AFRİKANIN ƏN CƏNUBUNA SƏYAHƏT! CƏNUBİ AFRİKA RESPUBLİKASI VİZASI

Yeniləndi: 13 fevral 2025 5640 baxış 4 dəq. oxu

Afrika qitəsinin ən cənubunda yerləşən, qitənin tək İnkişaf Etmiş Ölkəsi statusunu daşıyan, paytaxt Keyptaun şəhəri, Yohannesburq şəhəri ilə, təbiəti və coğrafiyası, Atlantik və Hind okenaları sahilləri ilə, gündəlik həyatının əyləncələri və bir çox belə nüanslarla dünyada tanınan Cənubi Afrika Respublikası hər il 20 milyona yaxın turisti qonaq edir. Bu cənub nöqtəsi sizin də marağınızdadırsa və səfərinizi reallaşdırmaq üçün vizaya ehtiyac duyursunuzsa, viza ilə bağlı bütün məlumatları bu məqalədə tapacaqsınız.

Cənubi Afrika Respublikası Viza Növləri

Cənubi Afrika Respublikası ölkəsinə planladığınız səyahətinizi Cənubi Afrika Respublikası səyahət vizası əldə edərək reallaşdıra bilərsiniz. Bu viza növünə müraciət səbəbləri turizm, ailə və ya dostlara ziyarət, işgüzar səfər, tibbi müayinə və ya müalicə, qısamüddətli təhsil, mübadilə proqramları və buna bənzər bir çox daimi olmayan nüanslar ola bilər. Əgər siz Cənubi Afrika Respublikasında uzunmüddətli təhsil (bakalavr, magistr, doktorantura və s. kimi) almaq və ya burada yerləşən bir qurumda daimi işləmək istəyirsinizsə, həmin təhsil və iş qurumlarından rəsmi dəvət və ya qəbul məktublarınız olduğu təqdirdə Cənubi Afrika Respublikası milli vizasına da müraciət edə bilərsiniz. 

Cənubi Afrika Respublikası Turizm Vizası

Cənubi Afrika Respublikası vizasının təkgirişli və çoxgirişli növləri mövcuddur. Eyni zamanda siz yalnız ilk səfərinizi əhatə edəcək qısamüddətli vizaya və ya çoxgirişli və uzunmüddətli viza növlərinə də müraciət edə bilərsiniz. Bu, sizin səfərinizin məqsədindən və səfər intervalınızdan asılı olaraq dəyişir.

Qeyd edək ki, Cənubi Afrika Respublikası vizası müraciətçilərə, adətən, 3 ay ərzində 1 ay qalmaq hüququ verən və çoxgirişli statusu daşıyan viza təqdim edir. Ancaq vizanın etibarlılıq müddəti və statusu dəyişə bilir.

Cənubi Afrika Vizası Müraciəti üçün Sənədlər Toplusu

Cənubi Afrika Respublikası vizasına müraciət edərkən siz aşağıdakı sənədləri təqdim etməlisiniz:

  1. Xarici pasportunuzun orijinalı və birinci səhifəsinin surəti
  2. Əgər varsa, əvvəlki vizalarınızın və giriş-çıxış möhürlərinizin surətləri
  3. Şəxsiyyət vəsiqənizin surəti
  4. İş yerindən arayış* və əgər varsa, maaş kartından çıxarış (təhsil alan şəxslər üçün təhsil müəssisəsindən arayış*)
  5. Adınıza olan bank hesabından arayış* (Məbləğ barədə aşağıda detallı məlumat qeyd olunub)
  6. 2 ədəd 3.5x4.5 ölçüdə, ağ fonda şəkliniz
  7. Səyahətiniz üçün etdiyiniz aviabilet bronları
  8. Səyahətiniz üçün etdiyiniz otel rezervasiyaları
  9. İngilis dilində doldurulmuş ərizə forması
  10. Əgər turistik yox, işgüzar səfərlə bağlı vizaya müraciət olunursa, bu halda həmin iş, tədbir və ya görüşlə bağlı rəsmi dəvət məktubu
  11. Viza rüsumunun ödənildiyini təsdiq edən sənəd

Üzərində “*” işarəsi ilə qeyd etdiyimiz sənədlər səfirliyə ingilis dilində təqdim olunmalıdır. Əgər siz sənədin orijinalını ingilis dilində yox, azərbaycanca əldə etmisinizsə, bu halda mütləq şəkildə bu sənədlərin hər biri notarial qaydada ingilis dilinə tərcümə və təsdiq edilərək səfirliyə təqdim olunmalıdır.

Bank hesabınızdakı məbləğ sizin göstərdiyiniz səyahət tarixlərinizdən, yəni Cənubi Afrika Respublikasında qalacağınız müddətdən, bron elədiyiniz uçuş biletləri və otellərin qiymətindən və s. asılı olaraq dəyişir. Ümumilikdə məsləhətdir ki, bir həftəlik səyahət üçün bank hesabınızda minimum 4.000-5.000 AZN (eyni qaydada avro və ya ABŞ dolları ekvivalenti keçərlidir) aralığında məbləğ göstərəsiniz. Bu məbləğ sizin səyahət planınızı tam əhatə etməlidir. Məbləği hesablayarkən bilet və otel bronlarınızın qiyməti ilə ölkə ərazisində qalacağınızı göstərdiyiniz hər gün üçün ortalama 60-70 dollar gündəlik xərci cəmləyə və aldığınız rəqəmdən biraz daha yüksəyini nəzərdə tuta bilərsiniz.

Siz əgər, sahibkar kimi fəaliyyət göstərirsinizsə, iş yerindən arayışı əvəz edəcək sənədləri (VÖEN-in surəti, Vergilər Nazirliyindən dövriyyəniz haqqında verilmiş arayış) səfirliyə təqdim edə bilərsiniz. Əgər siz işləmirsinizsə, təhsil alırsınıza və ya hər bir halda səfərinizin xərclərini qarşılamaq üçün başqa bir şəxsi sponsor göstərirsinizsə, bu halda həmin şəxsin şəxsiyyət vəsiqəsinin surəti, iş yerindən arayış (əgər sahibkardırsa, yuxarıda sadalanan sənədlər), bank hesabından arayış və çıxarış (bu bank hesabı həm sizin adınıza, həm də sponsorun adına ola bilər), əgər ailəvi bağınız varsa, bunu təsdiq edən sənədi (məsələn, valideyninizdirsə, özünüzün doğum haqqında şəhadətnaməniz, qardaş və ya bacınızdırsa, ikinizin də doğum haqqında şəhadətnamələriniz və s.) və sponsorluq haqqında kağız səfirliyə təqdim olunmalıdır. Əgər müraciət edən şəxs 18 yaşdan aşağıdırsa, bu halda tək səyahət etdiyi halda hər iki valideynindən və ya valideynlərindən biri ilə səyahət etdiyi halda isə digər valideynindən ölkədən çıxmasına dair icazə sənədin surətini də viza müraciəti zamanı təqdim etmək lazımdır.

Qeyd edək ki, VÖEN, Vergilər Nazirliyindən dövriyyə haqqında arayış, və ya sponsorluq kağızı, icazə kağızı kimi sənədləri təqdim etdiyiniz halda da bu sənədlərin hər birini notarial qaydada ingilis dilinə tərcümə və təsdiq etdirməlisiniz.

Viza Proseduru

Viza müraciəti Cənubi Afrika Respubikasının ölkəmizdə konsulluğunun fəaliyyət göstərməməsi səbəbilə CAR vizası müraciətləri bu ölkənin Ankaradakı səfirliyinə edilir. Viza müraciəti zamanı səfirlikdə şəxsi iştirakınız mütləq deyil, sənədləriniz kuryer vasitəsilə də göndərilə bilər.

Viza rüsumu 33 EUR-dur. Lakin, bu rüsum bank transferi ilə edildiyi üçün əlavə olaraq 35 EUR bank köçürməsi rüsumu da ödənilməlidir. Sənədlər kuryer ilə göndərildiyi üçün əlavə olaraq kuryer xidmət haqqı da vardır.

Qeyd edək ki, Cənubi Afrika vizası üçün müraciət etmiş şəxslərin viza nəticəsi, adətən, 30 iş günü ərzində bəlli olur. Yalnız bu müddətə sənədlərin kuryerlə daşınması kimi detallar aid deyil.

Cənubi Afrika Vizası Alma Ehtimalı

Bütün ölkələrin səfirliyinə viza müraciəti edərkən olduğu kimi Cənubi Afrikada da sizin viza alma şansınız profilinizin hansı vəziyyətdə olmasından asılıdır. İş yerinizin və vəzifənizin normal olması, aylıq gəlirinizin standart maaş aralığında olması (təcrübədə 400-500 AZN aralığında aylıq gəliri olan şəxslərə viza alınması halı dəfələrlə yaşanıb), bank hesabınızda bütün səyahətinizi əhatə etməyə yetəcək qədər məbləğ göstərməyiniz, sizi ölkəyə bağlayan nüansların (adınıza mülkün olması, ailənizin və uşaqlarınızın olması) mövcudluğu və səyahət tarixçənizin olması sizin Cənubi Afrika vizası alma şansınızı artıran faktorlardır. Daha öncə səyahət tarixçəsi olmamış, yəni Şengen və ya digər viza sahibi olmayan şəxslər üçün Cənubi Afrika səfirliyi riskli səfirlik hesab olunmur. Təcrübəmizdə ilk vizalarını məhz bu səfirlikdən almış çox sayda müraciətçi olmuşdur. Əlbəttə, bunun üçün sizin digər bütün sənədləriniz qaydasında olmalıdır. Həmçinin, hər bir halda sizin daha öncə vizalarınızın olması Cənubi Afrika vizası alma ehtimalınızı yüksəldən faktorlardan biridir. 

Cənubi Afrikaya Viza Dəstəyi

Biz Vizam.az şirkəti olaraq sizə Cənubi Afrika Respublikası vizası müraciətiniz zamanı yardımçı ola bilərik. Əgər siz bizim viza dəstəyi xidmətimizdən istifadə etsəniz, bizim xidmətə ərizə formanızın doldurulması, sənədlərinizin peşəkar qaydada hazırlanması, səyahətinizi əhatə edəcək uçuş biletlərinizin rezervasiyası, otellərin bronu və ya istəyinizə uyğun şəkildə alınması, viza üçün səyahət tur planınızın qurulması, konsultasiya, viza prosedurunuzun izlənilməsi daxil olacaq. Bunlardan əlavə, biz sizə sənədlərinizin Ankaradakı səfirliyə kuryerlə çatdırılması və pasportunuzun geri qaytarılması, həmçinin viza ödənişinin edilməsi ilə bağlı da yardımçı ola bilərik. Bu əlavə xidmətin dəyəri 195 AZN təşkil edir. Həmçinin biz sizə sənədlərinizin notarial qaydada ingilis dilinə tərcümə və təsdiq olunması ilə də bağlı yardımçı ola bilərik. Hər bir sənəd üçün əlavə rüsum 16 AZN təşkil edəcək. Ümumi olaraq isə bizim şirkətimizdə Cənubi Afrika vizasına dəstək xidmət haqqısı bir nəfər üçün 245 AZN təşkil edir.

Sifarişinizi yerləşdirmək üçün buraya klikləyə, əlavə məlumat almaq üçün 010/50/55-3000135 nömrələri ilə əlaqə saxlaya bilərsiniz.

“Afrikanın ən cənubunda olmamışam” deməyin! Xoş səyahətlər!

Yeniləndi: 22.01.2025

Oxşar yazılar:

eSIM yoxsa Rouminq: Səyahətdə Sərfəli İnterneti Necə Əldə Edim?

eSIM yoxsa Rouminq: Səyahətdə Sərfəli İnterneti Necə Əldə Edim?

Səyahət edərkən internetə çıxış müasir dövrün ən vacib ehtiyaclarından biridir. Həm iş, həm də şəxsi səbəblərlə internetə çıxış etmək üçün müxtəlif həllər mövcuddur, amma ən çox qarşılaşılan iki seçim: roaming və eSIM-dir. Roaming xidmətləri adətən yüksək xərclərlə gəlir, amma eSIM texnologiyası, səyahətçilər üçün daha sərfəli və rahat bir alternativ təqdim edir. Bu blogda biz eSIM […]

Vizam.az 03 aprel 2025
Yunanıstan Şengen Vizası ilə Santorini və Mikonosa  Səyahət

Yunanıstan Şengen Vizası ilə Santorini və Mikonosa Səyahət

Yunanıstan dəniz mənzərələri, ağ rəngli evləri və unudulmaz gün batımı ilə məşhur olan adaları ilə turistlərin sevimli məkanlarından biridir. Xüsusilə Santorini və Mykonos, həm tətil etmək, həm də Yunanıstanın unikal atmosferini hiss etmək üçün ən yaxşı seçimlərdəndir. Əgər bu adalara səyahət etməyi planlaşdırırsınızsa, sizi gözləyən maraqlı təcrübələrlə tanış olun! Santorini – Gün Batımı və Tarixi […]

Vizam.az 02 aprel 2025
KLASSİK MUSİQİNİN BEŞİYİ: VYANAYA SƏFƏR ET

KLASSİK MUSİQİNİN BEŞİYİ: VYANAYA SƏFƏR ET

Dünyada bəzi şəhərlər var ki, onların adı çəkiləndə müəyyən sənət növləri və mədəniyyətlər dərhal ağla gəlir. Paris modanın, Roma incəsənətin, London teatrın mərkəzi olduğu kimi, Vyana da klassik musiqinin beşiyi sayılır. Avstriyanın paytaxtı əsrlərdir ki, dahi bəstəkarların ilham mənbəyi olub. Burada Wolfgang Amadeus Mozart, Ludwig van Beethoven, Johann Strauss kimi incəsənət dahiləri öz əsərlərini yaratmış […]

Vizam.az 02 aprel 2025
Albaniyaya Vizasız Səyahət

Albaniyaya Vizasız Səyahət

Albaniya, Balkan yarımadasının ən gözəl ölkələrindən biridir və Azərbaycan vətəndaşları üçün vizasız səyahət imkanı təklif edir. Arnavut qayalıqları, Adriatik dənizinin şəffaf suları və qədim şəhərləri ilə tanınan bu ölkə, həm təbiətsevərlər, həm də tarix həvəskarları üçün unudulmaz bir təcrübə vəd edir. Bu bloqda, Albaniyaya səyahət etməzdən əvvəl bilməli olduğunuz vacib məqamları ətraflı izah edəcəyik. Albaniyaya […]

Vizam.az 02 aprel 2025
Makedoniyaya Səyahət

Makedoniyaya Səyahət

Makedoniya, Cənub-Şərqi Avropanın ən gözəl və tarixə dərin izlər buraxmış ölkələrindən biridir. Yunanıstan, Albaniya, Kosova və Serbiya ilə sərhədləri olan Makedoniya, həm təbii gözəllikləri, həm də zəngin tarixi ilə turistləri özünə cəlb edir. Bu ölkə, müxtəlif mədəniyyətlərin və millətlərin qovuşduğu bir nöqtə kimi, həm qədim tarixi abidələri, həm də müasir həyat tərzini təklif edir. Makedoniya, […]

Vizam.az 28 mart 2025
Monteneqroya Vizasız Səyahət

Monteneqroya Vizasız Səyahət

Monteneqro, Cənub-Şərqi Avropada yerləşən və təbii gözəllikləri ilə məşhur olan bir ölkədir. Dəniz kənarında yerləşən bu kiçik amma möhtəşəm ölkə, hər il minlərlə turistin maraq mərkəzinə çevrilir. Azərbaycanlılar üçün Montenegroya vizasız səyahət imkanı isə bu ölkəni daha da əlçatan edir. Bu bloqda, Monteneqroya səyahət etmək istəyən Azərbaycan vətəndaşları üçün vizasız gediş-gəlişin şərtlərini, səyahətə hazırlıq prosesini […]

Vizam.az 28 mart 2025
Dubaya Vizasız Səyahət: Azərbaycanlı Turistlər üçün Bələdçi

Dubaya Vizasız Səyahət: Azərbaycanlı Turistlər üçün Bələdçi

Azərbaycan vətəndaşları üçün Dubaya vizasız səyahət imkanı, son dövrlərdə turizm və işgüzar əlaqələr baxımından böyük əhəmiyyət kəsb edir. Birləşmiş Ərəb Əmirliklərinə (BƏƏ) səfər etmək artıq çox asanlaşmışdır. Dubay, qlobal ticarət, turizm və mədəniyyət mərkəzi kimi tanınır, və bu şəhər, hər il minlərlə Azərbaycanlı turistin üz tutduğu bir yerə çevrilib. Bu bloqda, Azərbaycan vətəndaşları üçün Dubaya […]

Vizam.az 28 mart 2025
Misir Vizası ilə Piramidaların Sirrini Kəşf Edin

Misir Vizası ilə Piramidaların Sirrini Kəşf Edin

Misir, min illərlə tarixin izlərini daşıyan, mədəni irsi və unikal abidələri ilə məşhur olan bir ölkədir. Qədim Misir sivilizasiyasının beşiyi olan bu torpaq, həm turistlər, həm də tarix həvəskarları üçün cəlbedici bir məkandır. Misirə səyahət edənlər üçün ən məşhur yerlər arasında Giza Piramidaları, Böyük Sfenks, Luksor Məbədi və Qədim İsgəndəriyyə Kitabxanası kimi tarixi abidələr yer […]

Vizam.az 14 mart 2025
Sinqapur Vizası ilə Universal Studios Macərasına Hazır Olun

Sinqapur Vizası ilə Universal Studios Macərasına Hazır Olun

Sinqapur səyahəti planlayırsınızsa, Universal Studios bu unikal şəhərin görüməli yerləri siyahınızda mütləq olmalıdır. Həm ailələr, həm dostlarla səyahət edənlər, həm də tək səyahət sevənlər üçün ideal olan bu park, unudulmaz macəralarla doludur. Universal Studios-da Sizi Nələr Gözləyir? Universal Studios Singapore, Sentosa Adasında yerləşir və 7 fərqli tematik zonadan ibarətdir: Hollywood – Məşhur filmlərə əsaslanan səhnələr […]

Vizam.az 14 mart 2025
Çinə Səyahət: Çin Turist Vizasını Necə Almalı?

Çinə Səyahət: Çin Turist Vizasını Necə Almalı?

Çinə səyahət etmək istəyirsinizsə, öncə ölkənin zəngin tarixi və mədəniyyəti ilə tanış olmağa hazır olun. Çin, hər bir səfərdən unudulmaz təcrübələr qazanacağınız bir yerdir. Çinə səyahət etməzdən əvvəl, məqsədinizə uyğun viza növünü seçmək çox vacibdir. Çinin viza siyasəti genişdir və fərqli məqsədlər üçün müxtəlif viza növləri mövcuddur. Turizm, iş, təhsil və ailə ziyarəti bu məqsədlərdən […]

Vizam.az 13 mart 2025