Macarıstan Şengen vizası Avropaya səyahət etmək istəyən Azərbaycan vətəndaşları üçün ən çox müraciət edilən vizalardan biridir. Bu viza vasitəsilə yalnız Macarıstana deyil, eyni zamanda digər Şengen ölkələrinə də sərbəst şəkildə səyahət etmək mümkündür. Turizm, işgüzar səfər və ya qohum ziyarəti kimi məqsədlərlə müraciət edilən Macarıstan vizası üçün düzgün sənədlərin hazırlanması və müraciət prosesinin qaydalara uyğun aparılması olduqca vacibdir.
Macarıstan Şengen vizasına müraciət edərkən planlı və diqqətli olmaq, həmçinin bütün tələbləri əvvəlcədən bilmək viza alma şansınızı əhəmiyyətli dərəcədə artırır. Bu yazıda siz Macarıstan vizası ilə bağlı əsas məlumatları, müraciət qaydalarını və diqqət etməli olduğunuz məqamları ətraflı şəkildə öyrənəcəksiniz.
Macarıstan Şengen vizasına necə müraciət edilir?
Macarıstan Şengen vizasına müraciət prosesi bir neçə əsas mərhələdən ibarətdir və düzgün ardıcıllıqla yerinə yetirilməlidir.
İlk addım viza randevusunun (appointment) alınmasıdır. Azərbaycan vətəndaşları adətən randevunu VisaMetric və ya BLS International platformaları vasitəsilə əldə edirlər. Randevu təsdiqləndikdən sonra viza üçün tələb olunan sənədlər hazırlanır.
Sənədlər toplanıldıqdan sonra müraciətçi təyin olunan tarixdə viza mərkəzinə şəxsən gedərək sənədləri təqdim edir və biometrik məlumatlarını (barmaq izi) verir. Bu mərhələdə müraciətçinin şəxsi iştirakı mütləqdir.
Daha sonra sənədlər konsulluğa göndərilir və yekun qərar Macarıstan səfirliyinin Konsulluq şöbəsi tərəfindən verilir. Əgər müraciət təsdiqlənərsə, viza pasporta vurulur və səyahət etmək mümkün olur.
Macarıstan vizası neçə günə çıxır?
Macarıstan Şengen vizasının baxılma müddəti adətən 7–15 iş günü arasında dəyişir. Bu müddət müraciət edilən dövrdən, sənədlərin tamlığından və konsulluğun iş yükündən asılı olaraq fərqlənə bilər. Bəzi hallarda, xüsusilə əlavə yoxlama tələb olunduqda və ya səyahət mövsümünün sıx olduğu dövrlərdə bu proses daha uzun çəkə bilər. Ona görə də müraciəti planlaşdırarkən səyahət tarixindən ən azı bir neçə həftə əvvəl sənədləri təqdim etmək tövsiyə olunur.
Macarıstan vizası üçün bank hesabında nə qədər pul olmalıdır?
Macarıstan Şengen vizası üçün bank hesabında tələb olunan məbləğ səyahətin müddətinə və planınıza uyğun hesablanır. Ümumi qaydaya görə gündəlik xərclər üçün təxminən 60–70 avro civarında vəsait göstərilməsi tövsiyə olunur.
Məsələn, 7–10 günlük bir səyahət planınız varsa, bank hesabınızda təxminən 1500–2000 avro aralığında məbləğin olması daha inandırıcı hesab edilir. Burada əsas məqsəd səfirliyə səyahət müddətində bütün xərclərinizi (yaşayış, qidalanma, nəqliyyat və s.) qarşılaya biləcəyinizi sübut etməkdir.
Eyni zamanda təkcə məbləğin yüksək olması deyil, hesabın hərəkətli olması da vacibdir. Yəni mütəmadi gəlir və xərclərin görünməsi müraciət profilini daha güclü göstərir.
Macarıstan vizası almaq çətindirmi?
Macarıstan Şengen vizası almaq ümumiyyətlə çətin hesab olunmur, lakin nəticə birbaşa sizin profilinizdən və təqdim etdiyiniz sənədlərin keyfiyyətindən asılıdır. Əgər rəsmi iş yeriniz varsa, sabit gəlir göstərirsinizsə, bank hesabınız kifayət qədərdirsə və səyahət planınız aydın və əsaslandırılmışdırsa, viza alma ehtimalınız yüksək olur.
Əksinə, natamam sənədlər, qeyri-dəqiq məlumatlar və ya maliyyə vəziyyətinin zəif göstərilməsi vizanın rədd olunmasına səbəb ola bilər. Bundan əlavə, əvvəlki səyahət tarixçənizin (xüsusilə Şengen vizalarının) olması da müsbət rol oynayır.
Yəni, düzgün hazırlanmış sənədlər və güclü profil ilə Macarıstan vizası almaq çətin deyil, sadəcə müraciət prosesinə diqqətlə yanaşmaq vacibdir.
Macarıstan vizası üçün hansı sənədlər tələb olunur?
Macarıstan Şengen vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Elektron hökumət portalından işlə bağlı arayış
- Adınıza olan bank hesabından arayış* və çıxarış (məbləğ barədə aşağıda detallı məlumat qeyd olunub)
- Əgər varsa, adınıza olan mülklərin çıxarışlarının* və maşınınızın texpasport kopyası
- Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
- 2 ədəd 3.5x4.5 ölçüdə, biometrik və ağ fonda şəkliniz
- Səyahətiniz üçün etdiyiniz aviabilet bronları
- Səyahətiniz üçün etdiyiniz otel rezervasiyaları
- Səfərinizi tam əhatə edəcək Şengen qaydalarına uyğun səyahət sığortası
- İngilis dilində doldurulmuş ərizə forması
- Görüş təyininin təsdiqi barədə sistemdən verilmiş sənədin çap versiyası
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.
Macarıstan vizasına nə qədər əvvəl müraciət etmək olar?
Macarıstan Şengen vizasına müraciət səyahət tarixindən maksimum 90 gün əvvəl edilə bilər. Yəni planlaşdırdığınız səfərdən təxminən 3 ay öncə müraciətə başlamaq mümkündür.
Bununla yanaşı, müraciəti son günlərə saxlamaq tövsiyə olunmur. Ən ideal vaxt səyahətə 3–4 həftə qalmış müraciət etməkdir. Bu, həm sənədlərin rahat şəkildə hazırlanmasına, həm də mümkün gecikmələrin qarşısını almağa kömək edir. Ən tez 6 ay qalmış səyahətinizə müraciət edə bilərsiniz.
Xüsusilə yay mövsümü və bayram dövrlərində müraciətlərin sayı artdığı üçün randevu tapmaq çətinləşə və baxılma müddəti uzana bilər. Buna görə planınızı əvvəlcədən qurmaq daha təhlükəsizdir.
Macarıstana Viza Dəstəyi
Bizim viza dəstəyi xidmətimiz çərçivəsində sizin adınıza Macarıstan səfirliyi viza görüş üçün randevu təyin olunur, ərizə forması düzgün və rəsmi tələblərə uyğun şəkildə doldurulur, sənədləriniz yoxlanılır və peşəkar qaydada hazırlanır. Eyni zamanda səyahətinizi əhatə edən uçuş biletlərinin rezervasiyası, otellərin bron edilməsi və ya istəyinizə uyğun şəkildə alınması, ətraflı tur planın qurulması və Şengen qaydalarına uyğun səyahət sığortasının təşkili həyata keçirilir. Bundan əlavə, müraciət müddətində konsultasiya xidməti göstərilir və macaristan viza almaq prosesiniz son nəticəyə qədər izlənilir.
Qeyd edək ki, səyahət sığortasının rüsumu xidmət haqqına daxil deyil və ayrıca hesablanır. Adətən 1 həftəlik sığorta üçün məbləğ 16–18 AZN aralığında dəyişir. İstəsəniz, bu sığortanı müstəqil şəkildə də təşkil edə bilərsiniz. Həmçinin tələb olunduğu hallarda sənədlərinizin notarial qaydada ingilis dilinə tərcümə və təsdiqi ilə bağlı da dəstək göstəririk və hər bir sənəd üzrə əlavə rüsum 16 AZN təşkil edir.
Ümumilikdə şirkətimizdə Macarıstan Şengen vizası üçün dəstək xidmət haqqı bir nəfər üçün 79 AZN-dir. Ətraflı məlumat almaq və müraciət etmək üçün bizimlə əlaqə saxlaya bilərsiniz.
