Mən sizə İtaliya ilə əhatə olunmuş kiçik bir dağ dövləti - San-Marino haqqında danışmaq istərdim. Mən bu ölkəyə ilk dəfə 2016-cı ildə İtaliya şəhərlərinə səfərim zamanı olmuşam. San-Marino dünyanın ən kiçik, Avropanın isə ən qədim ölkələrindən biridir. Qədim memarlıq abidələri, gözəl dağ havası və alış-verişi ilə məşhurdur, şübhəsiz ki! Hər il dünyanın hər yerindən milyonlarla turist buranı ziyarət edir.
Anamla iyulda səhər tezdən ora getməyi qərara aldıq. Hər gün Riminidən San-Marinoya gedən bəzi rahat servislər var. Bir nəfər üçün gediş-dönüşün qiyməti 20 avrodur. Bütün yol unudulmaz oldu. Biz yaşıllıqlarla əhatə olunmuş dağda dolanbac yolla yuxarı qalxırdıq. Təxminən saat yarıma San Marinoda olduq. Oradakı atmosfer möhtəşəm idi – çoxlu turistlər ətrafda gəzir, bəziləri məşhur satış nöqtələrində alış-verişə gedir, bəziləri muzeyləri və kilsələri ziyarət edirdi. İşgəncə Muzeyi və köhnə kilsələr də daxil olmaqla bir neçə muzeyə baş çəkdik.
Monte Titano dağında tikilmiş Quaita qalası (Quaita, Prima Torre) məni çox heyran etdi. Əvvəllər həbsxana idi və oradan San-Marinonun mənzərəli təbiətinin gözəl mənzərəsini müşahidə edə bilərsiniz. Çoxlu şəkil çəkdirdik və bəzi görməli yerləri gəzdikdən sonra alış-verişə getdik. Gülməli qiymətlərlə yüksək keyfiyyətli brendlər, italyan ayaqqabılarının və çantalarının böyük seçimi – bu, alış-veriş həvəskarları üçün sadəcə cənnət idi! Təəssüratlarla dolu olub 10 saata yaxın orada qalaraq Riminiyə qayıtdıq.
San-Marinoya Səyahət: Necə getmək olar?
San-Marino, İtaliya ilə əhatə olunmuş bu kiçik dağ dövləti, həm tarixi abidələri, həm də təbiətinin gözəlliyi ilə hər kəsi heyran edir. Lakin unutmayın ki, San-Marinoya səyahət etmək istəyən Azərbaycan vətəndaşları üçün ilk addım İtaliya vizası almaqdan keçir. Çünki San-Marino özünün müstəqil dövlət statusuna baxmayaraq, İtaliya ərazisindən keçmədən bu ölkəyə çıxmaq mümkün deyil.
2016-cı ildə ilk dəfə San-Marinoya səfərim zamanı bu prosesi özüm də yaşamışam. İtaliya vizası almaq üçün lazım olan sənədləri təqdim edərək, Rimini şəhərindən San-Marinoya rahat servislərlə səyahət etdim. Bu kiçik ölkəyə giriş pulsuz olsa da, İtaliya vizası olmadan bu macəranı yaşamaq mümkün deyil.
Əgər siz də San-Marinonun qədim qalalarını, möhtəşəm mənzərələrini və alış-veriş cənnətini kəşf etmək istəyirsinizsə, ilk növbədə İtaliya vizası üçün müraciət etməyi unutmayın. Bu kiçik addım, sizi böyük bir səyahət macərasına aparacaq!
İtaliya Viza Növləri
San-Marinoya səyahət planlayırsınızsa, ilk növbədə İtaliya vizası almaqla başlamaq lazımdır. İtaliya, Şengen ölkələri siyahısında yer aldığı üçün bu ölkəyə səyahət üçün İtaliya Şengen vizası tələb olunur. Bu viza növü, San-Marinoya səyahətinizi asanlaşdıran əsas sənəddir.
İtaliya Şengen vizası ilə yalnız San-Marinoya deyil, digər Şengen ölkələrinə də səyahət etmək imkanınız var. Bu viza növü üçün müraciət səbəbləriniz turizm, ailə və ya dost ziyarəti, işgüzar görüşlər, tibbi müayinə və ya müalicə, qısamüddətli təhsil və ya mübadilə proqramları kimi müxtəlif ola bilər. Viza müddəti 90 günə qədər olan qısamüddətli səyahətlər üçün nəzərdə tutulub.
Əgər İtaliyada 90 gündən çox qalmaq planınız varsa, məsələn, bakalavr, magistr, doktorantura kimi uzunmüddətli təhsil almaq və ya daimi işləmək istəyirsinizsə, bu zaman İtaliya milli vizasına müraciət etməlisiniz. Bu viza növü üçün təhsil qurumundan və ya iş yerlərinizdən rəsmi dəvət və ya qəbul məktubları təqdim etmək tələb olunur.
San-Marinoya səyahətiniz üçün ən uyğun viza növü İtaliya Şengen vizasıdır. Bu viza ilə yalnız İtaliyadan keçərək San-Marinoya çıxış edə biləcəyiniz üçün, viza müraciət prosesinə vaxtında başlamaq və lazım olan bütün sənədləri hazırlamaq çox vacibdir.
İtaliya Şengen Vizası
San-Marinoya səyahət planlayarkən İtaliya Şengen vizası almaq məcburiyyətindəsiniz. Bu viza növü ilə yalnız San-Marinoya deyil, digər Şengen ölkələrinə də səyahət etmək imkanınız var. Lakin bu prosesdə diqqət yetirməli olduğunuz bəzi mühüm qaydalar var.
İtaliya Şengen vizasının təkgirişli və çoxgirişli növləri mövcuddur. Təkgirişli viza ilə yalnız bir dəfə Şengen ərazisinə giriş edə bilərsiniz, çoxgirişli viza isə müddəti ərzində birdən çox dəfə giriş imkanı verir. Bundan əlavə, viza müddəti 3 ay, 6 ay, 1 il, 2 il və ya 5 il kimi müxtəlif variantlarda təqdim oluna bilər.
İtaliya Şengen vizası aldıqdan sonra Şengen ölkələrinə sərbəst səyahət edə bilərsiniz. Lakin, ilk girişinizi viza aldığınız ölkədən, yəni İtaliyadan etməyiniz tövsiyə olunur. Əgər ilk girişinizi başqa bir Şengen ölkəsindən etsəniz, bu, nadir hallarda da olsa, sərhəd xidməti tərəfindən problem yarada bilər. Belə hallarda sizin geri qaytarılmağınız və ölkəyə girişinizə icazə verilməməsi riski var. Bu səbəbdən, ilk girişinizi İtaliyadan etməklə bu riskdən qaçınmaq daha məqsədəuyğundur.
Əgər İtaliya Şengen vizasına müraciət edirsinizsə, səyahətiniz boyu ən çox qalacağınız ölkəni İtaliya kimi qeyd etməlisiniz. Məsələn, səyahətiniz zamanı İspaniya, Avstriya, İsveçrə, Fransa və ya digər Şengen ölkələrini də ziyarət etmək planlaşdırsanız belə, ümumi qalma müddətinizin əksəriyyətini İtaliyada keçirməlisiniz. Bu, viza müraciətiniz üçün əsas şərtlərdən biridir.
İtaliya Şengen Vizası Müraciəti üçün Sənədlər Toplusu
İtaliya Şengen vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Elektron hökumət portalından işlə bağlı arayış*
- Adınıza olan bank hesabından arayış* və çıxarış. (Məbləğ barədə aşağıda detallı məlumat qeyd olunub)
- Əgər varsa, adınıza olan mülklərin çıxarışlarının* və maşınınızın texpasport kopyası
- Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
- 2 ədəd 3.5x4.5 ölçüdə, biometrik və ağ fonda şəkliniz
- Səyahətiniz üçün etdiyiniz aviabilet bronları
- Səyahətiniz üçün etdiyiniz otel rezervasiyaları
- Səfərinizi tam əhatə edəcək Şengen qaydalarına uyğun səyahət sığortası
- İngilis dilində doldurulmuş ərizə forması
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.
San-Marinoya səyahət üçün İtaliya Şengen vizası müraciətinizdə sənədlərinizin təqdimindən sonra belə proses tamamlanmır. Səfirlik və ya viza mərkəzi tərəfindən əlavə sənədlər tələb edilə bilər. Bəzi hallarda İtaliya səfirliyinin viza proseduru əsnasında müraciətçilərdən bron göstərdikləri otellərin alınmasını və bunu təsdiqləyən sənədlərin səfirliyə təqdim olunmasını tələb etdiyi görülmüşdür.
Bank hesabınızda olan məbləğ, səyahət tarixlərinizdən, Şengendə qalacağınız müddətdən, bron etdiyiniz uçuş biletləri və otellərin qiymətindən asılı olaraq dəyişir. Ümumiyyətlə, bir həftəlik səyahət üçün hesabınızda ən azı 3.000-5.000 AZN (və ya bunun avro/dollar ekvivalenti) olması tövsiyə edilir. Bu məbləğ sizin bütün səyahət xərclərinizi əhatə etməlidir. Hesabladığınız məbləği müəyyənləşdirərkən, biletlər və otel bronlarının qiymətini, həmçinin Şengen bölgəsində qalacağınız hər gün üçün təxminən 70-80 avro gündəlik xərcləri əlavə edib, bir az artıq bir məbləğ nəzərdə tuta bilərsiniz.
Əgər siz sahibkar olaraq fəaliyyət göstərirsinizsə, iş yerindən arayışı əvəz edən sənədləri təqdim edə bilərsiniz: VÖEN-in surəti, Vergilər Nazirliyindən dövriyyə haqqında arayış və şirkətinizin reyestrdən çıxarışı. İşləmirsinizsə, təhsil alırsınızsa və ya səfərinizin xərclərini başqa bir şəxsin qarşılayacağını göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda qeyd olunan sənədlər), bank hesabından çıxarış (bu, həm sizin, həm də sponsorun adına ola bilər) və ailəvi əlaqəni təsdiq edən sənəd (məsələn, valideyninizdirsə, sizin doğum haqqında şəhadətnaməniz, qardaş/bacınızdırsa, hər ikinizin şəhadətnamələri) təqdim edilməlidir. Sponsorluq məktubu da tələb olunur.
Əgər müraciət edən şəxs 18 yaşdan kiçikdirsə, tək səyahət edirsə, hər iki valideyndən; yalnız bir valideynlə səyahət edirsə, digər valideyndən icazə sənədinin surəti də təqdim edilməlidir.
Qeyd edək ki, VÖEN, dövriyyə haqqında arayış, şirkət reyestri, sponsorluq məktubu və ya icazə sənədi kimi sənədlər notarial qaydada ingilis dilinə tərcümə və təsdiq edilməlidir.
Viza Proseduru
İtaliya Şengen vizası üçün müraciət İtaliya Səfirliyinin Visametric adlı viza müraciət mərkəzində olunur. Viza haqqında qərar Bakıdakı İtaliya səfirliyinin konsulluq şöbəsində konsul tərəfindən verilir.
Viza görüşü təyin etmək üçün həftəiçi saat 08:30-dan 18:30-a qədər İtaliya Visametric-in +994 12 599 88 11 nömrəsi ilə əlaqə saxlaya bilərsiniz.
Müraciət səfər tarixindən ən tez 6 ay əvvəl edilə bilər və sənədləri təqdim edərkən şəxsi iştirak vacibdir.
Viza proseduru adətən müraciət tarixindən sonra 5-15 təqvim günü (rəsmi bayram günləri istisna olmaqla) çəkir. Ancaq sənədləriniz tam və düzgün olduğu halda, daha az sıx dövrlərdə cavab 2-3 iş günü ərzində verilə bilər. Bəzi hallarda cavab hətta uçuş tarixindən bir gün öncə də məlum ola bilər.
Sənədləri təqdim edərkən, 35 avro viza rüsumu və 21 avro viza mərkəzi xidmət haqqı ödənilməlidir. Bu məbləğlər yalnız manatla, viza mərkəzinin kassalarında, İtaliya Səfirliyinin təsdiqlədiyi rüblük məzənnəyə əsasən qəbul edilir.
İtaliya Şengen Vizası Alma Ehtimalı
İtaliya Şengen vizasına müraciət edərkən, viza alma şansınız əsasən profilinizin ümumi vəziyyətindən asılıdır. İş yerinizin və vəzifənizin stabil olması, aylıq gəlirinizin standart maaş aralığında və ya daha yüksək olması (400-600 AZN və ya daha artıq gəlirə malik şəxslərin viza aldığı hallar tez-tez rast gəlinir), bank hesabınızda səyahətinizi tam əhatə edəcək məbləğin göstərilməsi, sizi ölkənizə bağlayan amillərin (məsələn, adınıza mülk, ailəniz və ya övladlarınızın olması) mövcudluğu və səyahət tarixçənizin olması kimi faktorlar İtaliya Şengen vizası alma şansınızı artırır.
Əgər daha öncə Şengen vizanız yoxdursa, İtaliya səfirliyi ilk müraciət üçün nisbətən riskli seçim hesab edilə bilər. Buna baxmayaraq, təcrübədə ilk Şengen vizasını İtaliya səfirliyindən alan bir çox müraciətçi olub. Amma qeyd edək ki, profilinizdə yuxarıda sadalanan faktorlar yüksək səviyyədə deyilsə, İtaliya səfirliyi ilk Şengen vizası üçün daha çətin seçim ola bilər.
Əgər əvvəlki Şengen vizalarınız varsa, bu, İtaliya səfirliyindən viza alma ehtimalınızı əhəmiyyətli dərəcədə artırır.
İtaliyaya Viza Dəstəyi
Biz, Vizam.az komandası olaraq, İtaliya Şengen vizası müraciətinizdə sizə dəstək olmağa hazırıq! Xidmətimizə aşağıdakılar daxildir:
- Səfirlikdə sizin adınıza görüşün təyin edilməsi,
- Ərizə formasının doldurulması,
- Sənədlərinizin peşəkar şəkildə hazırlanması,
- Uçuş biletlərinizin rezervasiyası, otellərin bronu və ya sifarişinizə uyğun alınması,
- Səyahət tur planınızın qurulması,
- Səyahətinizi əhatə edəcək sığortanın təşkil edilməsi,
- Konsultasiya və viza prosedurunun izlənməsi.
Qeyd: Səyahət sığortasının rüsumu (adətən, 1 həftə üçün 16-18 AZN) xidmət haqqından əlavə hesablanır. Bu sığortanı özünüz də etdirə bilərsiniz. Həmçinin sənədlərinizin notarial qaydada ingilis dilinə tərcüməsi və təsdiqlənməsi üçün də bizdən yardım ala bilərsiniz (hər sənəd üçün əlavə rüsum 16 AZN təşkil edir).
Ümumi olaraq, İtaliya Şengen vizası dəstək xidmətimizin haqqı bir nəfər üçün 115 AZN-dir.
Sifarişinizi yerləşdirmək üçün buraya klikləyin. Əlavə məlumat üçün bizimlə 010/50/55-3000135 nömrələri vasitəsilə əlaqə saxlaya bilərsiniz.
Bu kiçik dağ dövlətinin gözəlliklərini kəşf etməyə dəyər, odur ki, viza almağa tələsin! Xoş səyahətlər!
Yeniləndi: 07.02.2025
