Hollandiya Şengen vizası

Amsterdam, Hollandiya - Hollandiya Şengen vizası

Ölkəsində narıncının hökm sürdüyü, lakin şəhərlərindəki bütün rənglərin harmoniyasının möhtəşəm mənzərələr yaratdığı, incəsənət və mədəniyyəti, xüsusilə muzeyləri ilə dünya miqyasında tanınan Hollandiya! Hər il 20 milyondan çox turist Hollandiya'ya səyahət edərək yadda qalan anlar yaşayır. Əgər siz də bu turist cərgəsində yer almaq istəyirsinizsə, Hollandiya Şengen vizasını əldə etmək planlarınızın başlanğıcı olacaq. Hollandiya vizası haqqında ətraflı məlumatı isə bu məqalədən əldə edə bilərsiniz.

Hollandiya Viza Növləri

Şengen ölkələri arasında yer alan Hollandiya'ya müvəqqəti səyahətinizi həyata keçirmək məqsədilə, Hollandiya Şengen vizasına müraciət edərək vizanı əldə edə bilərsiniz. Bu viza növünə müraciət etmə səbəblərinə turizm, ailə və ya dost ziyarətləri, işgüzar səfərlər, tibbi müayinə və ya müalicə, qısamüddətli təhsil, mübadilə proqramları və digər müvəqqəti hallar daxildir. Əgər siz Hollandiya'ya 90 gündən artıq müddət üçün uzunmüddətli təhsil (bakalavr, magistr, doktorantura və s. kimi) almaq və ya burada yerləşən bir təşkilatda daimi işləmək arzusundasınızsa, müvafiq təhsil və iş orqanlarından alınan rəsmi dəvət və ya qəbul məktubları əsasında Hollandiya milli vizasına müraciət edə bilərsiniz. İndi isə biz sizə Hollandiya Şengen vizası haqqında ümumi məlumat təqdim edəcəyik.

Digər Şengen ölkələrinə bənzər olaraq, Hollandiya Şengen vizasının həm təkgirişli, həm də çoxgirişli növləri mövcuddur. Həmçinin, siz üç ay, altı ay, bir il, iki il və ya beş il müddətini əhatə edən vizalara da müraciət etmək imkanına maliksiniz. Hollandiya Şengen vizasını əldə etdikdən sonra, səyahət müddətiniz ərzində istədiyiniz hər hansı bir Şengen ölkəsinə daxil olmaq mümkündür. Lakin, biz hər zaman tövsiyə edirik ki, Şengen ərazisinə ilk girişinizi viza aldığınız ölkədən, yəni Hollandiyadan edəsiniz. Əks halda, həmin ölkənin sərhəd xidməti sizi geri qaytara və ölkəyə girişinizə icazə verməyə bilər. Belə hallar artıq bəzi təcrübələrdə müşahidə olunub və buna görə də biz sizə bu riskdən qaçmağı tövsiyə edirik.

Əgər siz Hollandiya Şengen vizasına müraciət edirsinizsə, səyahətiniz müddətində ən çox vaxtı Hollandiya'da keçirməyinizi göstərməlisiniz. Çox vaxt, səyahət planlarına Hollandiya'dan əlavə İspaniya, Fransa, Belçika və digər Avropa ölkələri də daxil edilir. Bu cür hallar viza müraciətinizdə heç bir problem yaratmır; sadəcə, ümumi səyahət planınızda əsas qalma ölkəsi kimi Hollandiyanın göstərilməsi, müraciət üçün kifayət edir.

Hollandiya Şengen Vizası Müraciəti üçün Sənədlər Toplusu

Xarici pasportunuzun orijinal nüsxəsi və birinci səhifəsinin fotokopiyası
Əgər mövcuddursa, əvvəlki vizalarınızın və giriş-çıxış möhürlərinin fotokopiyaları
Şəxsiyyət vəsiqənizin fotokopiyası
İş yerindən alınmış arayış* və varsa, maaş kartınızın çıxarışı (təhsil alan şəxslər üçün müvafiq təhsil müəssisəsindən arayış*)
Adınıza açılmış bank hesabından alınan arayış* və çıxarış (Məbləğ barədə aşağıda ətraflı məlumat verilib)
Əgər mövcuddursa, adınıza qeydiyyatdan keçirilmiş mülklərin çıxarışları* və avtomobilinizin texpasport kopyası
Mülki vəziyyətinizi təsdiq edən sənəd* (əgər ailəlisinizsə, nikah şəhadətnaməniz; 18 yaşdan aşağı uşaqlarınız varsa, onların doğum şəhadətnamələri və ya nikahınızın pozulmasına dair sənədin fotokopiyası)
2 ədəd 3.5x4.5 ölçülü, biometrik və ağ fonda çəkilmiş şəkliniz
Səyahətiniz üçün bron etdiyiniz aviabilet təsdiqləri
Səyahətiniz üçün bron etdiyiniz otel rezervasiyaları
Səfərinizi tam şəkildə əhatə edəcək, Şengen qaydalarına uyğun səyahət sığortası
İngilis dilində doldurulmuş ərizə forması
Görüş təyini təsdiqi üçün sistemdən alınmış sənədin çap nüsxəsi
Əgər müraciət turistik məqsəd daşımırsa, işgüzar səfərlə bağlı vizaya müraciət edilirsə, həmin iş, tədbir və ya görüşlə bağlı rəsmi dəvət məktubu

"*" işarəsi ilə göstərilən sənədlər səfirliyə ingilis dilində təqdim edilməlidir. Əgər sənədlərin orijinal dili ingilis deyilsə, onları notarial qaydada ingilis dilinə tərcümə edib təsdiq etdirməyiniz vacibdir.

Qeyd etmək lazımdır ki, Hollandiya vizası üçün müraciət edənlər arasında Fransa səfirliyi, ilk dəfə viza müraciəti edən şəxslərdən iş yerindən arayışa əlavə olaraq e.gov.az hökumət portalından çıxarış da tələb edib. Sənədləriniz qəbul edildikdən sonra, viza prosedurunuz zamanı səfirlik sizə zəng edərək əlavə sənədlərin təqdim edilməsini istəyə bilər. Nadir hallarda isə, Fransa səfirliyinin viza proseduru çərçivəsində, müraciət edənlərdən bron etdikləri otellərin alınması və bunu təsdiqləyən sənədlərin təqdim edilməsi tələb olunmuşdur.

Bank hesabınızdakı məbləğ, təqdim etdiyiniz səyahət tarixlərindən, bron etdiyiniz uçuş biletləri və otellərin qiymətlərindən və digər amillərdən asılı olaraq dəyişir. Ümumilikdə, məsləhət görülür ki, bir həftəlik səyahət üçün bank hesabınızda minimum 3.000–5.000 AZN (eyni zamanda avro və ya ABŞ dolları ekvivalenti) aralığında məbləğ göstərəsiniz. Bu məbləğ səyahət planınızı tam şəkildə əhatə etməlidir. Hesablamanı edərkən, bilet və otel bronlarınızın dəyəri ilə Şengendə keçirdiyiniz hər gün üçün ortalama 70–80 avro gündəlik xərcləri də nəzərə alıb, əldə etdiyiniz rəqəmdən bir az daha yüksək məbləği göstərməyiniz tövsiyə olunur.

Əgər siz sahibkar kimi fəaliyyət göstərirsinizsə, iş yerindən alınan arayışı əvəz edən sənədləri (VÖEN-in fotokopiyası, Vergilər Nazirliyindən dövriyyəniz haqqında verilmiş arayış, şirkətinizin reyestrdən çıxarışı) səfirliyə təqdim edə bilərsiniz. Əgər işləmirsinizsə, təhsil alırsınızsa və ya səyahət xərclərinizi ödəmək üçün başqa bir şəxsi sponsor göstərirsinizsə, həmin şəxsin şəxsiyyət vəsiqəsinin fotokopiyası, iş yerindən arayış (əgər sponsor sahibkardırsa, yuxarıda sadalanan sənədlər), bank hesabından alınan arayış və çıxarış (bu hesab həm sizin, həm də sponsorun adına ola bilər), əgər ailəvi əlaqəniz varsa, bunu təsdiq edən sənəd (məsələn, əgər valideynsinizsə, öz doğum şəhadətnaməniz; əgər qardaş və ya bacısınız varsa, hər iki doğum şəhadətnaməsi) və sponsorluq barədə sənəd də təqdim olunmalıdır. Əgər müraciət edən şəxs 18 yaşdan aşağıdırsa, tək səyahət edirsə, hər iki valideynindən və ya valideynlərindən biri ilə səyahət edirsə, digər valideynindən ölkədən çıxış icazəsi sənədinin fotokopiyası da təqdim edilməlidir.

Qeyd edək ki, VÖEN, Vergilər Nazirliyindən alınan dövriyyəniz haqqında arayış, şirkətinizin reyestrdən çıxarışı və ya sponsorluq sənədi, icazə kağızı kimi təqdim etdiyiniz sənədlərin hər biri notarial qaydada ingilis dilinə tərcümə olunub təsdiqlənməlidir.

Viza Proseduru

Hollandiya Şengen vizasına müraciət, ölkəmizdə Hollandiya konsulluğunun fəaliyyəti olmadığı üçün Fransa Səfirliyinin Capago adlı viza müraciət mərkəzində həyata keçirilir. Bu səbəbdən, vizaya dair qərar Fransa səfirliyinin konsulluq şöbəsində konsul tərəfindən verilir.

Sənədlərin təqdimatı üçün viza görüşü onlayn olaraq əldə edilir. Sənədlərin təqdim edilməsi üçün əvvəlcədən görüş təyin etmək zəruridir. Viza müraciətini, səyahət tarixindən ən tez 6 ay əvvəl etmək mümkündür. Barmaq izindən azad olan müraciətçilər xaricində, bütün müraciətçilərin sənədləri təqdim edərkən şəxsi iştirakı vacibdir.

Barmaq İzindən Azad Olan Şəxslər Aşağıdakı Qruplara Bölünür:

Son 3 ildə Şengen vizası almış və sistemdə barmaq izi olan şəxslər (Çexiya vizası istisna olmaqla)
12 yaşdan kiçik uşaqlar
Barmaq izi verilməsi fiziki olaraq mümkün olmayan şəxslər;
Diplomatik və ya xüsusi pasport sahibi olan və Hollandiyada diplomatik və ya konsulluq vəzifələrinə akreditə edilmiş şəxslər
Hollandiyada mərkəzi və ya nümayəndəliyi olan beynəlxalq təşkilatda səlahiyyət alacaq diplomatik və ya konsulluq personalı və onların ailə üzvləri (həyat yoldaşı və qayğıya ehtiyacı olan uşaqları)

Şengen viza proseduru müraciət tarixindən etibarən 3–5 iş günü ərzində tamamlanə bilər.

Qeyd edək ki, təcrübəmiz göstərir ki, Fransa Səfirliyi viza prosedurunun müddətini səyahətin başlanğıc tarixinə uyğun tənzimləyir. Səyahət tarixləri daha yaxın olan müraciətçilərin viza nəticəsi daha tez bəlli olur. Lakin, viza prosedurunun müddəti yalnız bu faktora bağlı deyil; müraciətin mürəkkəbliyi də təsir göstərə bilər.

Viza rüsumu 35 avro olaraq təyin edilmişdir. Bu məbləğ milli valyutada, yəni manatla nağd şəkildə və ya kartla istənilən valyutada ödənilə bilər. Sənədlərin təqdimatı zamanı, viza rüsumundan əlavə 26 avro viza mərkəzinin xidmət haqqı kimi ödənilir. Bu ödənişi də nəğd şəkildə yalnız manatla və ya kartla istənilən valyutada etmək mümkündür. Viza rüsumunun manat ekvivalenti isə səfirlik tərəfindən günün məzənnəsinə əsaslanaraq tənzimlənir.

Hollandiya Şengen Vizası Alma Ehtimalı

Hər bir ölkənin viza müraciəti kimi, Hollandiya'da da viza alma şansınız şəxsi profilinizin vəziyyətindən asılıdır. İş yerinizin sabit olması, vəzifənizin normal səviyyədə və aylıq gəlirinizin standart maaş aralığında və ya daha yüksək olması (təcrübədə 400–500 AZN aralığında aylıq gəlir əldə edən şəxslərə viza verilməsi müşahidə olunub), bank hesabınızda səyahətinizin bütün xərclərini ödəyə biləcək kifayət qədər məbləğin göstərilməsi, sizi ölkəyə bağlayan amillərin (məsələn, adınıza qeydə alınmış əmlak, ailənizin və uşaqlarınızın mövcudluğu) mövcudluğu və zəngin səyahət tarixçəniz, Hollandiya Şengen vizası alma şansınızı artıran əsas faktorlar arasındadır. Təcrübəmizdə, ilk Şengen vizasını Fransa səfirliyindən əldə edən şəxslərin sayı kifayət qədər olsa da, biz profiliniz yüksək səviyyədə olmadığı hallarda ilk viza müraciəti üçün Fransa səfirliyinin bir qədər riskli olduğunu qeyd edirik. Daha öncə bir və ya bir neçə Şengen vizasının mövcudluğu, Fransa səfirliyindən Hollandiya vizası alma ehtimalınızı əhəmiyyətli dərəcədə artırır. Həmçinin, digər Qərbi Avropa və yüksək inkişaf etmiş Avropa ölkələrinə (məsələn, Almaniya, İtaliya, Skandinaviya ölkələri və s.) nisbətən Fransa səfirliyi bəzi hallarda ilk viza müraciəti üçün daha əlverişli seçim ola bilər.

Hollandiyaya Viza Dəstəyi

Biz Vizam.az şirkəti olaraq, Hollandiya Şengen vizası müraciətiniz zamanı sizə tam dəstək göstərməyə hazırıq. Əgər bizim viza dəstəyi xidmətlərimizdən faydalansanız, xidmətlərimizə viza mərkəzində sizin adınıza görüş təyin edilməsi, ərizə formasının doldurulması, sənədlərinizin peşəkar şəkildə hazırlanaraq təqdim edilməsi, səyahətinizi əhatə edəcək uçuş biletlərinin bron edilməsi, otellərin bron edilməsi və ya tələblərinizə uyğun seçilməsi, səfərinizi tam əhatə edəcək səyahət sığortasının təmin edilməsi, konsultasiya və viza prosedurunuzun izlənilməsi daxildir. Qeyd edək ki, səyahət sığortasının rüsumu xidmət haqqımızdan əlavə olaraq hesablanır. Adətən, 1 həftəlik səyahət üçün sığorta rüsumu 16–18 AZN aralığında olur və bu sığortanı siz özünüz də təmin edə bilərsiniz. Həmçinin, sənədlərinizin notarial qaydada ingilis dilinə tərcümə və təsdiq olunması ilə bağlı da sizə dəstək veririk; hər bir sənəd üçün əlavə rüsum 16 AZN təşkil edir. Ümumi olaraq, Hollandiya Şengen vizasına dəstək xidmətimizin qiyməti bir nəfər üçün 79 AZN-dir.

Sifarişinizi yerləşdirmək üçün buraya klikləyin. Əlavə məlumat almaq üçün isə 010/50/55-3000135 nömrələri ilə əlaqə saxlayın.

Hollandiyanın xoşbəxtlik diyarında ən gözəl anlarınızı yaşayın!
Xoş səyahətlər!

Yeniləndi: 27.02.2025