BUZ ADASINA SƏYAHƏT! İSLANDİYA ŞENGEN VİZASI

Yeniləndi: 12 fevral 2025 5457 baxış 6 dəq. oxu

Gerçək səyahətsevərlərin üz tutduğu, Avropanın buz adası İslandiya. Təbiətinin və coğrafiyasının mükəmməlliyindən əlavə, gözəl mənzərələri, qeyzerləri, dağları, auroraları və sahib olduğu daha bir çox özünəməxsus özəllikləri ilə İslandiya bir çoxları üçün ideal səyahət deyildikdə ağla gələn ilk ölkələrdən biridir. Bütün dünya üçün maraqlı olan bu adaya isə İslandiya Şengen vizası ilə giriş edə bilərsiniz. Viza haqqında ətraflı məlumatı bu məqalədən əldə edə bilərsiniz.

İslandiya Viza Növləri

Şengen ölkələri siyahısında yer alan İslandiyaya müvəqqəti səyahətinizi reallaşdırmaq üçün İslandiya Şengen vizasına müraciət edərək vizanı əldə edə bilərsiniz. Bu viza növünə müraciət səbəbləri turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan nüanslar ola bilər. Əgər siz İslandiyada müddəti 90 gündən çox olan uzunmüddətli təhsil (bakalavr, magistr, doktorantura və s. kimi) almaq və ya burada yerləşən bir qurumda daimi işləmək istəyirsinizsə, həmin təhsil və iş qurumlarından rəsmi dəvət və ya qəbul məktublarınız olduğu təqdirdə İslandiya milli vizasına da müraciət edə bilərsiniz.

İslandiya Şengen Vizası

İslandiya Şengen vizası digər Şengen vizaları kimi təkgirişli və çoxgirişli ola bilir. Eyni zamanda siz uzunmüddətli, yəni üç ay, altı ay, bir il, iki il və ya beş il müddəti əhatə edən vizalara da müraciət edə bilərsiniz. Siz İslandiya Şengen vizasını əldə etdikdən sonra səyahətiniz ərzində istənilən Şengen ölkəsinə daxil ola bilərsiniz. Ancaq hər bir halda mütləq şəkildə biz məsləhət görürük ki, Şengen ərazisinə ilk girişinizi viza aldığınız ölkədən, yəni İslandiyadan edəsiniz. Əks halda siz viza müraciətiniz zamanı qeyd etmədiyiniz təqdirdə İslandiya vizası ilə Şengen ərazisinə başqa bir ölkədən giriş etməyə çalışsanız, nadir hallarda da olsa, həmin ölkənin sərhəd xidməti sizi geri qaytara və ölkəyə girişinizə icazə verməyə bilər. Bu təcrübə bəzi hallarda yaşanıb və bu səbəblə də biz sizə bu riskdən qaçınmağı tövsiyə edirik.

İslandiya Şengen vizasına müraciət etdiyiniz təqdirdə səyahət müddətiniz ərzində ən çox qalacağınız ölkə kimi İslandiyanı göstərməlisiniz. Bəzi səyahətçilər bu ada ölkəsinə üz tutmağı planlayarkən öz tur planlarına Norveç, İsveç, Finlandiya kimi Skandinav ölkələrini və ya bir neçə digər Avropa ölkələrini də əlavə edirlər. Səyahət tur planınızda İslandiyadan əlavə bu ölkələrin də yer alması viza müraciətinizdə sizə problem yaratmır. Sadəcə ümumi səyahətiniz müddətində ən çox qalacağınız ölkəni İslandiya göstərməyiniz viza üçün məhz İslandiya vizasına müraciət edə bilməyiniz üçün yetərli olacaqdır.

İslandiya Şengen Vizası Müraciəti üçün Sənədlər Toplusu

İslandiya Şengen vizasına müraciət edərkən siz aşağıdakı sənədləri təqdim etməlisiniz:

  1. Xarici pasportunuzun orijinalı və birinci səhifəsinin surəti
  2. Əgər varsa, əvvəlki vizalarınızın və giriş-çıxış möhürlərinizin surətləri
  3. Şəxsiyyət vəsiqənizin surəti
  4. İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
  5. Adınıza olan bank hesabından arayış* və çıxarış (Məbləğ barədə aşağıda detallı məlumat qeyd olunub)
  6. Əgər varsa, adınıza olan mülklərin çıxarışlarının* və maşınınızın texpasport kopyası
  7. Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
  8. 2 ədəd 3.5x4.5 ölçüdə, biometrik və ağ fonda şəkliniz
  9. Səyahətiniz üçün etdiyiniz otel rezervasiyaları
  10. Səyahətiniz üçün etdiyiniz aviabilet bronları
  11. Səfərinizi tam əhatə edəcək Şengen qaydalarına uyğun səyahət sığortası
  12. İngilis dilində doldurulmuş ərizə forması
  13. Onlayn ödəniş çekinizin çap versiyası
  14. Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu

Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.

Sənədləriniz qəbul olunduqdan sonra hər bir halda viza prosedurunuz əsnasında səfirlikdən sizə zəng gələ və bu zəngdə sizdən yeni sənədləri təqdim etməyiniz tələb oluna bilər.

Bank hesabınızdakı məbləğ sizin göstərdiyiniz səyahət tarixlərinizdən, yəni Şengendə qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 3.500-5.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə Şengen ərazisində qalacağınızı göstərdiyiniz hər gün üçün ortalama 70-80 avro gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.

Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti, Vergilər Nazirliyindən dövriyyəniz haqqında verilmiş arayış, şirkətinizin reyestrdən çıxarışı) səfirliyə təqdim edə bilərsiniz. Əgər siz işləmirsinizsə, təhsil alırsınızsa və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədin surətini də viza müraciəti zamanı təqdim etmək lazımdır.

Qeyd edək ki, VÖEN, Vergilər Nazirliyindən dövriyyə haqqında arayış, şirkətinizin reyestrdən çıxarışı və ya sponsorluq kağızı, icazə kağızı kimi sənədləri təqdim etdiyiniz halda da bu sənədlərin hər birini notarial qaydada ingilis dilinə tərcümə və təsdiq etdirməlisiniz.

Viza Proseduru

İslandiya Şengen vizası üçün müraciət Ankarada yerləşən Norveç Səfirliyinin Azərbaycandakı VFS Global adlı viza müraciət mərkəzində olunur. Viza haqda qərar Ankaradakı Norveç səfirliyinin konsulluq şöbəsində konsul tərəfindən verilir.

Sənədləri təqdim etmək üçün viza görüşünü həftəiçi iş saatları ərzində Norveç VFS Global viza müraciət mərkəzinin +994 12 310 57 03 telefon nömrəsi ilə əlaqə saxlamaqla təyin etmək mümkündür.

Viza müraciəti səfər tarixindən ən tez 6 ay əvvəl edilə bilər. Barmaq izindən azad olan müraciətçilər istisna olmaqla, bütün müraciətçilərin sənədləri təqdim edərkən şəxsi iştirakı mütləqdir. Barmaq izindən azad olan müraciətçilərin isə sənədləri təqdim etmək üçün başqa bir şəxsə notarial qaydada etibarnamə verdikləri halda şəxsən iştirakları mütləq deyil.

Barmaq izindən azad olan şəxslər aşağıdakı qruplara bölünür:

  • Son 5 ildə Şengen vizası alan və sistemdə barmaq izi olan şəxslər
  • 12 yaşdan aşağı uşaqlar
  • Barmaq izi verilməsi fiziki cəhətdən mümkün olmayan şəxslər;
  • Diplomatik və ya xüsusi pasport sahibi olan və Belçikada diplomatik və ya konsulluq vəzifəsinə akreditə olunmuş şəxslər
  • İslandiya mərkəzi və ya nümayəndəliyi olan beynəlxalq bir təşkilatda səlahiyyət alacaq diplomatik və ya konsulluq personalı və onların ailə üzvləri (həyat yoldaşı və qayğıya ehtiyacı olan uşaqları)

İslandiya Şengen vizası proseduru müraciət tarixindən etibarən, adətən, 4 həftə (bayramla əlaqəli rəsmi qeyri-iş günləri istisna olmaqla) davam edir. Bu müddətə sənədlərin Azərbaycandakı viza mərkəzindən Ankaradakı səfirliyə çatdırılması və geri qaytarılması və eyni zamanda müraciət Ankaradakı səfirlik tərəfindən qəbul edildikdən sonra qərarın verilməsi üçün tələb olunan 10-15 günü əhatə edir.

Viza rüsumu olaraq 35 avro onlayn şəkildə ərizə formasını doldurduqdan və təsdiqlədikdən sonra onlayn şəkildə ödənilir. Sənədləri təqdim edərkən isə viza mərkəzinin xidmət haqqı olan 55 AZN, ikitərəfli kuryer xidmət haqqı 74 AZN və viza prosedurunun başa çatdığı və pasportun hazır olduğu barədə məlumat verməsi üçün SMS xidmət haqqı 3 AZN ödənilir. Bu ödənişlər nağd şəkildə və yalnız manatla qəbul olunur.

Qeyd edək ki, əgər müraciətçi viza nəticəsinin 4 həftədən daha tez bəlli olmasını istəyirsə, sənədlərinin Ankaraya daha tez gedib-qayıtması üçün Premium Təcili çatdırılma xidmətindən istifadə edə bilər. Bu zaman kuryer xidmət haqqını 74 AZN deyil, 208 AZN ödəməlidir. Premium Təcili çatdırılma prosesini tezləşdirmək olar. Bu halda, sənədlərin Ankaraya çatdırılması və geri qaytarılması 2 həftə deyil, 5 iş günü çəkir. Bu xidmətin səfirlikdə olan viza prosedurunun müddətinə heç bir təsiri yoxdur. Lakin, təcrübəmiz göstərir ki, təcili biznes səfərlərində və ya konfrans iştiraklarında dəvət edən qurum Ankaradakı səfirliklə əlaqə saxlayıb, qəararın 15 gündən daha tez, hətta bir iş gününə verilməsini təmin edə bilər.

İslandiya Şengen Vizası Alma Ehtimalı

Hər bir ölkənin viza müraciətində olduğu kimi İslandiyada da sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin normal və yaxşı olması, aylıq gəlirinizin standart maaş aralığından biraz yüksək olması (təcrübədə 500-600 AZN aralığında aylıq gəliri olan şəxslərə viza alınması halı dəfələrlə yaşanıb), bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) mövcudluğu və səyahət tarixçənizin olması sizin İslandiya Şengen vizası alma şansınızı artıran faktorlardır. Daha öncə heç bir Şengen vizası olmayan şəxslər üçün Norveç səfirliyi ilk viza müraciəti seçimi olaraq nisbətən riskli görülə bilər. Təcrübəmizdə ilk Şengen vizasını Norveç səfirliyindən almış bir çox müraciətçi olmasına baxmayaraq, profilinizdəki digər nüansların (yuxarıda sadalanan) yüksək vəziyyətdə olduğu hallar istisna olmaqla, Norveç səfirliyi ilk Şengen vizanızı almaq üçün riskli səfirlikdir. Hər bir halda daha öncə Şengen vizalarınızın olması sizin Norveç səfirliyindən İslandiya vizası alma ehtimalınızı yüksəldən faktordur.

İslandiyaya Viza Dəstəyi

Biz Vizam.az şirkəti olaraq sizə İslandiya Şengen vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə viza mərkəzində sizin adınıza görüş təyin olunması, ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin və otellərinizin alınması, viza üçün səyahət tur planınızın qurulması, səfərinizi əhatə edəcək səyahət sığortasının edilməsi, konsultasiya, viza prosedurunuzun izlənilməsi daxil olacaq. Qeyd edək ki, səyahət sığortasının rüsumu bizim xidmət haqqıdan əlavə hesablanacaq. Sığortanın rüsumu adətən, 1 həftə üçün 16-18 AZN aralığında olur. Bu sığortanı siz özünüz də etdirə bilərsiniz. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum 16 AZN təşkil edəcək. Ümumi olaraq isə bizim şirkətimizdə İslandiya Şengen vizasına dəstək xidmət haqqısı bir nəfər üçün 79 AZN təşkil edir.

Sifarişinizi yerləşdirmək üçün buraya klikləyə, əlavə məlumat almaq üçün 010/50/55-3000135 nömrələri ilə əlaqə saxlaya bilərsiniz.

Buz adasında isti və xoşbəxt anlar sizi gözləyir! Xoş səyahətlər!

Yenilənib: 17.01.2025

Oxşar yazılar:

Seyşel Adalarına Vizasız Səyahət

Seyşel Adalarına Vizasız Səyahət

Əgər dəniz, günəş və təbii gözəllik axtarışındasınızsa, Seyşel adaları sizin üçün unudulmaz bir tətil istiqaməti ola bilər. Xoşbəxtlikdən, Azərbaycan vətəndaşları üçün Seyşel vizasız ölkələr siyahısına daxildir və bu tropik cənnətə getmək üçün əvvəlcədən viza almağa ehtiyac yoxdur. Bu səbəbdən də Seyşel, vizasız ölkələr 2025 axtarışında olan səyahətçilər üçün son dərəcə cəlbedici bir yerdir. Seyşel adaları […]

Vizam.az 26 iyun 2025
Amerikaya Nece Getmek Olar?

Amerikaya Nece Getmek Olar?

Amerikaya getmək istəyən şəxslər üçün bir neçə fərqli yol mövcuddur. Səfərin məqsədindən asılı olaraq, uyğun viza növü seçilməlidir. Ən çox rast gəlinən seçimlər aşağıdakılardır: Amerikaya turistik məqsədlə getmək istəyənlər B1/B2 vizasına müraciət etməlidirlər. Bu viza, qısa müddətli səfərlər üçün nəzərdə tutulub və əsasən turizm, qohum ziyarəti və ya işgüzar görüşlər üçün istifadə olunur. Müraciət edən […]

Vizam.az 25 iyun 2025
Filippinə Səyahət Hazırlığı

Filippinə Səyahət Hazırlığı

Filippinə səyahət etmək üçün plan qurarkən təkcə uçuş bileti almaq kifayət etmir. Bu Cənub-Şərqi Asiya ölkəsi Azərbaycan vətəndaşları üçün viza rejimi tələb etdiyindən, ilk mərhələdə Filippin vizası üçün müraciət prosesi nəzərə alınmalıdır. Viza üçün müraciət Ankaradakı Filippin səfirliyi vasitəsilə edilir və müraciət zamanı sənədlərin düzgün hazırlanması, maliyyə vəziyyətinin sübutu və səyahət planının aydın şəkildə təqdim […]

Vizam.az 24 iyun 2025
Filippinlərə Viza Necə Ala bilərəm?

Filippinlərə Viza Necə Ala bilərəm?

Filippin son illərdə azərbaycanlı turistlər üçün yeni-yeni kəşf olunmağa başlayan, amma əslində Cənub-Şərqi Asiyanın ən maraqlı və fərqli ölkələrindən biridir. Əgər həm sərfəli qiymətlərlə dəniz istirahəti, həm də fərqli mədəniyyətlə tanışlıq istəyirsinizsə, Filippin sizin üçün maraqlı bir seçim ola bilər. Bura həm çimərlik, həm təbiət, həm də macəra üçün uyğun ölkədir və eyni zamanda sakit, […]

Vizam.az 24 iyun 2025
Kanadaya Səyahət Hazırlığı

Kanadaya Səyahət Hazırlığı

Kanada son illərdə azərbaycanlılar arasında həm təhsil almaq, həm də uzunmüddətli yaşamaq üçün ən çox seçilən ölkələrdən birinə çevrilib. Bu yazıda Kanadaya getmək istəyən hər kəs üçün detallı şəkildə bu sualın cavabını verəcəyik: Kanadaya niyə getməliyəm? Yazıda Kanadada yaşamaq, işləmək, təhsil almaq və turistik səyahət üçün əsas üstünlüklərdən danışacağıq. Əgər siz də “Kanadaya necə gedə […]

Vizam.az 24 iyun 2025
Estoniyaya Viza Necə Ala Bilərəm?

Estoniyaya Viza Necə Ala Bilərəm?

Estoniyaya səyahət çox maraqlı və faydalı bir təcrübə ola bilər. Baltik ölkələri arasında öz müasir texnologiyası, sakit təbiəti və tarixi ilə seçilən Estoniya, həm istirahət, həm də mədəniyyət baxımından zəngin seçimlər təqdim edir. Paytaxt Tallin Orta Əsrlər dövrünə aid qala divarları, daş döşənmiş küçələri və köhnə şəhər atmosferi ilə tanınır. Estoniya həm də Avropanın ən […]

Vizam.az 21 iyun 2025
Sinqapur Vizasını Necə Ala Bilərəm?

Sinqapur Vizasını Necə Ala Bilərəm?

Sinqapur Cənub-Şərqi Asiyanın ürəyində yerləşən, həm müasir, həm də təbii gözəllikləri ilə seçilən kiçik, lakin çox təsirli bir şəhər-dövlət. Turistlər üçün çox cəlbedici olan bu məkan, dünyanın ən təmiz və təhlükəsiz şəhərlərindən biri kimi tanınır. Burada səyahət edənlər rahatlıq, təhlükəsizlik və yüksək xidmət standartları ilə qarşılaşır. Sinqapurun ən böyük üstünlüklərindən biri də onun multikultural cəmiyyətidir. […]

Vizam.az 20 iyun 2025
Maldiv Səyahəti üçün Viza Lazımdır?

Maldiv Səyahəti üçün Viza Lazımdır?

Əgər dənizin ortasında sakitlik, lüks, günəş və ağ qumlu sahillərlə dolu bir istirahət axtarırsınızsa, Maldiv tam sizə görədir. Bu ölkə bir çox səyahətçinin xəyal etdiyi, lakin mürəkkəb viza prosedurları səbəbindən təxirə saldığı tətil planları üçün ideal seçimdir. Xoşbəxtlikdən, Maldiv Azərbaycan vətəndaşları üçün vizasız ölkələr sırasındadır. Başqa sözlə desək, Maldiv 2025-ci ildə vizasız səyahət edilə bilən […]

Vizam.az 19 iyun 2025
Səyahət Sığortası nədir? Təkliflərin qarşılıqlı müqayisəsi

Səyahət Sığortası nədir? Təkliflərin qarşılıqlı müqayisəsi

Səyahət sığortası bir şəxsin ölkəxarici və ya ölkədaxili səfərləri zamanı baş verə biləcək gözlənilməz hadisələrə qarşı maddi və hüquqi təhlükəsizlik təmin edən sığorta növüdür. Bu sığorta növü səyahət zamanı qarşılaşa biləcəyiniz xəstəlik, qəza, baqaj itməsi, reysin ləğvi və ya gecikməsi kimi hallarda sizə maliyyə dəstəyi verir. Xüsusilə tətil səyahətləri üçün səyahət sığortası həm rahatlıq, həm […]

Vizam.az 19 iyun 2025
Fransaya Səyahət Hazırlığı

Fransaya Səyahət Hazırlığı

Fransaya səyahət etməyiniz üçün bir çox səbəb var və bu səbəblər hər bir səyahətçinin maraq dairəsinə uyğun ola bilər. Fransa tarix, mədəniyyət, incəsənət, təbiət və qastronomiya baxımından zəngin bir ölkədir və hər kəs üçün fərqli bir təcrübə vəd edir. Birincisi, Fransa mədəniyyət və incəsənət ölkəsidir. Parisdə yerləşən Luvr Muzeyi, Orse Muzeyi və Eyfel Qülləsi kimi […]

Vizam.az 16 iyun 2025