Aralıq dənizinin incisi sayılan Malta həm turizm, həm də təhsil üçün azərbaycanlıların son illərdə ən çox seçdiyi istiqamətlərdən biridir. Kiçik ada dövləti olmasına baxmayaraq, zəngin tarixi, mavi dənizi, qədim qalaları və Avropanın mərkəzinə açılan rahat coğrafi mövqeyi ilə Maltaya maraq ildən-ilə artır. Üstəlik, burada həm qısamüddətli dil kursları, həm də ali təhsil imkanları geniş olduğuna görə gənclər və tələbələr üçün də cəlbedici bir məkandır.
Maltaya səyahət və ya təhsil üçün getmək istəyən hər bir Azərbaycan vətəndaşı Şengen vizası almalıdır. Bu viza sizə yalnız Maltaya deyil, eyni zamanda digər Şengen ölkələrinə də səyahət imkanı yaradır. Lakin müraciət prosesi, tələb olunan sənədlər və rüsumlar barədə düzgün məlumata sahib olmaq çox vacibdir.
Bu yazıda Malta vizasının bütün detallarını müraciət qaydalarını, lazım olan sənədləri, xərcləri və ən çox rast gəlinən səhvləri sizinlə paylaşacağıq. Məqsədimiz vizaya müraciət etməzdən əvvəl bütün suallarınıza aydınlıq gətirmək və vaxtınıza qənaət etməkdir.
Malta Şengen Vizası
Bütün Şengen vizaları kimi Malta Şengen vizasının da təkgirişli və çoxgirişli növləri mövcuddur. Hər bir halda siz uzunmüddətli, yəni üç ay, altı ay, bir il, iki il və ya beş il müddəti əhatə edən vizalara da müraciət edə bilərsiniz. Malta Şengen vizasını əldə etdikdən sonra istənilən Şengen ölkəsinə giriş edə bilmək mümkündür. Ancaq hər bir halda biz məsləhət görürük ki, Şengen ərazisinə ilk girişinizi viza aldığınız ölkədən, yəni Maltadan edəsiniz. Əks halda siz viza müraciətiniz zamanı qeyd etmədiyiniz təqdirdə Malta vizası ilə Şengen ərazisinə başqa bir ölkədən giriş etməyə çalışsanız, nadir hallarda da olsa, bu sizin üçün problemə çevrilə, həmin ölkənin sərhəd xidməti sizi geri qaytara və ölkəyə girişinizə icazə verməyə bilər. Bu təcrübə bəzi hallarda yaşanıb və bu səbəblə də biz sizə bu riskdən qaçınmağı tövsiyə edirik.
Əgər siz Malta Şengen vizasına müraciət edirsinizsə, səyahətiniz boyu gün sayı, yəni müddət olaraq ən çox Maltada qalacağınızı göstərməlisiniz. Bir çox turist Malta səyahətlərini planlayarkən öz tur planlarına İtaliya, İspaniya və bir sıra digər Avropa ölkələrini də daxil edirlər. Bu kimi hallar sizin viza müraciətinizdə heç bir problem yaratmayacaq nüanslardır. Sadəcə ümumi səyahətiniz müddətində ən çox qalacağınız ölkəni Malta göstərməyiniz məhz Malta vizasına müraciət edə bilməyiniz üçün yetərli olacaqdır.
Malta Vizasına Müraciət Qaydası
Maltaya səyahət planlaşdıran Azərbaycan vətəndaşları birbaşa Malta səfirliyinə müraciət edə bilmirlər, çünki ölkəmizdə Malta səfirliyi fəaliyyət göstərmir. Malta vizasına müraciət etmək üçün İtaliya səfirliyi vasitəsilə VFS Global viza mərkəzinə sənədlər təqdim edilməlidir. Bu, Maltanın Azərbaycanda viza müraciətlərini İtaliya diplomatik nümayəndəliyinə həvalə etməsi ilə bağlıdır.
Müraciət addımları:
- VFS Global üzərindən onlayn görüş təyin edin.
- Sənədlərinizi toplayın.
- Viza mərkəzinə gedərək barmaq izi verin (əgər son 5 ildə Şengen vizası üçün verməmisinizsə).
- Xidmət və viza rüsumlarını ödəyin.
- Müraciət nəticəsini gözləyin. Adətən Malta vizasının cavabı 10–15 iş günü ərzində hazır olur.
Nəyə diqqət etməli?
- Sənədlərdə hər hansı yanlışlıq və ya natamamlıq müraciətin gecikməsinə və ya rədd edilməsinə səbəb ola bilər.
- Səyahət məqsədinizi (turizm, təhsil, iş) düzgün əsaslandırmaq vacibdir.
- Aviabilet və otel rezervasiyaları təsdiqli olmalıdır.
Aralıq dənizində yerləşən Malta Şengen ölkələri siyahısında yer aldığı üçün bu ölkəyə səyahət etmək istəyən Azərbaycan vətəndaşları Malta Şengen vizası almalıdır. Bu vizaya müraciət səbəbləri müxtəlif ola bilər: turizm məqsədli gediş, ailə üzvləri və ya dostlara ziyarət, işgüzar səfər, tibbi müayinə və müalicə, qısamüddətli təhsil proqramları, mübadilə layihələri və digər oxşar səbəblər.
Əgər Maltada 90 gündən artıq qalmaq planınız varsa məsələn, bakalavr, magistr və ya doktorantura üzrə uzunmüddətli təhsil almaq, yaxud rəsmi şəkildə işə qəbul olunmaq bu zaman artıq Malta milli vizası üçün müraciət etmək tələb olunur. Bu halda müvafiq təhsil müəssisəsindən qəbul məktubu və ya iş yerindən dəvət sənədi əsas rol oynayır.
Malta vizasına necə müraciət edilir?
Hazırda Azərbaycanda Malta səfirliyi fəaliyyət göstərmir. Buna görə də bütün müraciətlər İtaliya səfirliyi vasitəsilə həyata keçirilir. Yəni, Malta vizası üçün sənədlərinizi VFS Global Bakı ofisinə təqdim etməlisiniz. Rəsmi qaydaya görə, Maltanın viza müraciətlərini Azərbaycanda məhz İtaliya səfirliyi qəbul edir.
Müraciət prosesi isə belədir:
- VFS Global saytından (VFS Global Baku) onlayn görüş təyin edilir;
- Toplanmış sənədlər təqdim olunur;
- Barmaq izi və biometrik məlumatlar verilir;
- Müraciət rüsumları ödənilir.
Əlavə suallar yarandıqda İtaliya səfirliyi əlaqə bölməsindən məlumat almaq mümkündür. Eyni zamanda, müraciət prosesi ilə bağlı operativ cavab almaq üçün İtaliya səfirliyi nömrəsi ilə əlaqə saxlamaq faydalıdır.
Malta Vizası üçün Hansı Sənədlər Lazımdır?
Malta Şengen vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Elektron hökumət portalından işlə bağlı arayış*
- Adınıza olan bank hesabından arayış* və çıxarış (Məbləğ barədə aşağıda detallı məlumat qeyd olunub)
- Əgər varsa, adınıza olan mülklərin çıxarışlarının* və maşınınızın texpasport kopyası
- Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
- 2 ədəd 3.5x4.5 ölçüdə, biometrik və ağ fonda şəkliniz
- Səyahətiniz üçün etdiyiniz aviabilet bronları
- Səyahətiniz üçün etdiyiniz otel rezervasiyaları
- Səfərinizi tam əhatə edəcək Şengen qaydalarına uyğun səyahət sığortası
- İngilis dilində doldurulmuş ərizə forması
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi sənəd
Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.
Malta Şengen Vizası Alma Şansınızı Necə Artıra Bilərsiniz?
Malta vizası üçün müraciət edən hər bir namizədin qəbul olunma ehtimalı fərqli olur. Digər ölkələrdə olduğu kimi, Malta Şengen vizası da müraciətçinin şəxsi profili, maliyyə vəziyyəti və səyahət tarixçəsinə əsasən qiymətləndirilir. Buna görə də, müraciət etməzdən əvvəl şərtləri düzgün anlamaq, hansı meyarlara diqqət olunduğunu bilmək çox vacibdir.
Hansı faktorlar şansı artırır?
- Maliyyə vəziyyəti – Normal iş yerinin və vəzifənin olması, aylıq gəlirin minimum orta göstəricidə olması (təcrübədə 400–600 AZN gəliri olan şəxslərə belə Malta visa təsdiqlənmişdir).
- Bank hesabı – Səyahətin bütün xərclərini qarşılamağa yetəcək qədər vəsaitin hesabda olması.
- Ailə və ölkə ilə bağlılıq – Adınıza mülkün olması, evli olmağınız və ya övladlarınızın olması vizanın alınmasını asanlaşdıran nüanslardır.
- Səyahət tarixçəsi – Daha əvvəl Şengen vizası və ya digər etibarlı vizaların olması İtaliya səfirliyi vasitəsilə Malta vizası alma ehtimalınızı xeyli yüksəldir.
Təcrübədə ilk dəfə müraciət edən şəxslər üçün İtaliya səfirliyi bəzən riskli hesab oluna bilər. Lakin profiliniz güclüdürsə, VFS Global Bakı üzərindən verilən ilk müraciətlə belə təsdiq almaq mümkündür. Bizim təcrübəmizdə, İtaliya səfirliyi əlaqə vasitəsilə yönləndirilən müraciətlərin əksəriyyətində müsbət nəticə əldə olunub.
Əgər daha öncə heç bir Şengen vizası almamısınızsa, bu halda risklərinizi azaltmaq üçün peşəkar məsləhət almağınız tövsiyə olunur.
Tez-tez verilən suallar (FAQ)
1. Malta vizası neçə günə hazır olur?
Malta vizası üçün müraciət etdikdən sonra cavab adətən 10–15 iş günü ərzində gəlir. Lakin mövsümün gərginliyi və müraciət sayına görə bu müddət uzana bilər. Əlavə məlumat üçün VFS Global Bakı ofisinə və ya rəsmi İtaliya səfirliyi əlaqə vasitələrinə müraciət etmək mümkündür.
2. Malta vizası ilə digər Şengen ölkələrinə gedə bilərəmmi?
Bəli, Malta Şengen vizası ilə digər Şengen ölkələrinə də səyahət edə bilərsiniz. Lakin ilk giriş ölkəniz Malta olmalıdır və əsas qalacağınız ölkə də Malta göstərilməlidir. Bu qaydaya əməl etmədikdə gələcək müraciətlərdə çətinlik yarana bilər.
3. İlk dəfə Şengen vizası alıram, Malta vizasına müraciət edə bilərəmmi?
Əlbəttə, mümkündür. Amma nəzərə alın ki, İtaliya səfirliyi vasitəsilə verilən ilk müraciətlərdə profilinizin güclü olması vacibdir (stabil iş, gəlir, bank hesabı, ailə və mülk kimi nüanslar). Əks halda, ilk şengen vizası müraciətində risk ola bilər.
4. Malta vizası üçün hansı sənədlər lazımdır?
Ümumi sənədlər: pasport, 2 ədəd biometrik foto, ərizə forması, tibbi sığorta, aviabilet və otel rezervasiyası, maliyyə sənədləri. İşləyənlər, sahibkarlar və tələbələr üçün isə əlavə sənədlər tələb olunur. Dəqiq siyahını VFS Global Bakı saytından və ya İtaliya səfirliyi əlaqə vasitəsilə öyrənmək olar.
5. Malta vizası üçün müraciəti hara etməliyəm?
Azərbaycanda Malta səfirliyi yoxdur. Buna görə də müraciətlər yalnız İtaliya səfirliyi vasitəsilə qəbul olunur və sənədlər VFS Global Bakı ofisinə təqdim edilir. Əlavə məlumat üçün İtaliya səfirliyi nömrəsi ilə əlaqə saxlaya bilərsiniz.
6. Malta vizası rədd olunarsa, yenidən müraciət edə bilərəmmi?
Bəli, rədd cavabı aldıqdan sonra yenidən müraciət etmək mümkündür. Lakin əvvəlki rədd səbəblərini nəzərə almaq və sənədləri düzgün şəkildə hazırlamaq vacibdir. Əks halda, eyni nəticə ilə qarşılaşa bilərsiniz.
