Çinə səyahət etmək istəyirsinizsə, öncə ölkənin zəngin tarixi və mədəniyyəti ilə tanış olmağa hazır olun. Çin, hər bir səfərdən unudulmaz təcrübələr qazanacağınız bir yerdir.
Çinə səyahət etməzdən əvvəl, məqsədinizə uyğun viza növünü seçmək çox vacibdir. Çinin viza siyasəti genişdir və fərqli məqsədlər üçün müxtəlif viza növləri mövcuddur. Turizm, iş, təhsil və ailə ziyarəti bu məqsədlərdən bəziləridir. Əgər sizin məqsədiniz turizm, qısa müddətli təhsil, mübadilə proqramları, iş görüşləri və ya sadəcə dostlara və ya ailə üzvlərinə ziyarət etməkdirsə, siz Çin turizm vizasına müraciət etməlisiniz.
Çinə səyahət etmək üçün ən uyğun dövr, yaz və payız aylarıdır. Bu dövrlərdə Çində hava şəraiti mülayim və sərindir. Yüksək yay temperaturu və soyuq qışdan qaçmaq istəyən turistlər üçün bu aylar ideal zamanlardır. Yaz aylarında çiçəklərin açması, payızda isə təbiətin rəngarəngliyi ziyarətçilərə möhtəşəm mənzərələr təqdim edir. Bu dövr, Böyük Çin Səddi kimi məşhur abidələrdən tutmuş, Pekin və Şanxay kimi böyük şəhərlərə qədər bütün turistik məkanları ziyarət etmək üçün əlverişlidir.
Çinin ən məşhur turistik məkanları arasında, şübhəsiz ki, Böyük Çin Səddi, dünyanın yeddi möcüzəsindən biri olan və təbiətə qarşı qurulmuş bu tarixi əsər mütləq görməli olduğunuz yerlərdən biridir. Böyük Çin Səddi, müxtəlif dövrlərdə müxtəlif məqsədlər üçün tikilmiş və bu gün turistlər tərəfindən ən çox ziyarət edilən yerlərdən biridir. Pekin, ölkənin paytaxtı və tarixi abidələrin mərkəzi sayılır. Bu şəhər, həm də müasir həyatın təzahürü olan şəhər inkişafı ilə diqqət çəkir. Şanxay isə müasir memarlıq, ticarət və texnologiyanın mərkəzidir. Hər iki şəhər, fərqli mədəniyyətləri və tarixi elementləri özündə birləşdirir.
Çin Turist vizası
Çinə səyahət etmək üçün fərqli viza növləri mövcuddur. Bu vizalar, səyahətinizin məqsədindən asılı olaraq seçilir. Əgər Çinə turizm, ailə və ya dostlara ziyarət, tibbi müayinə və ya müalicə, qısamüddətli təhsil, mübadilə proqramları və s. məqsədlərlə səyahət planlayırsınızsa, Çin turizm vizasına müraciət etməlisiniz.
Turizm vizası üçün müraciət prosesi 10 iş günü çəkir. Ona görə də səyahət planınızı əvvəlcədən hazırlamaq və viza müraciətini vaxtında etmək vacibdir.
Çinə Viza Müraciəti üçün Sənədlər toplusu
Çin Turizm vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Adınıza olan karta bağlı bank hesabından arayış* və çıxarış
- 2 ədəd 3.5x4.5 ölçüdə, biometrik və ağ fonda şəkliniz
- Məhkumluq haqqında arayış
- 12 yaşdan aşağı uşaqlar
- Barmaq izi verilməsi fiziki cəhətdən mümkün olmayan şəxslər
- Viza Rüsumu: Çinə turizm vizası üçün viza rüsumu 300 USD təşkil edir. Bu məbləğ Çin səfirliyi və ya viza mərkəzi tərəfindən qəbul edilir. Ödəniş həm nəğd, həm də kartla (avro və ya manatla) edilə bilər. Viza rüsumunun manat ekvivalenti səfirlik tərəfindən müəyyən edilən günlük məzənnəyə əsasən hesablanır.
- SMS Xidmət Haqqı: Viza prosesinin tamamlandığı və pasportun hazır olduğu barədə məlumatlandırma üçün SMS xidmət haqqı 3 AZN təşkil edir. Bu xidmət istəyə bağlıdır və tələb olunarsa ödənilir.
- Ödəniş Üsulları: Viza rüsumu və digər ödənişlər nəğd və ya kartla (avro və ya manatla) edilə bilər. Viza mərkəzi və ya səfirlik tərəfindən qəbul edilən ödəniş üsulları haqqında əlavə məlumatı rəsmi vebsaytlarından yoxlamaq tövsiyə olunur.
- Maliyyə vəziyyəti: Aylıq gəlirinizin stabil olması və bank hesabınızda bütün səyahətinizi əhatə etməyə yetəcək qədər məbləğ göstərməyiniz vacibdir. Bu məbləğ adətən gündəlik xərcləri, otel rezervasiyasını və təyyarə biletlərini əhatə etməlidir. Bank çıxarışında balansınızın bir neçə ay ərzində sabit olduğu göstərilməlidir.
- Ölkəyə bağlılıq: Sizi Azərbaycana bağlayan nüanslar (iş yeri və mövqeyiniz, adınıza olan əmlak, ailə üzvlərinizin mövcudluğu) viza alma ehtimalınızı artırır.
- Sənədlərin tamlığı: Vizaya müraciət üçün tələb olunan bütün sənədləri düzgün qaydada təqdim etməyiniz şansınızı artırır. Bu sənədlərə pasportunuzun surəti, maliyyə vəziyyətinizi təsdiqləyən sənədlər, viza anketi və lazım gəldikdə dəvət məktubu daxildir.
- Səyahət tarixçəsi: Çinə vizaya müraciət üçün Şengen və ya digər vizalarınızın olması mütləq şərt deyil. Lakin əvvəlki səyahət tarixçəniz (digər ölkələrə səfər etməyiniz) vizanın təsdiq olunmasına müsbət təsir göstərə bilər.
Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.
Dəvət məktubunun orijinalı yoxdursa, siz skan versiyasını çap şəklində səfirliyə təqdim edə bilərsiniz. Mütləq şəkildə dəvət məktubunun üzərində sizi dəvət edən qurumun imza və möhürü olmalıdır. Həmçinin, dəvət məktubunun üzərində dəvət edilən şəxsin, yəni sizin mütləq şəkildə adınız, soyadınız, əlavə olaraq isə mümkündürsə, doğum tarixiniz, pasport nömrəniz, səyahət tarixləriniz qeyd olunmalıdır. Əgər qalacağınız yer sizi dəvət edən qurum tərəfindən təşkil olunursa, bu halda qalacağınız ünvan sizə göndərilən dəvət məktubunda qeyd olunduğu təqdirdə sənədlərinizin arasına otel bronu qoymaya bilərsiniz.
Bank hesabınızdakı məbləğ sizin göstərdiyiniz səyahət tarixlərinizdən, yəni Çində qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 3000- 5000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə Çin ərazisində qalacağınızı göstərdiyiniz hər gün üçün ortalama 100-175 AZN gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.
Əgər xərcləriniz sizi dəvət edən qurum tərəfindən qarşılanırsa, bu nüans mütləq şəkildə dəvət məktubunda qeyd olunmalıdır. Bu halda siz bank hesabınızdan arayış təqdim etməyə bilərsiniz, ancaq hər bir halda məsləhətdir ki, öz adınıza hesabınızda olan kiçik də olsa, bir məbləğ göstərəsiniz.
Viza proseduru
Çin turizm vizası üçün müraciət prosesində sizin şəxsi iştirakınız mütləq tələb olunur. Barmaq izləri vermək, ümumiyyətlə, bütün müraciətçilər üçün məcburidir (istisnalar xüsusi hallara tətbiq edilə bilər). Viza müraciəti səfər tarixindən ən tez şəkildə 6 ay öncə edilə bilər.
Barmaq izindən azad olan şəxslər aşağıdakı qruplara bölünə bilər:
Çin vizası proseduru müraciət tarixindən etibarən, adətən, 10 iş günü (bayram və qeyri-iş günləri istisna olmaqla) davam edir.
Sənədləri təqdim edərkən viza rüsumu ödənilməlidir. Bu ödənişi həm nəğd, həm də kartla ödəmək mümkündür. Viza rüsumunun manat ekvivalenti günün məzənnəsinə görə tənzimlənir.
Çin Turist Vizası alma ehtimalı
Çin turizm vizası alma ehtimalınız təqdim etdiyiniz profilə və sənədlərin düzgünlüyünə əsaslanır. Vizaya müraciət edərkən aşağıdakı məqamlar nəzərə alınmalıdır:
Çinə Viza dəstəyi
Çin vizası almaq üçün vizam.az kimi etibarlı viza agentliyindən dəstək ala bilərsiniz. Vizam.az xidmətlərinə sizin adınıza görüş təyin olunması, ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin bronu, otellərdən isə təsdiq məktublarının alınması, səfərinizi əhatə edəcək səyahət sığortasının edilməsi, konsultasiya, viza prosedurunuzun izlənilməsi daxildir.
20 iyul 2025 tarixindən sonra isə Azərbaycan vətəndaşları üçün Çin vizası tələbi aradan qaldırılacaq.
Tranzit vizası ilə bağlı qaydalar isə istifadə olunan aviaşirkətə əsasən dəyişə bilər və öncədən dəqiqləşdirilməsi tövsiyə olunur.
Ümumi olaraq, Çin Turizm vizası üçün dəstək xidmət haqqı rüumlar ilə birlikdə bir nəfər üçün 510 AZN-dir.
Sifarişinizi yerləşdirmək üçün buraya klikləyə və ya əlavə məlumat almaq üçün 010/50/55-3000135 nömrələrilə əlaqə saxlaya bilərsiniz.
Xoş səyahətlər!
