Portuqaliyaya səyahət etməyi planlaşdıran Azərbaycan vətəndaşlarının ən çox maraqlandığı mövzulardan biri viza müraciəti ilə bağlı suallardır. Müraciət prosesi, tələb olunan sənədlər, vizanın nəticələnmə müddəti, bank hesabında olmalı vəsait və Şengen vizası ilə bağlı digər qaydalar barədə hər gün yüzlərlə axtarış edilir.
Bu yazıda Portuqaliya vizası haqqında ən çox verilən sualları bir araya toplamış və hər birini qısa, aydın və aktual məlumatlarla cavablandırmışıq. Əgər siz də Portuqaliyaya turist, biznes və ya digər qısamüddətli səfər planlaşdırırsınızsa, aşağıdakı sual-cavab bölməsi müraciətə hazırlaşarkən sizə faydalı olacaq.
Portuqaliya vizası necə alınır?
Portuqaliya Şengen vizası almaq üçün əvvəlcə səfərinizin məqsədini müəyyənləşdirməli, tələb olunan sənədləri toplamalı və viza müraciəti üçün görüş təyin etməlisiniz. Müraciət zamanı sənədlər təqdim edilir, biometrik məlumatlar (barmaq izi) verilir və konsulluğun qərarı gözlənilir. Viza təsdiqləndikdən sonra pasportunuz vizayla birlikdə sizə təqdim olunur.
Portuqaliya vizası üçün müraciət prosesi necədir?
Müraciət prosesi aşağıdakı mərhələlərdən ibarətdir:
- Səfərin məqsədinin müəyyən edilməsi
- Lazımi sənədlərin hazırlanması
- Viza müraciəti üçün görüşün təyin edilməsi
- Sənədlərin və biometrik məlumatların təqdim edilməsi
- Konsulluğun qərarının gözlənilməsi
- Pasportun təhvil alınması
Portuqaliya vizası üçün harada müraciət edilir?
Azərbaycan vətəndaşları Portuqaliya Şengen vizası üçün Portuqaliyanı təmsil edən viza müraciət mərkəzi vasitəsilə müraciət edə bilərlər. Müraciət etməzdən əvvəl görüş (appointment) təyin olunmalıdır.
Portuqaliya vizası almaq üçün hansı addımları izləmək lazımdır?
- Səfər tarixini planlaşdırın
- Tələb olunan sənədləri hazırlayın
- Görüş vaxtı götürün
- Sənədləri təqdim edin və barmaq izi verin
- Vizanın nəticəsini gözləyin
- Pasportunuzu təhvil alın
Portuqaliya vizası üçün hansı sənədlər lazımdır?
Portuqaliya turist vizası üçün tələb olunan sənədlər əsasən bunlardır:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Adınıza olan bank hesabından arayış* və çıxarış (Məbləğ barədə aşağıda detallı məlumat qeyd olunub)
- Əgər varsa, adınıza olan mülklərin çıxarışlarının* və maşınınızın texpasport kopyası
- Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
- 2 ədəd 3.5×4.5 ölçüdə, biometrik və ağ fonda şəkliniz
- Səyahətiniz üçün etdiyiniz aviabilet bronları
- Səyahətiniz üçün etdiyiniz otel rezervasiyaları
- Səfərinizi tam əhatə edəcək Şengen qaydalarına uyğun səyahət sığortası
- İngilis dilində doldurulmuş ərizə forması
- Görüş təyininin təsdiqi barədə sistemdən verilmiş sənədin çap versiyası
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
- Qeyd: Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır.
Bank arayışı
Bank hesabında səfəri maliyyələşdirəcək kifayət qədər vəsait göstərilməlidir. Hesabın son aylardakı hərəkətləri də təqdim olunmalıdır.
Portuqaliya vizası neçə günə çıxır?
Portuqaliya Şengen vizası üzrə müraciətlərə adətən 15 təqvim günü ərzində baxılır. Lakin mövsümdən və müraciət sayından asılı olaraq bu müddət uzana bilər.
Standart baxılma müddəti - Əksər müraciətlər 15 gün ərzində nəticələnir. Bəzi hallarda əlavə araşdırma tələb olunduqda baxılma müddəti 30–45 günə qədər uzana bilər.
Təcili viza - Portuqaliya Şengen vizası üçün ümumi qayda olaraq təcili baxılma xidməti təqdim edilmir. Buna görə müraciətinizi səfər tarixindən xeyli əvvəl etməyiniz tövsiyə olunur.
Portuqaliya vizası üçün bank hesabında nə qədər pul olmalıdır?
Rəsmi olaraq dəqiq məbləğ göstərilməsə də, hesabınızdakı vəsait planlaşdırılan səfərin bütün xərclərini qarşılaya bilməlidir.
5 günlük səfər - Təxminən 2.500–3.500 AZN məbləğin bank hesabında olması tövsiyə edilir.
1 həftəlik səfər - Bir həftəlik turist səfəri üçün 3.000–5.000 AZN aralığında vəsait təqdim edilməsi daha məqsədəuyğun hesab olunur.
Ailə ilə səyahət - Ailə üzvlərinin sayı artdıqca hesabda göstərilən vəsait də müvafiq şəkildə yüksək olmalıdır.
Portuqaliya Şengen vizası neçə aylıq verilir?
Vizanın etibarlılıq müddəti tamamilə konsulluğun qərarından asılıdır və əvvəlki səyahət tarixçəniz nəzərə alınır. İlk müraciətdə əksər hallarda səfər müddətini əhatə edən və ya qısa müddətli Şengen vizası verilir. Güclü viza tarixçəsi və əsaslandırılmış müraciət olduqda çoxgirişli Şengen vizası almaq mümkündür.
Portuqaliya vizası üçün müsahibə olurmu?
Əksər turist vizası müraciətlərində ayrıca müsahibə keçirilmir. Lakin konsulluq zəruri hesab edərsə, müraciətçini müsahibəyə dəvət edə bilər. Biometrik məlumatlar sənədlər təqdim edilərkən viza müraciət mərkəzində götürülür.
Portuqaliya turist vizası ilə neçə gün qalmaq olar?
Qısamüddətli Şengen vizası ilə 180 günlük dövr ərzində maksimum 90 gün qalmağa icazə verilir.
Vizanın etibarlılıq müddəti konsulluq tərəfindən müəyyən edilir və pasportunuzda göstərilir.
Portuqaliya vizası üçün müraciət harada edilir?
Azərbaycan vətəndaşları Portuqaliya vizası üçün Portuqaliyanı təmsil edən rəsmi viza müraciət mərkəzi vasitəsilə müraciət etməlidirlər.
Azərbaycanda hansı viza müraciət mərkəzi vasitəsilə müraciət edilir?
Müraciətlər Portuqaliyanın səlahiyyət verdiyi rəsmi viza müraciət mərkəzi vasitəsilə qəbul edilir. Müraciət etməzdən əvvəl görüş təyin olunmalıdır.
Onlayn qeydiyyat necə aparılır?
İlk olaraq rəsmi viza müraciət platformasında hesab yaradılır, uyğun tarix seçilir və görüş təsdiqləndikdən sonra sənədlər müəyyən olunmuş gündə təqdim edilir.
Portuqaliyaya Viza Dəstəyi
Biz Vizam.az şirkəti olaraq sizə Portuqaliya Şengen vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə viza mərkəzində sizin adınıza görüş təyin olunması, ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin rezervasiyası, otellərin bronu və ya istəyinizə uyğun şəkildə alınması, səfərinizi əhatə edəcək səyahət sığortasının edilməsi, konsultasiya, viza prosedurunuzun izlənilməsi daxil olacaq. Qeyd edək ki, səyahət sığortasının rüsumu bizim xidmət haqqıdan əlavə hesablanacaq. Sığortanın rüsumu adətən, 1 həftə üçün 16-18 AZN aralığında olur. Bu sığortanı siz özünüz də etdirə bilərsiniz. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum 16 AZN təşkil edəcək. Ümumi olaraq isə bizim şirkətimizdə Portuqaliya Şengen vizasına dəstək xidmət haqqısı bir nəfər üçün 79 AZN təşkil edir.
Sifarişinizi yerləşdirmək üçün buraya klikləyə bilərsiniz. Əlavə məlumat üçün 010/50/55-3000135 nömrələri ilə əlaqə saxlaya bilərsiniz.
Avropanın həm qərb, həm də əyləncə nöqtəsində bol əyləncələr! Xoş səyahətlər!
