“Akula” 9 Avqust 1986-cı ildə Oksford şəhərinin “New High” küçəsindəki bir evin damına enəndən bəri bu ev Hedinqtonun (Headington), eləcə də dünyanın ən əsrarəngiz məkanına çevrilib. Başsız akula ilə bu qeyri-adi ev dünyanın maraq dairəsinin mərkəzinə çevrilib. Belə ki, başsız heykəl 1945-ci ildə Naqasakiyə atılan atom bombasının 41-ci il dönümü münasibəti ilə, 1986-cı ildə Çernobıla atılan atom bombasından bir neçə həftə sonra, heykəltəraş Con Bukli (John Buckley) tərəfindən hazırlanıb. Buckli Başsız Akulanı şüşə lifdən hazırlayıb. Çəkisi 200 kq-a , uzunluğu isə 7.5 metrə çatır. Jurnalistlər bu ev və Akula haqqında məqalə yazarkən, evin sahibi olan Bil Hayn (Bill Heine) jurnalistlərə bunları deyib: “Akulanın evin damında yaratdığı dəlik Naqasaki və Çernobıldakı insanların çarəsizliyinin və gücsüzlüyünün təsviridir”. Heykəl bir neçə dəfə bələdiyyə tərəfindən insanlar üçün təhlükəli olduğuna görə sökülmək istənsə də, mühəndislər tərəfindən yenidən bərpa edilmiş və təhlükəsizliyi təmin olunmuşdu. Ancaq Oksford Şəhər Şurası buraya müfəttiş göndərərək məsələni dərindən araşdırmaq qərarına gəlib və araşdırdıqdan sonra heykəlin təhlükəli olduğuna qərar verib. Məsələ getdikcə böyüsə də, həmin ərazidə yaşayan insanlar başqa yerlərə köçürülüb və sonda Akula qalib gəlib. 1992-ci ildə Bernard Levin “The Times” jurnalında “Hedinqton Akulası” haqqında “Möhtəşəm Mübahisə” başlığı altında məqalə yazıb. 2014-cü ildə isə “Hedinqton Akulası” ən yaradıcı heykəllər siyahısında 24-cü yerdə qərarlaşıb. Akulanı yaxından görmək istəyirsinizsə, siz Böyük Britaniya vizasını əldə etməlisiniz. Bunun üçün vizam.az heyəti sizə yardımçı ola bilər.
Böyük Britaniyaya Səyahət
OKSFORDDA UÇAN AKULA heykəli, yalnız Oksford şəhərinin deyil, bütün dünyanın diqqətini cəlb edən unikal bir əsərdir. Bu heykəli öz gözlərinizlə görmək və onun heyrətamiz hekayəsini yerində yaşamaq istəyirsinizsə, ilk addım olaraq Böyük Britaniya vizası almaq lazımdır. Azərbaycan vətəndaşları üçün Böyük Britaniyaya səyahət etmək və bu möhtəşəm heykəli ziyarət etmək üçün viza tələb olunur.
Böyük Britaniya Viza Növləri
Böyük Britaniyaya planladığınız səyahətinizi Böyük Britaniya turizm vizası əldə edərək reallaşdıra bilərsiniz. Bu viza növünə müraciət səbəbləri turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan nüanslar ola bilər. Əslində isə Böyük Britaniya vizasının növləri çoxdur və yuxarıda sadalanan hər bir səbəb üçün xüsusi bir viza növünə müraciət edirsiniz. Sadəcə bunların hər birini "turist vizası" başlığı altında toplamaq mümkündür. Əgər siz Böyük Britaniyada müddəti 180 gündən çox olan uzunmüddətli təhsil (bakalavr, magistr, doktorantura və s. kimi) almaq və ya burada yerləşən bir qurumda daimi işləmək istəyirsinizsə, həmin təhsil və iş qurumlarından rəsmi dəvət və ya qəbul məktublarınız olduğu təqdirdə Böyük Britaniyanın milli vizasına da müraciət edə bilərsiniz. Böyük Britaniya vizası növləri arasında ən çox tələb olunanlar:
- Standart Turist Viza (6 aya qədər qalmaq üçün),
- Biznes Vizası (konfrans, iş görüşləri üçün),
- Tələbə Vizası (qısa və ya uzunmüddətli təhsil üçün),
- Şəxsi Səfər Vizası (ailə/dost ziyarəti üçün).
Viza müraciəti zamanı əsas diqqət yetirməli olduğunuz məqamlar:
- Səyahət məqsədinizin aydın şəkildə sənədləndirilməsi (uçaq biletləri, qonaq evi rezervasiyası, dəvət məktubu),
- Maliyyə təminatının sübutu (bank hesabatları, əmək haqqı sertifikatı),
- Ölkəyə qayıdış (iş yeri, ailə vəziyyəti ilə bağlı sənədlər).
orta hesabla 3-6 həftə çəkə bilər, lakin bu müddət sənədlərin tamlığından və təqvim yüklərindən asılıdır. Təcili prosedur seçimi ilə müraciəti 1 həftəyə qədər sürətləndirmək mümkündür.
Böyük Britaniya Turizm Vizası
Tam adı Böyük Britaniya və Şimali İrlandiya Birləşmiş Krallığı olan bu ölkə Avropa qitəsində yerləşsə də, hal-hazırda nə Şengen müqaviləsinə, nə də Avropa Birliyinə daxildir. Baxmayaraq ki, Birləşmiş Krallıq Şengen müqaviləsinə heç vaxt daxil olmayıb, onun Avropa Birliyindən çıxışı hələ yeni, 31 yanvar 2020-ci ildə baş vermişdir. Bununla da 1 yanvar 2021-ci ilədək Birləşmiş Krallıq və Avropa Birliyi üçün əlavə tənzimləmələri müzakirə etmək üçün keçid dövrü elan edilmişdir. Birləşmiş Krallıq vizasının təkgirişli və çoxgirişli növləri mövcuddur. Eyni zamanda siz yalnız ilk səfərinizi əhatə edəcək qısamüddətli vizaya və ya çoxgirişli və uzunmüddətli viza növlərinə də müraciət edə bilərsiniz. Bu, sizin səfərinizin məqsədindən və səfər intervalınızdan asılı olaraq dəyişir. Qeyd edək ki, Birləşmiş Krallıq vizası müraciətçilərə çoxgirişli və 6 aylıq period üçün verilir. Yəni siz bu vizanı əldə etdikdən sonra Birləşmiş Krallıqda ardıcıl olaraq 6 ay qala bilərsiniz. Bundan əlavə siz həmçinin, ikiillik, beşillik, onillik vizalara da müraciət edə bilərsiniz.
Böyük Britaniya Vizası Müraciəti üçün Sənədlər Toplusu
Böyük Britaniya vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Adınıza olan bank hesabından arayış* (Məbləğ barədə aşağıda detallı məlumat qeyd olunub)
- Adınıza olan bank hesabından ən azı son 3 ayın çıxarışı
- Əgər varsa, adınıza olan mülklərin çıxarışlarının* və maşınınızın texpasport kopyası
- Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
- Səyahətiniz üçün etdiyiniz aviabilet bronları
- Səyahətiniz üçün etdiyiniz otel rezervasiyaları
- İngilis dilində doldurulmuş ərizə forması
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır. Bank hesabınızdakı məbləğ sizin göstərdiyiniz səyahət tarixlərinizdən, yəni Birləşmiş Krallıqda qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 4.000-5.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə ölkə ərazisində qalacağınızı göstərdiyiniz hər gün üçün ortalama 70-80 funt gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz. Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti, Vergilər Nazirliyindən dövriyyəniz haqqında verilmiş arayış, şirkətinizin reyestrdən çıxarışı) səfirliyə təqdim edə bilərsiniz. Əgər siz işləmirsinizsə, təhsil alırsınızsa və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədin surətini də viza müraciəti zamanı təqdim etmək lazımdır. Qeyd edək ki, VÖEN, Vergilər Nazirliyindən dövriyyə haqqında arayış, şirkətinizin reyestrdən çıxarışı və ya sponsorluq kağızı, icazə kağızı kimi sənədləri təqdim etdiyiniz halda da bu sənədlərin hər birini notarial qaydada ingilis dilinə tərcümə və təsdiq etdirməlisiniz.
Viza Proseduru
Böyük Britaniyaya viza müraciəti prosedurunun axışı belədir:
1. Viza Növünü Seçmək
Böyük Britaniyaya gəlmək, təhsil almaq, işləmək, ailə birləşimi etmək üçün Azərbaycan vətəndaşlarından viza tələb olunur. Səyahətin məqsədindən, qalma müddətindən, şəxsi vəziyyətdən və maliyyə qabiliyyətindən asılı olaraq Böyük Britaniyanın müxtəlif viza növləri mövcuddur. İlk addım olaraq, səyahətinizin məqsədinə uyğun viza növünü seçməlisiniz.
2. Müraciəti Hazırlamaq
Böyük Britaniyanın bir çox viza növündə onlayn şəkildə ərizə formasını doldurmaq, təsdiqləmək və viza rüsumunu ödəmək mümkündür. Yaşından asılı olmayaraq, hər bir müraciətçi üçün ayrıca ərizə forması doldurulur, təsdiqlənir və ödəniş edilir. Viza rüsumu viza növündən asılı olaraq dəyişir və heç bir halda viza rüsumundan azad olmaq mümkün deyil. Müraciətlər adətən, planlaşdırılmış səyahət, təhsil proqramının və ya işin başlama tarixindən 3 ay əvvəl edilə bilər.
3. Viza Görüşündə İştirak
Müraciət zamanı ərizə forması doldurulduqdan, təsdiqləndikdən və viza rüsumu ödənildikdən sonra vizə görüşü üçün təyinət almaq tələb olunur. Viza görüşü zamanı adətən yalnız pasport qarşı tərəfdə qalır. Qalan sənədlər isə yalnız skan versiyada qəbul olunur.
4. Viza Qərarı
Viza qərarının müddəti viza növündən asılı olaraq dəyişir. Turist vizası üçün bu müddət adətən 3-4 həftə çəkir. Viza qərarı müsbət olarsa, pasport ilə birlikdə pasport səhifələrindən birinə yapışdırılmış viza stikeri veriləcəkdir. Əgər vizaya imtina edilibsə, pasportla birlikdə imtina səbəbini izah edən bir imtina kağızı da veriləcəkdir. Böyük Britaniyanın Azərbaycanda səfirliyi var, lakin konsulluğu yoxdur. Buna görə də viza müraciəti “UK TLS Contact” adlı viza müraciət mərkəzində edilir. Viza haqda qərar isə İstanbuldakı İngiltərə Konsulluğu tərəfindən verilir. Konsulluqların viza prosedurları isə Böyük Britaniya Viza və İmmiqrasiyası (eng: UK Visas and Immigration, qısaca UKVI) tərəfindən tənzimlənir. Böyük Britaniya səyahət vizasının rüsumu 115 funt sterlinq olaraq nəzərdə tutulub. Bu məbləğ ərizə forması təsdiqləndikdən sonra onlayn şəkildə ödənilir.
Böyük Britaniya Vizası Alma Ehtimalı
Bütün ölkələrin səfirliyinə viza müraciəti edərkən olduğu kimi Böyük Britaniyada da sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin normal və yaxşı olması, aylıq gəlirinizin standart maaş aralığından yüksək olması (təcrübədə 600-700 AZN aralığında aylıq gəliri olan şəxslərə viza alınması halı da dəfələrlə yaşanıb), bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) mövcudluğu və yaxşı səyahət tarixçənizin olması sizin Böyük Britaniya vizası alma şansınızı artıran faktorlardır. Daha öncə səyahət tarixçəsi olmamış, yəni Şengen və ya digər viza sahibi olmayan şəxslər üçün Böyük Britaniya vizasına müraciət riskli hesab olunur. Profilinizdəki digər nüanslar (yuxarıda sadalananlar) çox yüksək və yaxşı vəziyyətdə olduğu halda, səyahət tarixçəniz olmasa belə Böyük Britaniya vizasını alma şansınız ola bilər. Hər bir halda səyahət tarixçənizin yaxşı olması sizin Böyük Britaniya vizasını əldə etməyinizə birbaşa təsir göstərən amildir.
Böyük Britaniyaya Viza Dəstəyi
Biz Vizam.az şirkəti olaraq sizə Böyük Britaniya vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə səfirlikdə sizin adınıza görüş təyin olunması, ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin rezervasiyası, otellərin bronu və ya istəyinizə uyğun şəkildə alınması, viza üçün səyahət tur planınızın qurulması, konsultasiya, viza prosedurunuzun izlənilməsi daxil olacaq. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum 16 AZN təşkil edəcək. Ümumi olaraq isə bizim şirkətimizdə Böyük Britaniya səyahət vizasına dəstək xidmət haqqısı bir nəfər üçün 190 AZN təşkil edir. Sifarişinizi yerləşdirmək üçün buraya klikləyə, əlavə məlumat almaq üçün 010/50/55-3000135 nömrələri ilə əlaqə saxlaya bilərsiniz. Böyük Britaniya bəziləri üçün xəyal kimi görünsə də, sizin üçün reallıq ola bilər! Xoş səyahətlər! Müəllif: Alekber Kerbalayev Yeniləndi: 07.02.2025
