Belçika Avropanın ən inkişaf etmiş ölkələrindən biri olmaqla yanaşı, zəngin tarixi, memarlıq abidələri, beynəlxalq təşkilatlara ev sahibliyi etməsi və yüksək həyat keyfiyyəti ilə hər il milyonlarla turistin diqqətini cəlb edir. Paytaxt Brüssel həm Avropa İttifaqının, həm də NATO-nun əsas qərargahlarının yerləşdiyi şəhərdir. Bununla yanaşı, Brügge, Gent və Antverpen kimi şəhərlər tarixi irsi, mədəniyyəti və turistik məkanları ilə səyahətsevərlərin ən çox üstünlük verdiyi istiqamətlər sırasındadır.
Azərbaycan vətəndaşları Belçikaya turizm, biznes, təhsil, ailə və dost ziyarəti və ya digər qısamüddətli məqsədlərlə səfər etmək üçün əvvəlcədən Şengen vizası almalıdırlar. Belçika Şengen zonasına daxil olduğundan bu viza sizə yalnız Belçikaya deyil, eyni zamanda digər Şengen ölkələrinə də səyahət etmək imkanı yaradır.
Lakin viza almaq üçün sadəcə sənədləri toplamaq kifayət etmir. Müraciət zamanı təqdim olunan məlumatların düzgün hazırlanması, maliyyə vəziyyətinin əsaslandırılması, səyahət planının aydın şəkildə göstərilməsi və sənədlərin tələblərə uyğun təqdim olunması müraciətin müsbət nəticələnməsində mühüm rol oynayır.
Bu məqalədə Belçika vizası almaq istəyən Azərbaycan vətəndaşlarının bilməli olduğu bütün vacib məlumatları ətraflı izah edəcəyik.
Belçika Şengen Vizası Nədir?
Belçika vizası, Belçikaya giriş hüququ verən və əksər hallarda Şengen vizası formasında təqdim olunan qısamüddətli vizadır. Bu viza ilə 180 gün ərzində maksimum 90 gün Şengen zonasında qalmaq mümkündür.
Əgər əsas səfər məqsədiniz Belçikadırsa və ya Şengen ölkələri arasında ən uzun müddət Belçikada qalacaqsınızsa, müraciətinizi məhz Belçika üzrə etməlisiniz.
Belçika Şengen vizası aşağıdakı məqsədlərlə istifadə olunur:
- Turizm
- İşgüzar səfərlər
- Konfrans və tədbirlər
- Ailə və dost ziyarəti
- Qısamüddətli təhsil proqramları
- Mədəni və idman tədbirləri
- Tibbi müalicə
Əgər Belçikada 90 gündən artıq qalmağı planlaşdırırsınızsa, uzunmüddətli (D kateqoriyalı) milli viza üçün müraciət etməlisiniz.
Belçika Vizası Növləri
Səfər məqsədinizdən asılı olaraq müxtəlif viza növləri mövcuddur.
Turist Vizası - Belçikanın tarixi şəhərlərini gəzmək, istirahət etmək və turistik məqsədlərlə ölkəyə səfər etmək istəyən şəxslər üçün nəzərdə tutulur. Ən çox müraciət edilən viza növüdür.
Biznes Vizası - Belçikada keçiriləcək iş görüşləri, sərgilər, konfranslar və kommersiya tədbirlərində iştirak etmək istəyən şəxslər bu viza növünə müraciət edə bilərlər.
Adətən aşağıdakılar tələb olunur:
- Dəvət məktubu
- Şirkət arayışı
- Ezamiyyət sənədləri
Ailə və Dost Ziyarəti Vizası - Belçikada yaşayan ailə üzvünü və ya dostunu ziyarət etmək istəyən şəxslər üçün nəzərdə tutulur.
Əsas sənədlər:
- Dəvət məktubu
- Dəvət edən şəxsin yaşayış sənədi
- Şəxsiyyət vəsiqəsi və ya yaşayış icazəsinin surəti
Təhsil Vizası - Qısamüddətli kurslarda, təlimlərdə və ya akademik proqramlarda iştirak edəcək şəxslər üçün nəzərdə tutulur.
Belçika Şengen Vizası Üçün Tələb Olunan Sənədlər
Belçika Şengen vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun orijinalı və birinci səhifəsinin surəti
- Əgər varsa, əvvəlki vizalarınızın və giriş-çıxış möhürlərinizin surətləri
- Şəxsiyyət vəsiqənizin surəti
- İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
- Adınıza olan bank hesabından arayış* və çıxarış (Məbləğ barədə aşağıda detallı məlumat qeyd olunub)
- Əgər varsa, adınıza olan mülklərin çıxarışlarının* və maşınınızın texpasport kopyası
- Mülki vəziyyətinizin sübutu* (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
- 2 ədəd 3.5x4.5 ölçüdə, biometrik və ağ fonda şəkliniz
- Səyahətiniz üçün etdiyiniz aviabilet bronları
- Səyahətiniz üçün etdiyiniz otel rezervasiyaları
- Səfərinizi tam əhatə edəcək Şengen qaydalarına uyğun səyahət sığortası
- İngilis dilində doldurulmuş ərizə forması
- Görüş təyininin təsdiqi barədə sistemdən verilmiş sənədin çap versiyası
- Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.
Belçika Vizasına Necə Müraciət Etmək Olar?
Belçika vizası müraciəti bir neçə mərhələdən ibarətdir. Hər mərhələnin düzgün icra olunması müraciətin uğurla tamamlanması üçün vacibdir.Belçika Şengen vizası üçün müraciət Fransa Səfirliyinin Capago adlı viza müraciət mərkəzində olunur. Belçikanın ölkəmizdə konsulluğu fəaliyət göstərməməsi səbəbilə viza haqda qərar Fransa səfirliyinin konsulluq şöbəsində konsul tərəfindən verilir.
Sənədləri təqdim etmək üçün viza görüşü onlayn şəkildə əldə edilir. Sənədləri təqdim etmək üçün əvvəlcədən görüş təyini mütləqdir. Viza müraciəti səfər tarixindən ən tez 6 ay əvvəl edilə bilər. Barmaq izindən azad olan müraciətçilər istisna olmaqla, bütün müraciətçilərin sənədləri təqdim edərkən şəxsi iştirakı mütləqdir.
Barmaq izindən azad olan şəxslər aşağıdakı qruplara bölünür:
- Son 3 ildə Şengen vizası alan və sistemdə barmaq izi olan şəxslər (Çexiya vizası istisna olmaqla)
- 12 yaşdan aşağı uşaqlar
- Barmaq izi verilməsi fiziki cəhətdən mümkün olmayan şəxslər
- Diplomatik və ya xüsusi pasport sahibi olan və Belçikada diplomatik və ya konsulluq vəzifəsinə akreditə olunmuş şəxslər
- Belçikada mərkəzi və ya nümayəndəliyi olan beynəlxalq təşkilatda səlahiyyət alacaq diplomatik və ya konsulluq personalı və onların ailə üzvləri (həyat yoldaşı və qayğıya ehtiyacı olan uşaqları)
Şengen viza proseduru müraciət tarixindən etibarən 3-5 iş günü çəkə bilər.
Ümumi proses aşağıdakı kimidir:
- Səfər məqsədinizi müəyyənləşdirin.
- Lazım olan sənədləri hazırlayın.
- Viza müraciət formasını doldurun.
- Viza mərkəzindən görüş (appointment) götürün.
- Biometrik məlumatlarınızı təqdim edin.
- Viza rüsumunu ödəyin.
- Müraciətinizin nəticəsini gözləyin.
Müraciət zamanı səfirlik və ya viza mərkəzi əlavə sənədlər tələb edə və ya sizi qısa müsahibəyə dəvət edə bilər. Buna görə təqdim etdiyiniz bütün məlumatların düzgün və bir-birini tamamlaması vacibdir.
Belçika Vizası Neçə Günə Çıxır?
Belçika Şengen vizası üçün müraciətlərə baxılma müddəti müraciətin təqdim edildiyi dövrdən, səfirliyin iş yükündən və təqdim olunan sənədlərin tamlığından asılı olaraq dəyişə bilər.
Əksər hallarda Belçika vizası üçün qərar 15 təqvim günü ərzində verilir. Lakin yay mövsümü, bayram günləri və turizm mövsümündə müraciətlərin sayının artması səbəbindən bu müddət uzana bilər. Bəzi hallarda əlavə sənəd və ya yoxlama tələb olunduqda baxılma müddəti 30–45 günə qədər davam edə bilər.
Bu səbəbdən səfər tarixinizə son günlər qalmış müraciət etmək tövsiyə edilmir. Ən ideal variant planlaşdırılan səfərdən 1–2 ay əvvəl müraciətinizi tamamlamaqdır.
Belçika Vizası üçün Rüsum və Xərclər
Belçika vizasına müraciət edərkən bir neçə növ ödəniş nəzərə alınmalıdır.
Bunlara daxildir:
- Səfirlik (Şengen) viza rüsumu
- Viza mərkəzinin xidmət haqqı
- Səyahət sığortası
- Tərcümə və notariat xidmətləri (tələb olunduqda)
- Viza dəstəyi xidməti (əgər istifadə edilirsə)
Qeyd etmək lazımdır ki, viza rüsumunun ödənilməsi vizanın mütləq veriləcəyi anlamına gəlmir. Müraciətə imtina verildiyi halda ödənilmiş rüsumlar geri qaytarılmır.
Belçika Vizası üçün Bank Hesabında Nə Qədər Pul Olmalıdır?
Belçika vizası üçün müraciət edən şəxsin səfər müddətində bütün xərclərini qarşılaya biləcəyini sübut etməsi vacibdir.
Səfirlik bank hesabında konkret məbləğ göstərməsə də, hesabdakı vəsait aşağıdakı xərcləri qarşılaya bilməlidir:
- Aviabilet
- Otel xərcləri
- Gündəlik yaşayış xərcləri
- Nəqliyyat
- Digər şəxsi xərclər
Məbləğ planlaşdırılan səfərin müddətindən asılı olaraq dəyişir. Məsələn, 7 günlük səfər üçün təqribi 2000 euro hesabda yalnız minimal məbləğin deyil, bütün səfəri maliyyələşdirə biləcək vəsaitin olması daha məqsədəuyğundur.
Bundan əlavə, səfirlik yalnız bank balansına deyil, hesabın hərəkətinə də diqqət yetirir. Son anda hesaba böyük məbləğ köçürülməsi etibarlı maliyyə vəziyyəti kimi qiymətləndirilməyə bilər. Buna görə bank çıxarışının müntəzəm gəlir və maliyyə dövriyyəsini əks etdirməsi tövsiyə olunur.
Belçika Vizasından İmtina Səbəbləri
Belçika vizası üçün müraciətin rədd edilməsinin müxtəlif səbəbləri ola bilər. Ən çox rast gəlinən səbəblər aşağıdakılardır.
Natamam və ya yanlış sənədlər - Sənədlərdə uyğunsuzluq, çatışmazlıq və ya yanlış məlumatların olması müraciətin mənfi qiymətləndirilməsinə səbəb ola bilər.
Maliyyə imkanlarının kifayət etməməsi - Səfər müddətində xərclərinizi qarşılaya biləcəyinizi sübut edə bilmədikdə viza almaq çətinləşə bilər.
Səyahət məqsədinin kifayət qədər əsaslandırılmaması - Səfərin məqsədi, qalacağınız ünvan və planınız aydın şəkildə izah edilmədikdə əlavə suallar yarana bilər.
Saxta və ya etibarsız sənədlərin təqdim edilməsi - Saxta sənədlər təqdim etmək yalnız imtinaya deyil, gələcək Şengen müraciətlərinə də mənfi təsir göstərə bilər.
Əvvəlki viza qaydalarının pozulması - Əgər əvvəlki Şengen vizalarından istifadə zamanı qanun pozuntusu və ya icazə verilən müddətdən artıq qalma halları olubsa, bu da müraciətin nəticəsinə təsir edə bilər.
Tez-tez Verilən Suallar
Belçikaya getmək üçün Azərbaycan vətəndaşlarına viza lazımdır?
Bəli. Azərbaycan vətəndaşlarının Belçikaya qısamüddətli səfərləri üçün Şengen vizası almaları tələb olunur.
Belçika vizası neçə girişli olur?
Viza müraciətin nəticəsindən asılı olaraq təkgirişli, iki girişli və ya çoxgirişli (multiple entry) verilə bilər.
Belçika vizası ilə digər Şengen ölkələrinə getmək olar?
Bəli. Etibarlı Şengen vizası ilə vizanın istifadə qaydalarına riayət etməklə digər Şengen ölkələrinə də səfər etmək mümkündür.
Belçika vizası üçün biometrik məlumat vermək lazımdır?
Bəli. Əksər müraciətçilər barmaq izi və biometrik məlumat təqdim etməlidirlər. Son illərdə etibarlı biometrik məlumat təqdim etmiş şəxslər üçün bəzi istisnalar tətbiq oluna bilər.
Vizaya nə qədər əvvəl müraciət etmək lazımdır?
Səfər tarixindən ən azı 4–8 həftə əvvəl müraciət etmək tövsiyə olunur. Bu, mümkün gecikmələrin qarşısını almağa kömək edir.
Belçika vizası ilə neçə gün qalmaq olar?
Qısamüddətli Şengen vizası ilə 180 gün ərzində maksimum 90 gün Belçikada və digər Şengen ölkələrində qalmaq mümkündür.
Belçikaya Viza Dəstəyi
Belçika Şengen vizası üçün müraciət zamanı sənədlərin düzgün hazırlanması və bütün prosedurların qaydalara uyğun yerinə yetirilməsi müraciətin uğurla nəticələnməsi üçün böyük əhəmiyyət daşıyır. Buna görə də peşəkar dəstək almaq həm vaxtınıza qənaət edir, həm də mümkün səhvlərin qarşısını almağa kömək edir.
Vizam.az olaraq Belçika Şengen vizası müraciətinizin bütün mərhələlərində sizə dəstək göstəririk. Xidmətimiz çərçivəsində sizin adınıza viza mərkəzində görüş təyin edilir, viza ərizə formanız düzgün şəkildə doldurulur və bütün sənədləriniz müraciət tələblərinə uyğun olaraq yoxlanılıb hazırlanır. Eyni zamanda səfər planınıza uyğun aviabilet rezervasiyası, otel bronu və Şengen tələblərinə uyğun səyahət sığortasının hazırlanması ilə bağlı da sizə kömək edirik. Müraciət prosesi boyunca komandamız sizi məlumatlandırır, lazımi konsultasiyanı təqdim edir və viza nəticəsi açıqlanana qədər müraciətinizi izləyir.
Əgər müraciət zamanı sənədlərinizin notarial qaydada ingilis dilinə tərcüməsi və təsdiqlənməsi tələb olunarsa, bu xidmət üzrə də sizə yardımçı ola bilərik. Tərcümə və notariat xidməti hər bir sənəd üçün əlavə 16 AZN təşkil edir.
Belçika Şengen vizasına dəstək xidmətimizin qiyməti bir nəfər üçün 79 AZN-dir. Qeyd edək ki, səyahət sığortasının dəyəri xidmət haqqına daxil deyil və ayrıca hesablanır. Bir həftəlik səyahət sığortasının qiyməti adətən 16–18 AZN arasında dəyişir və istəsəniz bu sığortanı müstəqil şəkildə də əldə edə bilərsiniz.
Belçika vizası üçün müraciətinizi bizimlə daha rahat və etibarlı şəkildə həyata keçirmək istəyirsinizsə, Vizam.az vasitəsilə sifarişinizi yerləşdirə və ya əlavə məlumat almaq üçün 010 300 01 35, 050 300 01 35 və 055 300 01 35 nömrələri ilə bizimlə əlaqə saxlaya bilərsiniz.
Sizə uğurlu viza müraciəti və xoş səyahətlər arzulayırıq!
