Tayland səyahətinizdə Banqkokdan Puketə gedərkən sizi heyrətamiz təəssüratlar gözləyir. Bu iki məkan Taylandın fərqli üzlərini kəş fərqli tərzdə gözəllik təklif edir. Bankokdan Puketə səyahət Taylandın iki fərqli simasını bir arada kəşf etmək üçün ideal imkan yaradır. Bangkokun mədəniyyət dünyası və Phuketin dəniz sahilləri səyahətinizi unudulmaz edəcək.
Banqkokda Nə Etmək Olar?
Banqkok Taylandın paytaxtı və mədəniyyət mərkəzidir. Burada ziyarət etmək üçün çox maraqlı məkanlar var:
- Grand Palace (Böyük Saray): Tayland krallarının rəsmi iqamətgahı olan bu saray memarlıq incisi kimi tanınır.
- Wat Arun (Gün Doğumu Məbədi): Banqkokun ən ikon məkanlarından biridir və özəl dizaynı ilə təəccüb yarıdır.
- Chatuchak Bazarı: Asiyanın ən böyük bazarlarından biri olan bu məkan səyahətçilərin və yerli sakinlərin sevimli dayanacaq nöqtəsidir.
Banqkokdan Puketə Necə Getmək Olar?
Banqkokdan Puketə səfər etməyin bir neçə rahat yolu var:
- Təyyarə: Banqkok Suvarnabhumi Aeroportundan (BKK) Puket Beynəlxalq Aeroportuna (HKT) olan birbaşa reyslər 1 saat 30 dəqiqə davam edir və ən rahat nəqliyyat vasitəsidir.
- Avtobus: Daha iqtisadi bir variant olub, səfər 12-14 saat davam edir. Yol boyu maraqlı dayanacaq nöqtələri ilə səyahətinizi daha çox kəşf etmə imkanınız olar.
- Qatar və Avtobus Kombinasiyası: Banqkokdan Surat Thani şəhərinə qatarla getdikdən sonra oradan avtobusla Puketi kəşf edə bilərsiniz. Bu marşrut uzun olsa da, maraqlı dayanacaqlar səyahətə əlavə zəriflik qatır.
Puketdə Nə Etmək Olar?
Puket Taylandın ən populyar turistik adasıdır və buradakı gözəlliklər səyahətinizi unudulmaz edəcək:
- Patong Beach: Phuketin ən məşhur sahillərindən biridir. Burada çimərlik günəşi, su idmanları və gecə həyatı sizi valeh edəcək.
- Big Buddha (Böyük Budda): Dağın zirvəsində yerləşən bu nəhəng heykəl Phuketin simvoludur və buradan açılan mənzərə çox təsirlidir.
- Phi Phi Adaları: Phuketdən günlük turlar vasitəsilə ziyarət edilən bu adalar, təmiz sulan və sərnişin qaya landşafftı ilə tanınır.
Banqkok şəhərinin gurultulu və əyləncəli küçələri, həmçinin digər turistik bölgələri ilə məşhurlaşmış bu ölkəyə səyahət vizası almaq sadə bir yoldan keçir. Bu yolu isə biz sizə bu məqalədə göstərəcəyik.
Tayland Viza Növləri
Taylanda planladığınız səyahətinizi Tayland turizm vizası əldə edərək reallaşdıra bilərsiniz. Bu viza növünə müraciət səbəbləri turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan nüanslar ola bilər. Əgər siz Taylandda uzunmüddətli təhsil almaq və ya burada yerləşən bir qurumda daimi işləmək istəyirsinizsə, həmin təhsil və iş qurumlarından rəsmi dəvət və ya qəbul məktublarınız olduğu təqdirdə Tayland milli vizasına da müraciət edə bilərsiniz.
Tayland Turist Vizası
Tayland vizasının təkgirişli və çoxgirişli növləri mövcuddur. Eyni zamanda siz yalnız ilk səfərinizi əhatə edəcək qısamüddətli vizaya və ya çoxgirişli və uzunmüddətli viza növlərinə də müraciət edə bilərsiniz. Bu, sizin səfərinizin məqsədindən və səfər intervalınızdan asılı olaraq dəyişir.
Qeyd edək ki, Tayland vizası əksər hallarda müraciətçilərə 3 aylıq müddət üçün verilir.
Tayland Vizası Müraciəti üçün Sənədlər Toplusu
Tayland vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Adınıza olan bank hesabından arayış* (Məbləğ barədə aşağıda detallı məlumat qeyd olunub)
- 2 ədəd 3.5x4.5 ölçüdə, ağ fonda şəkliniz
- Səyahətiniz üçün etdiyiniz aviabilet bronları
- Səyahətiniz üçün etdiyiniz otel rezervasiyaları
- İngilis dilində doldurulmuş ərizə forması
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.
Bank hesabınızdakı məbləğ sizin göstərdiyiniz səyahət tarixlərinizdən, yəni Taylandda qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 2.500-3.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə ölkə ərazisində qalacağınızı göstərdiyiniz hər gün üçün ortalama 60-70 dollar gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.
Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti, Vergilər Nazirliyindən dövriyyəniz haqqında verilmiş arayış) səfirliyə təqdim edə bilərsiniz. Əgər siz işləmirsinizsə, təhsil alırsınıza və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədin surətini də viza müraciəti zamanı təqdim etmək lazımdır.
Qeyd edək ki, VÖEN, Vergilər Nazirliyindən dövriyyə haqqında arayış və ya sponsorluq kağızı, icazə kağızı kimi sənədləri təqdim etdiyiniz halda da bu sənədlərin hər birini notarial qaydada ingilis dilinə tərcümə və təsdiq etdirməlisiniz.
Viza Proseduru
Viza müraciəti Taylandın Bakıdakı Səfirliyi tərəfindən qəbul olunur və qərar səfirliyin konsulluq şöbəsində konsul tərəfindən verilir.
Viza müraciətini etmək və sənədləri təhvil vermək üçün əvvəlcədən görüş təyininə ehtiyac yoxdur. Qəbul günləri hər həftənin Bazar ertəsi, Çərşənbə və Cümə günləri saat 14:00 və 16:00 aralığında (bayramla əlaqədar rəsmi qeyri-iş günləri istisna olmaqla) qəbul edilir. Sənədləri təhvil verərkən şəxsi iştirak mütləqdir, lakin pasportu təhvil almağa başqa şəxs gələ bilər. Bunun üçün həmin şəxs müraciətçinin şəxsiyyət vəsiqəsinin əslini təqdim etməlidir.
Viza nəticəsi, adətən, 30 iş gününə bəlli olur və viza nəticəsi müsbət olduğu təqdirdə vizanın etibarlılıq müddəti, adətən, 3 ay olur. Buna görə də, Tayland viza müraciətini ən tez səfər tarixinə 3 ay qalmış etmək məsləhətdir.
Viza rüsumu 41 USD-dir və nəğd şəkildə dollar şəklində qəbul edilir.
Tayland Vizası Alma Ehtimalı
Bütün ölkələrin səfirliyinə viza müraciəti edərkən olduğu kimi Taylandda da sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin normal olması, aylıq gəlirinizin standart maaş aralığında olması (təcrübədə 300-500 AZN aralığında aylıq gəliri olan şəxslərə viza alınması halı dəfələrlə yaşanıb), bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) mövcudluğu və səyahət tarixçənizin olması sizin Tayland vizası alma şansınızı artıran faktorlardır. Daha öncə səyahət tarixçəsi olmamış, yəni Şengen və ya digər viza sahibi olmayan şəxslər üçün Tayland səfirliyi riskli səfirlik hesab olunmur. Təcrübəmizdə ilk vizalarını məhz bu səfirlikdən almış çox sayda müraciətçi olmuşdur. Əlbəttə, bunun üçün sizin digər bütün sənədləriniz qaydasında olmalıdır. Həmçinin, hər bir halda sizin daha öncə vizalarınızın olması Tayland vizası alma ehtimalınızı yüksəldən faktorlardan biridir.
Taylanda Viza Dəstəyi
Biz Vizam.az şirkəti olaraq sizə Tayland vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə səfirlikdə sizin adınıza görüş təyin olunması, ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin rezervasiyası, otellərin bronu və ya istəyinizə uyğun şəkildə alınması, viza üçün səyahət tur planınızın qurulması, konsultasiya, viza prosedurunuzun izlənilməsi daxil olacaq. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum 16 AZN təşkil edəcək. Ümumi olaraq isə bizim şirkətimizdə Tayland səyahət vizasına dəstək xidmət haqqısı bir nəfər üçün 149 AZN təşkil edir.
Sifarişinizi yerləşdirmək üçün buraya klikləyə, əlavə məlumat almaq üçün 010/50/55-3000135 nömrələri ilə əlaqə saxlaya bilərsiniz.
Taylandda bol əyləncələr! Xoş səyahətlər!
