Portuqaliya Avropanın cənub-qərb hissəsində yerləşir və zəngin tarixi, möhtəşəm təbiəti, dadlı mətbəxi və mehriban insanları ilə tanınır. Orada həm rahat dincəlmək, həm də müxtəlif mədəniyyətləri kəşf etmək mümkündür.
Səfərə başlamazdan əvvəl, Azərbaycan vətəndaşları üçün Portuqaliya Şengen vizası tələb etdiyini nəzərə almalısınız. Viza almaq üçün əvvəlcədən Portuqaliyanın səfirliyinə və ya vizanı qəbul edən digər Şengen ölkələrinin səfirliklərinə müraciət etmək lazımdır. Viza müraciətində əsas sənədlər arasında pasport, səyahət planı, maliyyə təminatı və sığorta sənədləri yer alır.
Portuqaliyaya getmək üçün ən çox istifadə olunan nəqliyyat vasitəsi təyyarədir. Bakıdan Lissabon və ya Portoya birbaşa və ya tranzit uçuşlar mövcuddur. Orada ictimai nəqliyyat sistemi yaxşı inkişaf edib, metro, avtobus və tramvaylarla şəhər daxilində rahat hərəkət etmək mümkündür.
Portuqaliya həm də nomad olaraq yaşamaq istəyənlər üçün ideal seçimdir, çünki burada həm rahat həyat tərzi, həm güclü internet infrastrukturu, həm də müxtəlif beynəlxalq icmalar mövcuddur. Nomad vizası alaraq Portuqaliyada yaşamaq sizin üçün maraqlıdırsa,klik edərək freelancer olaraq nomad vizası ilə yaşamaq blogumuza keçid edə bilərsiniz.
Portuqaliyada ziyarət edilməli əsas şəhərlərdən biri Lissabondur. Burada tarixi məkanlar, gözəl küçələr və məşhur “Fado” musiqisi ilə tanış ola bilərsiniz. Porto şəhəri isə özünəməxsus arxitekturası və dünyaca məşhur şərabları ilə diqqət çəkir. Algarve bölgəsi isə gözəl çimərlikləri və turistlər üçün ideal istirahət məkanıdır.
Səyahət zamanı yerli adət-ənənələrə hörmət etmək və təhlükəsizlik qaydalarına riayət etmək vacibdir. Portuqaliyada ümumiyyətlə təhlükəsizlik səviyyəsi yüksəkdir, lakin turistlərin sıx olduğu yerlərdə cibgirlik halları ola bilər.
Portuqaliya Şengen Vizası Növləri
Portuqaliya Şengen ölkələri siyahısına aid olduğuna görə siz müvəqqəti səyahətinizi reallaşdırmaq üçün Portuqaliya Şengen vizasına müraciət edərək bu vizanı əldə edə bilərsiniz. Bu viza növünə müraciət səbəbləri turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan nüanslar ola bilər. Əgər siz Portuqaliyada müddəti 90 gündən çox olan uzunmüddətli təhsil (bakalavr, magistr, doktorantura və s. kimi) almaq və ya burada yerləşən bir qurumda daimi işləmək istəyirsinizsə, həmin təhsil və iş qurumlarından rəsmi dəvət və ya qəbul məktublarınız olduğu təqdirdə Portuqaliya milli vizasına da müraciət edə bilərsiniz. Hazırda isə biz sizə Portuqaliya Şengen vizası haqqında ümumi məlumat verəcəyik.
Portuqaliya, Avropanın cənub-qərbində yerləşən və Şengen zonası ölkələri siyahısına daxil olan bir ölkədir. Əgər siz Portuqaliyaya qısamüddətli səyahət planlaşdırırsınızsa, Portuqaliya Şengen vizası almağınız mütləqdir. Bu viza, turizm, ailə və dost ziyarəti, işgüzar səfər, qısamüddətli təhsil proqramları, mübadilə proqramları, tibbi müalicə və digər qısamüddətli (90 günədək) məqsədlərlə Portuqaliyaya səfər etmək istəyən şəxslər üçün nəzərdə tutulub.
Portuqaliya Şengen vizası ilə siz yalnız Portuqaliyaya deyil, həm də digər Şengen ölkələrinə sərbəst səyahət edə bilərsiniz. Bu xüsusiyyət, vizanı xüsusilə Avropa turu, Portuqaliyada yay tətili, mədəniyyət turları, şərab dadım turları, işgüzar forumlar və müxtəlif beynəlxalq tədbirlər üçün çox cəlbedici edir.
Əgər siz Portuqaliyada 90 gündən çox qalmaq, məsələn, bakalavr, magistr və ya doktorantura təhsili almaq və ya burada yerləşən bir şirkətdə rəsmi işə başlamaq istəyirsinizsə, bu halda Portuqaliya milli vizası (D növü viza) üçün müraciət etməlisiniz. Bu vizaya müraciət etmək üçün mütləq həmin universitetdən qəbul məktubu və ya iş yerindən rəsmi dəvət məktubunuz olmalıdır.
Portuqaliya vizası üçün müraciət edərkən əsas sənədlərə etibarlı pasport, maliyyə təminatı sübutu, səyahət tibbi sığortası, uçuş və otel rezervasiyaları, iş və ya təhsilə dair dəvət məktubu və digər dəstəkləyici sənədlər daxildir.
Portuqaliya vizası necə alınır, Portuqaliyaya necə getmək olar, Portuqaliya Şengen vizası üçün lazım olan sənədlər, Portuqaliyada yaşamaq və işləmək, Portuqaliya təhsil vizası, Portuqaliyada iş imkanları, Portuqaliyada həyat şərtləri kimi açar sözləri də diqqətdə saxlayaraq, siz öz səyahət planınızı daha rahat və məlumatlı şəkildə qura bilərsiniz.
Portuqaliya Şengen Vizası
Digər Şengen vizaları kimi Portuqaliya Şengen vizası da təkgirişli və çoxgirişli ola bilər. Həmçinin, siz uzunmüddətli, yəni üç ay, altı ay, bir il, iki il və ya beş il müddəti əhatə edən vizalara da müraciət edə bilərsiniz. Portuqaliya Şengen vizasını almaq sizə səyahətiniz boyu bütün Şengen ölkələrinin qapısını açacaq. Ancaq hər bir halda mütləq şəkildə biz məsləhət görürük ki, Şengen ərazisinə ilk girişinizi viza aldığınız ölkədən, yəni Portuqaliyadan edəsiniz. Əks halda siz viza müraciətiniz zamanı qeyd etmədiyiniz təqdirdə Portuqaliya vizası ilə Şengen ərazisinə başqa bir giriş etməyə çalışsanız, nadir hallarda da olsa, həmin ölkənin sərhəd xidməti sizi geri qaytara və ölkəyə girişinizə icazə verməyə bilər. Bu təcrübə bəzi hallarda yaşanıb və bu səbəblə də biz sizə bu riskdən qaçınmağı tövsiyə edirik.
Əgər siz Portuqaliya Şengen vizasına müraciət edirsinizsə, səyahətiniz boyu gün sayı olaraq ən çox Portuqaliyada qalacağınızı göstərməlisiniz. Bir çox müraciətçilər öz səyahət tur planlarına Portuqaliyadan əlavə Fransa, İspaniya, Hollandiya və digər Avropa ölkələrini də əlavə edirlər. Bu kimi ölkələrin də əlavə olaraq sizin tur planınızda yer alması sizin viza müraciətinizdə heç bir problem yaratmayacaq nüansdır. Sadəcə ümumi səyahətiniz müddətində ən çox qalacağınız ölkəni Portuqaliya olaraq göstərməyiniz Portuqaliya Şengen vizasına müraciətiniz üçün yetərli olacaqdır.
Portuqaliya Şengen Vizası Müraciəti üçün Sənədlər Toplusu
Portuqaliya Şengen vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Adınıza olan bank hesabından arayış* və çıxarış (Məbləğ barədə aşağıda detallı məlumat qeyd olunub)
- Əgər varsa, adınıza olan mülklərin çıxarışlarının* və maşınınızın texpasport kopyası
- Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
- 2 ədəd 3.5x4.5 ölçüdə, biometrik və ağ fonda şəkliniz
- Səyahətiniz üçün etdiyiniz aviabilet bronları
- Səyahətiniz üçün etdiyiniz otel rezervasiyaları
- Səfərinizi tam əhatə edəcək Şengen qaydalarına uyğun səyahət sığortası
- İngilis dilində doldurulmuş ərizə forması
- Görüş təyininin təsdiqi barədə sistemdən verilmiş sənədin çap versiyası
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.
Qeyd edək ki, təcrübəmizdə görünmüşdür ki, Portuqaliya vizası üçün müraciət edilən Fransa səfirliyi ilk viza müraciətini edən şəxslərdən əksər hallarda iş yerindən arayışdan əlavə e.gov.az hökumət portalından çıxarış da tələb edib. Sənədləriniz qəbul olunduqdan sonra hər bir halda viza prosedurunuz əsnasında səfirlikdən sizə zəng gələ və bu zəngdə sizdən yeni sənədləri təqdim etməyiniz tələb oluna bilər. Nadir hallarda da olsa, Fransa səfirlyinin viza proseduru əsnasında müraciətçilərdən bron göstərdikləri otellərin alınmasını və bunu təsdiqləyən sənədlərin səfirliyə təqdim olunmasını tələb etdiyi hallar yaşanmışdır.
Bank hesabınızdakı məbləğ sizin göstərdiyiniz səyahət tarixlərinizdən, yəni Şengendə qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 3.000-5.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə Şengen ərazisində qalacağınızı göstərdiyiniz hər gün üçün ortalama 70-80 avro gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.
Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti, Vergilər Nazirliyindən dövriyyəniz haqqında verilmiş arayış, şirkətinizin reyestrdən çıxarışı) səfirliyə təqdim edə bilərsiniz. Əgər siz işləmirsinizsə, təhsil alırsınızsa və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədin surətini də viza müraciəti zamanı təqdim etmək lazımdır.
Qeyd edək ki, VÖEN, Vergilər Nazirliyindən dövriyyə haqqında arayış, şirkətinizin reyestrdən çıxarışı və ya sponsorluq kağızı, icazə kağızı kimi sənədləri təqdim etdiyiniz halda da bu sənədlərin hər birini notarial qaydada ingilis dilinə tərcümə və təsdiq etdirməlisiniz.
Viza Proseduru
Portuqaliya Şengen vizası üçün müraciət Fransa Səfirliyinin Capago adlı viza müraciət mərkəzində olunur. Portuqaliyanın ölkəmizdə konsulluğu fəaliyət göstərməməsi səbəbilə viza haqda qərar Fransa səfirliyinin konsulluq şöbəsində konsul tərəfindən verilir.
Sənədləri təqdim etmək üçün viza görüşü onlayn şəkildə əldə edilir. Sənədləri təqdim etmək üçün əvvəlcədən görüş təyini mütləqdir. Viza müraciəti səfər tarixindən ən tez 6 ay əvvəl edilə bilər. Barmaq izindən azad olan müraciətçilər istisna olmaqla, bütün müraciətçilərin sənədləri təqdim edərkən şəxsi iştirakı mütləqdir.
Barmaq izindən azad olan şəxslər aşağıdakı qruplara bölünür:
- Son 3 ildə Şengen vizası alan və sistemdə barmaq izi olan şəxslər (Çexiya vizası istisna olmaqla)
- 12 yaşdan aşağı uşaqlar
- Barmaq izi verilməsi fiziki cəhətdən mümkün olmayan şəxslər;
- Diplomatik və ya xüsusi pasport sahibi olan və Portuqaliyada diplomatik və ya konsulluq vəzifəsinə akreditə olunmuş şəxslər
- Portuqaliyada mərkəzi və ya nümayəndəliyi olan beynəlxalq bir təşkilatda səlahiyyət alacaq diplomatik və ya konsulluq personalı və onların ailə üzvləri (həyat yoldaşı və qayğıya ehtiyacı olan uşaqları)
Şengen viza proseduru müraciət tarixindən etibarən 3-5 iş günü çəkə bilər.
Qeyd edək ki, təcrübəmiz göstərir ki, Fransa Səfirliyi viza prosedurunun müddətini səyahətin başlama tarixinə uyğun planlaşdırır. Səyahət tarixləri daha yaxın olan müraciətçilərin viza nəticəsi də daha tez bəlli olur. Lakin, viza prosedurunun müddəti yalnız bu faktordan asılı olmur, keysin mürəkkəbliyi də burada rol oynaya bilir.
Viza rüsumu 35 avro təşkil edir. Bu məbləğ milli valyutada, yəni manatla nağd şəkildə və ya kartla istənilən valyutada ödənilə bilər. Sənədləri təhvil verərkən viza rüsumundan əlavə 26 avro viza mərkəzinin xidmət haqqı kimi ödənilir. Bu ödənişi də nəğd şəkildə yalnız manatla və ya kartla istənilən valyutada etmək mümkündür. Viza rüsumunun manat ekvivalenti səfirlik tərəfindən günün məzənnəsinə görə tənzimlənir.
Portuqaliya Şengen Vizası Alma Ehtimalı
Hər bir ölkənin viza müraciətində olduğu kimi Portuqaliyada da sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin normal olması, aylıq gəlirinizin standart maaş aralığında və ya daha yüksək olması (təcrübədə 400-500 AZN aralığında aylıq gəliri olan şəxslərə viza alınması halı dəfələrlə yaşanıb), bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) mövcudluğu və səyahət tarixçənizin yaxşı olması sizin Portuqaliya Şengen vizası alma şansınızı artıran faktorlardır. Təcrübəmizdə ilk Şengen vizasını Fransa səfirliyindən əldə etmiş şəxslərin kifayət qədər olmasına baxmayaraq, biz profili yüksək səviyyədə (yuxarıda sadalanan nüansların kifayət qədər yaxşı olduğu halda) olduğu hallar xaricində bir şəxs üçün ilk viza müraciəti zamanı Fransa səfirliyinin bir qədər riskli olduğunu qeyd edirik. Daha öncə bir və ya bir neçə Şengen vizanızın olması sizin Fransa səfirliyindən Portuqaliya vizası alma ehtimalınızı əhəmiyyətli dərəcədə yüksəldə bilir. Yenə də digər Qərbi Avropa və yüksək inkişaf etmiş Avropa ölkələrinə (Almaniya, İtaliya, Skandinaviya ölkələri və s.) nəzərən Fransa səfirliyi bəzi nüansların mövcudluğu halında ilk viza müraciəti üçün nisbətən daha yaxşı seçim ola bilər.
Portuqaliyaya Viza Dəstəyi
Biz Vizam.az şirkəti olaraq sizə Portuqaliya Şengen vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə viza mərkəzində sizin adınıza görüş təyin olunması, ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin rezervasiyası, otellərin bronu və ya istəyinizə uyğun şəkildə alınması, səfərinizi əhatə edəcək səyahət sığortasının edilməsi, konsultasiya, viza prosedurunuzun izlənilməsi daxil olacaq. Qeyd edək ki, səyahət sığortasının rüsumu bizim xidmət haqqıdan əlavə hesablanacaq. Sığortanın rüsumu adətən, 1 həftə üçün 16-18 AZN aralığında olur. Bu sığortanı siz özünüz də etdirə bilərsiniz. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum 16 AZN təşkil edəcək. Ümumi olaraq isə bizim şirkətimizdə Portuqaliya Şengen vizasına dəstək xidmət haqqısı bir nəfər üçün 79 AZN təşkil edir.
Sifarişinizi yerləşdirmək üçün buraya klikləyə bilərsiniz. Əlavə məlumat üçün 010/50/55-3000135 nömrələri ilə əlaqə saxlaya bilərsiniz.
Avropanın həm qərb, həm də əyləncə nöqtəsində bol əyləncələr! Xoş səyahətlər!
