SLOVAKİYA ŞENGEN VİZASINA MÜRACİƏT NECƏ EDİLİR?

Yeniləndi: 13 fevral 2025 856 baxış 5 dəq. oxu

Təbiətinin və coğrafiyasının müxtəlifliyi, qala və kilsələri, rəngarəng tikililərlə bəzənmiş şəhər axitekturası ilə Avropada diqqət cəlb edən ölkələrdən biri də məhz Slovakiyadır. Slovakiyaya axın edən turistlər cərgəsində özünüzə yer tapmaq istəyirsinizsə, Slovakiya Şengen vizası haqda ətraflı informasiyanı bu məqalədən oxuya bilərsiniz.

Slovakiya Viza Növləri

Şengen ölkələrindən bir digəri olan Slovakiyaya olan qısamüddətli səyahətinizi Slovakiya Şengen vizası əldə edərək həyata keçirdə bilərsiniz. Bu viza növünə müraciət səbəbləri turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan nüanslar ola bilər. Əgər siz Slovakiyada müddəti 90 gündən çox olan uzunmüddətli təhsil (bakalavr, magistr, doktorantura və s. kimi) almaq və ya burada yerləşən bir qurumda daimi işləmək istəyirsinizsə, həmin təhsil və iş qurumlarından rəsmi dəvət və ya qəbul məktublarınız olduğu təqdirdə Slovakiya milli vizasına da müraciət edə bilərsiniz.

Slovakiya Şengen Vizası

Slovakiya Şengen vizası da digər Şengen vizaları kimi təkgirişli və çoxgirişli ola bilir. Eyni zamanda siz uzunmüddətli, yəni üç ay, altı ay, bir il, iki il və ya beş il müddəti əhatə edən vizalara da müraciət edə bilərsiniz. Slovakiya Şengen vizasını aldıqdan sonra bu viza ilə səyahətiniz boyu istənilən Şengen ölkəsinə səfər edə bilərsiniz. Ancaq hər bir halda mütləq şəkildə biz məsləhət görürük ki, Şengen ərazisinə ilk girişinizi viza aldığınız ölkədən, yəni Slovakiyadan edəsiniz. Əks halda siz viza müraciətiniz zamanı qeyd etmədiyiniz təqdirdə Slovakiya vizası ilə Şengen ərazisinə başqa bir ölkədən (xüsusilə də Qərbi Avropa ölkələrindən) giriş etməyə çalışsanız, nadir hallarda da olsa, həmin ölkənin sərhəd xidməti sizi geri qaytara və ölkəyə girişinizə icazə verməyə bilər. Bu təcrübə bəzi hallarda yaşanıb və bu səbəblə də biz sizə bu riskdən qaçınmağı tövsiyə edirik.

Slovakiya Şengen vizasına müraciət etdiyiniz təqdirdə səyahət müddətiniz ərzində ən çox qalacağınız ölkə kimi Slovakiyanı göstərməlisiniz. Slovakiya vizasına müraciət edən şəxslərin tur planında əksər hallarda Sloveniya, Çexiya, Avstriya, Macarıstan və bir sıra digər Avropa ölkələri də yer alır. Səyahət tur planınızda Slovakiyadan əlavə bu ölkələrin də yer alması viza müraciətinizdə sizə problem yaratmır. Sadəcə ümumi səyahətiniz müddətində ən çox qalacağınız ölkəni Slovakiya göstərməyiniz viza üçün məhz Slovakiya vizasına müraciət edə bilməyiniz üçün yetərli olacaqdır.

Slovakiya Şengen Vizası Müraciəti üçün Sənədlər Toplusu

Slovakiya Şengen vizasına müraciət edərkən siz aşağıdakı sənədləri təqdim etməlisiniz:

  1. Xarici pasportunuzun orijinalı və birinci səhifəsinin surəti
  2. Əgər varsa, əvvəlki vizalarınızın və giriş-çıxış möhürlərinizin surətləri
  3. Şəxsiyyət vəsiqənizin surəti
  4. İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
  5. Adınıza olan bank hesabından arayış* və çıxarış (Məbləğ barədə aşağıda detallı məlumat qeyd olunub)
  6. Əgər varsa, adınıza olan mülklərin çıxarışlarının* və maşınınızın texpasport kopyası
  7. Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
  8. 2 ədəd 3.5x4.5 ölçüdə, biometrik və ağ fonda şəkliniz
  9. Səyahətiniz üçün aldığınız aviabiletlərin ödəniş vauçerləri
  10. Səyahətiniz üçün bron etdiyiniz və ya aldığınız otellərin vauçerləri
  11. Səfərinizi tam əhatə edəcək Şengen qaydalarına uyğun səyahət sığortası
  12. İngilis dilində doldurulmuş ərizə forması
  13. Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu

Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.

Sənədləriniz qəbul olunduqdan sonra hər bir halda viza prosedurunuz əsnasında səfirlikdən sizə zəng gələ və bu zəngdə sizdən yeni sənədləri təqdim etməyiniz tələb oluna bilər.

Bank hesabınızdakı məbləğ sizin göstərdiyiniz səyahət tarixlərinizdən, yəni Şengendə qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 2.000-4.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə Şengen ərazisində qalacağınızı göstərdiyiniz hər gün üçün ortalama 60-70 avro gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.

Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti, Vergilər Nazirliyindən dövriyyəniz haqqında verilmiş arayış, şirkətinizin reyestrdən çıxarışı) səfirliyə təqdim edə bilərsiniz. Əgər siz işləmirsinizsə, təhsil alırsınızsa və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədin surətini də viza müraciəti zamanı təqdim etmək lazımdır.

Qeyd edək ki, VÖEN, Vergilər Nazirliyindən dövriyyə haqqında arayış, şirkətinizin reyestrdən çıxarışı və ya sponsorluq kağızı, icazə kağızı kimi sənədləri təqdim etdiyiniz halda da bu sənədlərin hər birini notarial qaydada ingilis dilinə tərcümə və təsdiq etdirməlisiniz.

Otel və Aviabilet

Slovakiya vizasına müraciət zamanı siz ümumi səyahətinizi əhatə edən uçuş biletləriniz və otel rezervasiyalarınız üçün etdiyiniz ödənişlərin vauçerlərini (qəbzlərini) səfirliyə təqdim etməlisiniz. Yəni, biletlərin və otellərin ödənişsiz halda bronları və rezervasiyaları səfirlik tərəfindən sənəd qəbulu zamanı qəbul olunmur. Əgər vauçerləri müraciət zamanı səfirliyə təqdim etməsəniz, sənədləriniz səfirlik tərəfindən geri qaytarılacaqdır. Əgər siz yalnız Slovakiyada deyil, digər Şengen ölkələrində də qalacağınızı göstərirsinizsə, bu halda bütün göstərdiyiniz ölkələrdəki qalacağınız otellərə rezervasiyanız üçün etdiyiniz ödənişlərin vauçerlərini də səfirliyə təqdim etməlisiniz. Siz qalacağınız yeri Airbnb üzərindən rezervasiya etdiyiniz təqdirdə isə Airbnb tərəfindən sizə göndərilən rezervasiyanızı təsdiq edən sənədi, Airbnb tərəfindən sizə göndərilən ödəniş çeki və Airbnb rezervasiyası üçün ödəniş etdiyiniz bank kartından çıxarışı səfirliyə təqdim etməlisiniz.

Viza Proseduru

Slovakiya Şengen vizası üçün müraciət Latviya Səfirliyinin VFS Global adlı viza müraciət mərkəzində olunur. Viza haqda qərar Latviya səfirliyinin konsulluq şöbəsində konsul tərəfindən verilir.

Sənədləri təqdim etmək üçün viza görüşünü həftəiçi 14:00-dan 18:00-dək Slovakiya VFS Global viza müraciət mərkəzinin +994 12 436 67 78 telefon nömrəsi ilə əlaqə saxlamaqla təyin etmək mümkündür.

Sənədləri təqdim etmək üçün əvvəlcədən görüş təyini mütləqdir. Lakin, əlavə 144 AZN ödəniş etməklə “Premium Lounge” xidmətindən istifadə edib görüş təyin etmədən növbədənkənar sənədləri təqdim etmək mümkündür.

Viza müraciəti səfər tarixindən ən tez 6 ay əvvəl edilə bilər. Barmaq izindən azad olan müraciətçilər istisna olmaqla, bütün müraciətçilərin sənədləri təqdim edərkən şəxsi iştirakı mütləqdir. Barmaq izindən azad olan müraciətçilərin isə sənədləri təqdim etmək üçün başqa bir şəxsə notarial qaydada etibarnamə verdikləri halda şəxsən iştirakları mütləq deyil.

Barmaq izindən azad olan şəxslər aşağıdakı qruplara bölünür:

  • Son 5 ildə Şengen vizası alan və sistemdə barmaq izi olan şəxslər
  • 12 yaşdan aşağı uşaqlar
  • Barmaq izi verilməsi fiziki cəhətdən mümkün olmayan şəxslər;
  • Diplomatik və ya xüsusi pasport sahibi olan və Belçikada diplomatik və ya konsulluq vəzifəsinə akreditə olunmuş şəxslər
  • Slovakiya mərkəzi və ya nümayəndəliyi olan beynəlxalq bir təşkilatda səlahiyyət alacaq diplomatik və ya konsulluq personalı və onların ailə üzvləri (həyat yoldaşı və qayğıya ehtiyacı olan uşaqları)

Slovakiya Şengen viza proseduru müraciət tarixindən etibarən, adətən, 5-15 kalendar günü (bayramla əlaqəli rəsmi qeyri-iş günləri istisna olmaqla) davam edir.

Sənədləri təqdim edərkən 35 avro viza rüsumu və viza mərkəzinin xidmət haqqısı olan 23 avro ödənilir. Rüsumlar yalnız nəğd şəkildə qəbul olunur. Viza rüsumu avro, viza mərkəzinin xidmət haqqı isə manatla qəbul edilir.

Slovakiya Şengen Vizası Alma Ehtimalı

Hər bir ölkənin viza müraciətində olduğu kimi Slovakiya da sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin normal olması, aylıq gəlirinizin standart maaş aralığında olması (təcrübədə 300-500 AZN aralığında aylıq gəliri olan şəxslərə viza alınması halı dəfələrlə yaşanıb), bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) mövcudluğu və səyahət tarixçənizin olması sizin Slovakiya Şengen vizası alma şansınızı artıran faktorlardır. Daha öncə Şengen vizası olmayan şəxslərin təcrübəmizdə dəfələrlə Slovakiya Şengen vizasını əldə etdiyi görülmüşdür. Yəni, Slovakiya vizasına müraciət səyahət tarixçələri olmayan şəxslər üçün nisbətən yaxşı seçimdir. Əlbəttə ki, daha öncə Şengen vizalarınızın olması sizin Slovakiya Şengen vizası alma şansınızı da hər bir halda artıran bir nüansdır.

Slovakiyaya Viza Dəstəyi

Biz Vizam.az şirkəti olaraq sizə Slovakiya Şengen vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə viza mərkəzində sizin adınıza görüş təyin olunması, ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin və otellərinizin alınması, viza üçün səyahət tur planınızın qurulması, səfərinizi əhatə edəcək səyahət sığortasının edilməsi, konsultasiya, viza prosedurunuzun izlənilməsi daxil olacaq. Qeyd edək ki, səyahət sığortasının rüsumu bizim xidmət haqqıdan əlavə hesablanacaq. Sığortanın rüsumu adətən, 1 həftə üçün 16-18 AZN aralığında olur. Bu sığortanı siz özünüz də etdirə bilərsiniz. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum 16 AZN təşkil edəcək. Ümumi olaraq isə bizim şirkətimizdə Slovakiya Şengen vizasına dəstək xidmət haqqısı bir nəfər üçün 79 AZN təşkil edir.

Sifarişinizi yerləşdirmək üçün buraya klikləyə bilərsiniz. Əlavə məlumat üçün 010/50/55-3000135 nömrələri ilə əlaqə saxlaya bilərsiniz.

Slovakiyanı öz gözlərinizlə görməyə tələsin! Xoş səyahətlər!

Yeniləndi: 22.01.2025

Oxşar yazılar:

Rumıniya Vizası Necə Ala Bilərəm?

Rumıniya Vizası Necə Ala Bilərəm?

Avropanın mərkəzində yerləşən və zəngin mədəniyyəti ilə seçilən Rumıniya son illərdə Azərbaycan vətəndaşları üçün ən çox maraq doğuran turizm istiqamətlərindən birinə çevrilib. Orta əsr qalaları, Drakula əfsanəsi ilə məşhur olan Bran qəsri, Karpati dağlarının möhtəşəm mənzərələri, eləcə də paytaxt Buxarestin tarixi və müasirliyi birləşdirən atmosferi turistlərin diqqətini cəlb edir. Bundan əlavə, Rumıniyanın münasib qiymətləri və […]

Vizam.az 02 oktyabr 2025
Avropada Ən Ucuz Səyahət Ediləcək Şəhərlər

Avropada Ən Ucuz Səyahət Ediləcək Şəhərlər

Avropaya səyahət etmək bir çox insanın arzusudur. Lakin bəzən yüksək qiymətlər bu arzunun reallaşmasına mane olur. Əslində isə Avropada elə şəhərlər var ki, həm ucuz, həm də zəngin mədəniyyət və tarixi irsi ilə turistlər üçün ideal seçimdir. 2025-ci ildə səyahət trendlərinə əsasən büdcə dostu istiqamətlərə maraq daha da artıb. Çünki səyahətçilər həm yeni ölkələr kəşf […]

Vizam.az 02 oktyabr 2025
Kripto ilə Hansı Ölkələrə Səyahət Etmək Olur?

Kripto ilə Hansı Ölkələrə Səyahət Etmək Olur?

Son illərdə kripto valyutalar təkcə investisiya aləti deyil, həm də səyahətçilər üçün rahat ödəniş vasitəsinə çevrilib. Bitcoin, Ethereum və digər rəqəmsal valyutalar sayəsində turistlər artıq valyuta dəyişmə, bank komissiyaları və nağd pul daşıma problemlərini minimuma endirə bilirlər. Dünyanın bir çox ölkəsi indi kripto ödənişlərini qəbul edir, hotellər, restoranlar, kafe və hətta turistik xidmətlərdə rəqəmsal valyutalarla […]

Vizam.az 29 sentyabr 2025
Tayland Vizası Haqqında Bilmədikləriniz

Tayland Vizası Haqqında Bilmədikləriniz

Tayland son illərdə azərbaycanlı səyahətçilərin ən çox seçdiyi istiqamətlərdən birinə çevrilib. İstər ekzotik adaları, istərsə də zəngin mədəniyyəti ilə bu ölkə dünyanın hər yerindən turistləri cəlb edir. Bangkokun rəngarəng küçələri, Pattayanın əyləncə dolu gecə həyatı, Phuket və Koh Samui kimi adaların təmiz çimərlikləri Taylandı “cənnət məkanı” kimi göstərir. Lakin Taylanda səyahət planlayan hər kəsin qarşılaşdığı […]

Vizam.az 29 sentyabr 2025
Booking Promokodu Necə Əldə Etmək Olar?

Booking Promokodu Necə Əldə Etmək Olar?

Səyahət etmək hər birimizin həyatına unudulmaz anlar qatır, lakin otel rezervasiyaları və digər xərclər bəzən büdcəyə ciddi təsir edə bilər. Xoşbəxtlikdən, Booking.com promokodları səyahətsevərlərə bu məsrəfləri azaltmaq və daha sərfəli qalmaq imkanı verir. Promokodlar, müəyyən tarixlərdə və ya seçilmiş otellərdə istifadə edildikdə, əlavə endirimlər və güzəştlər təqdim edir. Bu, xüsusilə səyahət planlaması zamanı büdcəsini düzgün […]

Vizam.az 26 sentyabr 2025
Maldiv Adaları Viza Prosesi Necə Gedir?

Maldiv Adaları Viza Prosesi Necə Gedir?

Maldiv Adaları son illərdə Azərbaycan vətəndaşlarının ən çox səyahət etdiyi tropik istiqamətlərdən biridir. Ağ qumlu çimərlikləri, mavi okeanı və lüks otelləri ilə məşhur olan bu ada ölkəsinə getmək üçün vizanın necə alındığını bilmək vacibdir. “Maldiv vizası”, “Maldivə səyahət” və “Maldiv viza prosesi” kimi mövzular turistlərin ən çox axtardığı suallardandır. Xoş xəbər odur ki, Azərbaycan vətəndaşları […]

Vizam.az 26 sentyabr 2025
Sentyabr ayında ən çox viza müraciəti etdiyimiz ölkələr

Sentyabr ayında ən çox viza müraciəti etdiyimiz ölkələr

Sentyabr ayı səyahət planlaşdıranlar üçün aktiv bir dövr oldu. Yay mövsümünün bitməsi ilə insanlar həm işgüzar, həm də şəxsi səfərlərini payızın sonuna və qış mövsümünə uyğunlaşdırmağa başlayırlar. Bu ay ərzində viza müraciətləri ilə bağlı müşahidələr göstərir ki, səyahətçilərin əksəriyyəti artıq noyabr və daha sonraki aylar üçün səfərlərini planlayır. Bu tendensiya həm turizm, həm işgüzar səfərlər […]

Vizam.az 25 sentyabr 2025
Peru Vizası Necə Ala Bilərəm?

Peru Vizası Necə Ala Bilərəm?

Cənubi Amerikanın ən çox səyahət edilən ölkələrindən biri olan Peru, qədim Machu Picchu qalası, rəngarəng Amazon meşələri, unikal And dağları və zəngin mədəniyyəti ilə turistlərin diqqətini çəkir. Bu səbəbdən də son illərdə Azərbaycan vətəndaşlarının Peruya səyahət marağı artmaqdadır. Lakin Peruya getmək üçün Azərbaycan vətəndaşlarının mütləq Peru vizası alması tələb olunur. Ən çox müraciət edilən vizalar […]

Vizam.az 24 sentyabr 2025
Hindistan Vizası Necə Ala Bilərəm?

Hindistan Vizası Necə Ala Bilərəm?

Hindistan qədim tarixi, zəngin mədəniyyəti və rəngarəng ənənələri ilə hər il minlərlə səyahətçini özünə cəlb edir. İnsanlar Hindistana həm turizm məqsədilə, həm işgüzar görüşlər, həm də təhsil və müalicə üçün üz tutur. Bu səbəbdən Hindistan vizası almaq səyahətin ilk və ən vacib mərhələsidir. Azərbaycan vətəndaşları Hindistana getmək üçün müxtəlif viza növlərinə müraciət edə bilirlər. Burada […]

Vizam.az 23 sentyabr 2025
E-2 İnvestor Vizası İlə Amerikaya Köçün!

E-2 İnvestor Vizası İlə Amerikaya Köçün!

Amerika Birləşmiş Ştatları dünyanın ən güclü iqtisadiyyatına sahib ölkələrdən biridir və hər il minlərlə sahibkar burada biznes qurmaq və yaşayış imkanı qazanmaq üçün müxtəlif vizalara müraciət edir. Bu vizalardan ən populyar və çevik olanlardan biri də E-2 İnvestor Vizasıdır. E-2 vizası əsasən iş adamları, investorlar və sahibkarlar üçün nəzərdə tutulub. Bu viza ilə siz ABŞ-a […]

Vizam.az 22 sentyabr 2025