İslandiya unikal təbiəti, şimal işıqları, vulkanları, buzlaqları və isti termal bulaqları ilə milyonlarla turistin arzusudur. Avropanın ən şimalında yerləşən bu ada ölkəsi İslandiya adası həm səyahət, həm də təhsil və iş imkanları baxımından azərbaycanlıların maraq dairəsindədir. Lakin İslandiyaya səyahət etməyi planlaşdıran hər kəs üçün ilk və ən vacib addım İslandiya vizası almaqdır.
Bir çox insanın ağlına ilk gələn suallar belədir:
- İslandiya vizası üçün hara müraciət etməliyəm?
- Hansı sənədlər lazımdır?
- Viza almaq neçə gün çəkir və şansı artırmaq üçün nələrə diqqət etməliyəm?
- Əgər Şengen vizam varsa, ayrıca İslandiya vizası almalıyam?
Bu yazıda biz bütün bu suallara cavab verəcəyik və “İslandiya vizası necə alınır?” mövzusunu addım-addım izah edəcəyik. Unutmayaq ki, İslandiya Avropa İttifaqının üzvü olmasa da, Şengen zonasına daxildir. Bu isə o deməkdir ki, İslandiyaya səyahət üçün Şengen vizası keçərlidir və bu viza ilə İslandiya ilə yanaşı digər Avropa ölkələrinə də səyahət etmək mümkündür.
Azərbaycandan İslandiyaya getmək istəyənlər üçün xüsusi müraciət proseduru mövcuddur. Burada əsas məqam düzgün sənədlərin hazırlanması, maliyyə imkanlarının təsdiqi və səyahət planının aydın göstərilməsidir. Çünki İslandiya konsulluqları müraciətləri çox diqqətlə yoxlayır. Ən kiçik bir səhv belə viza rəddinə səbəb ola bilər.
İslandiya viza növləri hansılardır?
İslandiyaya səyahət etmək üçün əsasən iki kateqoriya üzrə viza müraciəti mümkündür: İslandiya Şengen vizası və İslandiya milli vizası. Hər iki viza növü fərqli məqsədlər üçün nəzərdə tutulub və müraciət zamanı təqdim edilməli olan sənədlər də bu məqsədə uyğun dəyişir.
1. İslandiya Şengen vizası
İslandiya Şengen ölkələri siyahısına daxil olduğuna görə, qısamüddətli səfərlər üçün Şengen vizası kifayətdir. Bu viza ilə 180 gün ərzində maksimum 90 gün müddətinə İslandiyaya səyahət edə bilərsiniz. Ən çox müraciət edilən İslandiya turizm vizası da məhz bu kateqoriyaya daxildir.
Şengen vizası aşağıdakı məqsədlərlə alınır:
- Turizm – şimal işıqlarını izləmək, təbiəti kəşf etmək, vulkanlar və buzlaqları görmək üçün.
- Ailə və dostlara ziyarət – İslandiyada yaşayan yaxınlarınıza baş çəkmək üçün.
- İşgüzar səfərlər – konfrans, sərgi və ya görüşlərdə iştirak üçün.
- Tibbi müayinə və müalicə – İslandiya klinikalarında qısamüddətli prosedurlar üçün.
- Qısamüddətli təhsil və mübadilə proqramları – dil kursları, təlimlər və tələbə dəyişimi proqramları üçün.
2. İslandiya milli vizası (D-viza)
Əgər İslandiyada 90 gündən çox qalmağı planlaşdırırsınızsa, bu halda İslandiya milli vizasına müraciət etməlisiniz. Bu viza əsasən uzunmüddətli təhsil və ya iş imkanları üçün nəzərdə tutulur.
Milli vizaya müraciət üçün tələb olunan əsas səbəblər:
- İslandiyada təhsil vizası – bakalavr, magistr və doktorantura proqramlarında oxumaq üçün. Bu halda qəbul olduğunuz universitetdən və ya təhsil müəssisəsindən rəsmi qəbul məktubu təqdim edilməlidir.
- İslandiyada iş vizası – ölkədə yerləşən şirkət və ya qurumda daimi işləmək üçün. Bunun üçün rəsmi iş dəvət məktubu tələb olunur.
- Ailə birləşməsi vizası – həyat yoldaşı və ya digər ailə üzvləri ilə birgə.
İslandiya Vizasına necə Müraciət Etmək Olar?
Azərbaycan vətəndaşları üçün İslandiyanın Bakıda səfirliyi və ya konsulluğu olmadığına görə, viza müraciətləri birbaşa başqa ölkənin səlahiyyətli konsulluğu və ya viza mərkəzi vasitəsilə qəbul edilir. Adətən Danimarka və ya Norveç səfirlikləri İslandiya vizası üçün məsul qurum olur. Bu səbəbdən siz İslandiya Şengen vizası müraciətini həmin ölkələrin viza mərkəzləri vasitəsilə edə bilərsiniz.
Müraciət prosesi necədir?
1. Ərizə formasının doldurulması
İlk addım olaraq İslandiya vizası ərizə forması onlayn və ya kağız üzərində doldurulur. Burada şəxsi məlumatlarınız, səyahət məqsədiniz və qalma müddətiniz aydın şəkildə göstərilməlidir.
2. Sənədlərin hazırlanması
Pasport, biometrik şəkil, səyahət planı, otel və aviabilet rezervasiyası, bank arayışı, sığorta və digər tələb olunan sənədləri tam və düzgün şəkildə toplamaq vacibdir.
3. Onlayn randevu götürmək
Sənədləri təqdim etmək üçün randevu götürülür. Bu randevu günü siz həm sənədlərinizi təhvil verirsiniz, həm də barmaq izi (biometrik məlumat) verirsiniz.
4. Konsulluq rüsumunun ödənilməsi
Hər müraciət üçün İslandiya Şengen vizası rüsumu ödənilməlidir. Əlavə olaraq, viza mərkəzi xidməti üçün ödəniş də tələb oluna bilər.
5. Viza cavabını gözləmək
Müraciətiniz emal olunduqdan sonra nəticə adətən 10-15 iş günü ərzində bəlli olur. Uzunmüddətli İslandiya milli vizası üçün isə bu müddət daha uzun ola bilər (təxminən 1-2 ay).
İslandiya vizasına necə müraciət etmək olar?
İslandiya vizası almaq istəyən hər bir şəxs müraciət prosesini düzgün aparmalıdır. Ən çox verilən suallardan biri də budur: “İslandiya vizasına necə müraciət edə bilərəm?” Cavab isə müraciət məqsədinizdən – turizm, iş, təhsil və ya ailə birləşməsindən – asılı olaraq dəyişir.
İslandiya Şengen vizası: təkgirişli və çoxgirişli imkanlar
Qısamüddətli səfərlər üçün İslandiya Şengen vizasına müraciət edilir. Bu viza digər Şengen vizaları kimi həm təkgirişli, həm də çoxgirişli ola bilər. Yəni, səyahət müddətiniz ərzində İslandiyaya bir dəfə və ya bir neçə dəfə daxil olmaq imkanınız var. Bundan əlavə, 3 ay, 6 ay, 1 il, 2 il və ya hətta 5 ilə qədər etibarlı olan uzunmüddətli Şengen vizalarına da müraciət etmək mümkündür.
Şengen vizası ilə digər ölkələrə səyahət etmək olur?
İslandiya Şengen vizası əldə etdikdən sonra, bu viza ilə bütün Şengen ölkələrinə səyahət edə bilərsiniz. Lakin diqqət etməli olduğunuz əsas məsələ ilk giriş qaydasıdır. Vizam.az komandası məsləhət görür ki, ilk olaraq vizanı aldığınız ölkədən yəni İslandiyadan giriş edin. Çünki bəzi hallarda sərhəd xidməti digər ölkədən giriş edən şəxslərə çətinlik yarada bilər. Bu nadir hallarda yaşansa da, riskdən uzaq olmaq üçün İslandiyadan giriş etmək daha məqsədəuyğundur.
İslandiya viza müraciətində səyahət planı necə göstərilməlidir?
Müraciət zamanı səyahət planınızın əsas hissəsi İslandiya üzərində qurulmalıdır. Yəni, əgər ümumi səyahətinizdə bir neçə ölkə varsa (məsələn, Norveç, İsveç, Finlandiya və digər Avropa ölkələri), müraciət zamanı ən çox qalacağınız ölkə kimi İslandiyanı qeyd etməlisiniz. Bu, İslandiya vizası üçün müraciətinizi qanuni və məntiqli əsaslandıracaq.
İslandiya viza növlərinə müraciət:
- İslandiya turizm vizası – qısamüddətli gəzinti, təbiət və mədəniyyət turizmi üçün.
- İslandiya iş vizası – rəsmi iş dəvəti əsasında uzunmüddətli qalmaq üçün.
- İslandiyada təhsil vizası – bakalavr, magistr və ya doktorantura üzrə qəbul məktubu təqdim edən tələbələr üçün.
- İslandiya uzunmüddətli vizası (D-viza) – 90 gündən artıq qalmaq istəyənlər üçün, əsasən təhsil, iş və ailə birləşməsi məqsədləri ilə.
Hansı Sənədlər Tələb Olunur?
İslandiya Şengen vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Adınıza olan bank hesabından arayış* və çıxarış (Məbləğ barədə aşağıda detallı məlumat qeyd olunub)
- Əgər varsa, adınıza olan mülklərin çıxarışlarının* və maşınınızın texpasport kopyası
- Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
- 2 ədəd 3.5x4.5 ölçüdə, biometrik və ağ fonda şəkliniz
- Səyahətiniz üçün etdiyiniz otel rezervasiyaları
- Səyahətiniz üçün etdiyiniz aviabilet bronları
- Səfərinizi tam əhatə edəcək Şengen qaydalarına uyğun səyahət sığortası
- İngilis dilində doldurulmuş ərizə forması
- Onlayn ödəniş çekinizin çap versiyası
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.
Sənədləriniz qəbul olunduqdan sonra hər bir halda viza prosedurunuz əsnasında səfirlikdən sizə zəng gələ və bu zəngdə sizdən yeni sənədləri təqdim etməyiniz tələb oluna bilər.
Bank hesabınızdakı məbləğ sizin göstərdiyiniz səyahət tarixlərinizdən, yəni Şengendə qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 3.500-5.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə Şengen ərazisində qalacağınızı göstərdiyiniz hər gün üçün ortalama 70-80 avro gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.
İslandiya vizası proseduru necə həyata keçirilir?
İslandiya vizası almaq istəyən Azərbaycan vətəndaşları üçün İslandiya Şengen vizası proseduru müəyyən qaydalarla həyata keçirilir. Qısamüddətli İslandiya turizm vizası və digər Şengen vizaları üçün müraciət prosesi aşağıdakı kimi icra olunur.
Müraciət üçün yer və ilkin addımlar
Azərbaycan vətəndaşları İslandiya vizası müraciətini birbaşa Bakıda yerləşən Norveç VFS Global viza mərkəzi vasitəsilə edə bilərlər. Viza haqda son qərarı isə Ankaradakı Norveç səfirliyinin konsulluq şöbəsindəki konsul verir.
Viza görüşünü təyin etmək üçün VFS Global viza mərkəzinin +994 12 310 57 03 nömrəsi ilə əlaqə saxlamaq kifayətdir. Müraciət səfər tarixindən ən tez 6 ay əvvəl başlaya bilər.
Barmaq izindən azad olan müraciətçilər
Bütün müraciətçilər sənədləri təqdim edərkən şəxsən iştirak etməlidir. Lakin aşağıdakı qruplar barmaq izindən azad edilir və notarial etibarnamə verdikləri halda şəxsən iştirak etməyə bilərlər:
- Son 5 ildə Şengen vizası almış və sistemdə barmaq izi olan şəxslər
- 12 yaşdan aşağı uşaqlar
- Barmaq izi verməyə fiziki olaraq imkan olmayan şəxslər
- Diplomatik və xüsusi pasport sahibləri
- İslandiya mərkəzi və ya nümayəndəliyi olan beynəlxalq təşkilatda çalışacaq diplomatlar və onların ailə üzvləri
Müraciət müddəti və viza emalı
İslandiya Şengen vizası proseduru adətən müraciət tarixindən etibarən 4 həftə davam edir. Bu müddətə:
- Sənədlərin Azərbaycandakı viza mərkəzindən Ankaradakı səfirliyə göndərilməsi və geri qaytarılması
- Konsulluğun sənədləri nəzərdən keçirməsi və qərar verməsi (təxminən 10-15 gün) daxildir
Viza rüsumu və xidmət haqqı
- Şengen vizası rüsumu: 35 avro (onlayn ödənilir)
- Viza mərkəzinin xidmət haqqı: 55 AZN
- İkitərəfli kuryer xidmət haqqı: 74 AZN
- SMS xidməti (pasportun hazır olduğunu bildirmək üçün): 3 AZN
Ödənişlər nağd şəkildə yalnız manatla qəbul olunur. Müraciət edərkən səyahət planınızı real göstərmək, qalma müddətinizi və məqsədinizi dəqiq qeyd etmək vacibdir. Əgər planınızda İslandiya ilə yanaşı digər Şengen ölkələri də varsa, ən çox qalacağınız ölkə kimi İslandiyanı qeyd etmək mütləqdir. Bu, İslandiya vizası üçün müraciətinizin qəbul şansını artırır.
İslandiyaya Viza Dəstəyi
Buz adasında isti və xoşbəxt anlar sizi gözləyir! Xoş səyahətlər!
