniz.

Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti, Vergilər Nazirliyindən dövriyyəniz haqqında verilmiş arayış, şirkətinizin reyestrdən çıxarışı) səfirliyə təqdim edə bilərsiniz. Əgər siz işləmirsinizsə, təhsil alırsınıza və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədin surətini də viza müraciəti zamanı təqdim etmək lazımdır.

Qeyd edək ki, VÖEN, Vergilər Nazirliyindən dövriyyə haqqında arayış, şirkətinizin reyestrdən çıxarışı və ya sponsorluq kağızı, icazə kağızı kimi sənədləri təqdim etdiyiniz halda da bu sənədlərin hər birini notarial qaydada ingilis dilinə tərcümə və təsdiq etdirməlisiniz.

Viza Proseduru

calendar

İrlandiya Respublikası üçün viza müraciəti İrlandiyanın Azərbaycanda yerləşən VFS Global İrlandiya adlı viza mərkəzinə edilir. İrlandiyanın Azərbaycanda heç bir diplomatik nümayəndəliyi yoxdur, buna görə də qərar İrlandiya Respublikasının qonşu ölkə Türkiyədə yerləşən səfirliyinin konsulluq şöbəsində verilir. İrlandiyada immiqrasiya və viza məsələlərini həll etmək üçün məsul orqan “Irish Naturalisation and Immigration Service (INIS)”dir.

Sənədləri təqdim etmək üçün viza görüşünü həftəiçi iş saatları ərzində İrlandiya VFS Global viza müraciət mərkəzinin + 994 12 310 57 09 telefon nömrəsi ilə əlaqə saxlamaqla təyin etmək mümkündür.

Sənədləri təqdim etmək üçün əvvəlcədən görüş təyini mütləqdir.

Müraciətçi nəzərdə tutulan səyahətdən ən tez 3 ay öncədən müraciət edə bilər. Sənədlərə baxılması müddəti müraciət olunan viza növündən, səfirliyin və Dublində yerləşən viza bölməsinin iş sıxlığından asılıdır. Mümkün qədər əvvəlcədən müraciət etmək lazımdır. Ən geci səyahətə minimum 8 həftə qalmış müraciət etmək məsləhətdir. Viza proseduru, adətən, 4 həftə (bayramla əlaqəli qeyri-iş günləri istisna olmaqla) çəkir.

Viza rüsumu təkgirişli viza üçün 128 AZN, çoxgirişli viza üçün 213 AZN-dir, viza mərkəzinin xidmət haqqı isə 64 AZN-dir. Müraciət qəbul edildikdən sonra sənədlər İrlandiya Respublikasının Ankaradakı səfirliyinə göndərildiyi üçün, viza rüsumu və xidmət haqqından əlavə sənədlərin Ankaraya daşınmasına görə əlavə 139 AZN kuryer rüsumu da ödənilir.

İrlandiya Vizası Alma Ehtimalı

irish embassy

Bütün ölkələrin səfirliyinə viza müraciəti edərkən olduğu kimi İrlandiyada da sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin normal olması, aylıq gəlirinizin standart maaş aralığından yüksək olması (təcrübədə 600-700 AZN aralığında aylıq gəliri olan şəxslərə viza alınması halı da dəfələrlə yaşanıb), bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) mövcudluğu və yaxşı səyahət tarixçənizin olması sizin İrlandiya vizası alma şansınızı artıran faktorlardır. Daha öncə səyahət tarixçəsi olmamış, yəni Şengen və ya digər viza sahibi olmayan şəxslər üçün İrlandiya vizasına müraciət riskli hesab olunur. Profilinizdəki digər nüanslar (yuxarıda sadalananlar) çox yüksək və yaxşı vəziyyətdə olduğu halda, səyahət tarixçəniz olmasa belə İrlandiya vizasını alma şansınız ola bilər. Hər bir halda səyahət tarixçənizin yaxşı olması sizin İrlandiya vizasını əldə etməyinizə birbaşa təsir göstərən amildir.

Biznes vizaya müraciət zamanı isə təqdim edəcəyiniz rəsmi dəvət məktubu sizin viza alma şansınızı yetərincə yüksəldə bilər. Əgər dəvət məktubunuzda göstərilən səfər məqsəd və səbəbiniz sizin işlədiyiniz sahə ilə bağlıdırsa və ya siz daha öncə də oxşar biznes səfərlər həyata keçirmisinizsə, bu nüanslar sizin profilinizə kifayət qədər müsbət təsir göstərəcək.

İrlandiyaya Viza Dəstəyi

cobh

Biz Vizam.az şirkəti olaraq sizə İrlandiya vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə səfirlikdə sizin adınıza görüş təyin olunması, ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin rezervasiyası, otellərin bronu və ya istəyinizə uyğun şəkildə alınması, viza üçün səyahət tur planınızın qurulması, konsultasiya, viza prosedurunuzun izlənilməsi daxil olacaq. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum 16 AZN təşkil edəcək. Ümumi olaraq isə bizim şirkətimizdə İrlandiya biznes vizasına dəstək xidmət haqqısı bir nəfər üçün 69 AZN təşkil edir.

You can click here to place your order   , contact 050/55-3000135 for more information.

Xoş səyahətlər!

General
Do you want to get an Ireland visa easily?
website.article_banner_button
ireland

Related posts:

MESSAGES OF THE WORLD’S TOURISM GIANTS DURING THE CORONAVIRUS

MESSAGES OF THE WORLD’S TOURISM GIANTS DURING THE CORONAVIRUS

We are all aware that the Coronavirus pandemic has affected many areas. One of them, and perhaps the most affected, is the tourism industry. Before the epidemic, the tourism industry accounted for 10% of world GDP. At the moment, The World Travel & Tourism Council has warned that the COVID-19 pandemic could cut 50 million […]

Vizam.az 07 February 2022
When will we travel again?

When will we travel again?

The incidence of the coronavirus pandemic, which has killed thousands of people around the world, continues to rise. At a time when the number of infections has reached 3 million, and more than two hundred thousand people have died, leaving home has become even riskier. Although staying at home may not seem difficult to many […]

Vizam.az 07 February 2022
The Not-Do List in Southeast Asia

The Not-Do List in Southeast Asia

You can hear thousands of advice about where to go, and what to do while traveling somewhere. But what things we should not do? It sounds weird, but every year hundreds of tourists have different problems just because of not to know local rules and traditions. In order not to come across these kinds of […]

Vizam.az 07 February 2022
The Sun fear of Trolls

The Sun fear of Trolls

One of the most touristic places – Trolltunga which is located in Oreland in the skirts of the Norway mountains looks like a Troll’s tongue. But why Ogre? The story of this monument’s name comes from Norway legends, from the giant’s named Trolls who lived in this area. According to another legend, these ogres were […]

Alakbar Karbalayev 07 February 2022
EXPENSIVE PART OF NEW ZEALAND

EXPENSIVE PART OF NEW ZEALAND

As I know there isn’t an article about the southern part of the south-east land – New Zealand. From my point of view, this country has the most magnificent nature in the world. You can come across different landscapes and climates at every step of your travel. Daily expenses? Let’s turn to the start point. […]

Rasim Aghayev 07 February 2022
CARIBBEAN FLASHBACK

CARIBBEAN FLASHBACK

One day I fed up with watching the film “Caribbean Islands” and said to myself: “I’m going”. Can’t I be like Captain Jack Sparrow?! February. 2016. Before planning the trip to these islands, there was also a Venezuela option in my “Travel Menu” in addition to the Caribbean. Taking into consideration that I cannot travel to […]

Rasim Aghazada 07 February 2022
OPEN CURTAINS, I AM WATCHING FOOTBALL!

OPEN CURTAINS, I AM WATCHING FOOTBALL!

Imagine that you are in your own hotel room. You want to watch football and instead of turning the TV on, you open the curtains. Yes, West Ham United hotel is the perfect place for such crazy football fans.  The three-star West Ham United hotel allows you to watch Upton Park (Stadium where the West […]

Alakbar Karbalayev 07 February 2022
TRAVEL TO AVATAR PROVINCE

TRAVEL TO AVATAR PROVINCE

Everyone can be affected by any of the movies they watch. Some of us even include the places watched in movies on our “must-see” list.  Like everyone else, after watching the Avatar movie, I also wish to see Pandora. Many of us are likely to be unaware of the existence of such a place. Surrounded […]

Alakbar Karbalayev 07 February 2022
FLYING SHARK IN OXFORD

FLYING SHARK IN OXFORD

Since the “Shark” appeared on the roof of New High Street, Oxford on 9 August 1986, the house became the most mysterious place not only in Headington but also in the whole world. This extraordinary house with a headless shark became the center of world attention. Thus, the headless sculpture was erected on the 41st […]

Vizam.az 07 February 2022
Business visa to Liechtenstein – business to the small country of Europe

Business visa to Liechtenstein – business to the small country of Europe

Although the country of Liechtenstein, located on the border of Switzerland and Austria in Europe, is considered one of the smallest countries in the world, it is of interest to many tourists for travel. In addition to tourists, many businessmen make business trips to the country throughout the year. If you also want to travel […]

Vizam.az 10 December 2020