BRAZİLİYA TURİST VİZASINI ƏLDƏ ETMƏYİN YOLU

Yeniləndi: 13 fevral 2025 7511 baxış 3 dəq. oxu

Cənubi Amerika qitəsinin ən böyük ölkəsi, hər il 10 milyondan çox turistin üz tutduğu Braziliya bütün dünyada coğrafiyası, Atlantik Okeanı sahilləri, xüsusilə Rio da Janeyro şəhərinin unikal gözəlliyi, əyləncəli həyatı və dünyanın yeni yeddi möcüzəsindən biri olaraq hesab olunan İsa Məsih heykəli ilə məşhurdur. Braziliyaya səyahət etmək bir çox turistin böyük arzularından biridir. Siz də belə bir arzuya sahibsinizsə, bunu reallaşdırmağın yolunun Braziliya vizasından keçdiyindən xəbərdarsınız. Bu vizanı necə əldə edə biləcəyinizi isə məqalədə tapa bilərsiniz.

Braziliya Viza Növləri

Braziliyaya planladığınız səyahətinizi Braziliya turizm vizası əldə edərək reallaşdıra bilərsiniz. Bu viza növünə müraciət səbəbləri turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan nüanslar ola bilər. Əgər siz Braziliyada uzunmüddətli təhsil (bakalavr, magistr, doktorantura və s. kimi) almaq və ya burada yerləşən bir qurumda daimi işləmək istəyirsinizsə, həmin təhsil və iş qurumlarından rəsmi dəvət və ya qəbul məktublarınız olduğu təqdirdə Braziliya milli vizasına da müraciət edə bilərsiniz.

Braziliya Turizm Vizası

Braziliya vizasının təkgirişli və çoxgirişli növləri mövcuddur. Eyni zamanda siz yalnız ilk səfərinizi əhatə edəcək qısamüddətli vizaya və ya çoxgirişli və uzunmüddətli viza növlərinə də müraciət edə bilərsiniz. Bu, sizin səfərinizin məqsədindən və səfər intervalınızdan asılı olaraq dəyişir.

Qeyd edək ki, Braziliya vizası əksər hallarda müraciətçilərə birillik müddətə və çoxgirişli olaraq verilir.

Braziliya Vizası Müraciəti üçün Sənədlər Toplusu

Braziliya vizasına müraciət edərkən siz aşağıdakı sənədləri təqdim etməlisiniz:

  1. Xarici pasportunuzun orijinalı və birinci səhifəsinin surəti
  2. Əgər varsa, əvvəlki vizalarınızın və giriş-çıxış möhürlərinizin surətləri
  3. Şəxsiyyət vəsiqənizin surəti
  4. İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
  5. Adınıza olan bank hesabından arayış* (Məbləğ barədə aşağıda detallı məlumat qeyd olunub)
  6. 2 ədəd 3x4 ölçüdə, ağ fonda şəkliniz
  7. Səyahətiniz üçün etdiyiniz aviabilet bronları
  8. Səyahətiniz üçün etdiyiniz otel rezervasiyaları
  9. İngilis dilində doldurulmuş ərizə forması
  10. Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu

Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.

Bank hesabınızdakı məbləğ sizin göstərdiyiniz səyahət tarixlərinizdən, yəni Braziliyada qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 3.000-5.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə ölkə ərazisində qalacağınızı göstərdiyiniz hər gün üçün ortalama 60-70 dollar gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.

Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti yetərlidir) səfirliyə təqdim edə bilərsiniz. Əgər siz işləmirsinizsə, təhsil alırsınızsa və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədin surətini də viza müraciəti zamanı təqdim etmək lazımdır.

Qeyd edək ki, VÖEN və ya sponsorluq kağızı, icazə kağızı kimi sənədləri təqdim etdiyiniz halda da bu sənədlərin hər birini notarial qaydada ingilis dilinə tərcümə və təsdiq etdirməlisiniz.

Viza Proseduru

Braziliya vizası üçün müraciət Braziliyanın Bakıdakı səfirliyinə edilir. Qərar səfirliyin konsulluq şöbəsində konsul tərəfindən verilir.

Turistik viza üçün vizanın cavabının çıxması, adətən, 3-5 iş günü çəkir.

Viza rüsumu 152 AZN-dir. Səfirliyə sənədlərini təqdim etdikdən sonra ona viza rüsumunun ödənişi üçün müvafiq çek verilir. Bu çek əsasənda müraciətçi ödənişi Azərbaycan Beynəlxalq Bankının Əsas binasında (Nizami küç. 67) həyata keçirməli və ödənişin həyata keçirildiyinə dair qəbzi konsulluğa həmin gün təqdim etməlidir.

Braziliya Vizası Alma Ehtimalı

Bütün ölkələrin səfirliyinə viza müraciəti edərkən olduğu kimi Braziliyada da sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin normal olması, aylıq gəlirinizin standart maaş aralığında olması (təcrübədə 300-500 AZN aralığında aylıq gəliri olan şəxslərə viza alınması halı dəfələrlə yaşanıb), bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) mövcudluğu və səyahət tarixçənizin olması sizin Braziliya vizası alma şansınızı artıran faktorlardır. Daha öncə səyahət tarixçəsi olmamış, yəni Şengen və ya digər viza sahibi olmayan şəxslər üçün Braziliya səfirliyi riskli səfirlik hesab olunmur. Təcrübəmizdə ilk vizalarını məhz bu səfirlikdən almış çox sayda müraciətçi olmuşdur. Əlbəttə, bunun üçün sizin digər bütün sənədləriniz qaydasında olmalıdır. Həmçinin, hər bir halda sizin daha öncə vizalarınızın olması Braziliya vizası alma ehtimalınızı yüksəldən faktorlardan biridir.

Braziliyaya Viza Dəstəyi

Biz Vizam.az şirkəti olaraq sizə Braziliya vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə səfirlikdə sizin adınıza görüş təyin olunması, ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin rezervasiyası, otellərin bronu və ya istəyinizə uyğun şəkildə alınması, viza üçün səyahət tur planınızın qurulması, konsultasiya, viza prosedurunuzun izlənilməsi daxil olacaq. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum 16 AZN təşkil edəcək. Ümumi olaraq isə bizim şirkətimizdə Braziliya səyahət vizasına dəstək xidmət haqqısı bir nəfər üçün 125 AZN təşkil edir.

Sifarişinizi yerləşdirmək üçün buraya klikləyə, əlavə məlumat almaq üçün 010/50/55-3000135 nömrələri ilə əlaqə saxlaya bilərsiniz.

Rio sahilləri sizi gözləyir! Xoş səyahətlər!

Yeniləndi: 25.01.2025

Oxşar yazılar:

İstirahət üçün Ən Ucuz 10 Ölkə Hansılardır?

İstirahət üçün Ən Ucuz 10 Ölkə Hansılardır?

2025-ci ildə səyahət planı qurarkən “istirahət mütləq baha başa gəlməlidir” düşüncəsini bir kənara qoymağın vaxtıdır. Dünyada elə ölkələr var ki, orada həm macəra dolu günlər keçirmək, həm yeni mədəniyyətlər kəşf etmək, həm də xərclərinizi minimuma endirmək mümkündür. Ucuz istirahət artıq yalnız “az büdcəli çətin şərait” demək deyil əksinə, düzgün istiqamət seçməklə siz həm rahat otellərdə […]

Vizam.az 13 avqust 2025
Səudiyyə Ərəbistanı Vizası Lazımdır?

Səudiyyə Ərəbistanı Vizası Lazımdır?

Səudiyyə Ərəbistanı zəngin tarixə, dərin dini ənənələrə və sürətlə inkişaf edən müasir şəhərlərə malik bir ölkədir. Həcc və Ümrə ziyarətləri üçün ən önəmli istiqamətlərdən biri olmaqla yanaşı, işgüzar səfərlər və turizm məqsədilə də getmək istəyənlərin sayı günü-gündən artır. Buna görə də, Azərbaycandan səfər etmək istəyənlər üçün ən çox soruşulan suallardan biri “Səudiyyə Ərəbistanı vizası lazımdırmı?” […]

Vizam.az 12 avqust 2025
Vizası Ən Sürətli Çıxan 10 Ölkə

Vizası Ən Sürətli Çıxan 10 Ölkə

Səyahət etmək istəyən Azərbaycan vətəndaşlarının qarşısında ən çox dayanan suallardan biri vizanın nə qədər müddətə hazır olmasıdır. Xüsusilə iş, təhsil, ziyarət və ya istirahət məqsədilə səfərə çıxmaq planlaşdıranlar üçün viza təsdiqinin gözləmə müddəti çox önəmlidir. Bəzi ölkələrin viza prosedurları aylarla çəkə bilsə də, elə istiqamətlər var ki, müraciətdən cəmi bir neçə gün, hətta bəzən saatlar […]

Vizam.az 12 avqust 2025
İspaniya Vizası: Barselonaya Səyahət

İspaniya Vizası: Barselonaya Səyahət

Barselona rəngləri, enerjisi və mədəniyyəti ilə hər səyahətçinin xəyal şəhəridir. Antoni Gaudinin möhtəşəm memarlıq inciləri, La Rambla küçəsinin canlı həyatı, Aralıq dənizi sahillərindəki qumlu çimərliklər və zəngin kulinariya mədəniyyəti ilə Barselona Avropaya viza almaq istəyənlərin siyahısında ilk sıralarda yer alır. Azərbaycan vətəndaşları üçün İspaniyaya səfər etmək üçün Şengen viza tələb olunur və bu proses rəsmi […]

Vizam.az 11 avqust 2025
Malayziya Getmək üçün Viza Lazımdır?

Malayziya Getmək üçün Viza Lazımdır?

Əgər səyahət planınıza ekzotik, rəngarəng və mədəniyyətlə zəngin bir ölkə əlavə etmək istəyirsinizsə, Malayziya mükəmməl seçimdir. Üstəlik, daha da yaxşısı odur ki, Azərbaycan vətəndaşları Malayziyaya vizasız səyahət edə bilər. Bəli, düz oxudunuz viza tələb olunmur və bu ölkəyə 90 günədək sərbəst giriş mümkündür. 2025-ci ildə “Vizasız ölkələr”, xüsusilə də Azerbaycan vizasiz olkeler 2025 siyahısında Malayziya […]

Vizam.az 06 avqust 2025
Ən Asan Viza Verən 10 Ölkə

Ən Asan Viza Verən 10 Ölkə

Səyahət etmək istəyirsiniz, amma viza prosesi sizi qorxudur? Narahat olmayın! Dünyada bəzi ölkələr var ki, turist vizası almaq həm çox sadə, həm də sərfəli başa gəlir. Bu blog yazısında sizə ən asan viza verən 10 ölkəni təqdim edəcəyik. Səfərinizi planlaşdırmazdan əvvəl bu ölkələrə baxmağınız, həm vaxtınıza, həm də cibinizə qənaət edəcək. İndoneziyadan tutmuş Taylanda, Yaponiyadan […]

Vizam.az 06 avqust 2025
Yaponiya Vizası: Yaponiyaya Səyahət

Yaponiya Vizası: Yaponiyaya Səyahət

Azərbaycan ümumi pasportuna sahib insanlar üçün Yaponiya, viza alınması baxımından nisbətən ən rahat viza verən ölkələrdən biri sayılır. Son illərdə Yaponiya azərbaycan əlaqələri daha da inkişaf edib və bu, viza prosedurlarında da özünü göstərir. Yaponiya səfiri və Yaponiya səfirliyi tərəfindən təşkil olunan mədəni tədbirlər və qarşılıqlı əməkdaşlıq bu prosesin daha şəffaf və sürətli olmasına şərait […]

Vizam.az 04 avqust 2025
Birləşmiş Ərəb Əmirliklərinə Vizasız Səyahət

Birləşmiş Ərəb Əmirliklərinə Vizasız Səyahət

Azərbaycan vətəndaşlarının vizasız səyahət edə bildiyi ölkələrdən biri də Birləşmiş Ərəb Əmirlikləridir (BƏƏ). Bu ölkə yalnız Yaxın Şərq regionunda deyil, bütün dünyada özünün müasir şəhərsalma nümunələri, lüks yaşam tərzi, nəhəng ticarət mərkəzləri və heyrətamiz memarlıq abidələri ilə tanınır. Xüsusilə Dubay və Abu Dabi kimi əmirliklər həm turistik baxımdan, həm də müxtəlif tədbir və sərgilərlə dünyanın […]

Vizam.az 01 avqust 2025
Vizasız Gedə Biləcəyimiz 10 Ölkə

Vizasız Gedə Biləcəyimiz 10 Ölkə

Səyahət etmək çoxlarının arzusu olsa da, bəzən viza müraciət prosesləri bu arzunu bir qədər çətinləşdirə bilir. Gərək sənədlər toplansın, müraciət formaları doldurulsun, görüş günləri təyin edilsin, və bunların hamısı vaxt və əlavə xərc tələb edir. Xoşbəxtlikdən, Azərbaycan vətəndaşları üçün vizasız və ya sadələşdirilmiş rejimlə səyahət edilə bilən bir çox gözəl ölkə mövcuddur. Bu ölkələr həm […]

Vizam.az 01 avqust 2025
Airbnb və Booking: Hansını Seçmək Daha Məsləhətlidir?

Airbnb və Booking: Hansını Seçmək Daha Məsləhətlidir?

Əgər siz də səyahət etməyi sevirsinizsə və rahat, münasib qiymətə qalacaq yer axtarırsınızsa, çox güman ki, Airbnb və Booking.com platformaları ilə artıq tanışsınız. Bu iki nəhəng online booking xidməti dünyanın hər yerində o cümlədən Bakı, İstanbul, Türkiyə və başqa məşhur şəhərlərdə minlərlə seçim təqdim edir. Xüsusilə Airbnb Baku yazaraq, paytaxtın istənilən bölgəsində yerləşən evlərə baxa […]

Vizam.az 31 iyul 2025