SOYUQ MÜHARİBƏNİ İLİKLƏRİNDƏ HİSS ET - BERLİNƏ SƏYAHƏT ÜÇÜN NƏ ETMƏLİ?

Yeniləndi: 04 mart 2025 314 baxış 6 dəq. oxu
Berlin divarı - Almaniya Turizm vizası
Berlin divarı - Almaniya Turizm vizası

Berlin, Almaniyanın paytaxtı və ən böyük şəhəri olmaqla yanaşı, Avropanın ən dinamik və maraqlı metropolllarından biridir. Bu şəhər, həm zəngin tarixi irsi, həm də müasir mədəniyyəti ilə ziyarətçilərə unikal bir təcrübə təqdim edir. Berlin, İkinci Dünya Müharibəsi və Soyuq Müharibə dövrlərində dünya tarixində mühüm rol oynamış, Berlin divarının süqutu ilə isə birləşmənin və azadlığın simvoluna çevrilmişdir. Bu gün Berlin, müxtəlif mədəniyyətlərin, yaradıcı fikirlərin və innovasiyaların qovuşduğu bir məkandır.

Şəhər, hər kəsin zövqünə uyğun bir şeylər təqdim edir: tarixi abidələr, dünya şöhrətli muzeylər, canlı gecə həyatı, gözəl parklar və təbiət məkanları. Berlinin küçələrində gəzərkən, həm keçmişin izlərini, həm də gələcəyin nəfəsini hiss etmək mümkündür. Bu şəhər, həm tarixsevərlər, həm də müasir həyat tərzi axtaranlar üçün ideal bir məkandır.

Berlinin mərkəzində yerləşən Brandenburq Qapısı, şəhərin ən məşhur simvollarından biridir. Bu qapı, həm Almaniyanın birləşməsini, həm də azadlıq ideyalarını təmsil edir. Şəhərin digər məşhur abidələri arasında Berlin Divarının qalıqları, Reichstag binası və Çekpoint Çarlı kimi tarixi yerlər var. Berlin, həmçinin, dünya şöhrətli muzeylərə ev sahibliyi edir. Muzey Adası (Museumsinsel), UNESCO-nun Ümumdünya İrsi siyahısına daxil edilmiş və incəsənət, arxeologiya və tarix sevənlər üçün əvəzolunmaz bir məkandır.

Berlin, həm tarixi, həm də müasir təcrübələri bir araya gətirən unikal bir şəhərdir. Bu şəhər, hər bir ziyarətçiyə öz hekayəsini danışır və hər kəsin yaddaşında iz buraxır. Berlini kəşf etmək, həm keçmişi anlamaq, həm də gələcəyə baxmaq üçün əvəzolunmaz bir təcrübədir. Bu təcrübəni yaşamaq üçün ilk addım isə Almaniya vizasından keçir.

Almaniya Viza Növləri

Almaniyanın Şengen ölkələri arasında yer alması səbəbilə, müvəqqəti səyahətinizi həyata keçirmək üçün Almaniya Şengen vizasına müraciət edərək bu imkanı əldə etmək mümkündür. Bu viza növünə müraciət etmə səbəbləri arasında turizm, ailə və ya dost ziyarəti, işgüzar səfər, avtomobil almaq, tibbi müayinə və ya müalicə, hospitasiya, qısamüddətli təhsil, mübadilə proqramları və buna bənzər digər daimi olmayan hallar yer alır. Əgər siz 90 gündən artıq müddətdə Almaniyada uzunmüddətli təhsil almaq (bakalavr, magistr, doktorantura və s. kimi) və ya orada daimi işləmək istəyirsinizsə, müvafiq təhsil və iş qurumlarından aldığınız rəsmi dəvət və ya qəbul məktubları ilə Almaniya milli vizasına müraciət edə bilərsiniz. Bu yazıda isə Almaniya Şengen vizası ilə bağlı geniş məlumat təqdim edirik.

Almaniya Turizm Vizası

Almaniya Turizm vizası həm təkgirişli, həm də çoxgirişli növlərdə verilir. Bundan əlavə, üç ay, altı ay, bir il, iki il və ya beş il müddətini əhatə edən uzunmüddətli vizalara da müraciət etmək mümkündür. Viza əldə edildikdən sonra istənilən Şengen ölkəsinə sərbəst giriş edə bilərsiniz. Lakin biz tövsiyə edirik ki, Şengen ərazisinə ilk girişinizi viza aldığınız ölkə, yəni Almaniya üzərindən həyata keçirəsiniz. Əgər müraciət zamanı bunu qeyd etməsəniz və Almaniya vizası ilə başqa bir Şengen ölkəsinə giriş etməyə çalışarsınızsa, bəzən həmin ölkənin sərhəd xidməti sizi geri çevirə və ölkəyə girişinizə icazə verməyə bilər. Bu kimi hallar artıq bəzi ssenarilərdə müşahidə edilib və buna görə də biz bu riskdən yayınmağınızı məsləhət görürük.

Əgər siz Almaniya Turizm vizasına müraciət edirsinizsə, səyahət müddətiniz ərzində ən çox qalacağınız ölkəni, yəni gün sayını göstərməlisiniz. Bəzən Almaniyaya səyahət etməyi planlayan müraciətçilər səfər planlarına Fransa, Çexiya, İtaliya, Polşa, Avstriya və digər Avropa ölkələrini də əlavə edirlər. Bu cür hallar viza müraciətinizdə heç bir problem yaratmayacaq nüanslardır; sadəcə, ümumi səyahət müddətində ən çox qalacağınız ölkəni Almaniya kimi qeyd etməyiniz, viza üçün Almaniya səfirliyinə müraciət etməyiniz üçün kifayət edəcəkdir.

Almaniya Şengen Vizası Müraciəti üçün Sənədlər Toplusu

Almaniya Turizm vizasına müraciət edərkən təqdim etməli olduğunuz sənədlər bunlardır:

  1. Xarici pasportunuzun orijinalı və birinci səhifəsinin surəti
  2. Əgər varsa, əvvəlki vizalarınızın və giriş-çıxış möhürlərinizin surətləri
  3. Şəxsiyyət vəsiqənizin surəti
  4. İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
  5. Elektron hökümət portalından iş yeri ilə bağlı arayış*
  6. Adınıza olan bank hesabından arayış* və çıxarış (Məbləğ barədə aşağıda detallı məlumat qeyd olunub)
  7. Əgər varsa, adınıza olan mülklərin çıxarışlarının* və maşınınızın texpasport kopyası
  8. Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
  9. 2 ədəd 3.5x4.5 ölçüdə, biometrik və ağ fonda şəkliniz
  10. Səyahətiniz üçün etdiyiniz aviabilet bronları
  11. Səyahətiniz üçün etdiyiniz otel rezervasiyaları
  12. Səfərinizi tam əhatə edəcək Şengen qaydalarına uyğun səyahət sığortası
  13. İngilis dilində doldurulmuş ərizə forması
  14. Görüş təyininin təsdiqi barədə sistemdən verilmiş sənədin çap versiyası
  15. Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu

Üzərində “*” işarəsi ilə qeyd olunan sənədlər səfirliyə ingilis dilində təqdim edilməlidir. Əgər sənədlərin orijinal dili ingilis dili deyilsə, yəni azərbaycanca əldə etmisinizsə, bu halda həmin sənədlərin hər birinin ingilis dilinə tərcümə olunaraq təqdim edilməsi vacibdir. Tərcümənin notarial təsdiqinə ehtiyac yoxdur; sadəcə tərcümənin mövcudluğu səfirlik üçün kifayət edir.

Sənədləriniz təsdiq edildikdən sonra, viza prosesi zamanı səfirlik tərəfindən sizə zəng edilə bilər və bu zaman əlavə sənədlərin təqdim edilməsi tələb oluna bilər. Bəzən, nadir hallarda olsa da, səfirlik müraciətçilərdən bron etdikləri otellərin rezervasiyalarını təsdiq edən sənədləri tələb etmişdir.

Bank hesabınızdakı məbləğ, göstərdiyiniz səyahət tarixləri, yəni Şengendə qalacağınız müddət, bron etdiyiniz uçuş biletlərinin və otellərin dəyəri kimi faktorlarla müəyyən olunur. Ümumiyyətlə, bir həftəlik səyahət üçün bank hesabınızda minimum 3.000-5.000 AZN (eyni zamanda avro və ya ABŞ dolları ekvivalenti) kimi bir məbləğ göstərməyiniz tövsiyə olunur. Bu məbləğ səyahət planınızı tam şəkildə əhatə etməlidir. Məbləği hesablarkən, bilet və otel rezervasiyalarınızın dəyərinə əlavə olaraq, Şengen ərazisində qalacağınız hər gün üçün orta hesabla 70-80 avro gündəlik xərci cəmləmək və əldə etdiyiniz rəqəmdən bir qədər yüksəkini nəzərə almaq məqsədəuyğundur.

Əgər sahibkar kimi fəaliyyət göstərirsinizsə, iş yerindən arayışı əvəz edəcək sənədlər olaraq VÖEN-in surəti, Vergilər Nazirliyindən dövriyyəniz barədə arayış və şirkətinizin reyestrdən çıxarışını təqdim edə bilərsiniz. İşləmirsinizsə, təhsil alırsınızsa və ya səfərinizin xərclərini qarşılamaq üçün başqa bir şəxsi sponsor göstərirsinizsə, bu halda sponsorun şəxsiyyət vəsiqəsinin surəti, iş yerindən arayış (əgər sponsor sahibkardırsa, yuxarıda qeyd olunan sənədlər), bank hesabından arayış və çıxarış (hesab həm sizin, həm də sponsorunuzun adına ola bilər), ailəvi bağınızı təsdiq edən sənəd (məsələn, əgər valideyninizdirsə, sizin doğum şəhadətnaməniz; qardaş və ya bacınız varsa, hər ikinizin doğum şəhadətnamələri və s.) və sponsorluq haqqında sənəd təqdim edilməlidir. Həmçinin, müraciət edən şəxs 18 yaşdan aşağıdırsa, tək səyahət edirsə hər iki valideynin, ya da bir valideyn ilə səyahət edirsə digər valideynin ölkədən çıxış icazəsi sənədinin surəti də viza müraciəti zamanı təqdim olunmalıdır.

Qeyd edək ki, təqdim etdiyiniz VÖEN, Vergilər Nazirliyindən dövriyyəniz barədə arayış, şirkətinizin reyestrdən çıxarışı və ya sponsorluq sənədi kimi sənədlərin hər biri ingilis dilinə tərcümə olunmalıdır.

Almaniya Viza Proseduru

Almaniya Şengen vizası üçün müraciətlər, Almaniya Səfirliyinin Visametric adlı viza müraciət mərkəzində qəbul edilir. Viza ilə bağlı qərar isə Bakıdakı Almaniya səfirliyinin konsulluq şöbəsində konsul tərəfindən verilir. Sənədlərin təqdimatı yalnız 8:30–12:00 saatları arasında həyata keçirilirsə, əvvəlcədən görüş təyin etmək tələb olunmur və müraciətçi növbədə gözləyərək sənədlərini təqdim edə bilir. Lakin saat 12:00-dan sonrakı müraciətlər üçün öncədən onlayn sistem vasitəsilə viza görüşü təyin edilməlidir. Viza müraciəti, səfər tarixindən ən erkən 6 ay əvvəl edilə bilər. Barmaq izindən azad olanlar istisna olmaqla, bütün müraciətçilərin sənədləri təqdim edərkən şəxsən iştirakı vacibdir. Barmaq izindən azad olan müraciətçilər isə sənədləri təqdim etmək üçün başqa bir şəxsə etibarnamə verməlidirlər; bu etibarnamə formasını Visametric saytından əldə etmək mümkündür.

Barmaq izindən azad olan şəxslər aşağıdakı qruplara bölünür:

  • Son 5 ildə Şengen vizası alan və sistemdə barmaq izi olan şəxslər
  • 12 yaşdan aşağı uşaqlar
  • Barmaq izi verilməsi fiziki cəhətdən mümkün olmayan şəxslər;
  • Diplomatik və ya xüsusi pasport sahibi olan və Belçikada diplomatik və ya konsulluq vəzifəsinə akreditə olunmuş şəxslər
  • Almaniya mərkəzi və ya nümayəndəliyi olan beynəlxalq bir təşkilatda səlahiyyət alacaq diplomatik və ya konsulluq personalı və onların ailə üzvləri (həyat yoldaşı və qayğıya ehtiyacı olan uşaqları)

Almaniya Şengen vizası proseduru, müraciət tarixindən etibarən adətən 10–15 iş günü davam edir (bayramlarla bağlı rəsmi qeyri-iş günləri istisna olmaqla). Sənədlərin təqdimatı zamanı 35 avro viza rüsumu və 25 avro (45 AZN) viza mərkəzinin xidmət haqqı ödənilir. Bu ödəniş nəğd şəkildə yalnız manatla və ya kartla həyata keçirilə bilər; viza rüsumunun manat ekvivalenti isə səfirlik tərəfindən günün məzənnəsinə uyğun tənzimlənir.

Almaniya Turizm Vizası Alma Ehtimalı

Hər hansı bir ölkənin viza müraciətində olduğu kimi, Almaniyada da viza alma şansınız şəxsi profilinizin vəziyyətindən asılıdır. İş yerinizin və vəzifənizin stabil olması, aylıq gəlirinizin standart maaş səviyyəsində və ya daha yüksək olması (təcrübədə aylıq 500–600 AZN gəlir əldə edən müraciətçilərə viza verilməsi halları müşahidə olunub), bank hesabınızda səyahətinizi tam əhatə edəcək məbləğin göstərilməsi, sizi ölkəyə bağlayan faktorların (məsələn, adınıza qeydiyyatda olan mülk, ailə və uşaqların olması) mövcudluğu və səyahət tarixçənizin müsbət olması Almaniya Şengen vizası alma şansınızı artıran amillərdəndir. İlk Şengen vizasını Almaniya səfirliyindən almış şəxslərin olmasına baxmayaraq, biz əksər hallarda müraciətçilərə, əgər profil göstəriciləriniz yüksək səviyyədə deyilsə (yuxarıda qeyd olunan nüansların hər birinin qaydasında və standartlardan yuxarı olmaması halında) ilk Şengen viza müraciətlərini Almaniya səfirliyinə etməmələrini tövsiyə edirik. Bu, standart və ya standartın altında profilə sahib olanlar üçün riskli hesab edilir; əvvəllər bir və ya bir neçə Şengen vizası almış olmağınız isə viza alma ehtimalınızı əhəmiyyətli dərəcədə artırır.

Almaniyaya Viza Dəstəyi

Vizam.az şirkəti olaraq, Almaniya Şengen vizası müraciətiniz zamanı sizə tam dəstək göstərməyə hazırıq. Xidmətlərimizə viza mərkəzində sizin adınıza görüş təyin edilməsi, ərizə formanızın doldurulması, sənədlərinizin peşəkar şəkildə hazırlanması, səyahətinizi əhatə edəcək uçuş biletlərinin rezervasiyası, otellərin bron edilməsi və ya arzu etdiyiniz formada alınması, səfərinizi tam şəkildə əhatə edəcək səyahət sığortasının tənzimlənməsi, konsultasiya və viza prosedurunuzun izlənilməsi daxildir. Qeyd edək ki, səyahət sığortasının rüsumu xidmət haqqımızdan əlavə hesablanır və adətən bir həftə üçün 16–18 AZN aralığında olur; bu sığortanı özünüz də əldə edə bilərsiniz. Bundan əlavə, sənədlərinizin ingilis dilinə tərcüməsi ilə bağlı da sizə kömək edirik; hər bir sənədin ingilis dilinə tərcüməsi üçün əlavə 5 AZN rüsum tətbiq olunur. Ümumilikdə, şirkətimizdə Almaniya Şengen vizası dəstəyi xidmətinin haqqı bir nəfər üçün 115 AZN təşkil edir.

Sifariş vermək üçün buraya klikləyə bilərsiniz. Əlavə məlumat üçün isə 010/50/55-3000135 nömrələri ilə əlaqə saxlaya bilərsiniz. Xoş səyahətlər!

Yeniləndi: 28.02.2025

Oxşar yazılar:

Uşaqlı Ailələr Üçün Ən Rahat Viza Rejiminə Malik Ölkələr

Uşaqlı Ailələr Üçün Ən Rahat Viza Rejiminə Malik Ölkələr

Uşaqlı ailələr üçün səyahət planlaşdırmaq bəzən düşündüyünüzdən daha çətin ola bilər. Xüsusilə də viza prosedurları, sənəd toplamaq və gözləmə müddətləri valideynlər üçün əlavə stress yaradır. Buna görə də, Azərbaycan vətəndaşları üçün uşaqlı ailələrə ən rahat viza rejiminə malik ölkələr barədə düzgün məlumat toplamaq vacibdir. Bu yazıda sizə viza tələb etməyən və ya asan viza ilə […]

Vizam.az 10 oktyabr 2025
Şengen Vizası Üçün Ən Düzgün Müraciət Vaxtı Hansıdır?

Şengen Vizası Üçün Ən Düzgün Müraciət Vaxtı Hansıdır?

Şengen vizası Avropaya səyahət etmək istəyən Azərbaycan vətəndaşlarının ən çox müraciət etdiyi viza növlərindən biridir. Lakin bu viza növünə müraciət zamanı ən vacib məsələlərdən biri doğru vaxtda müraciət etməkdir. Çünki səfirliklər və viza mərkəzləri, xüsusilə də yay mövsümündə və bayram ərəfələrində çox sayda müraciət qəbul edir və nəticədə görüş tapmaq çətinləşir. Doğru müraciət vaxtını seçmək, […]

Vizam.az 09 oktyabr 2025
Macarıstan Vizası Necə Ala Bilərəm?

Macarıstan Vizası Necə Ala Bilərəm?

Macarıstana səfər planlaşdırırsınızsa, ilk addım Macarıstan vizası almaqdır. Azərbaycan vətəndaşları üçün Macarıstan Şengen zonasına daxil olan ölkə olduğundan, səyahət üçün Şengen vizası tələb olunur. Viza müraciəti prosesində diqqət etməli olduğunuz əsas mərhələlərdən biri Macarıstan səfirliyi görüşü (Hungary visa appointment Baku) və BLS Hungary Azerbaijan vasitəsi ilə randevu almaqdır. Macarıstan turist vizası üçün müraciət edənlər əvvəlcə […]

Vizam.az 08 oktyabr 2025
Viza Üçün Dəvət Məktubu Necə Yazılır?

Viza Üçün Dəvət Məktubu Necə Yazılır?

Viza müraciəti zamanı ən çox diqqət edilən sənədlərdən biri də dəvət məktubudur. Bu sənəd həm səfirlik, həm də konsulluq əməkdaşları üçün müraciətçinin səfərinin məqsədini aydın şəkildə göstərən sübut hesab olunur. Dəvət məktubu, sadəcə bir yazı deyil o, sizin kim tərəfindən, nə məqsədlə və hansı şəraitdə dəvət olunduğunuzu təsdiq edən rəsmi sənəddir. Bir çox hallarda düzgün […]

Vizam.az 08 oktyabr 2025
Viza Rədd Cavabı Aldıqdan Sonra Nə Etmək Lazımdır?

Viza Rədd Cavabı Aldıqdan Sonra Nə Etmək Lazımdır?

Viza müraciəti zamanı hər kəsin ümidi eynidir cavabın “müsbət” olması. Lakin bəzən bütün sənədlər qaydasında olsa belə, səfirlik “viza rədd cavabı” göndərə bilər. Bu, dünyanın istənilən ölkəsində və istənilən müraciətçi üçün baş verə bilən normal haldır. Əsas məsələ bu cavabı düzgün analiz etmək və növbəti addımı planlaşdırmaqdır.Bu yazıda viza rəddindən sonra nə etməli, təkrar müraciət […]

Vizam.az 07 oktyabr 2025
Rumıniya Vizası Necə Ala Bilərəm?

Rumıniya Vizası Necə Ala Bilərəm?

Avropanın mərkəzində yerləşən və zəngin mədəniyyəti ilə seçilən Rumıniya son illərdə Azərbaycan vətəndaşları üçün ən çox maraq doğuran turizm istiqamətlərindən birinə çevrilib. Orta əsr qalaları, Drakula əfsanəsi ilə məşhur olan Bran qəsri, Karpati dağlarının möhtəşəm mənzərələri, eləcə də paytaxt Buxarestin tarixi və müasirliyi birləşdirən atmosferi turistlərin diqqətini cəlb edir. Bundan əlavə, Rumıniyanın münasib qiymətləri və […]

Vizam.az 02 oktyabr 2025
Avropada Ən Ucuz Səyahət Ediləcək Şəhərlər

Avropada Ən Ucuz Səyahət Ediləcək Şəhərlər

Avropaya səyahət etmək bir çox insanın arzusudur. Lakin bəzən yüksək qiymətlər bu arzunun reallaşmasına mane olur. Əslində isə Avropada elə şəhərlər var ki, həm ucuz, həm də zəngin mədəniyyət və tarixi irsi ilə turistlər üçün ideal seçimdir. 2025-ci ildə səyahət trendlərinə əsasən büdcə dostu istiqamətlərə maraq daha da artıb. Çünki səyahətçilər həm yeni ölkələr kəşf […]

Vizam.az 02 oktyabr 2025
Kripto ilə Hansı Ölkələrə Səyahət Etmək Olur?

Kripto ilə Hansı Ölkələrə Səyahət Etmək Olur?

Son illərdə kripto valyutalar təkcə investisiya aləti deyil, həm də səyahətçilər üçün rahat ödəniş vasitəsinə çevrilib. Bitcoin, Ethereum və digər rəqəmsal valyutalar sayəsində turistlər artıq valyuta dəyişmə, bank komissiyaları və nağd pul daşıma problemlərini minimuma endirə bilirlər. Dünyanın bir çox ölkəsi indi kripto ödənişlərini qəbul edir, hotellər, restoranlar, kafe və hətta turistik xidmətlərdə rəqəmsal valyutalarla […]

Vizam.az 29 sentyabr 2025
Tayland Vizası Haqqında Bilmədikləriniz

Tayland Vizası Haqqında Bilmədikləriniz

Tayland son illərdə azərbaycanlı səyahətçilərin ən çox seçdiyi istiqamətlərdən birinə çevrilib. İstər ekzotik adaları, istərsə də zəngin mədəniyyəti ilə bu ölkə dünyanın hər yerindən turistləri cəlb edir. Bangkokun rəngarəng küçələri, Pattayanın əyləncə dolu gecə həyatı, Phuket və Koh Samui kimi adaların təmiz çimərlikləri Taylandı “cənnət məkanı” kimi göstərir. Lakin Taylanda səyahət planlayan hər kəsin qarşılaşdığı […]

Vizam.az 29 sentyabr 2025
Booking Promokodu Necə Əldə Etmək Olar?

Booking Promokodu Necə Əldə Etmək Olar?

Səyahət etmək hər birimizin həyatına unudulmaz anlar qatır, lakin otel rezervasiyaları və digər xərclər bəzən büdcəyə ciddi təsir edə bilər. Xoşbəxtlikdən, Booking.com promokodları səyahətsevərlərə bu məsrəfləri azaltmaq və daha sərfəli qalmaq imkanı verir. Promokodlar, müəyyən tarixlərdə və ya seçilmiş otellərdə istifadə edildikdə, əlavə endirimlər və güzəştlər təqdim edir. Bu, xüsusilə səyahət planlaması zamanı büdcəsini düzgün […]

Vizam.az 26 sentyabr 2025