TAYLANDA VİZANI NECƏ ƏLDƏ EDƏ BİLƏRƏM?

Yeniləndi: 03 iyun 2025 23507 baxış 4 dəq. oxu

Hər il 40 milyondan çox turistin səyahət üçün üz tutduğu unikal ölkə - Tayland! Hind Okeanı sahillərində yerləşən çimərlikləri, bol əyləncəli gündəlik həyatı, partiləri, mədəniyyəti və mətbəxi, paytaxt Banqkok şəhərinin gurultulu və əyləncəli küçələri, həmçinin digər turistik bölgələri ilə məşhurlaşmış bu ölkəyə səyahət vizası almaq sadə bir yoldan keçir. Bu yolu isə biz sizə bu məqalədə göstərəcəyik.

Tayland Viza Növləri

Taylanda planladığınız səyahətinizi Tayland turizm vizası əldə edərək reallaşdıra bilərsiniz. Bu viza növünə müraciət səbəbləri turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan nüanslar ola bilər. Əgər siz Taylandda uzunmüddətli təhsil almaq və ya burada yerləşən bir qurumda daimi işləmək istəyirsinizsə, həmin təhsil və iş qurumlarından rəsmi dəvət və ya qəbul məktublarınız olduğu təqdirdə Tayland milli vizasına da müraciət edə bilərsiniz. 

Tayland Turizm Vizası

Tayland vizasının təkgirişli və çoxgirişli növləri mövcuddur. Eyni zamanda siz yalnız ilk səfərinizi əhatə edəcək qısamüddətli vizaya və ya çoxgirişli və uzunmüddətli viza növlərinə də müraciət edə bilərsiniz. Bu, sizin səfərinizin məqsədindən və səfər intervalınızdan asılı olaraq dəyişir.

Qeyd edək ki, Tayland vizası əksər hallarda müraciətçilərə 3 aylıq müddət üçün verilir.

Tayland Vizası Müraciəti üçün Sənədlər Toplusu

Tayland vizasına müraciət edərkən siz aşağıdakı sənədləri təqdim etməlisiniz:

  1. Xarici pasportunuzun orijinalı və birinci səhifəsinin surəti
  2. Əgər varsa, əvvəlki vizalarınızın və giriş-çıxış möhürlərinizin surətləri
  3. Şəxsiyyət vəsiqənizin surəti
  4. İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
  5. Adınıza olan bank hesabından arayış* (Məbləğ barədə aşağıda detallı məlumat qeyd olunub)
  6. 2 ədəd 3.5x4.5 ölçüdə, ağ fonda şəkliniz
  7. Səyahətiniz üçün etdiyiniz aviabilet bronları
  8. Səyahətiniz üçün etdiyiniz otel rezervasiyaları
  9. İngilis dilində doldurulmuş ərizə forması
  10. Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu

Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.

Bank hesabınızdakı məbləğ sizin göstərdiyiniz səyahət tarixlərinizdən, yəni Taylandda qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 2.500-3.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə ölkə ərazisində qalacağınızı göstərdiyiniz hər gün üçün ortalama 60-70 dollar gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.

Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti, Vergilər Nazirliyindən dövriyyəniz haqqında verilmiş arayış) səfirliyə təqdim edə bilərsiniz. Əgər siz işləmirsinizsə, təhsil alırsınıza və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədin surətini də viza müraciəti zamanı təqdim etmək lazımdır.

Qeyd edək ki, VÖEN, Vergilər Nazirliyindən dövriyyə haqqında arayış və ya sponsorluq kağızı, icazə kağızı kimi sənədləri təqdim etdiyiniz halda da bu sənədlərin hər birini notarial qaydada ingilis dilinə tərcümə və təsdiq etdirməlisiniz.

Viza Proseduru

Viza müraciəti Taylandın Bakıdakı Səfirliyi tərəfindən qəbul olunur və qərar səfirliyin konsulluq şöbəsində konsul tərəfindən verilir. 

Viza müraciətini etmək və sənədləri təhvil vermək üçün əvvəlcədən görüş təyininə ehtiyac yoxdur. Qəbul günləri hər həftənin Bazar ertəsi, Çərşənbə və Cümə günləri saat 14:00 və 16:00 aralığında (bayramla əlaqədar rəsmi qeyri-iş günləri istisna olmaqla) qəbul edilir. Sənədləri təhvil verərkən şəxsi iştirak mütləqdir, lakin pasportu təhvil almağa başqa şəxs gələ bilər. Bunun üçün həmin şəxs müraciətçinin şəxsiyyət vəsiqəsinin əslini təqdim etməlidir.  

Viza nəticəsi, adətən, 30 iş gününə bəlli olur və viza nəticəsi müsbət olduğu təqdirdə vizanın etibarlılıq müddəti, adətən, 3 ay olur. Buna görə də, Tayland viza müraciətini ən tez səfər tarixinə 3 ay qalmış etmək məsləhətdir. 

Viza rüsumu 41 USD-dir və nəğd şəkildə dollar şəklində qəbul edilir. 

Tayland Vizası Alma Ehtimalı

Bütün ölkələrin səfirliyinə viza müraciəti edərkən olduğu kimi Taylandda da sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin normal olması, aylıq gəlirinizin standart maaş aralığında olması (təcrübədə 300-500 AZN aralığında aylıq gəliri olan şəxslərə viza alınması halı dəfələrlə yaşanıb), bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) mövcudluğu və səyahət tarixçənizin olması sizin Tayland vizası alma şansınızı artıran faktorlardır. Daha öncə səyahət tarixçəsi olmamış, yəni Şengen və ya digər viza sahibi olmayan şəxslər üçün Tayland səfirliyi riskli səfirlik hesab olunmur. Təcrübəmizdə ilk vizalarını məhz bu səfirlikdən almış çox sayda müraciətçi olmuşdur. Əlbəttə, bunun üçün sizin digər bütün sənədləriniz qaydasında olmalıdır. Həmçinin, hər bir halda sizin daha öncə vizalarınızın olması Tayland vizası alma ehtimalınızı yüksəldən faktorlardan biridir.

Taylanda Viza Dəstəyi

Biz Vizam.az şirkəti olaraq sizə Tayland vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə səfirlikdə sizin adınıza görüş təyin olunması, ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin rezervasiyası, otellərin bronu və ya istəyinizə uyğun şəkildə alınması, viza üçün səyahət tur planınızın qurulması, konsultasiya, viza prosedurunuzun izlənilməsi daxil olacaq. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum 16 AZN təşkil edəcək. Ümumi olaraq isə bizim şirkətimizdə Tayland səyahət vizasına dəstək xidmət haqqısı bir nəfər üçün 149 AZN təşkil edir.

Sifarişinizi yerləşdirmək üçün buraya klikləyə, əlavə məlumat almaq üçün 010/50/55-3000135 nömrələri ilə əlaqə saxlaya bilərsiniz.

Taylandda bol əyləncələr! Xoş səyahətlər!

Yeniləndi: 27.01.2025

Oxşar yazılar:

Filippinə Səyahət Hazırlığı

Filippinə Səyahət Hazırlığı

Filippinə səyahət etmək üçün plan qurarkən təkcə uçuş bileti almaq kifayət etmir. Bu Cənub-Şərqi Asiya ölkəsi Azərbaycan vətəndaşları üçün viza rejimi tələb etdiyindən, ilk mərhələdə Filippin vizası üçün müraciət prosesi nəzərə alınmalıdır. Viza üçün müraciət Ankaradakı Filippin səfirliyi vasitəsilə edilir və müraciət zamanı sənədlərin düzgün hazırlanması, maliyyə vəziyyətinin sübutu və səyahət planının aydın şəkildə təqdim […]

Vizam.az 24 iyun 2025
Filippinlərə Viza Necə Ala bilərəm?

Filippinlərə Viza Necə Ala bilərəm?

Filippin son illərdə azərbaycanlı turistlər üçün yeni-yeni kəşf olunmağa başlayan, amma əslində Cənub-Şərqi Asiyanın ən maraqlı və fərqli ölkələrindən biridir. Əgər həm sərfəli qiymətlərlə dəniz istirahəti, həm də fərqli mədəniyyətlə tanışlıq istəyirsinizsə, Filippin sizin üçün maraqlı bir seçim ola bilər. Bura həm çimərlik, həm təbiət, həm də macəra üçün uyğun ölkədir və eyni zamanda sakit, […]

Vizam.az 24 iyun 2025
Kanadaya Səyahət Hazırlığı

Kanadaya Səyahət Hazırlığı

Kanada son illərdə azərbaycanlılar arasında həm təhsil almaq, həm də uzunmüddətli yaşamaq üçün ən çox seçilən ölkələrdən birinə çevrilib. Bu yazıda Kanadaya getmək istəyən hər kəs üçün detallı şəkildə bu sualın cavabını verəcəyik: Kanadaya niyə getməliyəm? Yazıda Kanadada yaşamaq, işləmək, təhsil almaq və turistik səyahət üçün əsas üstünlüklərdən danışacağıq. Əgər siz də “Kanadaya necə gedə […]

Vizam.az 24 iyun 2025
Estoniyaya Viza Necə Ala Bilərəm?

Estoniyaya Viza Necə Ala Bilərəm?

Estoniyaya səyahət çox maraqlı və faydalı bir təcrübə ola bilər. Baltik ölkələri arasında öz müasir texnologiyası, sakit təbiəti və tarixi ilə seçilən Estoniya, həm istirahət, həm də mədəniyyət baxımından zəngin seçimlər təqdim edir. Paytaxt Tallin Orta Əsrlər dövrünə aid qala divarları, daş döşənmiş küçələri və köhnə şəhər atmosferi ilə tanınır. Estoniya həm də Avropanın ən […]

Vizam.az 21 iyun 2025
Sinqapur Vizasını Necə Ala Bilərəm?

Sinqapur Vizasını Necə Ala Bilərəm?

Sinqapur Cənub-Şərqi Asiyanın ürəyində yerləşən, həm müasir, həm də təbii gözəllikləri ilə seçilən kiçik, lakin çox təsirli bir şəhər-dövlət. Turistlər üçün çox cəlbedici olan bu məkan, dünyanın ən təmiz və təhlükəsiz şəhərlərindən biri kimi tanınır. Burada səyahət edənlər rahatlıq, təhlükəsizlik və yüksək xidmət standartları ilə qarşılaşır. Sinqapurun ən böyük üstünlüklərindən biri də onun multikultural cəmiyyətidir. […]

Vizam.az 20 iyun 2025
Maldiv Səyahəti üçün Viza Lazımdır?

Maldiv Səyahəti üçün Viza Lazımdır?

Əgər dənizin ortasında sakitlik, lüks, günəş və ağ qumlu sahillərlə dolu bir istirahət axtarırsınızsa, Maldiv tam sizə görədir. Bu ölkə bir çox səyahətçinin xəyal etdiyi, lakin mürəkkəb viza prosedurları səbəbindən təxirə saldığı tətil planları üçün ideal seçimdir. Xoşbəxtlikdən, Maldiv Azərbaycan vətəndaşları üçün vizasız ölkələr sırasındadır. Başqa sözlə desək, Maldiv 2025-ci ildə vizasız səyahət edilə bilən […]

Vizam.az 19 iyun 2025
Səyahət Sığortası nədir? Təkliflərin qarşılıqlı müqayisəsi

Səyahət Sığortası nədir? Təkliflərin qarşılıqlı müqayisəsi

Səyahət sığortası bir şəxsin ölkəxarici və ya ölkədaxili səfərləri zamanı baş verə biləcək gözlənilməz hadisələrə qarşı maddi və hüquqi təhlükəsizlik təmin edən sığorta növüdür. Bu sığorta növü səyahət zamanı qarşılaşa biləcəyiniz xəstəlik, qəza, baqaj itməsi, reysin ləğvi və ya gecikməsi kimi hallarda sizə maliyyə dəstəyi verir. Xüsusilə tətil səyahətləri üçün səyahət sığortası həm rahatlıq, həm […]

Vizam.az 19 iyun 2025
Fransaya Səyahət Hazırlığı

Fransaya Səyahət Hazırlığı

Fransaya səyahət etməyiniz üçün bir çox səbəb var və bu səbəblər hər bir səyahətçinin maraq dairəsinə uyğun ola bilər. Fransa tarix, mədəniyyət, incəsənət, təbiət və qastronomiya baxımından zəngin bir ölkədir və hər kəs üçün fərqli bir təcrübə vəd edir. Birincisi, Fransa mədəniyyət və incəsənət ölkəsidir. Parisdə yerləşən Luvr Muzeyi, Orse Muzeyi və Eyfel Qülləsi kimi […]

Vizam.az 16 iyun 2025
Şengen Vizası ilə Fransaya Səyahət

Şengen Vizası ilə Fransaya Səyahət

Yay Fransada havanın ən gözəl olduğu dövrdür. Günəşli və isti hava həm şəhər gəzintiləri, həm də təbiət turları üçün əlverişlidir. Paris, Lyon, Nice kimi şəhərləri açıq havada daha rahat kəşf etmək mümkündür. Eyni zamanda, yay aylarında Fransada bir çox beynəlxalq tədbir və festivallar keçirilir. Mədəniyyət, musiqi və incəsənət sevənlər üçün bu tədbirlər xüsusi maraq doğura […]

Vizam.az 16 iyun 2025
Monteneqro Səyahəti üçün Viza Lazımdır?

Monteneqro Səyahəti üçün Viza Lazımdır?

Yay gəlib, istirahət planları qurulmağa başlanıb. Amma bir çox insanın qarşılaşdığı ortaq problem yenə eynidir: viza. Formlar, sənədlər, görüş tapmaq, təsdiq gözləmək… Hər kəs bu proseduralara vaxt sərf etmək istəmir Xüsusilə də, son anda səyahət planlayanlar üçün. Elə bu məqamda vizasız gedə biləcəyiniz ölkələr daha da cazibədar görünür. Monteneqro isə bu siyahının tam ortasında yer […]

Vizam.az 12 iyun 2025