Cənubi Avstraliyanın incisi sayılan Kenquru adası, macəra axtarışında olanlar üçün ideal seçimdir. Bu ada, öz unikal mənzərəsi, vəhşi təbiəti və zəngin flora-faunası ilə məşhurdur. Əgər təbiətlə iç-içə olmaq və yalnız Avstraliyada tapa tapa biləcəyiniz kenquruları görmək arzunuz varsa, bu bloqu diqqətlə oxumağınızı tövsiyə edirik.
Kenquru adasının ən məşhur məkanlarından biri Flinders Chase Milli Parkıdır. Bu parkda "Remarkable Rocks" (Möhtəşəm Qayalar) və "Admirals Arch" (Admiral Tağı) kimi təbiət möcüzələrini görə bilərsiniz. Remarkable Rocks, milyon illər ərzində küləklərin və dalğaların formalaşdırdığı qəribə qaya formaları ilə məşhurdur. Admira Arch isə dəniz pişiklərinin məskəni kimi tanınır.
Kenquru adası, kenqurularla məşhur olsa da, burada koalalar, müxtəlif quş növləri və hətta balaca pinvqinlər də yaşayır. Seal Bay (Suiti Körfəzi) kimi məkanlarda dəniz pişiklərinin təbii mühitdə necə yaşadığını müşahidə edə bilərsiniz. Bu, xüsusilə, uşaqların marağını çəkə bilər.
Kenquru adası yalnız təbiət gözəllikləri ilə deyil, həm də ləzzətli təamları ilə məşhurdur. Adanın yerli məhsulları, xüsusilə bal, pendir və şərab, ziyarətçilər arasında böyük rəğbət qazanıb. Əgər şərab sevirsinizsə, adanın şərab zavodlarını ziyarət edərək yerli şərabları dadmaq şansı əldə edə bilərsiniz.
Kenquru adasına çatmaq üKanguru Adasına səyahət etmək üçün, Adelaide-dən Cape Jervis limanına avtomobillə gedib, oradan feribotla adaya keçmək lazımdır. Bu ada il boyu ziyarət edilə bilər, lakin ən ideal vaxt yaz (sentyabr-noyabr) və yay (dekabr-fevral) aylarıdır. Bu dövrdə hava mülayim olur və təbiət daha canlı görünür.
Avstraliyanın ən maraqlı yerlərindən biri olan Kenquru adasına səyahət etmək üçün ilk addım uyğun viza növünü seçməkdir. Azərbaycan vətəndaşları üçün “Subclass 600 Visitor Visa” adlanan qısamüddətli turizm vizası tələb olunur. Bu viza ilə siz Kenquru adası və qitənin digər görməli yerlərini rahatlıqla gəzə bilərsiniz. Viza müraciəti prosesi haqqında öyrənmək üçün yazının davamını oxuya bilərsiniz.
Avstraliya Viza Növləri
Avstraliyaya etmək istədiyiniz səyahəti, Avstraliya turizm vizası vasitəsilə həyata keçirə bilərsiniz. Bu viza növünə müraciət səbəbləri arasında turizm, ailə və ya dostlarla görüş, işgüzar səfərlər, tibbi müayinə və ya müalicə, qısamüddətli təhsil, mübadilə proqramları və digər müvəqqəti hallar daxildir. Əslində, Avstraliya vizasının müxtəlif növləri mövcuddur, lakin Azərbaycan vətəndaşları əsasən qısamüddətli turistik vizaya müraciət edirlər. Əgər Avstraliyada uzunmüddətli təhsil almaq (bakalavr, magistr, doktorantura və s. kimi) və ya burada yerləşən bir təşkilatda daimi işləmək istəyirsinizsə, müvafiq təhsil və iş orqanlarından rəsmi dəvət və ya qəbul məktublarınız varsa, Avstraliya milli vizasına müraciət edə bilərsiniz.
Avstraliya Turizm Vizası
Avstraliya vizası həm təkgirişli, həm də çoxgirişli variantlarda təqdim olunur. Bundan əlavə, yalnız ilk səfərinizi əhatə edən qısamüddətli vizaya və ya çoxgirişli, uzunmüddətli vizalara müraciət etmək imkanı vardır. Bu seçim, səyahət məqsədiniz və səyahət müddətinizdən asılı olaraq dəyişir.
Qeyd etmək lazımdır ki, Avstraliya turist vizası müraciətçilərə əsasən 3 ay və bəzi hallarda bir il müddətində 3 ay qalmaq imkanı yaradan formada verilir. Lakin bu müddət müxtəlif şəraitə görə dəyişə bilər.
Avstraliya Vizası Müraciəti üçün Sənədlər Toplusu
Avstraliya vizasına müraciət edərkən siz aşağıdakı sənədləri təqdim etməlisiniz:
- Xarici pasportunuzun əsli və birinci səhifəsinin fotokopiyası
- Əgər mövcuddursa, əvvəlki vizalarınızın və səyahət möhürlərinin fotokopiyaları
- Şəxsiyyət vəsiqənizin fotokopiyası
- İş yerindən verilmiş arayış* və varsa, maaş kartınızdan çıxarış (təhsil alanlar üçün müvafiq təhsil müəssisəsindən alınan arayış*)
- Adınıza açılmış bank hesabından alınmış arayış* və çıxarış (Məbləğ barədə aşağıda ətraflı məlumat qeyd olunub)
- Əgər mövcuddursa, adınıza qeydiyyatdan keçirilmiş mülklərin çıxarışlarının* və maşınınızın texpasport nüsxəsi
- Mülki vəziyyətinizi təsdiq edən sənəd* (əgər ailəlisinizsə, nikah şəhadətnaməniz; 18 yaşdan aşağı uşaqlarınız varsa, onların doğum şəhadətnamələri və ya nikahınızın ləğvi barədə sənədin fotokopiyası)
- 3.5x4.5 ölçülü, ağ fonda çəkilmiş şəkliniz
- Səyahət üçün bron etdiyiniz aviabilet təsdiqləri
- Səyahət müddətində qalacağınız otellərin rezervasiya təsdiqləri
- İngilis dilində doldurulmuş ərizə forması
- Əgər müraciət turistik məqsəd daşımırsa, işgüzar səfərlə bağlı olan, həmin iş, tədbir və ya görüşlə əlaqədar rəsmi dəvət məktubu
Yuxarıda “*” işarəsi ilə qeyd olunan sənədlər səfirliyə ingilis dilində təqdim edilməlidir. Əgər sənədin orijinal dili ingilis deyilsə və siz onu azərbaycanca əldə etmisinizsə, o zaman həmin sənədlərin hər biri notarial qaydada ingilis dilinə tərcümə və təsdiq olunaraq təqdim edilməlidir.
Sənədləriniz qəbul edildikdən sonra, viza prosedurunuz zamanı səfirlik əlavə sənədlərin təqdim edilməsini tələb edə bilər. Bəzi hallarda Avstraliya səfirliyinin viza proseduru çərçivəsində əlavə sənədlərin təqdim edilməsi tələb olunmuşdur.
Bank hesabınızdakı məbləğ, təqdim etdiyiniz səyahət tarixlərindən – yəni Avstraliyada qalacağınız müddətdən, bron etdiyiniz uçuş biletləri, otellərin qiymətləri və digər amillərdən asılı olaraq dəyişir. Ümumilikdə, məsləhət görülür ki, bir həftəlik səyahət üçün bank hesabınızda ən azı 5.000–7.000 AZN (eyni zamanda avro və ya ABŞ dolları ekvivalenti) miqdarı göstərəsiniz. Bu məbləğ səyahət planınızı tam şəkildə əhatə etməlidir. Hesablamanı edərkən, bilet və otel bronlarınızın dəyərini və ölkə daxilində keçirdiyiniz hər gün üçün ortalama 70–80 dollar gündəlik xərcləri də nəzərə alaraq, əldə etdiyiniz rəqəmdən bir qədər yüksək məbləğ göstərməyiniz tövsiyə olunur.
Əgər siz sahibkar kimi fəaliyyət göstərirsinizsə, iş yerindən alınan arayışı əvəz edən sənədləri (VÖEN-in fotokopiyası, Vergilər Nazirliyindən dövriyyəniz barədə verilmiş arayış, şirkətinizin reyestrdən çıxarışı) təqdim edə bilərsiniz. Əgər işləmirsinizsə, təhsil alırsınızsa və ya səyahət xərclərinizi ödəmək üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin fotokopiyası, iş yerindən alınan arayış (əgər sponsor sahibkardırsa, yuxarıda qeyd olunan sənədlər), bank hesabından alınan arayış və çıxarış (bu hesab həm sizin, həm də sponsorun adına ola bilər), əgər ailəvi əlaqəniz varsa, bunu təsdiq edən sənəd (məsələn, əgər valideynsinizsə, öz doğum şəhadətnaməniz; əgər qardaş və ya bacısınız varsa, hər iki doğum şəhadətnaməsi) və sponsorluq barədə sənəd də təqdim edilməlidir. Həmçinin, müraciət edən şəxs 18 yaşdan aşağıdırsa, tək səyahət edirsə, hər iki valideynindən və ya valideynlərindən biri ilə səyahət edirsə, digər valideynindən ölkədən çıxış icazəsi sənədinin fotokopiyası da təqdim edilməlidir.
Qeyd etmək vacibdir ki, VÖEN, Vergilər Nazirliyindən alınan dövriyyəniz barədə arayış, şirkətinizin reyestrdən çıxarışı və ya sponsorluq sənədi, icazə kağızı kimi təqdim etdiyiniz bütün sənədlərin hər biri notarial qaydada ingilis dilinə tərcümə olunub təsdiq edilməlidir.
Viza Proseduru
Avstraliyaya viza müraciəti onlayn rejimdə həyata keçirilir və müsbət nəticə əldə edildikdə, viza elektron formatda verilir, yəni pasporta viza stikeri yapışdırılmır. Viza ilə bağlı qərar isə Avstraliyanın Ankaradakı Səfirliyində verilir. Çox hallarda səfirliyə şəxsən getmək tələb olunmur; lakin nadir hallarda müraciətin mürəkkəbliyinə görə konsul müraciətçini şəxsən müsahibə üçün Ankaradakı səfirliyə dəvət edə bilər.
Əvvəlcə onlayn viza platformasında hesab yaradılır, sonra hesabınıza daxil olaraq müvafiq viza növü seçilir, onlayn ərizə forması doldurulur və təqdim etdiyiniz cavablara əsaslanaraq tələb olunan sənədlərin siyahısı yaranır. Bu tələb olunan sənədlərin skan nüsxələri sistemə yüklənməlidir.
Azərbaycan vətəndaşları, qısamüddətli turizm, işgüzar səfər, hər hansı tədbirdə iştirak, ailə və ya dost ziyarəti üçün "Subclass 600 Visitor visa"ya müraciət etməlidirlər.
Viza rüsumu 180 AUD təşkil edir (təqribən 110 USD), və cavab adətən 8-24 həftə ərzində bəlli olur.
Avstraliya Vizası Alma Ehtimalı
Bütün ölkələrin səfirliklərinə viza müraciəti edildiyi kimi, Avstraliyada da viza alma şansınız şəxsi profilinizin vəziyyətindən asılıdır. İş yerinizin sabitliyi və vəzifənizin keyfiyyəti, aylıq gəlirinizin standart maaş aralığından yuxarı olması (təcrübədə 700–800 AZN aralığında aylıq gəlir əldə edən şəxslərə viza verilməsi müşahidə olunub), bank hesabınızda səyahətinizin bütün xərclərini ödəməyə yetəcək miqdarda məbləğin göstərilməsi, sizi ölkəyə bağlayan faktorların (məsələn, adınıza qeydə alınmış əmlak, ailənizin və uşaqlarınızın mövcudluğu) olması və zəngin səyahət tarixçənizin mövcudluğu, Avstraliya vizası alma şansınızı artıran əsas amillərdən biridir. Daha əvvəl səyahət tarixçəsi olmayan, yəni Şengen, Birləşmiş Krallıq, ABŞ və ya digər vizaya sahib olmayan şəxslər üçün Avstraliya vizasına müraciət nisbətən riskli sayılır. Lakin, profilinizin digər nüansları yüksək səviyyədədirsə, səyahət tarixçəniz olmasa belə Avstraliya vizası alma ehtimalınız arta bilər. Hər halda, zəngin səyahət tarixçəsi Avstraliya vizasının verilməsində birbaşa təsir göstərən mühüm faktordur.
Avstraliyaya Viza Dəstəyi
Biz Vizam.az şirkəti olaraq sizə Avstraliya vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin rezervasiyası, otellərin bronu və ya istəyinizə uyğun şəkildə alınması, viza üçün səyahət tur planınızın qurulması, izahat məktubunun yazılması, konsultasiya, viza prosedurunuzun izlənilməsi daxil olacaq. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum 16 AZN təşkil edəcək. Ümumi olaraq isə bizim şirkətimizdə Avstraliya səyahət vizasına dəstək xidmət haqqısı bir nəfər üçün 250 AZN təşkil edir.
Sifarişinizi yerləşdirmək üçün buraya klikləyə, əlavə məlumat almaq üçün 010/50/55-3000135 nömrələri ilə əlaqə saxlaya bilərsiniz.
Kenquruların dünyasını kəşf etmək fürsətini qaçırmayın! Xoş səyahətlər!
