Misir, min illərlə tarixin izlərini daşıyan, mədəni irsi və unikal abidələri ilə məşhur olan bir ölkədir. Qədim Misir sivilizasiyasının beşiyi olan bu torpaq, həm turistlər, həm də tarix həvəskarları üçün cəlbedici bir məkandır. Misirə səyahət edənlər üçün ən məşhur yerlər arasında Giza Piramidaları, Böyük Sfenks, Luksor Məbədi və Qədim İsgəndəriyyə Kitabxanası kimi tarixi abidələr yer alır.
Misirin Turistik Məkanları
- Giza Piramidaları – Dünya möcüzələrindən biri olan bu abidə Misir səyahətinin əsas dayanacağıdır.
- Krallar Vadisi – Qədim fironların məzarlarının yerləşdiyi bu yer arxeologiya həvəskarlarının maraq dairəsindədir.
- Qahirə – Misirin paytaxtı olan bu şəhər, tarixi bazarları, muzeyləri və qədim məscidləri ilə tanınır.
- Şarm əl-Şeyx və Hurgada – Qırmızı dənizin sahilində yerləşən bu kurort şəhərləri dalğıc turizmi və çimərlik istirahəti üçün ideal seçimdir.
Misir Vizası Üçün Əsas Məlumatlar
Misirə səyahət etmək üçün viza əldə etdikdən sonra turistik və ya işgüzar səfərinizi planlaşdıra bilərsiniz. Misir turizm vizası, adətən, müraciət zamanı göstərdiyiniz səyahət tarixlərini əhatə edəcək formada verilir.
Məsələn, əgər siz Misirdə 7 gün qalmağı planlaşdırırsınızsa, viza əksər hallarda müəyyən “koridor” müddəti tətbiq edilərək həmin tarixlərdə aktiv olacaq şəkildə təqdim edilir.
Bundan əlavə, ehtiyacınıza uyğun olaraq çoxgirişli (multiple-entry) Misir vizasına da müraciət edə bilərsiniz ki, bu da sizə müəyyən müddət ərzində bir neçə dəfə ölkəyə daxil olmaq imkanı yaradır.
Misir Vizası Müraciəti üçün Sənədlər Toplusu
Misir vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Şəxsiyyət vəsiqənizin surəti
- İş yerindən arayış (təhsil alan şəxslər üçün təhsil müəssisəsindən arayış)
- 2 ədəd 3x4 ölçüdə şəkliniz
- Səyahətiniz üçün etdiyiniz aviabilet və otel bronları
- İngilis dilində doldurulmuş ərizə forması
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
Misir turizm vizasına müraciət edərkən yuxarıda göstərilən sənədləri səfirliyə təqdim etməyiniz yetərli olacaq. Qeyd edək ki, səfirlik bütün sənədləri azərbaycan dilində qəbul edir, yəni sənədləri ingilis dilinə tərcümə etdirməyinizə ehtiyac yoxdur. Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənəd kimi adınıza olan VÖEN-in surətini səfirliyə təqdim edə bilərsiniz. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədinin surətini də viza müraciəti zamanı təqdim etmək lazımdır.
Viza Proseduru
Misir vizası üçün müraciəti siz Misirin Bakıda yerləşən səfirliyindən edirsiniz. Öncədən görüş almağa ehtiyac yoxdur. Sənədləri təqdim edərkən şəxsi iştirakınız mütləq deyil. Bizim xidmətdən istifadə etdiyiniz təqdirdə biz sizin yerinizə səfirlikdə viza müraciəti edə bilirik (Bu haqda ətraflı məlumatı “Misirə Viza Dəstəyi” hissəsindən oxuya bilərsiniz). Viza cavabı adətən, siz müraciət etdikdən 5-7 iş günü sonrasına qədər çıxmış olur. Cavabınız çıxdıqdan sonra siz pasportunuzu yenidən Misir səfirliyindən götürə bilirsiniz. Viza rüsumu təkgirişli viza müraciəti üçün 27 ABŞ dolları, çoxgirişli viza müraciəti üçün isə 35 ABŞ dolları təşkil edir.
Şarm əl-Şeyxə Sərhəddə Viza ilə Giriş Qaydaları
Sinay yarımadasında yerləşən Şarm əl-Şeyx şəhəri, Misirin ən məşhur kurort şəhərlərindən biridir və hər il milyonlarla turist bu bölgədə dincəlməyə üz tutur.
Misir dövləti Azərbaycan da daxil olmaqla bir çox ölkənin vətəndaşlarına Şarm əl-Şeyx şəhərinə girişdə sərhəddə viza (qapıda viza) prosedurunu tətbiq edir. Lakin bu qayda yalnız müəyyən şərtlər daxilində keçərlidir:
- Səyahətiniz yalnız Şarm əl-Şeyx şəhəri ilə məhdudlaşmalıdır.
- Gediş və dönüş uçuşlarınız birbaşa Şarm əl-Şeyx hava limanından olmalıdır.
Bu qaydalara əməl edilmədiyi halda, sərhəddə viza almağa çalışan bir çox Azərbaycan vətəndaşının öncədən viza almadıqları üçün ölkəyə girişlərinin rədd edildiyi hallar baş verib.
Bu səbəbdən, hətta yalnız Şarm əl-Şeyx şəhərinə səyahət edəcəksinizsə belə, öncədən Misir vizası almağınız tövsiyə olunur. Bu addım səfərinizin problemsiz keçməsi üçün vacibdir və sizi mümkün çətinliklərdən qoruyacaq.
Misir Vizası Alma Ehtimalı
Misirə turistik viza müraciəti edən hər bir Azərbaycan vətəndaşının viza alma şansı kifayət qədər yüksək görülə bilər. Əlbəttə ki, səfirliyə təqdim etdiyiniz bütün sənədlərin qaydasında olduğu təqdirdə bu şans yüksək hesab olunur. Bizim təcrübəmizdə Misirə viza müraciəti edib imtina alan Azərbaycan vətəndaşına rast gəlinməyib. Yenidən qeyd etmək istərdik ki, sənədlərin qaydasında olması mütləq şərtdir.
Misirə Viza Dəstəyi
Sifarişinizi yerləşdirmək üçün buraya klikləyə bilərsiniz. Əlavə məlumat üçün 010/50/55-3000135 nömrələri ilə əlaqə saxlaya bilərsiniz.
Qədim tarixə gedən bu səfərinizdə sizə uğurlar diləyirik! Xoş səyahətlər!
