“AMERİKAN XƏYALINA” gedən yol – ABŞ VİZASI

Yeniləndi: 13 fevral 2025 59961 baxış 7 dəq. oxu

Yaşayan hər bir səyahətçinin dünya üzərində bir gün olmaq istədiyi nöqtələri özündə birləşdirən bir siyahısı olur. Əgər dünya xəritəsi üzərində səyahətçilərin arzuladığı bu nöqtələri qırmızıyla işarələsəydik, sözsüz ki, ABŞ xəritədə başdan-ayağa qırmızıya boyanmış olardı. Nyu-Yorkun Azadlıq heykəli, Mərkəzi Parkı, Manhetteni, Vaşinqtonun Ağ Evi, Mayami sahilləri, Arizonanın Böyük Kanyonu, Las Veqas kazinoları, San-Fransiskonun “Golden Gate” körpüsü və saymaqla bitməyəcək bu yerlər bir çox səyahətçinin xəyalını bəzəyir. “Amerikan xəyalına” gedən bu yol isə əlbəttə ki, ABŞ vizasını əldə etməkdən başlayır.

ABŞ Viza Növləri

ABŞ vizasının fərqli səbəb və məqsədlərə uyğun bir çox növü vardır. Təməl olaraq isə bu vizalar iki növə ayrılır: miqrant və qeyri-miqrant vizaları. Miqrant vizaları ABŞ-da daimi yaşamaq hüququ əldə etmək istəyən şəxslərin baş vurduğu viza növləridir. Ailə birləşməsi, daimi işlə təmin olunma və s. kimi şərtlər altında şəxslər miqrant vizalarına müraciət edə bilərlər. Ən çox istifadə olunan və özündə turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan səbəb və məqsədləri özündə birləşdirən qeyri-immiqrant vizalarına hər kəs müraciət edə bilər. Qeyd edək ki, qeyri-immiqrant vizalarının da yuxarıda sadaladığımız səbəblərdən asılı olaraq dəyişən və onlara uyğunluşan bir çox fərqli növləri var. Biz isə bu məqalədə sizə ən çox müraciət olunan viza növü olan B1/B2, yəni müvəqqəti biznes və turizm vizası barədə məlumat verəcəyik.

B1/B2 Vizası

Azərbaycan vətəndaşları üçün bu vizanın müddəti 1 il ərzində 6 ayı əhatə edəcək şəkildə olur. Yəni, siz bu vizanı əldə edərək vizanızın verildiyi gündən hesablanaraq 1 il sonrasına kimi hər bir girişinizdə ABŞ-da maksimum 6 ay qala bilərsiniz. Qeyd edək ki, dəqiq şəkildə maksimum qala biləcəyiniz müddət sizə ölkəyə daxil olarkən sizi qarşılayan miqrasiya işçisi tərəfindən bildirilir. Bəzi fors-major hallarda sizin miqrasiya işçilərinə verdiyiniz cavablara və səyahət planınıza əsasən, sərhəd xidməti sizin qalma müddətinizi məhdudlaşdıra bilər. Adi hallarda isə məsələn, siz 2020-ci ilin May ayının 1-də ABŞ vizasını əldə etmisinizsə, bu viza 2021-ci ilin May ayının 1-dək (əksər hallarda bir və ya iki gün tez) aktiv viza hesab olunur. Ancaq bu müddət ərzində sizin ABŞ-da bir girişdə qaldığınız günlərin sayı 6 ayı keçməməlidir. 1 il ərzində isə siz ABŞ-a bir neçə dəfə giriş və çıxış edə bilərsiniz, bunu məhdudlaşdıracaq hər hansısa bir limit yoxdur. Siz bu vizanı əldə etdikdən sonra ABŞ-a turistik və ya işgüzar səfərinizi reallaşdıra bilərsiniz.

ABŞ Viza Müraciəti üçün Sənədlər Toplusu

B1/B2 vizasına müraciət edərkən siz aşağıdakı sənədləri təqdim etməlisiniz:

  1. Xarici pasportunuzun orijinalı və birinci səhifəsinin surəti
  2. Əgər varsa, əvvəlki vizalarınızın və giriş-çıxış möhürlərinizin surətləri
  3. Şəxsiyyət vəsiqənizin surəti
  4. İş yerindən arayış və əgər varsa, maaş kartından çıxarış (təhsil alan şəxslər üçün təhsil müəssisəsindən arayış)
  5. Adınıza olan bank hesabından arayış və çıxarış (Məbləğ barədə aşağıda detallı məlumat qeyd olunub)
  6. Əgər varsa, adınıza olan mülklərin çıxarışlarının və maşınınızın texpasport kopyası
  7. Mülki vəziyyətinizin sübutu (Ailəlisinizsə, nikah haqqında şəhadətnamənizin, 18 yaşdan aşağı uşaqlarınız varsa, doğum haqqında şəhadətnamələrinin və ya nikahınız pozulubsa, nikahın pozulmasına dair sənədin surəti)
  8. 2 ədəd 5x5 ölçüdə və ağ fonda şəkliniz
  9. Səyahətiniz üçün etdiyiniz aviabilet və otel bronları
  10. Viza ödənişini etdiyinizə dair sizə sistemdən verilmiş ödəniş qəbzinin və üzərində səfirlikdəki görüş tarixiniz qeyd olunmuş instruksiyanın çap versiyası
  11. Onlayn DS-160 ərizə formanızın təsdiqi

Bank hesabınızdakı məbləğ sizin göstərdiyiniz səyahət tarixlərinizdən, yəni ABŞ-da qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 3000-4000 ABŞ dolları aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə ABŞ-da qalacağınızı göstərdiyiniz hər gün üçün ortalama 80-90 ABŞ dolları gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.

Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti, Vergilər Nazirliyindən dövriyyəniz haqqında verilmiş arayış, şirkətinizin reyestrdən çıxarışı) səfirliyə təqdim edə bilərsiniz. Əgər siz işləmirsinizsə, təhsil alırsınızsa və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər) əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədinin surətini də viza müraciəti zamanı təqdim etmək lazımdır. Qeyd edək ki, sənədləri ingilis dilinə tərcümə etdirmək tələb olunmur, bütün sənədlər səfirlikdə azərbaycanca qəbul olunur.

Viza Proseduru

ABŞ-a viza müraciəti zamanı ilk mərhələ olaraq siz DS-160 formunu, yəni ABŞ viza müraciətiniz üçün onlayn ərizə formasını doldurursunuz. Siz bu ərizə formasını tam onlayn şəkildə və bir neçə dəfə giriş və çıxış edərək doldura bilərsiniz. Yəni, ilk dəfə ərizəyə daxil olduqda sona qədər doldurmalısınız kimi bir qayda yoxdur. Ərizənin müəyyən hissəsini doldurduqdan sonra onu yaddaşda saxlayıb, sonra giriş edərək qaldığınız yerdən doldurmağa davam edə bilərsiniz. Ancaq bunun üçün mütləq şəkildə sayt tərəfindən sizə verilmiş referens kodunu (məsələn: AA 12345678) yaddaşda saxlamalısınız. Səfirlikdə görüşə getməzdən öncə isə ərizə formanızı sistemdə təsdiqləməyiniz mütləqdir. Digər mərhələdə isə siz ABŞ-ın Azərbaycandakı səfirliyindən görüş əldə etməlisiniz. Bu görüş pəncərəsinin açılması üçün isə siz öncə viza ödənişini onlayın şəkildə həyata keçirməlisiniz. Viza ödənişi hər bir şəxs üçün yaş fərqi olmadan 185 ABŞ dolları təşkil edir. Siz ödənişi bank kartı vasitəsilə və ya bankda nağd olaraq edə bilərsiniz. Ödənişi etdikdən sonra növbəti açılan pəncərədə səfirlikdə mümkün olan görüş tarixləri və saatlardan siz özünüzə uyğun olanı seçirsiniz. Seçdiyiniz tarix və saatda qeyd etdiyimiz sənədlərlə birgə səfirlikdə görüşə getməlisiniz. Siz sonradan görüşü ləğv etmə hüququna maliksiniz. Bu halda siz eyni profildən növbəti bir il ərzində yenidən ABŞ səfirliyində ödəniş etmədən görüş təyin edə bilərsiniz. Qeyd edək ki, onlayn şəkildə təsdiqlədiyiniz ərizə formasını səfirlikdəki görüşə aparmağınıza ehtiyac yoxdur. ABŞ viza müraciəti zamanı siz səfirlikdə konsulla intervyuya daxil olursunuz.

Visa proseduru adətən 3-5 iş günü ərzində çəkir.

İntervyu

Konsulla birbaşa aparılan intervyu əksər hallarda maksimum 5-15 dəqiqəni əhatə edəcək müddətdə qısa çəkir. Bu müddət sizin viza müraciəti prosedurunuzun mürəkkəbliyindən və ən əsası konsulun istəyindən asılı olaraq dəyişə bilər. İntervyu ərzində sizə veriləcək suallar əsasən, sizin səyahət planınız, səfərinizin detalları (gedəcəyiniz yerlər, səyahət tarixləriniz, qalacağınız otellər və s.), səyahət məqsədiniz və ya özünüzlə bağlı ola biləcək şəkildə iş yeriniz, ailə həyatınız, sənədləriniz və s. haqqında ola bilər. Bu sualların standart forması və ya ardıcıllığı yoxdur. Bir sözlə, konsul sizə özünüz, həyatınız və səyahətinizlə əlaqədar istədiyi sualı verə bilər. Siz viza cavabınızı məhz bu intervyunun sonunda öyrənə bilirsiniz. Konsul sizə intervyunun sonunda ABŞ vizasının verildiyini və ya verilmədiyini bildirir. Viza verildiyi təqdirdə pasportunuz sizdən götürülür və adətən, 3-5 iş günü ərzində ABŞ vizası vurulduqdan sonra “Aramex” şirkəti tərəfindən sizə geri qaytarılır. Əgər konsul viza verilmədiyini bildirərsə, bu halda o, sizə imtina kağızı uzadır. Bu imtina kağızı isə şəxsdən-şəxsə və ya vəziyyətə, yaxud imtina səbəblərinə uyğun şəkildə dəyişən yox, məhz şablon bir sənəd olur. ABŞ vizasına gedən ən önəmli yol məhz intervyudakı performansınızdan və verdiyiniz cavablardan keçir. Siz mütləq şəkildə konsulu inandırmağa çalışmalı, qəti şəkildə yalan məlumat verməməli və konsulun sizə verdiyi suallara bacardıqca detallı şəkildə cavab verməlisiniz. Əgər siz cavablarınızla konsulu səyahət məqsədinizə, verdiyiniz informasiyaların və sənədlərin doğruluğuna tam inandıra bilsəniz, bu halda ABŞ vizasını əldə edə biləcəksiniz. Qeyd edək ki, əksər hallarda intervyuda verilən sualların sayı limitli olur. Məhz bu səbəbdən də konsulun sizə verdiyi sualları dolğun cavablandırmaq onun ağlındakı sual işarələrini aradan qaldırmağa yardımçı ola bilər. Məsələn, əgər konsul sizdən səyahət məqsədinizi soruşursa, ona bir sözlə “turizm” deyib keçməkdənsə, ətraflı şəkildə hansı səbəblə bu səyahəti reallaşdırmaq istədiyinizi, ABŞ-da haralara gedəcəyinizi və vaxtınızı necə dəyərləndirə biləcəyinizi mümkün qədər ətraflı şəkildə izah edə bilərsiniz. Bu kimi detallı cavablar sizə əngəl ola biləcək müəyyən boşluqları və sualları aradan qaldıra bilər. Əlavə olaraq qeyd edək ki, konsulla intervyunun dili səfər məqsədindən asılı olaraq dəyişir. Turistik viza müraciətlərində intervyuda istifadə olunan dil əksər hallarda azərbaycanca olur. İşgüzar səfər üçün edilmiş viza müraciətində isə əsasən, ingilis dilinə üstünlük verildiyi görünür.

ABŞ Vizası Olmuş Şəxslər

Daha öncə ABŞ vizası olmuş şəxslər öncəki ABŞ vizalarının bitmə tarixindən bir il keçmədən yenidən eyni növlü vizaya müraciət edirlərsə, bu halda səfirlikdə yenidən görüşdə və intervyuda olmaqlarına ehtiyac qalmır. Onlar öz pasportlarını onlayn ödəniş etdikdən, ərizə formalarını tamamladıqdan sonra müraciətlərini “Aramex” şirkəti vasitəsilə edə bilərlər. Siz görüş götürmə sistemində əgər daha öncə ABŞ vizanızın olduğunu, bu vizanın bitmə tarixindən bir ildən artıq vaxt keçmədiyini və eyni növdə vizaya müraciət etdiyinizi qeyd etsəniz, bu halda sizə ödəniş etdikdən sonra açılan pəncərədə səfirlikdə görüş tarixləri yox, sənədlərinizi “Aramex” şirkəti vasitəsilə təqdim edə biləcəyinizlə bağlı detallar qeyd olunur. Siz pasportuzun orijinalı və köhnə ABŞ vizanızın surəti, şəxsiyyət vəsiqənizin surəti, onlayn ərizə formanızın təsdiqi, sizə görüş götürdüyünüz sistemdən təqdim olunan ödənişin qəbzini və “Aramexin” sənədləri qəbul edə biləcəyi ilə bağlı instruksiyalar sənədini çap edərək həmin şirkətə müraciət edə bilərsiniz. Bu halda adətən, müraciətinizdən sonra 3-5 iş günü ərzində sizə viza verilir və siz pasportunuzu yenidən “Aramex” şirkətindən geri götürə bilirsiniz. Ancaq bəzi hallarda səfirliyin sizi sonradan intervyuya dəvət etməsi də mümkündür. Yəni, bu prosedurla müraciət etdikdən sonra sizin viza müraciətiniz prosesdə olarkən səfirlik sizlə əlaqə saxlayaraq sizi intervyuya dəvət edə bilər. Bu hal sizin viza müraciətinizdə hər hansısa bir qeyri-müəyyənlik, sual ortaya çıxdıqda və ya konsulun şəxsi istəyi üzrə yaşana bilər.

ABŞ Vizası Alma Ehtimalı

Hər bir ölkənin viza müraciətində olduğu kimi ABŞ-da da sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin yaxşı olması, aylıq gəlirinizin standart maaş aralığından biraz yuxarı olması, bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) və bəlkə də ən əsası, səyahət tarixçənizin yaxşı olması sizin ABŞ vizasını alma şansınıza müsbət təsir göstərəcək ən önəmli faktorlardır. Ancaq ABŞ-ı digər ölkələrdən və səfirlikdən fərqləndirən ən əsas nüans intervyunun önəmidir. Belə ki, sənədlərinizin və profilinizin nə qədər qaydasında olub-olmamasından asılı olmayaraq, intervyudakı performansınız və cavablarınız sizin viza alma şansınıza yüksək dərəcədə təsir göstərir. ABŞ turizm vizasına müraciət etmək arzusunda olan şəxslərə əsasən, məsləhət görürük ki, ilk öncə səyahət tarixçələrini bir neçə Şengen, Avropa ölkələrinə və ya digər turistik sayıla biləcək ölkələrə viza alaraq və səyahət edərək yaxşılaşdırsınlar. Təcrübə göstərir ki, daha öncə əhəmiyyətli vizaları olmuş və səyahət tarixçələri yaxşı sayıla biləcək şəxslərin ABŞ səfirliyindən viza alma ehtimalı digərlərinə nəzərən qat-qat çoxdur. Turizm məqsədilə ABŞ-a getmək istəyən bir şəxsin daha öncə ölkəsinə daha yaxın olan və nisbətən daha asan viza alma proseduruna sahib Avropa ölkələrinə turizm üçün üz tutmaması konsulda müəyyən şübhələr yarada bilər. Ancaq bununla belə səfirlikdə konsulla girəcəyiniz intervyu məhz bu amilə də təsir göstərə bilər. Yəni təcrübədə səyahət tarixçəsi çox yaxşı olmasına baxmayaraq intervyusu uğursuz alınmış şəxslərin imtina aldığı və ya tam əksinə baş pasportla səfirliyə gedib yetərincə uğurlu keçmiş intervyu sayəsində konsulun inamını qazanaraq elə ilk müraciətindən ABŞ vizasını əldə etmiş şəxslərə tez-tez rast gəlmək olur. Ancaq yenə də hər bir halda yuxarıda sadaladığımız nüansların profilinizdə qaydasında olmağı sizi digər müraciətçilərdən bir neçə addım önə salır.

ABŞ-a Viza Dəstəyi

Biz Vizam.az şirkəti olaraq sizə ABŞ turistik viza müraciətiniz zamanı da yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə səfirlikdə sizin adınıza görüşün təyin edilməsi, onlayn DS-160 ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərizin və qalacağınız otellərin bron edilməsi və ya istəyinizə uyğun olaraq alınması, konsultasiya və intervyuya hazırlıq daxil olacaq. Biz sizi daha öncəki müraciətçilərimizə konsulla görüş zamanı verilən sualların siyahısı ilə tanış edə və bu suallara doğru şəkildə necə cavab verəcəyiniz, cavablarınızda, bədən dilinizdə və bu kimi psixoloji amillərdə hansı detallara xüsusilə diqqət yetirməli olduğunuz barəsində ətraflı məlumatlandıra bilərik. Bütün bunlar sizi digər viza müraciətçiləriylə müqayisədə ön plana çəkə və viza alma ehtimalınızı artıra biləcək faktorlardır. Qeyd edək ki, bizim şirkətimizdə ABŞ turizm viza dəstəyi xidmət haqqısı bir nəfər üçün 510 AZN təşkil edir.

Sifarişinizi yerləşdirmək üçün buraya klikləyə bilərsiniz. Əlavə məlumat üçün 010/50/55-3000135 nömrələri ilə əlaqə saxlaya bilərsiniz.

Əgər şansınız varsa, elə indi “Amerikan xəyalınızı” gerçəkləşdirməyin vaxtıdır! Xoş səyahətlər!

Yeniləndi: 22.01.2025

Oxşar yazılar:

Yunanıstan Şengen Vizası ilə Santorini və Mikonosa  Səyahət

Yunanıstan Şengen Vizası ilə Santorini və Mikonosa Səyahət

Yunanıstan dəniz mənzərələri, ağ rəngli evləri və unudulmaz gün batımı ilə məşhur olan adaları ilə turistlərin sevimli məkanlarından biridir. Xüsusilə Santorini və Mykonos, həm tətil etmək, həm də Yunanıstanın unikal atmosferini hiss etmək üçün ən yaxşı seçimlərdəndir. Əgər bu adalara səyahət etməyi planlaşdırırsınızsa, sizi gözləyən maraqlı təcrübələrlə tanış olun! Santorini – Gün Batımı və Tarixi […]

Vizam.az 02 aprel 2025
KLASSİK MUSİQİNİN BEŞİYİ: VYANAYA SƏFƏR ET

KLASSİK MUSİQİNİN BEŞİYİ: VYANAYA SƏFƏR ET

Dünyada bəzi şəhərlər var ki, onların adı çəkiləndə müəyyən sənət növləri və mədəniyyətlər dərhal ağla gəlir. Paris modanın, Roma incəsənətin, London teatrın mərkəzi olduğu kimi, Vyana da klassik musiqinin beşiyi sayılır. Avstriyanın paytaxtı əsrlərdir ki, dahi bəstəkarların ilham mənbəyi olub. Burada Wolfgang Amadeus Mozart, Ludwig van Beethoven, Johann Strauss kimi incəsənət dahiləri öz əsərlərini yaratmış […]

Vizam.az 02 aprel 2025
Albaniyaya Vizasız Səyahət

Albaniyaya Vizasız Səyahət

Albaniya, Balkan yarımadasının ən gözəl ölkələrindən biridir və Azərbaycan vətəndaşları üçün vizasız səyahət imkanı təklif edir. Arnavut qayalıqları, Adriatik dənizinin şəffaf suları və qədim şəhərləri ilə tanınan bu ölkə, həm təbiətsevərlər, həm də tarix həvəskarları üçün unudulmaz bir təcrübə vəd edir. Bu bloqda, Albaniyaya səyahət etməzdən əvvəl bilməli olduğunuz vacib məqamları ətraflı izah edəcəyik. Albaniyaya […]

Vizam.az 02 aprel 2025
Makedoniyaya Səyahət

Makedoniyaya Səyahət

Makedoniya, Cənub-Şərqi Avropanın ən gözəl və tarixə dərin izlər buraxmış ölkələrindən biridir. Yunanıstan, Albaniya, Kosova və Serbiya ilə sərhədləri olan Makedoniya, həm təbii gözəllikləri, həm də zəngin tarixi ilə turistləri özünə cəlb edir. Bu ölkə, müxtəlif mədəniyyətlərin və millətlərin qovuşduğu bir nöqtə kimi, həm qədim tarixi abidələri, həm də müasir həyat tərzini təklif edir. Makedoniya, […]

Vizam.az 28 mart 2025
Monteneqroya Vizasız Səyahət

Monteneqroya Vizasız Səyahət

Monteneqro, Cənub-Şərqi Avropada yerləşən və təbii gözəllikləri ilə məşhur olan bir ölkədir. Dəniz kənarında yerləşən bu kiçik amma möhtəşəm ölkə, hər il minlərlə turistin maraq mərkəzinə çevrilir. Azərbaycanlılar üçün Montenegroya vizasız səyahət imkanı isə bu ölkəni daha da əlçatan edir. Bu bloqda, Monteneqroya səyahət etmək istəyən Azərbaycan vətəndaşları üçün vizasız gediş-gəlişin şərtlərini, səyahətə hazırlıq prosesini […]

Vizam.az 28 mart 2025
Dubaya Vizasız Səyahət: Azərbaycanlı Turistlər üçün Bələdçi

Dubaya Vizasız Səyahət: Azərbaycanlı Turistlər üçün Bələdçi

Azərbaycan vətəndaşları üçün Dubaya vizasız səyahət imkanı, son dövrlərdə turizm və işgüzar əlaqələr baxımından böyük əhəmiyyət kəsb edir. Birləşmiş Ərəb Əmirliklərinə (BƏƏ) səfər etmək artıq çox asanlaşmışdır. Dubay, qlobal ticarət, turizm və mədəniyyət mərkəzi kimi tanınır, və bu şəhər, hər il minlərlə Azərbaycanlı turistin üz tutduğu bir yerə çevrilib. Bu bloqda, Azərbaycan vətəndaşları üçün Dubaya […]

Vizam.az 28 mart 2025
Misir Vizası ilə Piramidaların Sirrini Kəşf Edin

Misir Vizası ilə Piramidaların Sirrini Kəşf Edin

Misir, min illərlə tarixin izlərini daşıyan, mədəni irsi və unikal abidələri ilə məşhur olan bir ölkədir. Qədim Misir sivilizasiyasının beşiyi olan bu torpaq, həm turistlər, həm də tarix həvəskarları üçün cəlbedici bir məkandır. Misirə səyahət edənlər üçün ən məşhur yerlər arasında Giza Piramidaları, Böyük Sfenks, Luksor Məbədi və Qədim İsgəndəriyyə Kitabxanası kimi tarixi abidələr yer […]

Vizam.az 14 mart 2025
Sinqapur Vizası ilə Universal Studios Macərasına Hazır Olun

Sinqapur Vizası ilə Universal Studios Macərasına Hazır Olun

Sinqapur səyahəti planlayırsınızsa, Universal Studios bu unikal şəhərin görüməli yerləri siyahınızda mütləq olmalıdır. Həm ailələr, həm dostlarla səyahət edənlər, həm də tək səyahət sevənlər üçün ideal olan bu park, unudulmaz macəralarla doludur. Universal Studios-da Sizi Nələr Gözləyir? Universal Studios Singapore, Sentosa Adasında yerləşir və 7 fərqli tematik zonadan ibarətdir: Hollywood – Məşhur filmlərə əsaslanan səhnələr […]

Vizam.az 14 mart 2025
Çinə Səyahət: Çin Turist Vizasını Necə Almalı?

Çinə Səyahət: Çin Turist Vizasını Necə Almalı?

Çinə səyahət etmək istəyirsinizsə, öncə ölkənin zəngin tarixi və mədəniyyəti ilə tanış olmağa hazır olun. Çin, hər bir səfərdən unudulmaz təcrübələr qazanacağınız bir yerdir. Çinə səyahət etməzdən əvvəl, məqsədinizə uyğun viza növünü seçmək çox vacibdir. Çinin viza siyasəti genişdir və fərqli məqsədlər üçün müxtəlif viza növləri mövcuddur. Turizm, iş, təhsil və ailə ziyarəti bu məqsədlərdən […]

Vizam.az 13 mart 2025
Liverpuldan Edinburqa: Birləşmiş Krallığa  Viza

Liverpuldan Edinburqa: Birləşmiş Krallığa Viza

Birləşmiş Krallığa səyahət edərkən, bir çox fərqli mədəniyyət və tarixi təcrübə ilə qarşılaşacaqsınız. Liverpool’un musiqi və sənət şəhərindən, Loch Ness-in əfsanəvi sirrinə qədər hər bir məkan özünəməxsus xüsusiyyətlərə malikdir. Səyahətinizin sonunda isə Edinburgh’un tarixi küçələri və qədim qalaları, sizi digər mədəniyyətlərə, dövrlərə və hekayələrə apardığına inanacaqsınız. Bu şəhərləri və turistik məkanları ziyarət etmək üçün viza […]

Vizam.az 13 mart 2025