Əgər Avropa ölkələrindən birinə səyahət planlaşdırırsınızsa və viza almaq lazımdırsa, yolunuz böyük ehtimalla VFS Global-dan keçəcək. VFS Global, viza müraciət prosesini sadələşdirmək və sürətləndirmək üçün dünyada lider xidmət təminatçılarından biridir. 2001-ci ildən bəri fəaliyyət göstərən şirkət, 2025-ci ildə viza müraciət edənlərin həyatını daha da asanlaşdırmaq üçün müasir texnologiyalar və innovativ xidmətlər təqdim edir. Hər il milyonlarla insan VFS Global vasitəsilə viza alır və bu xidmət, səyahətçilərə viza müraciətini rahat, təhlükəsiz və sürətli şəkildə həyata keçirməyə imkan verir.VFS Global, yalnız viza müraciətinin qəbulunu təmin etmir, həmçinin biometrik məlumatların toplanması, sənədlərin yoxlanması və viza nəticələrinin izlənməsi kimi bir çox əlavə xidmətləri də təklif edir. Şirkət, dünya üzrə 140-dan çox ölkədə fəaliyyət göstərir və 2000-dən çox mərkəzə sahibdir, bu da onu qlobal viza xidmət bazarında lider vəziyyətə gətirir.
Bu bloqda VFS Global viza prosesi, müraciət üçün tələb olunan sənədlər, online qeydiyyat və görüş təyin etmə qaydası, eləcə də viza üçün nə qədər əvvəl müraciət etməli olduğunuz kimi bütün vacib suallara cavab tapa biləcəksiniz. Məqsədimiz sizə vizaya müraciət zamanı qarşılaşacağınız mərhələləri aydın və sadə dildə izah etməkdir.
VFS Global Xidmətləri: Hansı Ölkələr üçün Uyğundur?
Əgər siz xarici ölkəyə səyahət, iş, təhsil və ya müalicə məqsədilə viza almaq istəyirsinizsə, çox güman ki, müraciət prosesinizdə VFS Global sizin əsas ünvanınız olacaq. Çünki bir çox ölkələrin Azərbaycandakı səfirlikləri və konsulluqları viza sənədlərinin qəbulu və ilkin yoxlanması üçün VFS Global ilə əməkdaşlıq edir.
VFS Global sadəcə sənədlərin toplanması ilə məhdudlaşmır — o, həmçinin biometrik məlumatların qəbul edilməsi, viza statusunun izlənməsi, tərcümə və foto xidmətləri, premium xidmətlər, səfirliyə çatdırılma və geri qaytarılma prosesini də öz üzərinə götürür.
Hazırda Azərbaycanda VFS Global vasitəsilə viza müraciəti edə biləcəyiniz ölkələr: Avstriya, Bolqarıstan, Xorvatiya, Çexiya, İslandiya, İtaliya, Latviya, Litva, Norveç.
Əlavə xidmətlər:
- Kuryer xidməti - Müraciət edənlərin rahatçılığı üçün şirkət daşınma şirkətləri ilə müqavilə bağlayaraq sizin sənəd və pasportunuzu daha güvənli formada sizə çatdıra bilər. Daşınma şirkətləri sənəd və pasportlarınızı Azərbaycanın bölgəsindən asılı olmayaraq, bir dəfəlik adresə kimi çatdırır.
- Ərizə formasının doldurulması - Müraciətçilər Viza Müraciət Mərkəzində ərizə formasının doldurması xidmətindən də istifadə edə bilərlər.
- Surətin çıxarılması - Müraciətçilər Viza Müraciət Mərkəzimizdə kserokopiya servisimizdən də istifadə edə bilərlər.
VFS Global Əlavə Xidmətlərin Qiymətləri (1 nəfər üçün)
| Xidmətin adı | Qiymət (AZN ilə, ƏDV daxil) |
|---|---|
| Kuryer xidməti | 8 AZN |
| Ərizə formasının doldurulması | 38 AZN |
| Sənədin (surətin) çıxarılması | 1 AZN |
Viza üçün nə qədər vaxt əvvəl müraciət edə bilərəm?
Viza üçün müraciət nəzərdə tutulan səfərdən 6 ay əvvəl təqdim edilə bilər. Bir qayda olaraq planlaşdırılan səfərin başlanmasından ən az 15 təqvim günü əvvəl viza üçün müraciət edilməlidir. Əsaslandırılmış xüsusi təcili hallarda səfirlik planlaşdırılan səfərin başlanmasına 15 təqvim günündən az vaxt qaldıqda viza ərizəsini qəbul edə bilər.
Viza ərizəsi üçün lazım olan sənədlərin tam siyahısı
2025-ci ildə Şengen zonası ölkələrinə səyahət etmək üçün viza müraciətində tələb olunan ümumi və əlavə sənədlərin siyahısını təqdim edirik. Bu sənədlər VFS Global vasitəsilə viza almaq istəyən Azərbaycan vətəndaşları üçün aktualdır.
Şengen vizasına və digər qısa müddətli vizalara müraciət edən Azərbaycan vətəndaşları üçün sənəd siyahısı
Ümumi sənədlər (hər müraciətçi üçün məcburidir):
- Viza ərizə forması – İngilis və ya alman dilində tam və aydın şəkildə doldurulmuş.
- Pasport – Minimum 2 boş səhifəsi olmalı və Şengen zonasını tərk etdikdən sonra ən az 3 ay etibarlı qalmalıdır. Azərbaycan vətəndaşı olmayan şəxslər yaşayış icazəsi kartını da təqdim etməlidir. Bu kart da Şengen zonasını tərk etdikdən sonra ən az 3 ay etibarlı olmalıdır.
- 1 ədəd biometrik şəkil – ICAO standartlarına uyğun, 3.5x4.5 sm ölçüdə, son 6 ay ərzində çəkilmiş və ərizə formasına yapışdırılmış.
- Səyahət sığortası – Şengen zonasında qalacağınız bütün müddət üçün keçərli olmalı, minimum 30,000 avro məbləğində tibbi xərcləri və geri dönüş xərclərini qarşılamalıdır.
- Dəvət məktubu – Əgər dəvət edən şəxs varsa: Avstriyadan alınmış Elektron Sponsorluq Məktubu (EVE) və ya ailə üzvündən alınmış yazılı sponsorluq məktubu.
Qeyd:
- Bütün sənədlər A4 formatında təqdim edilməlidir.
- Azərbaycan dilində olan sənədlər (şəxsiyyət vəsiqəsi istisna olmaqla) ingilis və ya alman dilinə tərcümə olunmalıdır.
- Aviabiletləri yalnız viza təsdiqləndikdən sonra almaq tövsiyə olunur. Müraciət üçün sadəcə bilet rezervasiyası kifayətdir.
Mütləq təqdim edilməli olan sənədlərin surətləri:
Pasportun məlumat səhifəsinin və son 3 ildə alınmış Şengen vizalarının, giriş-çıxış möhürlərinin surəti
Şəxsiyyət vəsiqəsinin surəti
Azərbaycan vətəndaşı olmayan şəxslər üçün – Yaşayış icazəsi kartının surəti
Əlavə dəstəkləyici sənədlər (EU uyğunlaşdırılmış siyahı əsasında):
- Aviabilet rezervasiyası – Gediş-dönüş bilet rezervasiyası və ya planlaşdırılan nəqliyyat sübutu.
- Otel rezervasiyası və ya qalacaq yerin təsdiqi – Qonaqlamanı göstərən sənəddə aşağıdakılar qeyd olunmalıdır:
- Viza müraciət edən şəxsin adı və soyadı
- Qalmaq müddəti
- Otelin əlaqə məlumatları
- Maddi vəziyyət sübutu –
- Son 3 ayın bank çıxarışı
- Daşınmaz əmlak çıxarışı və ya digər gəlir gətirən aktivlərin sənədi
- Pensiya vəsiqəsi və ya digər müntəzəm gəlir sübutu
- Əməkdaş olan şəxslər üçün:
- İş yerindən məktub (şirkət blankında, möhür və imza ilə): işçinin vəzifəsi, əmək haqqısı, işə başlama tarixi, iş yeri ünvanı, əlaqə nömrələri
- Elektron iş qeydiyyatı portaldan çıxarış (www.e-gov.az)
- Şirkət sahibi olanlar üçün:
- Dövlət qeydiyyatı haqqında şəhadətnamə və ya notarial təsdiqli çıxarış
- VÖEN və son vergi hesabatı
- Tələbə və şagirdlər üçün:
- Oxuduğu məktəb və ya universitetdən arayış
- 18 yaşdan kiçiklər üçün:
- Doğum haqqında şəhadətnamə
- Valideyn(‑lər)dən notarial qaydada razılıq:
a) Uşaq tək səyahət edirsə
b) Uşaq yalnız bir valideynlə səyahət edirsə
c) Hüquqi qəyyumla səyahət edirsə - Valideynlə uşağın soyad və ad fərqlidirsə – nikah şəhadətnaməsi, övladlığa götürmə sənədi və ya ad/soyad dəyişməsini təsdiq edən sənəd
- Səfərdən sonra ölkəni tərk etmək niyyətini sübut edən sənədlər:
- Ailəyə və peşəyə bağlılıq (iş yeri arayışı, ailə əlaqələri)
- Daşınmaz əmlak, uzunmüddətli kirayə və ya icarə müqaviləsi
- Azərbaycan vətəndaşı olmayan, lakin Azərbaycanda yaşayan şəxslər üçün:
- Dövlət Miqrasiya Xidməti tərəfindən verilmiş müvəqqəti və ya daimi yaşayış icazəsi kartı (Şengen zonası tərk edildikdən sonra minimum 3 ay etibarlı olmalıdır)
Viza müraciətinizin uğurlu olması üçün təqdim etdiyiniz sənədlərin tam və düzgün olması vacibdir. Unutmayın ki, sənədlərdəki hər hansı bir uyğunsuzluq vizanın rədd edilməsinə səbəb ola bilər. Buna görə də, bütün sənədlərin düzgün tərcümə edildiyinə, aktual olduğuna və A4 formatında təqdim olunduğuna əmin olun.
Viza Rüsumları
Viza müraciətində iştirak edəcək şəxslər üçün əsas viza rüsumları aşağıdakı kimidir:
| Kateqoriya | Qiymət |
|---|---|
| Standart qiymət (Şengen ölkələri üçün) | 35€ |
| Digər ölkələr üçün | 90€ |
| 0–12 yaş arası uşaqlar və təqaüdçülər (təqaüd arayışı təqdim edildiyi halda) | Pulsuz |
| Albaniya, Bosniya və Herseqovina, Makedoniya, Moldova, Monteneqro, Rusiya, Serbiya vətəndaşları üçün | 35€ |
Viza haqqından əlavə olaraq müraciətçi üçün 33 AZN (17.9 eur) (18%-lik ƏDV daxil olmaqla) ödənilməlidir. Bundan əlavə 0-12 yaş arası olan uşaqlar üçün viza haqqı da ödənişsizdir.
Viza Müraciət Mərkəzindəki ümumi qaydalar
Görüş günü:
- Təyin edilmiş görüş vaxtından 15 dəqiqə öncə gəlin. Təyin olunan vaxtı ötürdüyünüz zaman siz yeni vaxtı yalnız 24 saat sonra təyin edə bilərsiniz.
- Bir qayda olaraq sənəd təqdim etməyə şəxsən özünüz yaxınlaşmalısınız( körpə və uşaqların sənədləri də həmçinin). Bəzi istisnalar mövcuddur, bu barədə yalnız Viza Müraciət Mərkəzindən məlumat alın.
- Siz görüş vaxtını ərizənizi təqdim etmək məqsədi ilə təyin etməlisiniz. Sizin üçün təyin edilmiş görüş vaxtına digər şəxsi göndərə bilməzsiniz.
- Yalnız ərizəçilərin, baxıcı və 18 yaşından az uşaqların Viza Müraciət Mərkəzinə girişinə icazə verilir.
- Çap edilmiş ərizə formanızla yanaşı ən azı 2 səhifəsi boş olan passport və ya səyahət sənədinizi gətirin.
- Bütün dəstəkləyici sənədlərinizi gətirin (orijinal və nüsxələri)
- Təhlükəsizlik baxımından müraciətçilərin çantalarını yoxlama hüququna malikik.
Biometrik
Biometrika haqqında məlumat olmadan viza müraciətinizə baxılmayacaqdır.
Sizin barmaq izləriniz və üz cizgilərinizin skanı götürüləcək.Əgər barmağınızda hər hansı mürəkkəb, maye və ya tibbi maye varsa dijital barmaq izi skaneri barmaq izinizi götürə bilməyəcəkdir.
Barmaq ucları istənilən bəzək, kəsik, aşınma və ya digər işarələrdən azad olmalıdır, çünki bunlar sizin məqbul barmaq skanlarını təmin etmək qabiliyyətinizə təsir edə bilər.
Tibbi və dini səbəblər istisna olmaqla şəkildə baş örtüsüz olmalı, üzünüz aydın və gözünüzdə eynək olmamalıdır.
İstisnalar
Biometriya ilə bağlı istisnalar (barmaq izi)
Əgər siz 12 yaşdan aşağısınızsa və barmaqizi almaq imsazsız olduğu hallar. Bu halda barmaq izi təqdim edə bilməməyinizə dair tibbi arayış təqdim etməlisiniz.
Qeyd: Sizin barmaq iziniz 59 ay müddətində sistemdə qalacaqdır
Viza Müraciət Mərkəzinə sənədlərinizi təqdim edərkən sizin daha öncədən vermiş olduğunuz barmaq izini sistemdə yoxlama imkanı olmadığından, sonradan barmaq izinin verilməsi üçün Viza Müraciət Mərkəzinə çağırıla bilərsiniz. Eyni zamanda bəzi səbəblərdən müsahiibəyə də çağırıla bilərsiniz.
Gələrkən nə gətirilməlidir?
- Görüş vaxtının detalları qeyd olunan çap edilmiş təsdiq e-poçtu - Görüş vaxtı təyin edildikdən sonra sizə göndərilmişdir
- Etibarlı passport və ya səyahət sənədi - Ən azı 2 boş vərəqi boş olmalıdır
- Tamamlanmış və çap edilmiş viza müraciət blankı - Bəzi xırda əl ilə olan düzəlişlər Viza Müraciət Mərkəzində qəbul ediləcək.
- Bütün dəstəkləyici sənədlər - Təmin etməli olduğunuz bütün viza sənədlərlə Norveç Krallığının təlimatlarında tanış ola bilərsiniz
- Əgər siz onlayn şəkildə əlavə xidmətlər almısınızsa - Qəbzi çap edin
