Cənubi Afrika Respublikası mənim üçün səyahət etdiyim ən möhtəşəm torpaqlardan biridir deyə bilirəm. Sözün açığı səyahətimdən əvvəl araşdırmama görə məni macəra dolu zamanın gözlədiyini bilirdim, ancaq belə möhtəşəm zövq alacağımı düşünməmişdim. Gəzib gəldiyim torpaqlar (CAR) haqqında tövsiyələrimi sizinlər bölüşürəm:
- Ümid Burnunda dayanın və arzu tutun.
- “Table Mountain” zirvəsində br kofe için.
- “Mama Africa” restoranında krokodil əti yeyin. -
- Atlantik Okeanla Hind Okeanının birləşdiyi yerdə şəkil çəkdirin.
- Ümid Burnundan qayıdanda yolüstü Simons’ Town-a baş çəkin, restoranda oturun bir balıq yeyin.
- “Tsitsikamma Milli Park”ında şəlaləyə uzun yol olsa da mütləq baş çəkin. Okean və şəlalə bir arada nadir tapılan mənzərələrdəndir.
- Bo-Kaap-ın rəngarəngliyinə vurulun.
- Fillərə əlinizlə yemək yedirin.
- Maşın kirayə edin, bütün ölkəni gəzin, təbiətinə heyran olun.
- Rekordlar kitabına düşmüş dünyanın ən hündür Bungee körpüsündən atlayıb adrenalin dolu gün yaşayın.
Cənubi Afrika: Macəra ilə dolu bir ölkəyə səyahət
Əgər siz də fərqli bir təcrübə yaşamaq və dünyanın ən gözəl yerlərindən birinə səyahət etmək istəyirsinizsə, Cənubi Afrika Respublikası mütləq siyahınızda olmalıdır. Paytaxt Keyptaun, cazibədar təbiəti, rəngarəng mədəniyyəti və təbii gözəllikləri ilə sizi ovsunlayacaq. Yohannesburq isə müasirliyi və tarixlə dolu atmosferi ilə fərqlənir.
Hər il təxminən 20 milyon turistin səfər etdiyi bu ölkə sizi də qarşılamaya hazırdır. Ancaq unutmayın, bu ecazkar yerlərə səyahət üçün ilk addım viza almaqdır. Sizin üçün viza prosesinə dair ən vacib detalları bir araya topladıq.
Cənubi Afrika Respublikası Viza Növləri
Səyahətinizin məqsədindən asılı olaraq, müxtəlif viza növlərinə müraciət edə bilərsiniz. Əgər məqsədiniz sadəcə təbiətin gözəlliklərini görmək və rahat istirahət etməkdirsə, turizm vizası sizin üçün idealdır. Dostlarınızı və ya ailənizi ziyarət etmək, işgüzar görüşlər keçirmək və hətta tibbi müalicə üçün də bu vizadan istifadə edə bilərsiniz.
Əgər ölkədə daha uzun müddət qalmaq, təhsil almaq və ya işləmək istəyirsinizsə, milli vizaya müraciət etməlisiniz. Əlbəttə ki, bu növ vizalar üçün iş yerindən və ya təhsil müəssisəsindən dəvət məktubu tələb olunur.
Cənubi Afrika Respublikası Turizm Vizası
Cənubi Afrika turizm vizası sizə qısa və ya çoxgirişli variantlarda təqdim olunur. Əgər bir neçə dəfə ölkəyə səfər etmək planınız varsa, çoxgirişli viza sizə uyğun olacaq. Amma daha qısa bir səyahət üçün sadə, qısamüddətli viza da kifayətdir.
Adətən, turistlərə 3 ay ərzində 1 ay müddətində qalmağa imkan verən vizalar təqdim olunur. Lakin bu müddət və vizanın şərtləri müraciətinizdən asılı olaraq dəyişə bilər.
Cənubi Afrika Vizası Müraciəti üçün Sənədlər Toplusu
Cənubi Afrika vizasına müraciət etmək üçün müəyyən sənədləri təqdim etməlisiniz. Onları düzgün və tam şəkildə toplamaq vizanızın uğurla təsdiqlənməsi üçün vacibdir. Budur lazımlı sənədlərin siyahısı:
- Xarici pasportunuz və birinci səhifəsinin surəti
- Əgər varsa, əvvəlki vizalarınızın və möhürlərinizin surətləri
- Şəxsiyyət vəsiqənizin surəti
- İş yerindən arayış (təhsil alanlar üçün təhsil arayışı)
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Adınıza olan bank hesabından arayış* (Məbləğ barədə aşağıda detallı məlumat qeyd olunub)
- 2 ədəd 3.5x4.5 ölçüdə, ağ fonda şəkliniz
- Səyahətiniz üçün etdiyiniz aviabilet bronları
- Səyahətiniz üçün etdiyiniz otel rezervasiyaları
- İngilis dilində doldurulmuş ərizə forması
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
- Viza rüsumunun ödənildiyini təsdiq edən sənəd
Üzərində “*” işarəsi ilə qeyd olunan sənədləri səfirliyə ingilis dilində təqdim etməyiniz vacibdir. Əgər sizdə sənədin orijinalını ingilis dilində yox, azərbaycanca versiyası varsa, mütləq həmin sənədlərin hər birini notarial qaydada ingilis dilinə tərcümə və təsdiq etdirərək səfirliyə təqdim edin.
Cənubi Afrika Respublikasına səfər etməyi planlaşdırırsınızsa, bank hesabınızdakı məbləğ orada qalacağınız müddətdən, otel və uçuş biletlərinin qiymətindən, eləcə də gündəlik xərclərinizdən asılı olaraq dəyişə bilər. Bir həftəlik səyahət üçün hesabınızda ən azı 4.000-5.000 AZN (və ya bunun avro və ya ABŞ dolları ekvivalentində) məbləğin olması tövsiyə olunur. Bu məbləğ həm otel və bilet xərclərinizi, həm də gündəlik təxminən 60-70 dollar arasında dəyişən xərclərinizi qarşılayacaq. Əlavə ehtiyat üçün bir az artıq məbləğ saxlamaq da yaxşı bir seçim olar.
Əgər sahibkarsınızsa, iş yerindən arayış əvəzinə müvafiq sənədləri (VÖEN-in surəti, Vergilər Nazirliyindən dövriyyə haqqında arayış) təqdim edə bilərsiniz. Əgər işləmirsinizsə, təhsil alırsınızsa və ya səyahətinizi başqa bir şəxs maliyyələşdirirsə, bu zaman həmin şəxsin sənədləri tələb olunur. Bu sənədlərə sponsorun şəxsiyyət vəsiqəsinin surəti, iş yerindən arayış (sahibkardırsa, yuxarıda qeyd edilən sənədlər), bank hesabından arayış və çıxarış, eləcə də sizinlə olan ailə bağını təsdiqləyən sənəd (məsələn, doğum şəhadətnaməsi) daxildir.
Əgər 18 yaşından kiçiksinizsə və tək səyahət edirsinizsə, hər iki valideyninizdən, yaxud yalnız bir valideynlə səyahət edirsinizsə, digər valideyninizdən ölkə xaricinə getməyə icazə sənədi təqdim etmək lazım olacaq.
Viza Proseduru
Cənubi Afrika Respublikasına viza müraciət etmək üçün təəssüf ki, ölkəmizdə birbaşa konsulluq mövcud deyil. Bunun yerinə, müraciətlər Ankaradakı səfirliyə ünvanlanır. Şəxsi iştirakınız mütləq deyil; sənədlərinizi sadəcə kuryer vasitəsilə göndərə bilərsiniz.
Viza rüsumu 33 EUR təşkil edir. Ancaq, ödəniş bank transferi ilə həyata keçirildiyi üçün əlavə olaraq 35 EUR da bank köçürməsi haqqı olaraq ödənməlidir. Bununla yanaşı, sənədlərin kuryer vasitəsilə göndərilməsi səbəbindən əlavə kuryer xidmət haqqı da mövcuddur.
Viza müraciətinizin nəticəsi adətən 30 iş günü ərzində açıqlanır, amma sənədlərin kuryerlə daşınması bu müddətə daxil olmur. Yəni, müraciətinizin nəticəsinin nə zaman məlum olacağı barədə dəqiq məlumat əldə etmək üçün kuryer zamanı da nəzərə alınmalıdır.
Cənubi Afrika Vizası Alma Ehtimalı
Cənubi Afrika vizasını alma şansınız yalnız sənədlərinizin düzgünlüyündən deyil, həm də şəxsi profilinizin vəziyyətindən asılıdır. İş yerinizin və vəzifənizin sabit olması, aylıq gəlirinizin normal səviyyədə olması (təcrübəyə əsasən, məsələn, 400-500 AZN arasında gəliri olan şəxslər də vizanı ala biliblər), bank hesabınızdakı məbləğin səyahətinizi tam şəkildə əhatə etməyə imkan verməsi və sizi ölkəyə bağlayan səbəblər (adınıza mülk, ailə və uşaqlarınızın olması) viza alma şansınızı artıran amillərdir.
Əgər səyahət tarixçəniz yoxdursa (Şengen və ya digər vizalarınız yoxdursa), narahat olmayın, çünki Cənubi Afrika səfirliyi riskli səfirliklərdən hesab edilmir. Bizim təcrübəmizdə bir çox müraciətçi ilk viza müraciətini məhz Cənubi Afrika səfirliyindən alıb. Əsas odur ki, digər sənədləriniz tam qaydasında olsun. Həmçinin, əvvəllər aldığınız vizalar da Cənubi Afrika vizasını alma şansınızı artıran mühüm amildir.
Cənubi Afrikaya Viza Dəstəyi
Biz Vizam.az şirkəti olaraq, Cənubi Afrika Respublikası vizası müraciətinizdə sizə tam dəstək ola bilərik. Xidmətimizə ərizə formanızın doldurulması, sənədlərinizin peşəkar şəkildə hazırlanması, səyahətiniz üçün uçuş biletlərinizin rezervasiyası, otellərin bronu və ya istədiyiniz şəkildə alınması, viza üçün səyahət tur planınızın hazırlanması, konsultasiya, və viza prosedurunuzun izlənilməsi daxildir.
Bundan əlavə, biz sizə sənədlərinizin Ankaradakı səfirliyə kuryer vasitəsilə çatdırılması və pasportunuzun geri qaytarılması, həmçinin viza ödənişinin edilməsi ilə də yardımçı ola bilərik. Bu əlavə xidmətin dəyəri 195 AZN təşkil edir. Sənədlərinizin notarial qaydada ingilis dilinə tərcümə və təsdiqi üçün isə hər bir sənəd üçün əlavə 16 AZN ödəməlisiniz.
Ümumi olaraq, bizim şirkətimizdə Cənubi Afrika vizası üçün dəstək xidməti haqqı bir nəfər üçün 245 AZN-dir.
Sifariş vermək üçün buraya klikləyə və əlavə məlumat üçün 010/50/55-3000135 nömrəsi ilə əlaqə saxlaya bilərsiniz.
Sonra deməyin ki, Afrikanın cənubunda olmamışam! Xoş səyahətlər!
Yeniləndi: 30.01.2025
