2025-ci ildə Visametric Viza Mərkəzi Necə İşləyir? Azərbaycan vətəndaşları üçün visametric viza müraciət prosesi, görüş alma qaydası, sənədlərin hazırlanması barədə ətraflı məlumat verilib.

Мы, Vizam.az, можем помочь вам с оформлением шенгенской визы.

Yəqin ki, son zamanlar viza almağa çalışan bir çox insandan “Visametric” adını eşitmisiniz. Xüsusilə də Şengen vizası üçün sənədlər toplayanlar arasında bu ad çox tanış səslənir. Bəs Visametric viza qəbul mərkəzi nədir və orada sizi nələr gözləyir? Əgər ilk dəfə viza müraciəti edirsinizsə və bu proseslə tanış deyilsinizsə, bu yazı sizin üçün tam doğru yerdir.

Visametric – əsasən Şengen ölkələrinə viza almaq istəyənlər üçün rəsmi sənəd qəbul mərkəzidir. Bu qurum konsulluqların yerinə sənədləri toplayır, barmaq izi prosedurunu həyata keçirir və viza müraciətinizi texniki baxımdan idarə edir. Yəni siz birbaşa konsulluğa deyil, Visametric-ə müraciət edərək viza prosesini başlatmış olursunuz. Bu da həm vaxt, həm də sistem baxımından müraciətçilər üçün müəyyən asanlıqlar yaradır.

Ancaq unutmayın ki, visametric viza müraciət prosesi müəyyən qaydalara əsasən aparılır. Əvvəlcədən onlayn randevu almaq, lazım olan sənədləri düzgün hazırlamaq və görüş günü vaxtında mərkəzdə olmaq vacibdir. Bir çox insan bu mərhələdə səhvlər etdiyi üçün vizası gecikir və ya ümumiyyətlə rədd cavabı alır. Xüsusilə də visametric randevu sistemi necə işləyir, sənədlər hansı qaydada təqdim olunmalıdır kimi suallara cavab tapmaq çox vacibdir.

Bu yazıda sizə azərbaycan vətəndaşları üçün visametric viza müraciət prosesi, görüş alma qaydası, sənədlərin hazırlanması, barmaq izi proseduru və ən çox edilən səhvlər barədə ətraflı məlumat verəcəyik. Məqsədimiz budur ki, viza alma prosesi sizin üçün bir stres deyil, rahat və aydın bir yol olsun. Əgər siz də yaxın zamanda Türkiyə və ya Avropa ölkələrindən birinə səyahət etməyi planlaşdırırsınızsa, Visametric-lə bağlı bilməli olduğunuz hər şeyi bu bloqda tapa biləcəksiniz.

Visametric xidmədləri: Hansı Ölkələr üçün Uygundur ?

Almaniya vizası üçün Azərbaycan vətəndaşları Visametric xidmətlərindən faydalana bilərlər. Eyni zamanda, Slovakiya və Macarıstan görüşləri BLS saytından təyin edilməsinə baxmayaraq, sənədləri visametricə təhvil verilir. Visametric, Almaniya səfirliyinin və konsulluqlarının rəsmi sənəd qəbul mərkəzi olaraq fəaliyyət göstərir. Bu mərkəz vasitəsilə Almaniya vizası almaq üçün aşağıdakı xidmətlərdən yararlanmaq mümkündür:

Viza Müraciəti və Sənəd Qəbulu
Visametric, Almaniya vizası üçün müraciət edən şəxslərin sənədlərini toplayır və qəbul edir. Bu sənədlər arasında pasport, fotoşəkil, səyahət sığortası, maliyyə vəziyyəti ilə bağlı sənədlər və digər tələb olunan dokumentlər yer alır.
Barmaq İzi Proseduru
Almaniya vizası üçün biometrik barmaq izi təqdim etmək məcburidir. Visametric, bu proseduru həyata keçirərək barmaq izlərini alır və konsulluğa göndərir.
Görüş Təyin Edilməsi
Visametric vasitəsilə Almaniya vizası üçün onlayn randevu sistemi mövcuddur. Randevu alma prosesi asanlaşdırılır və sənədlərinizin düzgün şəkildə təqdim edilməsi təmin edilir.
Viza Növünə Görə Xüsusi Tələblər
Almaniya vizası üçün tələb olunan sənədlər və prosedurlar, turist vizası, iş vizası və ya təhsil vizası kimi viza növünə görə dəyişə bilər. Visametric, hər viza növü üçün xüsusi tələbləri izləyərək, müvafiq sənədlərin təqdim edilməsini təmin edir.
Viza Rüsumları və Ödənişlər
Visametric, Almaniya vizası üçün ödənilməsi lazım olan rüsumları qəbul edir və müraciət edənlərə müvafiq ödənişləri bildirir.
Viza Statusu və İzləmə
Visametric, müraciət edənlərə viza statuslarını izləmək üçün onlayn platforma təqdim edir. Beləliklə, siz Almaniya vizanızın vəziyyətini asanlıqla izləyə bilərsiniz.

Viza üçün nə qədər vaxt əvvəl müraciət edə bilərəm?

Viza üçün müraciət nəzərdə tutulan səfərdən 6 ay əvvəl təqdim edilə bilər. Bir qayda olaraq planlaşdırılan səfərin başlanmasından ən az 15 təqvim günü əvvəl viza üçün müraciət edilməlidir. Əsaslandırılmış xüsusi təcili hallarda səfirlik planlaşdırılan səfərin başlanmasına 15 təqvim günündən az vaxt qaldıqda viza ərizəsini qəbul edə bilər.

Viza ərizəsi üçün lazım olan sənədlərin tam siyahısı

Əgər Visametric vasitəsilə Şengen vizası üçün müraciət edirsinizsə, aşağıdakı sənədləri tam şəkildə təqdim etməlisiniz. Sənədlərin düzgün və tam şəkildə təqdim olunması viza nəticənizə birbaşa təsir edir. Gəlin, sənədləri kateqoriyalar üzrə ayıraq:

Şəxsiyyət və səyahət sənədləri
- Xarici pasport (ən azı 3 ay vizanın bitmə tarixindən sonra etibarlı, 2 boş səhifəsi olmalıdır)
- Pasportun şəkil olan səhifəsinin, əvvəlki vizaların və möhürlərin surətləri
- Şəxsiyyət vəsiqəsi (əsli + ön və arxa səhifələrin surəti)
- Biometrik pasport şəkli (ölçü: 3.5 x 4.5 sm)
- Doldurulmuş və imzalanmış viza ərizə forması
- Viza rüsumunun ödənişi (detallar üçün Visametric-in "Rüsumlar" bölməsinə baxın)
Səyahət sığortası
- Ən azı 30.000 avro və ya 50.000 dollar tibbi xərcləri əhatə etməlidir
- Bütün Şengen ölkələri üçün keçərli olmalıdır
- Sığorta sənədi (əsli + surəti)
Yetkinlik yaşına çatmayanlar üçün əlavə sənədlər
- Doğum haqqında şəhadətnamə (əsli + surəti)
- Notarial razılıq (valideyn və ya qəyyum tərəfindən verilmiş, 6 aydan köhnə olmamalı)
- Valideynin və ya qəyyumun pasportunun və varsa vizasının surəti
Qalacağınız yerə dair sübut
- Otel rezervasiyası və ya dəvət məktubu/vauçer
- Əgər Almaniyada daşınmaz əmlakınız varsa – reyestr çıxarışı (6 aydan köhnə olmamalı)
Səyahət biletləri və planı
- Gediş-gəliş biletlərinin rezervasiyası
- Qeyd: Səfirlik vizanı almadan əvvəl biletin alınmasını tövsiyə etmir
Səfər xərclərinin maliyyələşdirilməsinə dair sübutlar
- Son 3 ay üzrə bank çıxarışları və ya kredit kart hesabatları
- Maaş arayışları və ya vergi sənədləri
- Səyahət çekləri (əgər varsa)
Ailə və iqtisadi bağları sübut edən sənədlər (əgər varsa)
- Nikah şəhadətnaməsi, doğum şəhadətnaməsi, şəxsiyyət vəsiqələrinin surətləri
- Daşınmaz əmlak sənədi və ya notarial qaydada bağlanmış icarə müqaviləsi
İş statusuna görə əlavə sənədlər
- Muzdlu işçilər üçün:
  - İş yerindən rəsmi arayış (möhürlü, imzalı, tarixli, əlaqə məlumatlı)
  - Arayışda işçinin adı, vəzifəsi, maaşı, işlədiyi müddət göstərilməlidir
  - Arayış ingilis və ya alman dilinə tərcümə olunmalıdır (rəsmi və ya notarial)
- Sahibkarlar üçün:
  - Şirkətin qeydiyyat şəhadətnaməsi + VÖEN
  - Əvvəlki rüb üzrə maliyyə dövriyyəsini göstərən vergi arayışı (QR kodlu)
- Tələbə və şagirdlər üçün:
  - Oxuduğu təhsil müəssisəsindən arayış (mövcud statusu və qeydiyyatı göstərilməlidir)
- Pensiyaçılar üçün:
  - Pensiya haqqında rəsmi arayış

QEYDLƏR:

Saxta və ya səhv sənədlərin təqdim edilməsi və düzgün olmayan məlumatların verilməsi ərizənizin rədd edilməsinə və bəlkə də Almaniyaya giriş qadağasına səbəb olacaq (və bununla da bütün digər Şengen bölgəsi üzv dövlətlərinə)!
Yalnız tam ərizələr işlənə bilər. Tamamlanmamış sənədlərin təqdim edilməsi rədd cavabına səbəb ola bilər və ödənilmiş haqq geri qaytarılmayacaqdır.
Nümayəndəliklər ayrı-ayrı hallarda əlavə sənədlər tələb etmək hüququnu özündə saxlayırlar.
Yerli dildə təqdim olunan hər bir sənəd mütləq şəkildə Alman və ya İngilis dillərinə tərcümə olunmalıdır.

Viza Rüsumları

Viza rüsumları müraciət etdiyiniz viza növünə və səfirliyin tələblərinə əsasən müəyyən edilir. Rüsumların miqdarı və ödəniş qaydaları ilə bağlı ən son məlumatı Visametric-in rəsmi internet səhifəsindəki “Rüsumlar” bölməsindən əldə edə bilərsiniz.

VisaMetric və VİP servis ödənişi (AZN) nağd və ya nağdsız (POS-terminal vasitəsilə) şəkildə həyata keçirilə bilər. Məbləğ gündəlik mübadilə məzənnəsinə uyğun olaraq tənzimlənir.
Viza haqqı nağd şəkildə və ya kredit kartla (AZN) ödənilə bilər və məbləğ diplomatik nümayəndəliyin elan etdiyi məzənnəyə uyğun hesablanır.
VIP xidmətindən istifadə edən şəxslər həm Visa, həm də VisaMetric rüsumlarını ödəməlidirlər.
Aşağıdakı kateqoriyalara aid şəxslər müvafiq sübut təqdim etməklə viza rüsumundan azaddırlar:
- Alman vətəndaşlarının həyat yoldaşları
- Alman vətəndaşlarının 18 yaşdan aşağı övladları
- Azyaşlı alman vətəndaşının valideynləri
- AB (Avropa Birliyi) vətəndaşlarının həyat yoldaşları *
- Avropa Birliyi vətəndaşının və ya onun həyat yoldaşının uşaqları
- Sərbəst hərəkət hüququ olan AB vətəndaşı (məsələn, Almaniyada yaşayan Fransız vətəndaşı)
- Qeyd: Almaniyada yaşayan Alman vətəndaşları bu güzəştdən istifadə edə bilməz.
- 6 yaşadək uşaqlar

Viza haqqı - Şengen vizası

	6–12 yaş	12+ yaş
Azərbaycan vətəndaşları üçün	0 €	67 AZN (35 €)
Başqa vətəndaşlar	86 AZN (45 €)	172 AZN (90 €)
Sadələşdirilmiş viza rejimi olan dövlətlərin vətəndaşları (Albaniya, Ermənistan, Belarus, Bosniya, Gürcüstan, Cape Verde, Makedoniya, Moldova, Çernoqoriya, Serbiya, Ukrayna vətəndaşları)	0 €	67 AZN (35 €)

Viza Proseduru

1. Ərizənin təsdiqindən əvvəl:

Ərizə üçün lazımi sənədləri hazırlayın.
Viza üçün sənədlər 09:00-16:00 aralığında təqdim oluna bilər.

2. Təsdiq zamanı:

VisaMetric mərkəzində sənədlər yoxlanılır və barmaq izi götürülür. Buradan sənədlər müvafiq xarici nümayəndəliyə göndərilir.
Əlavə xidmətlərdən istifadə edə biləcəyinizi unutmayın.

3. Təsdiqdən sonra:

Ərizənizi veb səhifəsində izləyə bilərsiniz.
Əməliyyat başa çatdıqdan sonra VisaMetric mərkəzimizdən pasportunuzu ala bilərsiniz və ya seçiminizə əsasən kuryer xidməti vasitəsilə ünvanınıza çatdırıla bilər.

Şengen vizası Şengen ərazisində (ölkələrində) 90 günə qədər səyahət etməyə imkan verir. Viza müraciətləri üzrə qaydalara əsasən, səfərinizə gedəcək vəya səfərinizin böyük bir hissəsini sərf edəcəyiniz ölkənin respublikadakı diplomatik nümayəndəliyinə viza üçün müraciət etməlisiniz. Əsas hədəf Almaniyadan başqa bir Şengen dövləti olduqda, ərizə müvafiq Şengen təmsilçiliyinə təqdim edilməlidir

Görüş Təyin Edilməsi

Şengen vizası üçün müraciət etmədən əvvəl aşağıdakı məlumatlara diqqət yetirin:

Viza üçün sənədlər 09:00-16:00 aralığında təqdim oluna bilər.
Şengen vizasına müraciət etmək üçün saytımızda əvvəlcədən vaxt təyin etməklə sənədləri təqdim edə bilərsiniz.
Səfərin başlanmasından ən azı 180 gün əvvəl Şengen vizası üçün müraciət edə bilərsiniz.
Tələb olunan sənədləri vaxtında çatdırın
Almaniyaya viza üçün müraciət etmək istəyən xaricdə təhsil alan tələbələr təhsil aldıqları ölkədə müraciət etməlidirlər.

1 dekabr 2024-cü il tarixindən etibarən xüsusi D-Visa növləri üçün ərizələr yalnız Konsulluq Xidmətləri Portalı vasitəsilə onlayn olaraq təqdim edilə bilər.

Əgər siz: