Səyahət etmək, fərqli ölkələri görmək və yeni mədəniyyətləri kəşf etmək hər birimizin həyatında xüsusi bir yer tutur. Son illərdə Azərbaycan vətəndaşları da beynəlxalq səfərlərə marağını artırıb və müxtəlif ölkələrə viza müraciətləri gündəlik həyatın ayrılmaz hissəsinə çevrilib. Amma maraqlıdır ki, bütün ölkələrə eyni səviyyədə müraciət olunmur. Bəzi ölkələr isə xüsusilə daha çox diqqət çəkir və Azərbaycan vətəndaşları tərəfindən tez-tez seçilir.
Bu blogda sizə Azərbaycan vətəndaşlarının ən çox viza müraciət etdiyi 5 ölkəni təqdim edəcəyik: Almaniya, Fransa, İtaliya, Amerika və Böyük Britaniya. Qeyd etmək lazımdır ki, təqdim etdiyimiz məlumatlar rəsmi statistika deyil, lakin bizə edilən viza müraciətlərinin orta göstəricilərinə əsaslanır və real tendensiyaları əks etdirir. Yəni bu məlumatlar, ölkələr üzrə viza müraciətinin populyarlığını göstərmək üçün təxmini bir baxış təqdim edir.
Bloqun davamında siz hər bir ölkəyə müraciət səbəbləri, ən çox tələb olunan viza növləri və müraciət zamanı nəzərə alınmalı vacib məqamlarla tanış olacaqsınız. Həmçinin, ümumi tövsiyələr və praktik məsləhətlərlə səfər planınızı daha rahat və uğurlu edə bilərsiniz. Oxumağa davam edin və Azərbaycan vətəndaşları üçün ən populyar viza istiqamətləri haqqında ətraflı məlumat əldə edin.
Almaniya Vizası
2025-ci ildən etibarən Azərbaycan vətəndaşlarının Almaniya vizası üçün müraciətləri yalnız TLS Contact platforması üzərindən həyata keçirilir. Əgər Almaniya səfirliyi viza görüşü almaq istəyirsinizsə, aşağıdakı addımları diqqətlə izləməlisiniz:
1. TLS Contact rəsmi saytına daxil olun
Viza müraciətləri üçün ilk addım TLS Contact Bakı rəsmi saytına daxil olmaqdır. Saytda “Randevu (Appointment)” bölməsi vasitəsilə qeydiyyata başlaya bilərsiniz.
2. Hesab yaradın və profilinizi təsdiqləyin
Görüş almaq üçün ilk olaraq şəxsi məlumatlarınızı daxil etməklə sistemdə hesab yaratmalısınız. Qeydiyyat zamanı e-mail və şifrə yaradılır və bu məlumatlar vasitəsilə profilinizə daxil ola bilirsiniz. E-poçtunuza göndərilən təsdiq linkinə klikləməklə hesabınızı aktivləşdirin.
Almaniya vizası haqqında ətraflı məlumat almaq üçün klik edib blogumuza keçid edə bilərsiniz.
3. Viza növünü seçin
Profilə daxil olduqdan sonra müraciət edəcəyiniz viza növünü seçin:
- Almaniya turist vizası
- Almaniya iş vizası
- Almaniya təhsil vizası
- Şengen kateqoriyaları.
Bu mərhələdə düzgün seçim etmək çox vacibdir, çünki təqdim edəcəyiniz viza sənədləri seçdiyiniz kateqoriyaya uyğun olmalıdır.
4. Müraciət forması doldurun
Sistem sizi Almaniya səfirliyi viza müraciəti forması (VIDEX forması) doldurmağa yönləndirəcək. Bu formanı ya TLS-də onlayn, ya da Almaniya səfirliyinin rəsmi saytından PDF olaraq yükləyib doldura bilərsiniz.
5. Görüş tarixini seçin
Formanı doldurduqdan və məlumatlarınızı sistemə əlavə etdikdən sonra mövcud tarixlər arasından viza görüşü üçün uyğun vaxt seçə bilərsiniz. Mövsümi sıxlığa görə vaxtlar məhdud ola bilər. Görüşə dəqiq tarix və saat seçildikdən sonra bu məlumat sizə təsdiqləyici e-poçt vasitəsilə göndəriləcək.
6. Viza sənədlərinizi hazırlayın
Görüş tarixiniz təsdiqləndikdən sonra Almaniya səfirliyi viza sənədləri siyahısına uyğun olaraq bütün sənədlərinizi hazırlamalısınız. Buraya aşağıdakılar daxil ola bilər:
- Xarici pasportun orijinalı və surəti
- Səfər planı (otel və uçuş rezervasiyası)
- Maliyyə sənədləri (bank çıxarışları, əmək haqqı arayışı)
- Tibbi sığorta
- Rəsmə uyğun biometrik şəkillər
- Şengen vizası üçün sənədlər siyahısına daxil olan digər vacib sənədlər
7. Görüş günü TLS Contact mərkəzinə gedin
Görüş zamanı bütün sənədlərinizin orijinal və surətləri ilə birlikdə TLS Contact mərkəzinə şəxsən getməlisiniz. Biometrik məlumatlar (barmaq izi və foto) orada götürülür. Sənədləriniz səfirliyə göndərilir və Şengen vizası neçə günə verilir? sualının cavabı müraciət növünə görə dəyişsə də, ortalama 15–30 iş günü arası nəticə əldə olunur.
Almaniya vizası əldə etmək isəyirsinizə klik edərək sifariş yerləşdirə bilərsiniz.
Fransa Vizası
Fransa səfirliyi viza müraciəti zamanı şəxsi görüş (capago görüş) onlayn şəkildə təyin edilir. Görüş olmadan sənədləri təqdim etmək mümkün deyil. Fransa viza sənədləri ilə birlikdə təqdim edilməli olan digər tələblərdən biri də şəxsi iştirakdır bu, yalnız müəyyən hallarda istisna olunur.
Barmaq izindən azad olan şəxslər aşağıdakılardır:
- Son 3 il ərzində Şengen vizası almış və sistemdə barmaq izi olan şəxslər (yalnız Çexiya vizası bu istisnaya daxil deyil);
- 12 yaşdan aşağı uşaqlar;
- Barmaq izi verə bilməyəcək fiziki vəziyyətdə olan şəxslər;
- Diplomatik və ya xüsusi pasport sahibləri – Fransada diplomatik və ya konsulluq vəzifəsinə akreditə olunmuş şəxslər;
- Fransada yerləşən beynəlxalq təşkilatlarda akkreditə olunmuş diplomatik və konsulluq işçiləri və onların ailə üzvləri (həyat yoldaşı və asılı uşaqlar).
Fransa vizası haqqında ətraflı məlumat almaq üçün klik edib blogumuza keçid edə bilərsiniz. Fransa vizası əldə etmək isəyirsinizə klik edərək sifariş yerləşdirə bilərsiniz.
Fransa səfirliyi tərəfindən şengen vizası üçün müraciət səfər tarixindən ən tez 6 ay əvvəl edilə bilər. Adətən, şengen viza proseduru müraciət günündən sonra 3–5 iş günü ərzində tamamlanır. Lakin Fransa səfirliyi viza müddətini səyahət tarixlərinə uyğun planlaşdırmağa çalışır. Yaxın tarixlərə planlaşdırılan səfərlər üçün viza nəticələri də daha tez məlum ola bilər.
Qeyd edək ki, təcrübəmizdə görünmüşdür ki, Fransa səfirliyi ilk viza müraciətini edən şəxslərdən əksər hallarda iş yerindən arayışdan əlavə e.gov.az hökumət portalından çıxarış da tələb edib. Sənədləriniz qəbul olunduqdan sonra hər bir halda viza prosedurunuz əsnasında səfirlikdən sizə zəng gələ və bu zəngdə sizdən yeni sənədləri təqdim etməyiniz tələb oluna bilər. Nadir hallarda da olsa, Fransa səfirlyinin viza proseduru əsnasında müraciətçilərdən bron göstərdikləri otellərin alınmasını və bunu təsdiqləyən sənədlərin səfirliyə təqdim olunmasını tələb etdiyi hallar yaşanmışdır.
Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti, Vergilər Nazirliyindən dövriyyəniz haqqında verilmiş arayış, şirkətinizin reyestrdən çıxarışı) səfirliyə təqdim edə bilərsiniz. Əgər siz işləmirsinizsə, təhsil alırsınızsa və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır.
İtaliya Vizası
İtaliya viza almaq istəyirsinizsə, müraciət zamanı üç ay, altı ay, bir il, iki il və hətta beş il müddətinə qədər İtaliya vizası tələb edə bilərsiniz. Müraciət zamanı italiya səfirliyi viza appointment sistemindən istifadə etməklə vaxt təyin edilir və proses italiya viza mərkəzi yəni VFS Global Baku Italy appointment platforması vasitəsilə həyata keçirilir.
İtaliya Şengen vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Elektron hökumət portalından işlə bağlı arayış*
- Adınıza olan bank hesabından arayış* və çıxarış. (Məbləğ barədə aşağıda detallı məlumat qeyd olunub)
- Əgər varsa, adınıza olan mülklərin çıxarışlarının* və maşınınızın texpasport kopyası
- Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
- 2 ədəd 3.5x4.5 ölçüdə, biometrik və ağ fonda şəkliniz
- Səyahətiniz üçün etdiyiniz aviabilet bronları
- Səyahətiniz üçün etdiyiniz otel rezervasiyaları
- Səfərinizi tam əhatə edəcək Şengen qaydalarına uyğun səyahət sığortası
- İngilis dilində doldurulmuş ərizə forması
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
Fransa vizası haqqında ətraflı məlumat almaq üçün klik edib blogumuza keçid edə bilərsiniz. Fransa vizası əldə etmək isəyirsinizə klik edərək sifariş yerləşdirə bilərsiniz.
Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır.
Amerika Vizası
Təməl olaraq isə bu vizalar iki növə ayrılır: miqrant və qeyri-miqrant vizaları. Miqrant vizaları ABŞ-da daimi yaşamaq hüququ əldə etmək istəyən şəxslərin baş vurduğu viza növləridir. Azərbaycan vətəndaşları üçün bu vizanın müddəti 1 il ərzində 6 ayı əhatə edəcək şəkildə olur. Yəni, siz bu vizanı əldə edərək vizanızın verildiyi gündən hesablanaraq 1 il sonrasına kimi hər bir girişinizdə ABŞ-da maksimum 6 ay qala bilərsiniz.
B1/B2 vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış və əgər varsa, maaş kartından çıxarış (təhsil alan şəxslər üçün təhsil müəssisəsindən arayış)
- Adınıza olan bank hesabından arayış və çıxarış (Məbləğ barədə aşağıda detallı məlumat qeyd olunub)
- Əgər varsa, adınıza olan mülklərin çıxarışlarının və maşınınızın texpasport kopyası
- Mülki vəziyyətinizin sübutu (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
- 2 ədəd 5x5 ölçüdə və ağ fonda şəkliniz
- Səyahətiniz üçün etdiyiniz aviabilet və otel bronları
- Viza ödənişini etdiyinizə dair sizə sistemdən verilmiş ödəniş qəbzinin və üzərində səfirlikdəki görüş tarixiniz qeyd olunmuş instruksiyanın çap versiyası
- Onlayn DS-160 ərizə formanızın təsdiqi
Amerika vizası haqqında ətraflı məlumat almaq üçün klik edib blogumuza keçid edə bilərsiniz. Amerika vizası əldə etmək isəyirsinizə klik edərək sifariş yerləşdirə bilərsiniz.
Bank hesabınızdakı məbləğ sizin göstərdiyiniz səyahət tarixlərinizdən, yəni ABŞ-da qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 3000-4000 ABŞ dolları aralığında məbləğ göstərəsiniz.
Böyük Britaniya Vizası
Tam adı Böyük Britaniya və Şimali İrlandiya Birləşmiş Krallığı olan bu ölkə Avropa qitəsində yerləşsə də, hal-hazırda nə Şengen müqaviləsinə, nə də Avropa Birliyinə daxildir. Baxmayaraq ki, Birləşmiş Krallıq Şengen müqaviləsinə heç vaxt daxil olmayıb, onun Avropa Birliyindən çıxışı hələ yeni, 31 yanvar 2020-ci ildə baş vermişdir. Bununla da 1 yanvar 2021-ci ilədək Birləşmiş Krallıq və Avropa Birliyi üçün əlavə tənzimləmələri müzakirə etmək üçün keçid dövrü elan edilmişdir. Birləşmiş Krallıq vizası müraciətçilərə çoxgirişli və 6 aylıq period üçün verilir. Yəni siz bu vizanı əldə etdikdən sonra Birləşmiş Krallıqda ardıcıl olaraq 6 ay qala bilərsiniz. Bundan əlavə siz həmçinin, ikiillik, beşillik, onillik vizalara da müraciət edə bilərsiniz.
Birləşmiş Krallıq vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Adınıza olan bank hesabından arayış* (Məbləğ barədə aşağıda detallı məlumat qeyd olunub)
- Adınıza olan bank hesabından ən azı son 3 ayın çıxarışı
- Əgər varsa, adınıza olan mülklərin çıxarışlarının* və maşınınızın texpasport kopyası
- Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
- Səyahətiniz üçün etdiyiniz aviabilet bronları
- Səyahətiniz üçün etdiyiniz otel rezervasiyaları
- İngilis dilində doldurulmuş ərizə forması
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
Böyük Britaniya vizası haqqında ətraflı məlumat almaq üçün klik edib blogumuza keçid edə bilərsiniz. Böyük Britaniya vizası əldə etmək isəyirsinizə klik edərək sifariş yerləşdirə bilərsiniz.
Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.
Tez-tez Verilən Suallar (FAQ)
1. Azərbaycan Vətəndaşlarının Ən Çox Viza Müraciət Etdiyi 5 Ölkə hansılardır?
Biz Vizam.az olaraq müşahidə edirik ki, Azərbaycan vətəndaşları ən çox Almaniya, Fransa, İtaliya, və Böyük Britaniya ölkələrinə viza üçün müraciət edirlər. Bu məlumat rəsmi statistika deyil, lakin bizə daxil olan müraciətlərin orta göstəricilərinə əsaslanır. Hər bir ölkənin vizası üçün müraciət səbəbləri fərqli olsa da, ümumilikdə turizm, təhsil və işgüzar səfərlər əsas prioritetlərdir.
2. Viza müraciəti üçün hansı sənədlər əsasən tələb olunur?
Viza müraciətində əsas sənədlər arasında xarici pasport, şəxsiyyət vəsiqəsi, bank çıxarışları, iş və ya təhsil arayışları, səyahət və yaşayış rezervasiyaları, eləcə də ərizə formaları yer alır. Hər ölkənin tələbləri fərqlidir, buna görə müraciət etməzdən əvvəl səfirliyin rəsmi saytını yoxlamaq vacibdir.
3. Viza müraciəti zamanı hansı maliyyə sübutları tələb olunur?
Səyahət müddətində özünüzü maliyyə baxımından təmin edə biləcəyinizi göstərmək üçün bank hesabından çıxarışlar və arayışlar tələb olunur. Bu, həmçinin səyahətinizi rahat və təhlükəsiz etmək üçün mühüm göstəricidir.
4. Viza müraciəti üçün foto tələbləri necədir?
Ən çox tələb olunan şəkil ölçüsü 5x5 sm, ağ fonda, üzün tam görünməsi ilə çəkilmiş olmalıdır. Şəkil rəqəmsal və ya çap formatında təqdim edilə bilər, ölkəyə görə dəyişiklik ola bilər.
5. Viza müraciətinin nəticəsini nə qədər müddətdə öyrənmək olar?
Viza prosesi ölkəyə, viza növünə və mövsümə görə dəyişir. Əksər hallarda müraciətdən sonra 1-4 həftə arasında cavab alınır. Lakin bəzi ölkələrdə bu müddət uzana bilər.
