Filippin özünəməxsus gözəlliyi, turizm üçün ideal şəraiti, okensahili çimərlikləri, möhtəşəm gün batımı mənzərələri, dağları, ümumilikdə təbiəti və coğrafiyası ilə milyonların sevimli turizm ölkəsinə çevrilib. Siz də bu ölkəni öz gözlərinizlə görüb kəşf etmək, burada unudulmaz xatirələr yaşamaq istəyirsinizsə, sizə gərəkli olacaq ilk şey Filippin vizası olacaq. Viza haqda ətraflı məlumatı biz sizə bu məqalədə verəcəyik.
Filippin Viza Növləri
Filippinə səyahət planlayırsınızsa, Filippin səyahət vizası əldə edərək bu planınızı reallaşdıra bilərsiniz. Bu viza növünə müraciət səbəbləri turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan nüanslar ola bilər.
Filippin Turizm Vizası
Filippin vizasının təkgirişli və çoxgirişli növlərinə müraciət edə bilərsiniz. Filippin vizası 3 ay müddətinə etibarlı olub 1 aylıq qalma icazəsi verən təkgirişli və 6 ay müddətinə etibarlı olub 3 aylıq qalma icazəsi verən çoxgirişli viza növündə olur. Səyahət müddətinizə, səbəbinizə əsaslanaraq, siz bu iki viza növündən birinə müraciət edə bilərsiniz.
Filippin Vizası Müraciəti üçün Sənədlər Toplusu
Filippin vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Adınıza olan bank hesabından arayış* və çıxarış (Məbləğ barədə aşağıda detallı məlumat qeyd olunub)
- 2 ədəd 5x5 ölçüdə, ağ fonda şəkliniz
- Səyahətiniz üçün etdiyiniz aviabilet bronları
- Səyahətiniz üçün etdiyiniz otel rezervasiyaları
- İngilis dilində doldurulmuş ərizə forması
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.
Bank hesabınızdakı məbləğ sizin göstərdiyiniz səyahət tarixlərinizdən, yəni Filippində qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 3.500-5.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə ölkə ərazisində qalacağınızı göstərdiyiniz hər gün üçün ortalama 60-70 dollar gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.
Əgər siz işləmirsinizsə, təhsil alırsınıza və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış, bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədin surətini də viza müraciəti zamanı təqdim etmək lazımdır.
Viza Proseduru
Azərbaycan vətəndaşları üçün Filippin viza prosedurlarına cavabdeh olan diplomatik nümayəndəlik Ankarada yerləşən Filippin səfirliyidir. Viza müraciəti zamanı şəxsi iştirak vacib deyil, sənədlər kuryer vasitəsilə göndərilə bilər. Lakin, ilk öncə sənədlərlə səfirliyə onlayn müraciət olunmalıdır, sənədlər təsdiqləndikdən sonra isə pasportunuz səfirliyə göndərilir. Kuryerin sənədləri daşıma müddətini, bu daşımada baş verə biləcək hər hansı gecikmə ehtimalını və qeyri-iş günlərini nəzərə alsaq, viza müraciətini ən gec səfər tarixindən bir ay əvvəl etmək məsləhətdir.
Viza haqda qərar isə Maniladakı İmmiqrasiya İdarəsi tərəfindən verilir. Maniladakı İmmiqrasiya İdarəsi tərəfindən viza təsdiqləndikdən sonra səfirlikdə viza etiketinin pasporta yapışdırılma proseduru 3-5 iş günü çəkir.
Viza rüsumu 40 USD-dir. Ümumilikdə isə viza proseduru, adətən, 15-25 iş günü davam edir.
Filippin Vizası Alma Ehtimalı
Bütün ölkələrin səfirliyinə viza müraciəti edərkən olduğu kimi Filippində də sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin normal olması, aylıq gəlirinizin standart maaş aralığında olması (təcrübədə 300-500 AZN aralığında aylıq gəliri olan şəxslərə viza alınması halı dəfələrlə yaşanıb), bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) mövcudluğu və səyahət tarixçənizin olması sizin Filippin vizası alma şansınızı artıran faktorlardır. Daha öncə səyahət tarixçəsi olmamış, yəni Şengen və ya digər viza sahibi olmayan şəxslər üçün Filippin səfirliyi riskli səfirlik hesab olunmur. Təcrübəmizdə ilk vizalarını məhz bu səfirlikdən almış çox sayda müraciətçi olmuşdur. Əlbəttə, bunun üçün sizin digər bütün sənədləriniz qaydasında olmalıdır. Həmçinin, hər bir halda sizin daha öncə vizalarınızın olması Filippin vizası alma ehtimalınızı yüksəldən faktorlardan biridir.
Filippinə Viza Dəstəyi
Biz Vizam.az şirkəti olaraq sizə Filippin vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin rezervasiyası, otellərin bronu və ya istəyinizə uyğun şəkildə alınması, viza üçün səyahət tur planınızın qurulması, konsultasiya, viza prosedurunuzun izlənilməsi daxil olacaq. Bunlardan əlavə, biz sizə sənədlərinizin Ankaradakı səfirliyə kuryerlə çatdırılması və pasportunuzun geri qaytarılması, həmçinin viza ödənişinin edilməsi ilə bağlı da yardımçı ola bilərik. Bu əlavə xidmətin dəyəri 145 AZN təşkil edir. Həmçinin biz sizə sənədlərinizin notarial qaydada ispan dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum tələb olunacaq. Ümumi olaraq isə bizim şirkətimizdə Filippin vizasına dəstək xidmət haqqısı bir nəfər üçün 95 AZN təşkil edir.
Sifarişinizi yerləşdirmək üçün buraya klikləyə, əlavə məlumat almaq üçün 050/55-3000135 nömrələri ilə əlaqə saxlaya bilərsiniz.
Xoş səyahətlər!
