Qış fəslinin ən sehrli tərəflərindən biri də Avropanın məşhur Christmas Market yarmarkalarıdır. Hər il dekabr ayında Almaniya, Fransa və Avstriya şəhərləri işıqlar, əl işləri, isti şərab qoxusu və bayram musiqiləri ilə əsl nağıla çevrilir. Nürnbergin tarixi bazarından tutmuş Strasburqun rəngli küçələrinə, Vyananın möhtəşəm saray qarşısındakı Yeni il yarmarkasına qədər hər ölkə özünəməxsus bayram atmosferi ilə səyahətçiləri cəlb edir.
Bu mövsümi səyahətin ən böyük üstünlüyü isə bir dəfə Şengen vizası aldıqdan sonra eyni səfər çərçivəsində bir neçə ölkəni rahatlıqla gəzə bilməyinizdir. Xüsusilə də qısa müddətli bayram turları üçün bu, həm vaxt qənaəti, həm də daha sərfəli planlama imkanı yaradır. Almaniya, Fransa və Avstriya Christmas Market-ləri isə Şengen vizası ilə yanaşı ən çox seçilən və ən populyar istiqamətlərdəndir.
Əgər siz də bu il Avropanın Yeni il sehrini yaşamaq, ənənəvi yarmarkalara baş çəkmək və unudulmaz atmosfer hiss etmək istəyirsinizsə, Vizam.az sizin üçün bütün viza proseslərini sadə və rahat şəkildə həll etməyə hazırdır. Bu blogda hər üç ölkənin ən məşhur Christmas Market-ləri, səyahət marşrutları və Şengen vizası üçün vacib məlumatları addım-addım tapa biləcəksiniz.
Almaniyada Christmas Marketlər
Almaniya hər il minlərlə turistin axışdığı ənənəvi Christmas Market mədəniyyətinin mərkəzlərindən biridir. Şəhərlər küçə–küçə işıqlarla bəzədilir, qədim meydanlarda əl işləri, isti şərab, şirniyyatlar və bayram musiqiləri ilə dolu yarmarkalar qurulur. Bu ölkə həm atmosferi, həm də çoxsaylı seçimləri ilə Christmas Market turu üçün ən ideal istiqamətlərdən hesab olunur.
Nürnberg Christkindlesmarkt – Almaniyanın Ən Qədim Yarmarkası
Nürnberg Christmas Market yalnız Almaniyanın deyil, bütün Avropanın ən məşhur və ən qədim yarmarkalarından biridir. Tarixi 16-cı əsrə qədər gedib çıxan bu bazar hər il milyonlarla səyahətçini cəlb edir.
Burada xüsusi əl işləri, taxta oyuncaqlar, məşhur Nürnberger bratwurst-ları və “Lebkuchen” adlı şirniyyatlar ən çox satılan məhsullardandır. Şəhərin qədim memarlığı ilə birlikdə bazar tam olaraq nağıl havasını xatırladır.
Berlin və Münhen Christmas Market Atmosferi
Berlin hər il 70-dən çox Christmas Market-ə ev sahibliyi edir. Şəhərdə hər bölgənin özünəməxsus atmosferi var:
– Gendarmenmarkt daha klassik və mədəniyyət yönümlüdür,
– Alexanderplatz isə daha böyük, rəngarəng və müasir formatdadır.
Münhen isə Bavariya ənənələrini qoruyan şənlikləri ilə seçilir. Marienplatz meydanındakı bazar ən fotogenik və ən çox ziyarət edilən məkanlardandır. Burada isti içkilər, bayram musiqiləri və əl işi bəzəklər xüsusi yer tutur.
Almaniya Şengen Vizası
Almaniya Şengen vizasının təkgirişli və çoxgirişli növləri mövcuddur. Həmçinin, siz uzunmüddətli, yəni üç ay, altı ay, bir il, iki il və ya beş il müddəti əhatə edən vizalara da müraciət edə bilərsiniz. Siz Almaniya Şengen vizasını əldə etdikdən sonra istənilən Şengen ölkəsinə daxil ola bilərsiniz. Ancaq hər bir halda mütləq şəkildə biz məsləhət görürük ki, Şengen ərazisinə ilk girişinizi viza aldığınız ölkədən, yəni Almaniyadan edəsiniz. Əks halda siz viza müraciətiniz zamanı qeyd etmədiyiniz təqdirdə Almaniya vizası ilə Şengen ərazisinə başqa bir ölkədən giriş etməyə çalışsanız, nadir hallarda da olsa, həmin ölkənin sərhəd xidməti sizi geri qaytara və ölkəyə girişinizə icazə verməyə bilər. Bu təcrübə bəzi hallarda yaşanıb və bu səbəblə də biz sizə bu riskdən qaçınmağı tövsiyə edirik. 2025-ci ildən etibarən Azərbaycan vətəndaşlarının Almaniya vizası üçün müraciətləri yalnız TLS Contact platforması üzərindən həyata keçirilir. Əgər Almaniya səfirliyi viza görüşü almaq istəyirsinizsə, aşağıdakı addımları diqqətlə izləməlisiniz:
Fransada Christmas Marketlər
Fransa Christmas Market mədəniyyətinə həm romantik atmosferi, həm də estetik dekorasiyaları ilə tamamilə başqa bir ruh qatır. Xüsusilə ölkənin şərqində yerləşən şəhərlər – eləcə də Paris – dekabr ayında bayram işıqları ilə bəzənir, küçələrdə isti şokolad və şirniyyat qoxusu yayılır. Fransada Christmas Market-lər həm ailələr, həm cütlüklər, həm də ilk dəfə Avropa səyahətinə çıxmaq istəyənlər üçün ideal təcrübə yaradır.
Strasbourg – “Avropanın Christmas Paytaxtı”
Strasbourg Christmas Market Avropanın ən qədim və ən məşhurlarından biridir. Şəhər hər il “Capital of Christmas” – yəni “Christmas Paytaxtı” titulu ilə milyonlarla turisti cəlb edir.
Strasbourg-un mərkəzindəki Grande Île bölgəsi işıqlarla, bəzəkli küçələrlə və tarixi binalarla bərabər tam bir bayram səhnəsi kimi görünür. Buradakı “Christkindelsmärik” bazarı isə yüzlərlə stend ilə əl işləri, fəsil yeməkləri və ənənəvi Alsace şirniyyatlarını təqdim edir. Bu şəhər Fransa Christmas Market-lərinin ən simvolik ünvanı hesab olunur.
Paris Christmas Market-ləri
Paris hər zamankı romantik görüntüsünü dekabr ayında daha da artırır. Şəhərin müxtəlif bölgələrində qurulan Christmas Market-lər isə turistlərin sevimli dayanacaqlarındandır:
- La Défense Christmas Village – Parisin ən böyük Yeni il bazarı
- Tuileries Garden Market – əyləncə zonaları, şirniyyatlar və dekorativ məhsullarla çox rəngli atmosfer
- Eiffel Tower ətrafında qurulan bazarlar – foto həvəskarları üçün mükəmməl fon
Parisdə Christmas Market-lər həm alış-veriş, həm də şəhər gəzintisi üçün ideal şəkildə inteqrasiya olunur.
Fransa Şengen Vizası
Viza müraciəti Capago.az saytından onlayn olaraq həyata keçirilir. Sayta daxil olaraq əvvəlcə Capago visa appointment bölməsindən görüş təyin olunur. Görüş günü təyin edildikdən sonra sənədlərlə birlikdə Capago Baku ofisinə müraciət edilir. Capago tracking xidməti vasitəsilə sənədlərin vəziyyətini və viza prosesinin gedişatını onlayn izləmək mümkündür. Bütün sənədlər düzgün təqdim olunduğu halda, viza nəticəsi adətən 7–15 iş günü ərzində təqdim olunur.
Fransa viza rüsumu 35 avro təşkil edir. Bu məbləğ rəsmi Şengen vizası qiyməti olaraq müəyyən edilib və müraciət zamanı Capago ofisində ödənilir. Əlavə olaraq Capago xidmət haqqı da tətbiq olunur. 2025-ci ildə Capago Viza Mərkəzi Necə İşləyir , viza rüsumları nə qədərdir və capago ilə başqa hansı ölkələrə müraciət edə bilərsiniz bilmək istəyirsinizsə, klik edərək blogumuza keçid edə bilərsiniz.
Müraciət zamanı Fransa səfirliyi viza sənədləri, fransa səfirliyi görüş qaydaları, şengen vizası üçün lazım olan sənədlər, viza üçün bank hesabı, capago görüş prosesi kimi detallar əvvəlcədən araşdırılmalı və sənədlər ona uyğun hazırlanmalıdır. Çünki fransız səfirliyi sənədlərin düzgünlüyünə və təqdim olunan maliyyə sübutlarına əsasən viza qərarı verir.
Avstriyada Christmas Marketlər
Avstriya Christmas Market mədəniyyətinin ən zərif və ən klassik formada hiss olunduğu ölkələrdən biridir. Tarixi saraylar, musiqi dolu küçələr və Avstriyaya məxsus isti atmosfer bu dövrdə səyahətçilərin ən çox sevdiyi məkanlara çevrilir. Xüsusilə Vyana və Salzburg kimi şəhərlər bayram mövsümündə işıqlarla bəzənərək əsl qış nağılına çevrilir.
Vienna Christmas Dream
Vyana, Christmas Market-lər deyildikdə Avropanın ilk ağla gələn şəhərlərindən biridir. Şəhərin mərkəzində yerləşən Rathausplatz meydanında qurulan “Vienna Christmas Dream” yarmarkası hər il yüz minlərlə turisti cəlb edir.
Burada əl işləri, şamlar, dekorativ oyuncaqlar, isti punch içkisi və klassik musiqi harmoniyası xüsusi bayram ab-havası yaradır. Həmçinin meydanın yaxınlığında buz meydançası quraşdırılır və bu, ailələr və cütlüklər üçün ideal əyləncədir.
Salzburg və Innsbruck – Dağların Qış Nağılı, Salzburg, Mozartın doğulduğu şəhər kimi musiqi və ənənəni bir araya gətirir. Şəhərin köhnə mərkəzində qurulan Christmas Market-lər dar küçələri, klassik musiqi səsləri və tarixi binaları ilə çox xüsusi atmosfer yaradır.
Innsbruck isə Alp dağlarının ətəyində yerləşdiyi üçün tamam başqa bir qış təcrübəsi təqdim edir. Dağ mənzərəsi fonunda qurulan Christmas Market-lər foto sevənlər və təbiət aşiqi səyahətçilər üçün mükəmməldir.
Avstriya Vizası
Avstriyaya səfər etməyi planlaşdırırsınızsa, ilk atacağınız addım Avstriya səfirliyi viza görüşü üçün appointment almaq olacaq. Viza müraciətləri hal-hazırda Avstriya səfirliyi appointment sistemi vasitəsilə onlayn şəkildə həyata keçirilir və görüş vaxtları adətən bir neçə həftə əvvəldən dolur. Ona görə də planlarınızı vaxtında qurmaq vacibdir.
Avstriya Şengen vizası ilə daxil olunan ölkələr sırasındadır və buna görə də Shengen vizası almaq üçün tələb olunan sənədlər siyahısına ciddi şəkildə riayət olunmalıdır. Müraciət zamanı VFS Global vasitəsilə sənədlərinizi təqdim etməli olacaqsınız bu prosesə tez-tez Avstriya viza VFS adı ilə rast gəlirsiniz.
Sənədlər siyahısına daxil olan vacib sənədlərdən biri də iş yerindən arayışdır. Bu sənəd sizin maddi və peşəkar sabitliyinizi göstərmək üçün əsas sübutdur. Əgər siz tələbəsinizsə və Avstriya təhsil vizası üçün müraciət edirsinizsə, əlavə olaraq qəbul məktubu və təhsil sponsorluğu ilə bağlı sənədlər də tələb oluna bilər. Sponsorlu müraciətlərdə Sponsorluq məktubu Asan Xidmət tərəfindən notarial təsdiqlə təqdim olunmalıdır.
Viza Dəstəyi
Şengen zonasına səyahət etmək istəyənlər üçün peşəkar viza dəstəyi xidməti səyahət prosesini həm daha rahat, həm də daha sürətli edir. Vizam.az olaraq Avstriya və Fransa üçün viza dəstəyi xidmətimizi cəmi 79 manat, İtaliya üçün isə 115 manat olaraq təklif edirik. Xidmətimiz viza müraciəti zamanı vaxt itirmədən, sənədlərdə səhv etmədən və bütün prosesi sizin üçün maksimum sadələşdirərək həyata keçirmək üçün nəzərdə tutulub.
Vizam.az-ın viza dəstəyi xidmətinə aşağıdakılar daxildir:
- Səfirlik və ya viza mərkəzi üçün adınıza görüşün təyin olunması
- Ərizə formasının düzgün və tam şəkildə doldurulması
- Bütün sənədlərinizin peşəkar şəkildə hazırlanması və yoxlanılması
- Səyahətinizə uyğun uçuş bileti rezervasiyası
- Otellərin bronlanması və təsdiqi
- Viza üçün səyahət tur planının hazırlanması
- Proses boyu tam konsultasiya və dəstək
- Viza müraciətinizin izlənməsi və nəticə barədə məlumatlandırma
Ümumi Xərclər
- Viza dəstəyi xidmət haqqı: 79 manat (Avstriya, Fransa) / 115 manat (İtaliya)
- Viza rüsumu: 35 avro
- Viza Müraciət Mərkəzinin xidməti: 33–65 manat arası
- Səyahət sığortası (1 həftə): 30–40 manat
Vizam.az ilə həm təhlükəsiz, həm də problemsiz viza müraciəti edə bilərsiniz. Bütün sənədləriniz düzgün hazırlanır, səyahət planınız optimallaşdırılır və vizaya müraciət prosesiniz addım-addım bizim tərəfimizdən izlənilir.
