PERU VİZASINI HARDAN ALMAQ MÜMKÜNDÜR?

Yeniləndi: 13 fevral 2025 2848 baxış 4 dəq. oxu

Cənubi Amerika ölkələrini dünyanın yerdə qalan ölkələrindən fərqləndirən bir çox əlamət var. Peruda da bu əlamətlərə onun mükəmməl təbiəti və coğrafiyası, dağları, dünyanın yeddi möcüzəsindən biri olan Maçu-Pikçuya sahib olması və s. daxildir. Əgər siz də bu və ya digər səbəblərdən Peruya unudulmaz bir səyahət etmək istəyirsinizsə, səfəriniz üçün sizə lazım olacaq Peru vizası haqda hər şeyi biz sizə bu məqalədə bildirəcəyik.

Peru Viza Növləri

Peruya planladığınız səyahətinizi Peru səyahət vizası əldə edərək reallaşdıra bilərsiniz. Bu viza növünə müraciət səbəbləri turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan nüanslar ola bilər. Əgər siz Peruda uzunmüddətli təhsil (bakalavr, magistr, doktorantura və s. kimi) almaq və ya burada yerləşən bir qurumda daimi işləmək istəyirsinizsə, həmin təhsil və iş qurumlarından rəsmi dəvət və ya qəbul məktublarınız olduğu təqdirdə Peru milli vizasına da müraciət edə bilərsiniz. 

Peru Turizm Vizası

Peru vizasının təkgirişli və çoxgirişli növləri mövcuddur. Eyni zamanda siz yalnız ilk səfərinizi əhatə edəcək qısamüddətli vizaya və ya çoxgirişli və uzunmüddətli viza növlərinə də müraciət edə bilərsiniz. Bu, sizin səfərinizin məqsədindən və səfər intervalınızdan asılı olaraq dəyişir.

Peru Vizası Müraciəti üçün Sənədlər Toplusu

Peru vizasına müraciət edərkən siz aşağıdakı sənədləri təqdim etməlisiniz:

  1. Xarici pasportunuzun orijinalı və birinci səhifəsinin surəti
  2. Əgər varsa, əvvəlki vizalarınızın və giriş-çıxış möhürlərinizin surətləri
  3. Şəxsiyyət vəsiqənizin surəti
  4. İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
  5. Adınıza olan bank hesabından arayış* (Məbləğ barədə aşağıda detallı məlumat qeyd olunub)
  6. Məhkumluq haqqında arayış*
  7. 2 ədəd 3x4 ölçüdə, ağ fonda şəkliniz
  8. Səyahətiniz üçün etdiyiniz aviabilet bronları
  9. Səyahətiniz üçün etdiyiniz otel rezervasiyaları
  10. İngilis dilində doldurulmuş ərizə forması
  11. Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
  12. Viza rüsumunun ödənildiyini təsdiq edən sənəd

Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.

Bank hesabınızdakı məbləğ sizin göstərdiyiniz səyahət tarixlərinizdən, yəni Peruda qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 4.000-5.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə ölkə ərazisində qalacağınızı göstərdiyiniz hər gün üçün ortalama 60-70 dollar gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.

Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti, Vergilər Nazirliyindən dövriyyəniz haqqında verilmiş arayış) səfirliyə təqdim edə bilərsiniz. Əgər siz işləmirsinizsə, təhsil alırsınıza və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədin surətini də viza müraciəti zamanı təqdim etmək lazımdır.

Qeyd edək ki, VÖEN, Vergilər Nazirliyindən dövriyyə haqqında arayış, və ya sponsorluq kağızı, icazə kağızı kimi sənədləri təqdim etdiyiniz halda da bu sənədlərin hər birini notarial qaydada ingilis dilinə tərcümə və təsdiq etdirməlisiniz.

Viza Proseduru

Perunun ölkəmizdə konsulluğu fəaliyyət göstərməməsi səbəbilə Azərbaycan vətəndaşları tərəfindən viza müraciəti Perunun Ankaradakı səfirliyinə edilir və qərar həmin səfirliyin konsulluq şöbəsində verilir. 

Viza müarciətini etmək üçün ilk öncə tələb olunan sənədlərin skanı Ankaradakı Peru səfirliyinin email ünvanına göndərilir. Hər şey qaydasındadırsa, orijinal sənədlər ya kuryer vasitəsilə göndərilə, ya da şəxsən təhvil verilə bilər. Nəzərə almaq lazımdır ki, sənədlər kuryer vasitəsilə göndərilirsə, viza rüsumu olan 40 USD əvvəlcə bank transferi ilə ödənilməlidir və ödənişin təsdiqi də sənədlərin arasına əlavə edilməlidir. Əgər, müraciətçi özü şəxsən sənədləri təhvil verməyə gedirsə, viza ödənişi barədə təlimatlar səfirlikdə veriləcəkdir.

Qeyd edək ki, Peru vizası üçün müraciət etmiş şəxslərin viza nəticəsi, adətən, 30-40 iş günü ərzində bəlli olur. Yalnız bu müddətə sənədlərin kuryerlə daşınması kimi detallar aid deyil.

Peru Vizası Alma Ehtimalı

Bütün ölkələrin səfirliyinə viza müraciəti edərkən olduğu kimi Peruda da sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin normal olması, aylıq gəlirinizin standart maaş aralığında olması (təcrübədə 400-500 AZN aralığında aylıq gəliri olan şəxslərə viza alınması halı dəfələrlə yaşanıb), bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) mövcudluğu və səyahət tarixçənizin olması sizin Peru vizası alma şansınızı artıran faktorlardır. Daha öncə səyahət tarixçəsi olmamış, yəni Şengen və ya digər viza sahibi olmayan şəxslər üçün Peru səfirliyi riskli səfirlik hesab olunmur. Təcrübəmizdə ilk vizalarını məhz bu səfirlikdən almış çox sayda müraciətçi olmuşdur. Əlbəttə, bunun üçün sizin digər bütün sənədləriniz qaydasında olmalıdır. Həmçinin, hər bir halda sizin daha öncə vizalarınızın olması Peru vizası alma ehtimalınızı yüksəldən faktorlardan biridir.

Peruya Viza Dəstəyi

Biz Vizam.az şirkəti olaraq sizə Peru vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin rezervasiyası, otellərin bronu və ya istəyinizə uyğun şəkildə alınması, viza üçün səyahət tur planınızın qurulması, konsultasiya, viza prosedurunuzun izlənilməsi daxil olacaq. Bunlardan əlavə, biz sizə sənədlərinizin Ankaradakı səfirliyə kuryerlə çatdırılması və pasportunuzun geri qaytarılması, həmçinin viza ödənişinin edilməsi ilə bağlı da yardımçı ola bilərik. Bu əlavə xidmətin dəyəri 195 AZN təşkil edir. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum 16 AZN təşkil edəcək. Ümumi olaraq isə bizim şirkətimizdə Peru vizasına dəstək xidmət haqqısı bir nəfər üçün 200 AZN təşkil edir.

Sifarişinizi yerləşdirmək üçün buraya klikləyə, əlavə məlumat almaq üçün 010/50/55-3000135 nömrələri ilə əlaqə saxlaya bilərsiniz.

Xoş səyahətlər!

Yeniləndi: 24.01.2025

Oxşar yazılar:

Baliyə Səyahət: Bali Vizası

Baliyə Səyahət: Bali Vizası

Cənnət Kimi Bir Ada, İndoneziyanın ən məşhur adalarından biridir və dünya miqyasında səyahətçilər üçün bir cənnət olaraq tanınır. Təbiətinin gözəlliyi, mədəniyyəti, tarixi və yerli mətbəxi ilə Bali, ziyarətçilərinə unudulmaz təcrübələr təqdim edir. Bu blogda, Bali’nin görməli yerləri, mədəniyyəti, fəaliyyətləri və səyahətə uyğun vaxtı haqqında daha çox məlumat əldə edəcəksiniz. Bali’nin Görməli Yerləri Bali, mükəmməl plajları, […]

Vizam.az 29 aprel 2025
İndoneziyaya Səyahət: İndoneziya Vizası

İndoneziyaya Səyahət: İndoneziya Vizası

İndoneziya, təbiətinin möhtəşəmliyi və zəngin mədəniyyəti ilə tanınan, səyahətçilər üçün unikal bir təcrübə təqdim edir. 17,000-dən çox adadan ibarət olan bu ölkə, dünyanın ən böyük adalar arxipelaqlarından biridir. Bəli, bu cür geniş bir ərazidə səyahət etmək üçün əvvəlcədən planlaşdırma vacibdir. Bu yazıda İndoneziya haqqında ümumi məlumatlar, görməli yerlər, yerli mətbəx, ideal səyahət dövrləri və nəqliyyat […]

Vizam.az 29 aprel 2025
Kambocaya Səyahət: Kamboca Vizası

Kambocaya Səyahət: Kamboca Vizası

Kamboca, Cənub-Şərqi Asiyanın ən mistik və cəlbedici səyahət məkanlarından biridir. Dünyaca məşhur Angkor Wat məbədi, ekzotik Koh Rong çimərlikləri və zəngin Khmer mətbəxi ilə turistlərin diqqətini cəlb edir. Ölkədə səyahət ucuz, insanlar isə son dərəcə qonaqpərvərdir. Tropik təbiət, tarixi abidələr və rəngarəng küçə bazarları bu səfəri unudulmaz edir. Kambocaya getmək üçün e-viza ilə rahat şəkildə […]

Vizam.az 29 aprel 2025
Cənub-Şərqi Asiya Səyahəti: Vyetnam Vizası

Cənub-Şərqi Asiya Səyahəti: Vyetnam Vizası

Vyetnam, Cənub-Şərqi Asiyada yerləşən, uzun sahil xətti və dağlıq əraziləri ilə tanınan rəngarəng və mədəni zəngin ölkədir. Paytaxtı Hanoy olan bu ölkənin ən böyük şəhəri isə Ho Chi Minh City-dir (keçmiş Sayqon). Əhalisinin sayı 100 milyona yaxın olan Vyetnamda rəsmi dil vyetnam dilidir. Ölkədə əsasən Vietnam dongu (VND) istifadə olunur. İqlimi tropik və musson təsirlidir […]

Vizam.az 29 aprel 2025
Səudiyyə Ərəbistanına Vizasız Səyahət

Səudiyyə Ərəbistanına Vizasız Səyahət

Səudiyyə Ərəbistanı uzun illər yalnız işgüzar səfərlər və dini ziyarətlərlə tanınsa da, son illərdə ölkə qapılarını turizmə açaraq dünyanın hər yerindən səyahətçiləri qəbul etməyə başlayıb. Azərbaycan vətəndaşları üçün də artıq Səudiyyə Ərəbistanına vizasız və ya sadələşdirilmiş şəkildə səyahət imkanı yaradılıb.Bu yazıda Səudiyyə Ərəbistanına vizasız giriş qaydalarından, görməli yerlərdən, nəqliyyat və iqlim şərtlərindən, təhlükəsizlik vəziyyətindən və […]

Vizam.az 28 aprel 2025
ABŞ Vizası Növləri: Səyahətiniz Üçün Uyğun Olanı Seçin

ABŞ Vizası Növləri: Səyahətiniz Üçün Uyğun Olanı Seçin

Amerikaya getmək istəyirsiniz və hansı viza növünün sizin üçün uyğun olduğuna qərar verə bilmirsiniz? Bu, həqiqətən də qarışıq ola bilər, çünki Amerika Birləşmiş Ştatlarına səyahət etmək istəyənlər üçün müxtəlif viza növləri mövcuddur. Hər bir viza növü fərqli məqsədlər üçün təyin edilib, buna görə də doğru viza növünün seçilməsi çox vacibdir. ABŞ-da hansı məqsədlə qalacağınızı və […]

Vizam.az 25 aprel 2025
Amerika arzusunda olanlar üçün ən uyğun immiqrasiya vizaları

Amerika arzusunda olanlar üçün ən uyğun immiqrasiya vizaları

Amerikaya köçmək istəyənlər üçün immiqrasiya vizaları böyük əhəmiyyət kəsb edir, çünki onlar ABŞ-da təhsil almaq, işləmək, yaşamaq və ya biznes qurmaq məqsədilə hüquqi yolla qalmağa imkan verir. Amerika, dünyada ən çox arzulanan ölkələrdən biridir və orada müxtəlif sahələrdə geniş imkanlar mövcuddur. Yüksək təhsil, iş imkanları və biznes sahəsində yaradıcı mühit ABŞ-ı dünyanın qabaqcıl ölkələrindən biri […]

Vizam.az 25 aprel 2025
Ekvadora Vizasız Səyahət

Ekvadora Vizasız Səyahət

Cənubi Amerikanın ecazkar ölkələrindən biri olan Ekvador, təbiəti, tarixi, mədəniyyəti və macəra dolu coğrafiyası ilə səyahətçilərin yeni sevimlisinə çevrilib. Daha da maraqlısı budur ki, Azərbaycan vətəndaşları bu gözəl ölkəyə vizasız səyahət edə bilirlər. Səhradan bulud meşələrinə, dağlardan tropik adalara qədər təklif etdiyi müxtəliflik Ekvadoru unikal və dəyərli edir. Bu blog yazısında Ekvadorun vizasız rejimi, əsas […]

Vizam.az 23 aprel 2025
Bosniya: Avropaya Vizasız Səyahətin Ünvanı

Bosniya: Avropaya Vizasız Səyahətin Ünvanı

Son illərdə səyahətçilərin maraq göstərdiyi Avropa ölkələrindən biri də Bosniya və Herseqovinadır. Balkan yarımadasının qəlbində yerləşən bu ölkə təbiət mənzərələri, tarixi şəhərləri, mədəni müxtəlifliyi və qonaqpərvər insanları ilə seçilir. Daha da sevindirici hal odur ki, Azərbaycan vətəndaşları Bosniya və Herseqovinaya vizasız səyahət edə bilirlər. Bu yazıda vizasız rejimin detalları, Bosniyada görməli yerlər, nəqliyyat, iqlim və […]

Vizam.az 22 aprel 2025
Balkanlara Səyahət: Bolqarıstan Vizası

Balkanlara Səyahət: Bolqarıstan Vizası

Əgər Balkanlara ilk dəfə səfər edirsinizsə, Bolqarıstanla başlamaq mükəmməl bir seçim ola bilər. Bu ölkə, həm gözəl təbiəti, həm də zəngin tarixi ilə səfərinizə unudulmaz bir başlanğıc əlavə edəcək. Bolqarıstan, həm təbiəti, həm də zəngin tarixi ilə səyahətçilər üçün çoxsaylı maraqlı yerlər təqdim edir. Sofiya, Bolqarıstanın paytaxtı olaraq, bu ölkənin mədəniyyətini və tarixini birləşdirən mərkəzlərdən […]

Vizam.az 22 aprel 2025